ەل-ارنا قولفون نۇسقاسىنا ەنۋ Еларна қолфон нұсқасына ену


ەل-ارنا قولفون نۇسقاسى | "قولفون نۇسقاسىن ءتۇسىرۋ (Android)

Кірілше
جۇكتەۋ-البومىم-البومدار-جەلى
وسى توردى ساقتايمىن! | وسى توردى باس بەت ەتەمىن!

ءبىزدىڭ بايلانىس: elarna2012@gmail.com

Үш күнгы келушылер санағыКелген адам саны (IP)Көрілген бет саны (PWs)КомпйутерҚолфон
2019-09-14785288944 %56 %
2019-09-151110375335 %65 %
2019-09-16000 %100 %


تىركەلىڭىزدەر كىتاپحانا قوجالار تورابى البومدار قازاقتىڭ 1001 ەرتەگىسى

ءتۇرى: ەل-ارنا گازەتى | وسى ارادان ەلارنا گازەتىنىڭ بارلىق ماقالالارىن كورۋگە بولادى..

مەندە ال-ارناعا جازبا-ماقالا جازامىن، وندا وسى ارانى باسىڭىز!

جولدانعان ۋاقىتى: 18:18 - 2015/05/21

ماقالا جولداۋشى: Jolawshy
ماقالا اپتورى: Мұсалы Ләйла Жұматайқызы, филология ғылымдарының кандидаты , Әл-Фараби атындағы ҚазҰУ-дың доценті
اپتوردىڭ مەكەن-جايى: АЛМАТЫ
وسى ماقالانىڭ كىرىلشە نۇسقاسى، وسى ارانى باسىڭىز

Осы мақаланың кірілше нұсқасы, осы араны басыңыз



: PDF Download - Жұктеұ - Скачать - ءتۇسىرۋ

سيمۆول - بەرنەلەۋ جانە قۇبىلتۋدىڭ وزگە تاسىلدەرى
كوركەمدىك تابيعاتىنىڭ كۇردەلىلىگىنە، ءمان-مازمۇنىنىڭ تەرەڭدىگىنە وراي سيمۆولدى كەڭ ماعىنادا دا، تار ماعىنادا دا قاراستىرۋعا بولادى. تار ماعىناسىندا، سيمۆول، ارينە، ەڭ الدىمەن - قۇبىلتۋدىڭ ءبىر ءتۇرى. و باستا قۇبىلتۋ امالدارىنىڭ ءبىرى رەتىندە قالىپتاسىپ، كوركەمدىك ويدىڭ دامۋى بارىسىندا قۇبىلتۋ شەگىنەن اسىپ، جيناقتاۋ قابىلەتى ارتىپ، ءبىرتۇتاس كوركەمدىك-ەستەتيكالىق قۇبىلىسقا اينالاتىنى بەلگىلى. سيمۆولدىڭ تابيعاتىن اشا ءتۇسۋ ءۇشىن ونى ءوز الدىنا جەكە ەمەس، وزىنە ەنشىلەس وزگە دە كوركەمدىك كاتەگوريالارمەن سالىستىرا قاراعان ءجون. جالپى، كوركەمدىك كاتەگوريالار - ادەبي تۋىندىنىڭ ساپاسى مەن قۋاتىن تانىتاتىن باستى كورسەتكىشتەر. ولاردىڭ اراسىندا بەلگىلى دارەجەدە ايىرماشىلىق تا، سوندااق قىزمەت بىرلىگى، مازمۇنداستىق سياقتى ۇقساستىقتار بولۋى دا زاڭدى. بۇل تۇرعىدا اسىرەسە، قۇبىلتۋ تۇرلەرىنىڭ ارا جىگى مەن بايلانىسى اسا كۇردەلى، سان تاراپتى قاتىناس، وسى كۇردەلى قاتىناستاردان كەلىپ كوركەمدىك تۇتاستىق تۋادى. پوەتيكالىق سيمۆولدىڭ وزىندىك تابيعاتى مەن ەرەكشەلىگى وزگە كوركەمدىك كاتەگوريالاردان ءارى اجىراتىلادى ءارى تىعىز بايلانىستى. كوركەمدىك تانىمنىڭ باستى شارتىنىڭ ءبىرى بولىپ تابىلاتىن قۇبىلتۋلار كوركەم شىعارمانى ورنەكتەۋشى امالدار عانا ەمەس، بەلگىلى دارەجەدە جازۋشى دۇنيەتانىمىنىڭ دا جەكەلەگەن كورسەتكىش-بىرلىكتەرى. ادەبيەتتانۋدا سيمۆول قۇبىلتۋدىڭ (تروپ) ءبىر ءتۇرى رەتىندە قاراستىرىلىپ كەلەدى. قۇبىلتۋ تۇرلەرىنىڭ ىشىندە كوبىنە سيمۆول مەن مەتافورانى تىعىز بايلانىستىرادى. بۇل تۇرعىدان تاعى دا ا.بايتۇرسىنوۆتىڭ پىكىرلەرىنە قۇلاق تۇرسەك. ء“سوز تالعاۋدىڭ شارتتارىنىڭ” ءبىرىن ء«تىل كورنەكتىلىگى» دەپ اتاپ، ونىڭ ادىستەرىن: 1. كورىكتەۋ 2. مەڭزەۋ 3. اسەرلەۋ دەپ جىكتەيدى دە، قازىرگى تروپ تۇرلەرىن كورىكتەۋ مەن مەڭزەۋ ادىستەرىنە جاتقىزادى. وسى كوركەمدىك تاسىلدەردى سارالاعاندا، جوعارىدا اتاپ وتكەنىمىزدەي، ءبىزدىڭ زەرتتەۋ وبەكتىمىزگە، ياعني سيمۆولعا “بەرنەلەۋ”تەرمينى جۋىق ەكەنىن بايقايمىز. ەندىگى جەردە نازار اۋداراتىن تاعى ءبىر ماسەلە: ا.بايتۇرسىنوۆ تەك بەرنەلەۋدىڭ ءوزىن عانا ايتىپ قويماي، ونىڭ بەينەلەۋمەن اراقاتىسىنا دا ءمان بەرگەن:“ ا) بەينەلەۋ. ءبىر نارسەدە بولمايتىن كۇيدى ەكىنشى نارسەدە بولاتىن كۇيدى كورسەتەتىن سوزبەن ايتۋ بەينەلەۋ بولادى. ...
...كوشكەندە كوشتىڭ كوركى، كوگەرشىنىم (شەرنياز) ۆ) بەرنەلەۋ. ءبىر نارسەنىڭ، كوبىنەسە، ادامنىڭ مىنەزىن، قۇلقىن، عامالىن ەكىنشى ءبىر نارسەنىڭ مىسالىندا كورسەتىپ ايتۋ بەرنەلەۋ بولادى.” دەپ انىقتايدى دا، وسى ەكى ءتاسىلدىڭ بايلانىسىن بىلايشا كورسەتەدى: “بەينەلەۋ بەرنەلەۋمەن اراسى جاقىن. بەينەلەۋ دە، بەرنەلەۋ دە ەكى ۇقساس نارسەنىڭ ءبىرىن ءبىرىنىڭ ورنىنا ايتۋدان شىعادى. بەينەلەۋ ۇلعايعاندا بەرنەلەۋگە اينالىپ كەتەدى” دەپ كورسەتىپ، ونى مىناداي ناقتى مىسالمەن دالەلدەيدى. “ماعجاننىڭ “شىن ايت”دەگەن ولەڭى دە بەينەلەۋدەن ۇلعايىپ، بەرنەلەۋگە اينالعان ءسوزدىڭ ءتۇرى بولادى. بەينەلەۋ مەن بەرنەلەۋدىڭ اراسىنداعى ايىرماسىن مىنادان كورۋگە بولادى. بەينەلەۋ مىسالى: جان ەركەم، مەن جۇرەمىن مىناۋ كۇيمەن،
بار ما ەكەن عاشىق جارىن مەندەي سۇيگەن،

سەن - ءبىر شام، اينالا ۇشقان مەن - ءپارۋانا
اينالىپ، الامىن دەپ وتقا كۇيگەن.
مۇندا “مەن - ءپارۋانا” دەگەننەن باستاپ، اياعىنا دەيىن بەينەلەۋ (مەتافورا- ل.م. ) بولادى. بەرنەلەۋ مىسالى:
وتقا ۇشار كوبەلەك
قاراماي سورلى الدى-ارتىن
ويىڭا كىرىپ شىقپايدى،
كۇيدىرەر دەپ وت-جالىن
بولىپ، ۇلعايتىپ ايتقاندا ءبۇتىن مىسالعا اينالىپ بەرنەلەۋگە اينالادى. بۇل ەكى مىسالدىڭ ەكەۋىندە دە ادامنىڭ كۇيىنىن كوبەلەككە ۇقساستىعى ايتىلادى. ول ۇقساستىعىن قىسقالاپ ايتقاندا، بەينەلەۋ بولىپ كەتەدى” [1، 358-359].
مىنە، وسىلايشا قازىرگى تىلمەن ايتقاندا، مەتافورا مەن سيمۆول (بەينەلەۋ مەن بەرنەلەۋ) اراسىن ا.بايتۇرسىنوۆ وتە تىعىز بايلانىستىرادى. مەتافورا “ۇلعايىپ، ءبۇتىن مىسالعا” اينالعاندا سيمۆول بولادى. ال جالپى، مەتافورا مەن سيمۆولدىڭ ۇقساستىعى تۋرالى ادەبيەتتانۋشىلار ۇنەمى ايتىپ كەلەدى. ق.جۇماليەۆ “ادەبيەت تەورياسىندا” سيمۆولدى تەڭەۋ ، مەتافورامەن قاتار الا وتىرىپ، “...تەڭەۋدە تەڭەلەتىن نارسە مەن تەڭەيتىن نارسەنىڭ ەكەۋى دە كوز الدىمىزدا تۇرادى. ءسوز مەتافورالىق ۇعىمدا قولدانىلسا، قۇبىلىستى كورسەتەتىن ءبىر ءسوز ارالىعىنداعى جاقىندىعى ارقىلى ەكىنشى سوزگە اۋىستىرىلادى. ال سيمۆولدا تەڭەۋدىڭ ءبىر عانا مۇشەسى بولادى. سول كەڭەيتىلىپ، جەكە وبرازعا اينالدىرىلادى...”دەگەن قورىتىندىعا كەلەدى. جوعارىداعى ا.بايتۇرسىنوۆ پەن ق.جۇماليەۆتىڭ پىكىرلەرى بەلگىلى دارەجەدە توعىسادى. ەكەۋىندە دە، سيمۆولدىڭ ۇعىمدىق-وبرازدىق ءورىسى كەڭ ەكەنى (ۇلعايعان.-ا.ب.، كەڭەيتىلگەن-ق.ج.) باسا ايتىلادى. زەرتتەۋشىلەردىڭ كوبىسى سيمۆولعا مەتافورالىق باستاۋ ءتان ەكەنىن ەسكەرتەدى. “ادەبيەتتانۋ تەرميندەرى سوزدىگىندە” سيمۆولعا بەرگەن انىقتاماسىندا ز.احمەتوۆ ونى اللەگوريامەن بايلانىستىرا قاراستىرادى. سونداي-اق مەتافورا، تەڭەۋ سياقتى سالىستىرۋلاردىڭ كوبىندە سيمۆولدىق ءمان بولاتىنىن ايتادى [2، 300]. ا. كۆياتكوۆسكيدىڭ “پوەتيكالىق سوزدىگىندە” سيمۆول مەن مەتافورانىڭ شەگىندەگى ارالىق قۇبىلىس رەتىندە سيمفورا اتتى كوركەمدىك ءتاسىلدى ءبولىپ كورسەتەدى. “سيمفورا - مەتافورالىق بەينەلەۋدىڭ ەڭ جوعارعى فورماسى، بۇندا سالىستىرۋدىڭ ارالىق زۆەنوسى ءتۇسىپ قالادى دا، زاتقا ءتان ەڭ سيپاتتى بەلگىلەر بەرىلەدى، ناتيجەسىندە تۋرا ناقتى اتالماعان زاتتىڭ وبرازى سول زات تۋرالى ۇعىممەن ساي كەلەتىن تازا كوركەمدىك تۇسىنىك بولىپ سەزىلەدى”[3، 264]. وسى انىقتامادا بىزدىڭشە، سيمۆولعا ءتان كوپ سيپاتتار دا قامتىلعان: زاتتىڭ وبرازى سول زات تۋرالى ۇعىممەن ساي كەلەتىن تازا كوركەمدىك تۇسىنىك دەگەن تۇجىرىم سيمۆولعا دا قاتىستى دەۋگە بولادى. سەبەبى، سيمۆول قاشان دا وبرازدان دا، مەتافورادان دا كەڭىرەك “تازا كوركەمدىك تۇسىنىك”.
سيمۆولدى مەتافوراعا وتە جاقىن قۇبىلىس دەگەنمەن دە، ولاردىڭ اراسىنا تەپە-تەڭدىك قويۋعا بولمايدى. ا.ف. لوسەۆ بۇل تۋراسىندا بىلاي دەيدى: «مەتافورا نەگە سيمۆول ەمەس. كەز كەلگەن مەتافورانىڭ وزدىگىنەن جەكە ماعىناسى بار، ەگەر ول باسقا ءبىر نارسەگە ەمەس، تەك وز-وزىنە عانا مەڭزەيدى. وزىنەن، ءوزىن جاساپ تۇرعان قۇرامىنداعى وبرازدىق ماتەريالدان باسقا بوتەن نارسەنى اتاي المايدى. ال سيمۆوليكالىق وبرازدىلىق بۇل تۇرعىدا، كەز كەلگەن مەتافورادان كەڭ دە باي، سەبەبى ونىڭ ماعىناسى وز-وزىمەن شەكتەلمەيدى، وزىنەن تىس، ءوز قۇرامىنا كىرمەيتىن باسقا، جاڭا ءبىر نارسەلەردى كورسەتەدى” [4، 201]. ەگەر وبراز مەتافورا فۋنكتسياسىنا كوشىپ جانە ول تۇراقتى تۇردە قايتالانۋ سيپاتىن السا، ءارى بۇعان قوسا وزىنەن تىس باسقا نارسەگە مەڭزەسە، ول سيمۆوليكالىق جۇيەنىڭ ىس-ارەكەت شەڭبەرىنە ەنىپ، سيمۆولعا اينالادى. دەمەك، بىزدىڭشە، سيمۆولدىڭ وبراز بەن مەتافورادان ءبىر ايىرماشىلىعى - ونىڭ تۇراقتىلىعى مەن قايتالانۋشىلىعىندا. دەپ تۇجىرىم جاساۋعا بولادى. سەبەبى مۇندا وبرازدىلىقتىڭ كۇردەلەنۋىن، مەڭزەۋ مۇمكىندىگىنىڭ ارتۋىن سيمۆولمەن بايلانىستىرادى.
سيمۆولعا ىرگەلەس تاعى ءبىر كوركەمدىك كاتەگوريا - اللەگوريا ەكەنى بەلگىلى. ادەبيەت تاريحىندا سيمۆوليكالىق-اللەگوريالىق سيپات العان كەيىپكەرلەر مەن تۋىندىلار بار ەكەنى بەلگىلى. اكادەميك ز.احمەتوۆ “مىسالى، گۇل - جاستىقتىڭ سيمۆولى، ال، كوگەرشىن بەيبىتشىلىك سيمۆولى رەتىندە الىنادى. بۇل جاعىنان سيمۆول تۇسپالداۋعا (اللەگورياعا) وتە جاقىن كەلەدى. تۇلكى بەينەسى ارقىلى قۋلىقتى، قۋ ادامدى، قويان بەينەسى ارقىلى قورقاقتىقتى، قورقاق ادامدى تۇسپالداپ ايتۋعا بولادى. ءبىراق، نە تۇلكىنىڭ، نە قوياننىڭ بەينەسى تۇسپالداۋ تاسىلىمەن جاسالسا، وندا شارتتىلىق باسىم بولادى، ولار ادامعا ءتان ارەكەت جاساپ، ادامشا سويلەپ كەتەدى”[3، 299] دەپ تۇسىندىرەدى. راسىندا دا، اللەگوريا - ابستراكتىلى ويدىڭ قانداي دا ءبىر مىسالمەن بەزەندىرىلۋى عانا، ال مۇنداعى وبرازدىلىق سۋبستانتسيالدى ەمەس، ادەيى جاسالعان جاناما سۋرەت. اللەگوريالىق وبرازدىلىق تەك قوسىمشا، قۇرىلىمدىق قانا وبرازدىلىق بولىپ تابىلادى. الدىمەن، اللەگوريا مەن مەتافورانىڭ اراجىگى تۋرالى قىسقاشا توقتالىپ وتسەك. مەتافورا اللەگوريادان ەكى تۇرعىدا اجىراتىلادى: 1) اللەگوريادا ەكى بولشەكتىڭ: دەرەكسىز ويلاۋ تەزيسى مەن وسى تەزيستى بەزەندىرۋ ماقساتىنداعى سۋرەتتىڭ تەڭسىزدىگى بايقالادى. ال مەتافورادا وسى ەكى بولشەك تۇتاستىق تاۋىپ، ءبۇتىن قۇرايدى. ول ەكەۋىن ءتۇسىندىرۋشى مەن تۇسىندىرىلۋشىگە بولۋدە ەش ماعىنا جوق. جوعارىداعى ز.احمەتوۆتىڭ پىكىرى ا.ف.لوسەۆتىڭ مىنا تۇجىرىمىمەن ۇندەسىپ جاتىر: “مىسالدا جان-جانۋارلار ادام داۋسىمەن سويلەگەندە، (مىسالى، تۇلكى مەن قارعا) مىسالشى قارعا مەن تۇلكى شىن مانىندە ادامشا سويلەپ، ادامشا تۇسىنىسەدى دەپ وتىر ما؟ جوق، ارينە. بۇل جەردە تۇلكى مەن قارعانىڭ تولىق سايكەستىگى مۇلدە جوق. قارعا مەن تۇلكى بۇل جەردە تەك قانا مىسال، تەك قانا يلليۋستراتسيا. باسنياداعى يدەيالىق-وبرازدىلىق اسا كوركەم سيپاتتالۋى دا مۇمكىن; ءبىراق مىسال ءبارىبىر سيمۆول ەمەس، تەك اللەگوريا. ونىڭ وبرازدىلىق قىرى بەلگىلى ءبىر يدەياعا جاسالعان يلليۋستراتسيا عانا، ال ول يدەيا عىلىمي نەمەسە قوعامدىق -ادەبي بولۋى مۇمكىن، ءبىراق كوركەم يدەيا ەمەس. اللەگوريادا ادەتتە، قانداي دا ءبىر دەرەكسىز وي بولادى، مىسالشى ونى قانداي دا ءبىر كوركەم تەڭەۋمەن سيپاتتايدى. ءبىراق وي كوركەمدىگى مەن وبرازدىلىقتىڭ اللەگورياداعى دەرەكسىز وي مەن زات ءۇشىن ەشقانداي ءمانى جوق. اللەگوريا نەگىزىنە الىنعان دەرەكسىز زاتتى مىسالشى كوبىنە وبرازدان بولەك، سول دەرەكسىز كۇيىندە ۇسىنادى. مىسالى، ريمدىك جازۋشى سەنەكانىڭ “اسقاباقتانۋ” (وتىكۆلەنيە) اتتى شىعارماسىنىڭ نەگىزىندە اقىماقتىققا پاروديا جاسايدى. ءبىراق بۇل اقىماقتىقتىڭ سيمۆولى ەمەس، اقىماقتىققا جاسالعان اللەگوريا عانا، سەبەبى، اسقاباقتىڭ اقىماقتىققا، اقىماقتىقتىڭ اسقاباققا ەش قاتىسى جوق. اسقاباق - بۇل جەردە اقىماقتىققا يلليۋستراتسيا عانا” [5، 137]. شىنىندا دا، مىسالدارداعى جان-جانۋارلار وبرازدارىنىڭ دا يدەيامەن (جالقاۋلىق، قۋلىق ت.ب.) كەيبىر جەكە عانا ۇقساستىعى بولعانىمەن، ول ۇقساستىق - تولىق سايكەستىك ەمەس، ول وقىرمانعا قانداي دا ءبىر دەرەكسىز يدەيانى لوگيكالىق تۇردە عانا ءتۇسىندىرىپ بەرەدى. ال شىن مانىندە، سول جانۋارلار ادامشا سويلەي المايدى، ەشقانداي مورال ايتا المايدى. دەمەك، بۇل جاساندىلىق، ويدان شىعارىلعان سايكەستىك، سوندىقتان ونىڭ ەموتسيونالدىق اسەرى دە از. ەندەشە، سيمۆول اللەگوريا دا بولا المايدى. قالىپتاسقان پىكىر بويىنشا، سيمۆول، ارينە - تروپتىڭ ءبىر ءتۇرى، ادەبيەتتەگى كوركەمدىك امالدىڭ ءبىرى رەتىندە سالىستىرۋ، وبرازدىلىق، سايكەستەندىرۋ، قۇبىلتۋ مۇمكىندىكتەرىنىڭ ءبارى سيمۆولدا ىسكە اسادى.
دەگەنمەن دە، سيمۆول - بارلىق باسقا امال-تاسىلدەردىڭ قىزمەتىن اتقارا وتىرىپ، قۇبىلتۋدىڭ باسقا تۇرلەرىنىڭ بارىنە دە ۇقساس كوركەمدىك امال بولا وتىرىپ، ولاردان اجىراپ شىعىپ، ءوز الدىنا دارا كوركەمدىك قۇبىلىسقا اينالادى. سەبەبى، سيمۆولدىڭ ىشكى قۇرىلىمىنداعى بايلانىستار جاي فورمالدى-لوگيكالىق قاتىناس ەمەس. مۇنداعى جالپى مەن جەكە بىرلىكتەردىڭ اراسىنداعى بايلانىس بەلگىلى ءبىر كوركەم زاڭدىلىقپەن جۇزەگە اسادى، ءتۇرلى ماعىنالىق رەفلەكسياعا ۇشىرايدى. سيمۆولداعى وبرازدىلىق اسا تەرەڭ جانە ونىڭ قىزمەتى ءومىرتانۋدىڭ جاڭا مودەلىن تۋدىرا الارلىقتاي ماڭىزدى. سيمۆولدا وزگە قۇبىلتۋ تۇرلەرىنە قاراعاندا مودەلدەۋشى-جيناقتاۋشى سيپات كۇشتى. باسقا قۇبىلتۋ تۇرلەرىندە قانداي دا ءبىر كوركەم يدەيانىڭ بەزەندىرىلۋى جاي مىسال تۇرىندە (اللەگوريا)، جيناقتاۋ كۇيىندە (تيپ)، سالىستىرۋ، سالعاستىرۋ (مەتافورا، پسيحولوگيالىق پاراللەليزم) تۇرىندە، ايقىنداي ءتۇسۋ تۇرىندە (ەپيتەت)، ايشىقتاۋ، اسەرلەۋ جولىمەن (فيگۋرالار) جۇزەگە اسسا، سيمۆولدا كوركەم وي يدەيالىق سۋگگەستيا تۇرىندە قويۋلانىپ، وبرازدىق قاتپارلار مەن ماعىنالىق تاراپتارعا شەكسىز اجىراي الادى. سوندىقتان دا، سيمۆولدىڭ وزگە قۇبىلتۋ تۇرلەرىنە قاراعاندا كوركەمدىك-ەستەتيكالىق قىزمەتى مەن ءمانىنىڭ سالماعى ارتا تۇسەدى. سيمۆولدى وزگە كوركەمدىك قۇرالداردان اجىراتۋ، دارالاۋ كەزىندە “جالپى ونەردەگى قۇرىلىمدىق-سەمانتيكالىق كاتەگوريالاردى اجىراتۋدا ولاردى ءوزارا بولەكتەنگەن مەتافيزيكالىق سۋبستانتسيا رەتىندە تۇسىنۋگە بولمايدى”[4، 159] دەگەن ا.ف.لوسەۆتىڭ كوزقاراسىن ەسكەرگەن ءجون.
پايدالانىلعان ادەبيەتتەر ءتىزىمى
1. بايتۇرسىنوۆ ا. اقجول. الماتى: جالىن، 1991
2. ادەبيەتتانۋ. تەرميندەر سوزدىگى (قۇراستىرۋشىلار ز.احمەتوۆ، ت.شاڭباەۆ)، الماتى: انا ءتىلى، 1998
3. كۆياتكوۆسكي ا. پوەتيچەسكي سلوۆار، موسكۆا، 1966
4.لوسەۆ ا.ف. پروبلەما سيمۆولا ي رەاليستيچەسكوە يسكۋسستۆو، موسكۆا: يسكۋسستۆو، 1976

كەلۋ قاينارى: http://www.elarna.net/oku.php?tur=11&id=768

پىكىرلەر:


جازعان لەبىزىڭىز300 ارىپتەن اسپاسىن!
ادام نەمەسە ۋيروس ەكەندىگىڭىزدى تۇراقتاندىرۋ سۇراعى، كاتەكشەگە 99 دەپ جازىڭىز، راحىمەت!
98 + 1 = ? sozsiz sifermen tolteringiz.

ەل-ارنا ءوز گازەتى

ەڭ جاڭا ماقالالار


بىشكەكتە بارىستى قورعاۋ 1 مينوت
وسى ارانى باسىپ كورىڭىز 11 مينوت
يران ايەلدەرى فۋتبول تا 16 مينوت
شامالعانداعى اپات: اۆتو 16 مينوت
الماتى وبلىسىنداعى جول 16 مينوت
ا كاكوۆ تۆوي ناماز؟! | 1 ساعات
الماتى وبلىسىنداعى جول 1 ساعات
شامالعانداعى اپاتقا قات 1 ساعات
قاراعاندى وبلىسىندا جاڭ 1 ساعات
پويىز بەن اۆتوبۋستىڭ سو 1 ساعات
باس كولىك پروكۋراتۋراسى 2 ساعات
"اقىرىنا دەيىن اۆت 2 ساعات
بوكستان الەم چەمپيوناتى 2 ساعات
بولاشاق وليمپياداعا اپا 2 ساعات
باس كولىك پروكۋراتۋراسى 2 ساعات
الماتى وبلىسىندا پويىز 2 ساعات
پويىز بەن اۆتوبۋستىڭ سو 2 ساعات
بوكستان الەم چەمپيوناتى 2 ساعات
پويىز بەن اۆتوبۋس سوقتى 3 ساعات
بوكستان الەم چەمپيوناتى 3 ساعات
ءدىني بىرلەستىكتەرمەن ب 3 ساعات
سەنبىلىك كەيىنگە شەگەرى 3 ساعات
قپل: «استانا» مەن «قاير 3 ساعات
پويىز بەن اۆتوبۋستىڭ سو 3 ساعات
باس ءمۇفتي سەنات توراعا 3 ساعات
پويىز بەن اۆتوبۋستىڭ سو 4 ساعات
الماتى وبلىسىندا جولاۋش 4 ساعات
الماتى وبلىسىندا جولاۋش 4 ساعات
كۇرەس تۇرلەرىنەن ءاچ: ا 5 ساعات
شينجياڭ حابارلارى شينجي 5 ساعات