ەل-ارنا قولفون نۇسقاسىنا ەنۋ Еларна қолфон нұсқасына ену


ەل-ارنا قولفون نۇسقاسى | "قولفون نۇسقاسىن ءتۇسىرۋ (Android)

Кірілше
جۇكتەۋ-البومىم-البومدار-جەلى
وسى توردى ساقتايمىن! | وسى توردى باس بەت ەتەمىن!

ءبىزدىڭ بايلانىس: elarna2012@gmail.com

Үш күнгы келушылер санағыКелген адам саны (IP)Көрілген бет саны (PWs)КомпйутерҚолфон
2019-12-111970784544 %56 %
2019-12-121633409037 %63 %
2019-12-13918262840 %60 %


تىركەلىڭىزدەر كىتاپحانا قوجالار تورابى البومدار قازاقتىڭ 1001 ەرتەگىسى

ءتۇرى: ەل-ارنا گازەتى | وسى ارادان ەلارنا گازەتىنىڭ بارلىق ماقالالارىن كورۋگە بولادى..

مەندە ال-ارناعا جازبا-ماقالا جازامىن، وندا وسى ارانى باسىڭىز!

جولدانعان ۋاقىتى: 07:01 - 2015/06/01

ماقالا جولداۋشى: Jolawshy
ماقالا اپتورى: Жұмаш Көкбөрі (Кенебай)
اپتوردىڭ مەكەن-جايى: Қазақстан Алматы қаласы
وسى ماقالانىڭ كىرىلشە نۇسقاسى، وسى ارانى باسىڭىز

Осы мақаланың кірілше нұсқасы, осы араны басыңыз



: PDF Download - Жұктеұ - Скачать - ءتۇسىرۋ

جۇماش كەنەباي (كوكبورى)
بىر ۇزىك وي توپتاماسى…
2. ادام جانىنىڭ قۇپيا كىلتى -
ۇناۋ مەن ۇناماۋ تۋرالى بايان
(بۇنىڭ الدىندا «بىرەۋگە بىرەۋدىڭ ايتقان اقىلى - سول اقىل ايتقان پەندەگە قونا قويار ما ەكەن، اۋەلى؟..» دەگەن ءبىر وي تولعاۋ جاريالانعانى بەلگىلى. بۇل سونىڭ ء2-سى دەپ ەسەپتەڭىزدەر)
بىزدىڭ قازاقتا: «بىرەۋدىڭ ءوزى ۇناۋى، بىرەۋدىڭ كوزى ۇناۋى مۇمكىن» دەگەن قاراپايىم عانا قالىپتاسقان ءسوز تىركەسى بار. ياعني، وسى ۇناۋ مەن ۇناماۋ - ەڭ الدىمەن سول «بىرەۋدەن» باستالسا كەرەك. ارينە، ءبىزدىڭ قازاعىمىزدىڭ «بىرەۋ» دەپ وتىرعانى - ادام. ۇناۋ دا، ۇناماۋ دا - ادامدار اراسىنداعى قارىم-قاتىناستى بىلدىرەدى. دەمەك، ادام بالاسىنىڭ بىر-بىرىمەن قارىم-قاتىناسى - وسى ۇناۋمەن نەمەسە ۇناماۋمەن ولشەنەدى دەگەن ءسوز. ارينە، بۇل ەكەۋى دە ناقتى ولشەم تارازىسى ەمەس. دەسە دە، ادامدار امالسىز وسى ولشەمگە تاۋەلدى بولاتىن سياقتى ما، قالاي؟..
...مىسالى، ءبىر جەردە ەكى ادام اڭگىمەلەسىپ وتىر دەيىك. ارينە، ولاردىڭ اڭگىمەسىنىڭ تاقىرىبى - الدە ءبىر ادام تۋرالى بولدى دەلىك. اڭگىمە قوزعاپ وتىرعانداردىڭ بىرەۋى:
-سونىڭ مىنەزى ۇنامايدى. نە نارسەنىڭ دە كولەڭكە جاعىن كورەدى،-دەسە، قارسى جاق:
-جوق، سەن ونى جاقسى بىلمەگەنسىڭ، ول شىن مانىندە دۇرىس ادام. ءبارىن ىشىنە ساقتايدى. سودان دا ونى بىلايعى جۇرت تۇسىنە بەرمەيدى،-دەپ داۋ ايتادى. ال، باستاپقى ادام بولسا، ايتقانىنان قايتپاي:
-سەنكى دۇرىس ەمەس. مەن دە بىلەمىن عوي. ول ۇنەمى بىرەۋگە تيىسپەسە، ىشكەن اسى بويىنا سىڭبەيتىن، ناعىز ءىشتار جان. سەن دە كىسى تانىمايسىڭ،-دەپ قويمايدى. تاعى دا قارسى جاق:
-ساعان ايتتىم عوي، ونى جۇرت تۇسىنبەيدى دەپ. ول نە ايتسا دا، كوزىڭە باسىپ تۇرىپ، ءوزىنىڭ ىشكى ويىن اشىق ايتادى. سودان بولار، كوپشىلىككە ونىڭ ايتقاندارىنىڭ بارلىعى دا ۇناي بەرمەيدى،-دەدى. تاعى دا قارسى جاق:
-سەن دە قويمايدى ەكەنسىڭ. ايتتىم عوي ساعان، سەن ونىڭ شىن مانىندە كىم ەكەنىن بىلمەيسىڭ. سودان كەيىن وسىلاي ايتاسىڭ،- دەپ مۇلدەم بەرىلەتىن ەمەس...
يا، ءسىز وسى قىسقا-قىسقا ءسوز الماسۋلاردان نە ءتۇسىندىڭىز؟
مەنىڭ ويىمشا ءسىز، ادامداردىڭ قاشان دا ءوز پىكىرلەرىنەن وڭايشىلىقپەن قايتپايتىنىن، سوسىن، ۇناۋ مەن ۇناماۋدىڭ ەشقاشان دا ىمىراعا كەلمەيتىنىن اڭعارعان بولارسىز.
تۇتاس ادامزات بالاسى دەپ، تىم استامشىلىققا بارماي-اق قويايىن. ايتەۋىر، ءبىزدىڭ قازاق بالاسىنىڭ ءوزارا قارىم-قاتىناسى - وسى ۇناۋ مەن ۇناماۋدان تۇراتىنى - ايداي اقيقات!
جاس عاشىقتاردىڭ بىر-بىرىمەن سۇيىسپەنشىلىگىنىڭ ءوزى وسى - ۇناۋ مەن ۇناماۋدان باستاۋ الادى. ەسسىز ماحاببات، العاشقى عاشىقتىق دەپ جۇرگەنىمىزدىڭ بارلىعى دا - ۇناۋ مەن ۇناماۋدىڭ جەمىستەرى. قازاق تاريحىنداعى، ءتىپتى، بارشا تۇرىك حالىقتارى تاريحىنداعى –«قوزى-كورپەش-بايان-سۇلۋ» عاشىقتىق حيكاياسىنىڭ ءوزى ۇناۋ مەن ۇناماۋدىڭ ناتيجەسى. قوزى مەن باياننىڭ ءوزارا ىنتىقتىعىن ايتپاعاننىڭ وزىندە، ولاردىڭ اكەلەرى سارىباي مەن قارابايدىڭ، قوزى مەن قوداردىڭ اراسىنداعى قاتىناس - بەلگىلى ءبىر دارەجەدە وسى ۇناۋ مەن ۇناماۋدان تۇرعان. قىز جىبەك پەن تولەگەن، ەڭلىك پەن كەبەك، قودار مەن اجار، قالقامان مەن مامىر، ت.ب. قازاق تاريحىنداعى ەكى جاس اراسىنداعى عاشىقتىق حيكالارىنىڭ بارلىعىنىڭ دا ءتۇپ قازىعى - ۇناۋ مەن ۇناماۋعا بايلانعان.
ۇلكەن ساياساتقا كەلسەك، تۇرىك تاريحىنداعى مىنا ءبىر قاسىرەتكە تولى وقيعانى الۋعا بولادى. ۇلى وسمان يمپەرياسىنىڭ ۇلى يمپەراتورى بايازيت سۇلتان مەن جارتى الەمنىڭ ءامىرشىسى، تۇرىك توپىراعىنان شىققان اقساق تەمىردىڭ بىر-بىرىنە ۇناماۋىنىڭ اقىرى - ءبىر-بىرىنىڭ اسكەرىن اياۋسىز قىرىپ، ءبىر-بىرىنىڭ باسىن الۋمەن اياقتالعانىن قالاي ۇمىتارسىڭ. وسى ەكى ادامنىڭ اراسىنداعى بىتىسپەس جاۋلىق - ەڭ الدىمەن ءجاي عانا بىر-بىرىنە ۇناماۋدان باستالعان.
ادامزات تاريحانداعى جاحاندىق سوعىستاردىڭ بارلىعى دا وسى - ۇناۋ مەن ۇناماۋدان تۋعان. وعان نەمىس پەن ورىستىڭ، جاپون مەن قىتايدىڭ، امەريكا مەن نەمىستىڭ، اعىلشىن مەن نەمىستىڭ، قىتاي مەن ۆەتنامنىڭ، ءۇندى مەن اعىلشىننىڭ ءوزارا كەسكىلەسكەن قان-توگىستەرگە بارىپ، ونىڭ اقىرىنىڭ دۇنيەجۇزىلىك سوعىستارعا ۇلاسقاندارىنىڭ قاينار باستاۋى دا وسى - ۇناۋ مەن ۇناماۋدان باستالعانى دالەل. مۇنداي مىسالداردى كوپتەپ كەلتىرۋگە بولادى...
ەر مەن ايەلدىڭ، اكە مەن بالانىڭ، اعايىن مەن تۋىستىڭ، رۋ مەن رۋدىڭ، دوس پەن دوستىڭ، دوس پەن قاستىڭ، كورشى مەن كورشىنىڭ، تۇتاستاي الىپ قاراعاندا، ۇلت پەن ۇلتتىڭ، حالىق پەن حالىقتىڭ، ەل مەن ەلدىڭ، مەملەكەت پەن مەملەكەتتىڭ، حان مەن قارانىڭ، باي مەن كەدەيدىڭ، قۇل مەن قۇلدىڭ، حاندار مەن حانداردىڭ، پاتشالار مەن پاتشالاردىڭ، دارىندىلار مەن دارىنسىزداردىڭ، ۇستاز بەن شاكىرتتىڭ، ءتىپتى، بار مەن جوقتىڭ، مەن مەن مەننىڭ، قوعام مەن قوعامنىڭ، زامان مەن زاماننىڭ، ءداۋىر مەن ءداۋىردىڭ، كوك پەن جەردىڭ، كۇن مەن ءتۇننىڭ، ساياسات پەن ساياساتتىڭ، جەڭىس پەن جەڭىلىستىڭ، ءومىر مەن ءولىمنىڭ، جاقسى كورۋ مەن جەككورۋدىڭ، ت.ب. قارىم-قاتىناستىڭ بارلىعى دا - ۇناۋ مەن ۇناماۋعا تاۋەلدى.
مەن كەيدە قاتارداعى ءبىر پەندە رەتىندە ويلايمىن، ويلايمىن دا، تومەندەگىدەي شەشىمگە كەلەمىن.
ادام بالاسىنىڭ قۇپيا كىلتى - وسى ۇناۋ مەن ۇناماۋدىڭ ىشىنە جاسىرىلعان شىعار دەپ. ەگەر كىمدە-كىم، سول اسا قۇپيا كىلتتى تاۋىپ السا، ادامزات جانىنىڭ قۇپياسىن سونىمەن اشسا، قاتارداعى ادامداردىڭ بىر-بىرىمەن جاۋلىعى تىيىلار ما ەكەن دەپ. قاراپايىم ادامدار اراسىنا ماڭگىلىك تىنىشتىق ورناسا، تۇتاس قوعامعا دا سول كۇن نۇرىن شاشپايما، جەر بەتى جۇماققا اينالماي ما دەپ.
يا، ازىرگە مەنىڭ بۇل بولجامىم - قيال مەن ارمان عانا بولىپ تۇر...
(جالعاسى بار)
جۇماش كەنەباي
27.01.2014 جىلى جازىلىپ،
01.06.2015 جىلى قايتا قارالدى.

قوسىمشا جۇكتەلگەن سۋرەتتەرى:

كەلۋ قاينارى: http://www.elarna.net/oku.php?tur=11&id=797

پىكىرلەر:


جازعان لەبىزىڭىز300 ارىپتەن اسپاسىن!
ادام نەمەسە ۋيروس ەكەندىگىڭىزدى تۇراقتاندىرۋ سۇراعى، كاتەكشەگە 99 دەپ جازىڭىز، راحىمەت!
98 + 1 = ? sozsiz sifermen tolteringiz.

ەل-ارنا ءوز گازەتى

ەڭ جاڭا ماقالالار


中国哈萨克语广播网 14 سەكوند
الماتىدان 541 شاقىرىم ق 18 سەكوند
Astana Hub ستارتاپتارى 3 مينوت
كوك بايراعىمىزعا دا تاۋ 10 مينوت
تۇركىستاندا تۇرعىن ۇيلە 10 مينوت
اعاجاي التاي تورى 10 مينوت
جوعارى مەكتەپ بىتىرگەن 10 مينوت
2020 - جىلعى كوكتەم مەر 10 مينوت
تيانشان تورى 10 مينوت
پرەدستاۆيتەلي رەليگيوزن 15 مينوت
قايىرىمدىلىق جارمەڭكەسى 15 مينوت
ءابىش كەكىلباەۆتىڭ ءومى 15 مينوت
رەسپۋبليكالىق ەپيزووتيا 20 مينوت
«س.عىلماني» مەشىتى 130 20 مينوت
LRT ءىسى: ەلوردا اكىمىن 24 مينوت
مات پوگيبلا، سپاسايا سى 1 ساعات
اعاجاي التاي تورى 1 ساعات
جاڭا جىلعى تىلەك | ادەب 1 ساعات
سەنىم جاشىكتەرى: سقو ست 1 ساعات
الاقاي! ورتا – باستاۋىش 1 ساعات
اشم اقتوبە وبلىسىنداعى 1 ساعات
قازىنا مينيسترلىگى قۇجا 1 ساعات
中国哈萨克语广播网 1 ساعات
تيانشان تورى 1 ساعات
سەمەيدە دومبىراشى روبوت 1 ساعات
اقان ساتاەۆ پەن ارۋجان 1 ساعات
قازاقستانداعى ۇزدىك كيى 1 ساعات
ءالىپبي نۇسقالارىنىڭ سا 1 ساعات
گرەتا تۋنبەرگتى Time جۋ 1 ساعات
ەلىمىزدىڭ ەرلەرى كوبىرە 1 ساعات