ەل-ارنا قولفون نۇسقاسىنا ەنۋ Еларна қолфон нұсқасына ену


ەل-ارنا قولفون نۇسقاسى | "قولفون نۇسقاسىن ءتۇسىرۋ (Android)

Кірілше
جۇكتەۋ-البومىم-البومدار-جەلى
وسى توردى ساقتايمىن! | وسى توردى باس بەت ەتەمىن!

ءبىزدىڭ بايلانىس: elarna2012@gmail.com

Үш күнгы келушылер санағыКелген адам саны (IP)Көрілген бет саны (PWs)КомпйутерҚолфон
2019-11-134580823558 %42 %
2019-11-141757522045 %55 %
2019-11-15906334666 %34 %


تىركەلىڭىزدەر كىتاپحانا قوجالار تورابى البومدار قازاقتىڭ 1001 ەرتەگىسى

ءتۇرى: ەل-ارنا گازەتى | وسى ارادان ەلارنا گازەتىنىڭ بارلىق ماقالالارىن كورۋگە بولادى..

مەندە ال-ارناعا جازبا-ماقالا جازامىن، وندا وسى ارانى باسىڭىز!

جولدانعان ۋاقىتى: 14:57 - 2013/04/05

ماقالا جولداۋشى: كەتبۇعا2013
ماقالا اپتورى: مۇحتار بۇلعىن
اپتوردىڭ مەكەن-جايى: كۇنەس قارابۋرا ورتا مەكتەپ
وسى ماقالانىڭ كىرىلشە نۇسقاسى، وسى ارانى باسىڭىز

Осы мақаланың кірілше нұсқасы, осы араны басыңыз



: PDF Download - Жұктеұ - Скачать - ءتۇسىرۋ

كەزدەر كەلەر جىلقىنى مويىندايتىن
مۇحتار بۇلعىن
كىم يە ،كىم تاۋەكەل زارعا،مۇڭعا،
اتسىز جۇرە الماۋشەك قارعادىمعا.
ات مىنگەندى كورەمىن اندا- ساندا،
اندا - ساندا اۋىلعا بارعانىمدا .
جۇپىنىلاۋ توزىڭقى سايماندارى ،
كورىنبەيمە وسىدان تالعامدارى .
ات قورادا ،بوماسا،توشالادا،
ەر-تۇرماننىڭ كەرەكسىز قالعان ءبارى.
تۇزەتىمپاز ويىمدا جوققوي مەنىڭ ،
توزباس دەيسىڭ قاشانعى كوك كويلەگىڭ.
ەڭ الدىمەن سىرعاناپ كەتەدى ەكەن ،
جازىقتا ەمەس، دوڭ دە ەمەس ،بەتكەيدەگىڭ.
اتسىز جۇرگەن قازاقتىڭ ارتى ءمالىم،
تۋرا ايتۋدان كەي ءسوزدى تارتىنامىن.
اتسىز كۇننىڭ بارلىعى ارمانسىز كۇن،
تۇمان باسار تۇڭعىيىق اتىرابىن.
ۇرلەپ ۇرتتار ارينە كۇيگەن ەرىن،
جىلقىمەنەن تاعدىرىم بىرگە مەنىڭ .
وتقا تۇسسەم جىلقىمەن بىرگە ءتۇسىپ،
كورگە ەنسەم جىلقىمەن بىرگە ەنەمىن.


نەگە بۇلاي دەيسىڭ عوي؟ دالەلىم بار ،
توسىرقاماي الدىمەن سالەمىمدى ال .
ۇيگە كەلسەڭ شارالاپ قىمىز قۇيىپ،
جىر باستايتىن قىزعان سوڭ الەگىم بار .
سول الەك جىلقى اتاڭنىڭ سۇتىندە بار ،
جوق جەرىن ءارى قاراي بۇتىندەپ ال .
بەرسەداعى تىقپالاپ كوگەن الماي ...
ولەڭ العان قازاقپىز تۇسىندە ءدال.
جىلقى شىركىن جانۋار سيرەدىڭ بە ؟
اينالعاندا بۇل زامان گۇلدەنۋگە.
ات جالىندا ويناعان قايران ءداۋىر،
جىلقىمەنەن كەتتىڭ بە مۇلدە بىرگە.
مەن ءتىرىمىن ال ويتسە ويىمداسىڭ،
ساعان نۇكتە بىلەمىن قويىلماسىن.
كۇن تۋادى جىلقىسىز كۇن كورمەيتىن.
كەز كەلەدى جىلقىنى مويىندايتىن.
سوڭى




مەنى شىرماپ بۇعاۋلاعان بۇل نەدەگەن تىمىرسىق،
تىمىرسىقتان قۇتىلمادىم ءبىر جولاتا تىك ىرشىپ.
ساقتىق ەتتىم،سابىرىمدى سالقىنداتىپ ساپىرىپ،
امال قانشا ايار زامان بەرمەدى ءبىر تىنىشتىق.
قاسيەتتى قارا ورماندى ساتىپ كەتتى يمانسىز،
قاراجەرىم، قالايشا مول يمانسىزدى جيعانسىز.
قاراعايعا بەرىلەتىن مارتەبەنى قۇداي – اۋ،
شىرىك قامىس، قارا قوعا، ساسىق شوپكە قيعانسىز.
جاراسىمدى حالىق ءۇشىن كەرەك ەدى كوسىلىس،
قارا ورمانعا سۋ قاپتادى ...
قايران ءبىزدىڭ بەكىنىس!
سايىن دالا ساقارامىز سازعا اينالدى سورتاڭداپ،
قامىس پەنەن قارا قوعا جايقالا ءوستى – وكىنىش.
كۇندەر وتەر كۇمىلجىگەن قاراورماندا ەس جيار،
ادامداردان تۋار ءالى وڭ – سول بىلەر ەستيار.
داۋرەندەگەن شىرىك قامىس ،قارا قوعا ءداۋرى.
احيقاتقا امالسىزدان القا قوتان بەت بۇرار.
2008- جىل 8- ايدىڭ 19- كۇنى




قارىنداسقا
كوڭىلىمدى قارىنداس تۇسىندىڭ بە ؟
تۇرا بەرمەس جارقىراپ ءمۇسىن مۇلدە.
ءيت ،ءيتتىگىن ىستەيدى ەسەيگەن سوڭ،
ءسۇپ-سۇيكىمدى بولعانمەن كۇشىگىندە.
تاعدىرىنان ەشكىم جوق ، اسا الاتىن،
سول مەڭگەرەر جۇرەكتىڭ اساباسىن.
ماقابباتقا مايمونكە مۇمكىن ەمەس،
ۋاقىتتى شارا جوق، توسالاتىن.
بالاڭ ويمەن شىندىقتى سەزىنگەنىڭ،
(ءبارىن مۇمكىن ەتكەنمەن كەزىندە مىڭ.)
تايعا تاڭبا باسقانداي قالا بەرەد،
كوكرەكتە قولامتا، كوزىڭدە مۇڭ.
ارىنىڭدا باسىلار اقىرىندا،
مۇندالايدى ءبىر تۇيسىك اقىلىڭدا.
سەڭدەي سوققان سەزىمدەر كەتە بەرەد،
تەك ءدارمەنىڭ جەتەدى اھ ۇرۋعا .
بەكەر بولار ورتەنىپ وت شاشۋىڭ،
شەكەر بولار سەرتتەسىپ، قوشتاسۋىڭ...
اقىلمانى بولارسىڭ ءبىر اۋىلدىڭ،
ماقۇلمانى بولارسىڭ وتباسىڭنىڭ.
2008- جىل 12- ايدىڭ 16- كۇنى
ىشىنە ساپ شولمەكتىڭ ماقتانىشىن،
ۇمىت قويىپ ارمانى ،اتپالى ءىسىن.
ايدالاعا باقىتىن لاقتىرادى،
اراق دەگەن ارامدى تاپقانى ءۇشىن.
قيمايتىنى باردايىن شولمەگىندە ،
ەرتەگىدە سول بولدى ەرمەگىڭدە.
ەكى – ەكىدەن ەسىرىپ ، موتور ايداپ،
ەكى- ەكىدەن قىرشىندار جەرلەنۋدە.
كوك تيىنداي بال بالا ،باسپاناسى،
ول ارينە القاشتىڭ باستاماسى.
كوك وزەندەي كوسىلگەن تىرلىگىڭدى،
كولشىك سۋداي تارتىلتىپ تاستاماشى.

قاسيەتىن ايگىلەپ ازان اتتىڭ

ءورشىدى وزىمشىلدىك قۇز قامالى،
ءشوپ جۇلسا شوجەلەردە سىزدانادى.
ۇيىنەن اكەسىنىڭ اكەلگەندەي،
كىرۋگە بولمەسىنە قىزعانادى.
العانداي ايدى جۇلىپ اۋمەسەرلەر ،
ازعانتاي ۋماشىنا بۇلدانادى.
ءبىلىمدى ەمەس ۇقىقتى زور سىنادى.
رۋشىلدىقتىڭ كوڭ تەرگەن قويشىلارى.
ۇلتىن سۇيگەن جىگىتكە بۇعاۋ ءتۇسىپ،
رۋ سۇيگەن ايارعا جول شىعادى.
جاعىمپازدىڭ ءورىسى جاساڭ تارتىپ،
جاقسىلاردىڭ جەرىنەن سور شىعادى.
تەكتەمەيدى ءوزىمشىل ‹‹ تەزەگىندە ››،
ىلعي سوقپاق جاتادى كەزەگىڭدە.
‹‹ءوز ەلىڭدە ۇلتان بول›› دەگەن ماقال،
وشكىندەمەي سىرلانىپ بەزەنۋدە.
كەلىدەي تاسى اتتەگەن... ازاماتتىڭ،
ءبىر وكىنىش تۋلايدى وزەگىندە.
قاسقا جولدان قايمىقپاس قازان اتىڭ،
قاسيەتىن كورسەتەر ازاماتپىن.
تار ءورىسسشىل ،تار ماڭداي تاز كەپەشتەر،
جاساي الماس جاقسىعا عازاۋات مىڭ.
تەگەۋرىندى تەگىمدى كورسەتەمىن،
قاسيەتىن ايگىلەپ ازان اتتىڭ.

2009- جىل 3- ايدىڭ 11- كۇنى




قىزىلتالعا بارىپ تۇر
(ءان تەكىسى)
مەكەنىڭ سولاي قالىپ تۇر ،
قاراعىم مۇنى انىق ءبىل.
بالالىق كۇننىڭ ءىزى بار ،
قىزىلتالعا بارىپ تۇر.
كەزدەر- اي ،كەزدەر - اي
بالالىق شاقتىڭ ەسىڭنەن كەتپەس سوزدەرى - اي .
جانارىڭ شوقتاي جانىپ قۇر ،
قيماعان كوڭىل نالىپ تۇر.
جاستىقتان جالىن وت قالعان،
قىزىلتالعا بارىپ تۇر.
داۋرەن - اي ،داۋرەن - اي ،
اق باقابباتتىڭ كۋاسى بولعان ساۋلەم - اي.
ساعىنىش جاسى اعىپ تۇر ،
بارىندە جۇرەك تانىپ تۇر.
ارۋاققا ايات وقۋعا ،
قىزىلتالعا بارىپ تۇر .
ارمان - اي ، ارمان - اي ،
وتكەن كۇندەردىڭ بارىدە ۇمىت قالعان - اي .


ومىرلىك تاپسىرما
( 2009-جىلى تولىق ورتا تاۋىسقان وقۋشىلارىما ارنايمىن)
ءبىرىنشى ايتار تاپسىرما ، جەتىنشى ايتار جەرەبە ،
اعايىنعا استە قاس قىلما . قيالعا تاعدىر كونەمە .
قارا جەر تالاي دومالار ، قانداي ءبىر جەردە جۇرسەڭدە ،
كەزبەلى تىرلىك استىندا. جاقىن ءجۇر كىتاپ سورەگە .
ەكىنشى ايتار تىلەگىم، سەگىزىنشى ايتار سەرتىم بار ،
وزىڭشە ءومىر سۇرە ءبىل. ەڭ سوڭعى تۇلەك تولقىندار.
جىلايتىن جەردە جىلدا دا ، تۋعان جەرىڭمەن ماقتانىپ،
كۇلەتىن جەردە كۇلە ءبىل. تۋعان جەرىڭمەن تولقىڭدار.
ءۇشىنشى ايتار ءۇمىتىم، توعىزىنشى ايتار تولعام – وي،
كۇن كورمە جەكە كۇن ءۇشىن، قيىندىقتار ءالى جولدا عوي.
وقىعان ادام سياقتى، ماقساتقا جەتپەي جالتارما ،
جاعدايدىڭ سويلە دۇرىسىن. ناعىز وي بولار سونداعى وي.
ءتورتىنشى ايتار بازىنا ، ونىنشى ايتار كىشىلىك،
ار-ۇجدانىڭ بولسىن - قازىنا. كۇن كورەسىڭ كەڭىپ- قىسىلىپ،
ساباقتاسىڭدى ۇمىتپا، ۇستازدارىڭدى ۇمىتپا ،
ماس بولىپ بايلىق جازىعا. ءبىرىنشى بايلىق كىسىلىك.
بەسىنشى ايتار بەرەكە ، ون ءبىرىنشى ايتار ارمانىم،
بولماڭدار قاسقا كەلەكە. قۇرمەتىڭدە بولسىن تالعامىڭ.
قۇلدىقپەن كۇنىڭ وتسەدە ، سەنەندە شۋاق دارىسىن،
مىرزالىعىڭ بولسىن تورەشە. جىلۋلىق سەزىپ جان- جاعىڭ.
التىنشى ايتار اقىلىم، ون ەكىنشى ايتار باس-پانا ،
رەنجىمەسىن جاقىنىڭ. ماقاببات تا اردان اتتاما .
ءوز دەڭگەيىندە جۇرە ءبىل، جىلۋلىق سيلا ۇيىڭە ،
ۇلكەندىك-كىشى ساتىنىڭ. جالتاقتاي بەرمەي باسقاعا.
ومىرلىك وسى تاپسىرما ،
ورىن جوق ، جانسىز ، قاشقىنعا .
ۇلتىڭدى ساتپا، ۇلانىم،
رۋشىل دەرتپەن اسقىن با ؟!
2009- جىل 5- ايدىڭ 26- كۇنى
قوزداعان جابىق جارا بار...

رۋشىل ،كۇنشىل ،ميمىرتتىق، باسقا دا كوزگە سابالار،
ميىڭا شانشۋ اكەلەر. تاباشىڭ ءوزىڭ بولعاندا.
كوك كويلەككە عانا رازى ، وسىدان سەلكەۋ تۇسەدى،
كوسەمسىپ جۇرگەن كوكەلەر. ۇلت سۇيگىش ۇزاق ارمانعا.
اۋ تولى بالىق اۋلاساڭ، ءسال اسسا، استام سويلەيدى،
العاندايسىڭ تارتىپ باسقادان. اقىماق كورىپ قول استىن.
ايارلىق قىلعان ۇتىپ ءجۇر ، كەبىنىن كيىپ بارامىز،
ارامزالار نۇسقاپ ، ماقتاعان. مولدانىڭ ەمەس موناقتىڭ.
سەرىلىك ىستەپ قايتەسىڭ، تىڭ دالام مەنىڭ تىڭ دالام،
سەرمەرگە قۇرىق جەتپەسە. تىمىرسىپ كۇيىپ باراسىڭ.
بەس قارۋىڭ بەكەر عوي، ازاماتتىق جۇيكە السىرەپ،
ءزالىمنىڭ قولى ەپتەسە. اقىلدان كەيدە تاناسىڭ.
ءتاتتىنىڭ ءىشى قىشقىلداۋ، ايتارى جوقتاي اقىننىڭ ،
تاڭدايىڭ ءجىبىپ تامسانساڭ. جاي اۋەنگە ىلعىي سالاسىڭ.
ارامزالار بىرگە كەلەدى، ايىرار پەندە قالمادى ،
اق كوڭىلدەردى قارسى الساڭ. وڭ،سولىن ،اق پەن قاراسىن.
تىنبايتىن سىزىق بۇل ءومىر، ميتىڭداپ جۇرگەن مىڭ قازاق ،
تيتىقتاپ بارىپ تاۋسىلار. كىم اشار دەيسىڭ ساناسىن؟
ءبىزدىڭ دە ەركىن ازاتتتىق، قينالعانداردىڭ كىم جازار؟
كۇن كورەتىن كەزدەر بار شىعار. قوزداعان جابىق جاراسىن.
2009- جىل 6-ايدىڭ 3- كۇنى (ءتۇس)
بالا
اسىلءسوزدى ،اسقار ويدى جيناعان،
بالا ءۇشىن باسىن يگەن بۇل عالام.
ايعادا شىق، ارستوتەل، شىڭعىس بول،
ۇرپاق كەرەك،ارتتا قالىپ قيماعان.
سەزىمىڭدى جالعاۋ ءۇشىن ەرتەڭگە،
كەرەك ەمەس، كەربەز مانساپ، مول تەڭگە.
بالاسىمەن بايان تاۋىپ جاتادى،
ۇپ- ۇقساس بوپ ءاز ماڭداي مەن كور كەۋدە.
تىنشىمايدى بالاسىز وي تىعىرعا،
بالا ءۇشىن باتساقتا مىڭ شىعىنعا.
بالا ءۇشىن باقىت ىزدەپ شارشايىق،
تىرىسايىق،ءتىل جەتكەنشە سىبىرعا.
ال مەندەگى ۇلان – قايىر ارمانىم،
ول بولسا بۇل، جانىمداعى ءمارمارىم.
بالام ءۇشىن، جان جۇرەگىم جانپيدا،
ودان وزگە جوققوي مەنىڭ ارمانىم.





اسىل شابىت
اكەمىز ءوز داۋرىنىڭ اۋىل اراسىنداعى بەتكە باسار مال شيپاگەرى ەدى. سوندىقتان دا بولار اكەمىزدىڭ استىنان جاقسى ات ءۇزىلىپ كورگەن ەمەس .اسىرەسە ءبىز ەس جيعالى ماڭدايعا باسقان ەكى بايگە اتى بولدى ، ءبىرەۋى ايعىر جالدى سيىر قۇيمىشاقتاۋ باسقا اتتاردان كەسەر باسى بيىك جۇرەتىن سارباۋىر قارەگەر بولسا ،ەكىنشىسى سۇلىكتەي سۇلۋ، قاز مويىن قارا ات ەدى .
اكەمىزدىڭ ەكى اتىنا بولعان ىقىلاسى بولەكشە ەدى ،الايدا كەشكى بۇلاقتان سۇراۋدا ەكى اتتى اعام ەكەۋمىزگە مىنگىزىپ، ات سۇعارۋعا جىبەرەتىن ويناقتاپ بارىپ،جايناقتاپ قايتاتىن سول ەكى اتتىڭ ۇستىندە بالالارعا بىتكەن ريزاشىلىق پەن پاڭدىق ،تاكاپارلىق تا بىزدەن ەرەكشە مەن مۇندالاپ تۇرۋشى ەدى.
ەكى بايگە ات ءار جىلعى ماي تويىندا ون كيلومەتىر مەن جيرما كيلومەتىرلىك جارىستاردا جالعىز قارا بولىپ كەلۋشى ەدى. ات ۇستىندە اق جەيدەمىز جەلبىرەپ، ماڭدايىمىز جارقىراپ،ءبىزدە ءبىر جاساپ قالاتىنبىز .
سول ەكى اتتىڭ الدىنا قارا سالماي كەلەتىن بايگەلىگى، ءبىزدىڭ دە ءومىرىمىز بەن تۇرمىسىمىزعا ۇلكەن وزگەرىستەر اكەلگەنىن كەيىندەپ، ەتەك جەڭدى جيعاندا بارىپ ءبىلىپ جۇرگەنىمىز بولماسا ،تەك ول ۋاقىتتا ، ەس كەتە ەلىكتەۋمەن عانا وتە بەرگەنىمىزدى قايدان بىلەيىك. اعام ەكەۋمىز ءار رەت مەكتەپتەگى جەڭىل اتلەتيكا جاياۋ جارىسىندا، جانىمىزدى سالىپ جۇگىرەمىز،الدىعا شىقپاي قويمايمىز. ساباق بولسادا كلاستاعى ەڭ ءبىرىنشى قاتاردى الماي تىنىم تاپپاۋشى ەدىك .
اكەمىزدەن تىم ەرتەرەك ايىرىلىپ قالدىق ، الايدا ونىڭ ات جۇگىرتكەن ءارى سول اتتارعا ءبىزدى مىنگىزىپ شاپقىزعان ۇنسىز ەستەتيكاسى ،قاراپايىم ونەگەسى ءارقانداي كەۋدەسىن ۇرعان پەداگوكتەردەن كەم سوقپادى دەپ ويلايمىن . ءبىر جىل وتىرىپ اقىل ايتقاننان بىيتتەي ءىس بولسادا ءومىر ۇيرەتكەن ،اماليات ارقىلى كورسەتكەن ونەگە - ۇلگى مىڭ ارتىق دەگەندى ورتاعا قويار ەدىم. ەرتەلى –كەش بالالارعا:‹‹ جاقسى تۇر، جاقسى ءجۇر››-، دەپ جاراپازانداي بەرگەنشە ، ءوز ءومىرىڭنىڭ ەرەكشەلىگىمەن ۇرپاقتىڭ كوزىنە ءتۇسۋىڭ ونەگە – ۇلگى كورسەتۋىڭ قانداي عانيبەت دەشى. قازىرگى الەمدەنۋ كەزىندەگى وقىتۋدىڭ نەگىزگى ارناسى ،جاڭا ساباق رەفورمامىزدا وسىنداي نازاريانى اماليات ارقىلى وقۋشىنىڭ كوكەيىنە ۇيالاتۋ كەرەكتىگى دالەلسىز شىندىققا اينالىپ وتىرعانىن ۇرپاق تاربيەلەپ وتىرعان كىم – كىمدەرگە بولسادا اسەر ەتەر دەگەن ويدامىن.

كولەڭكە جاندار كوبەيدى

اش ءيتتىڭ جولىن ۇستاعان،
ازاپقا جانى شاراسىز.
باستىققا ىستىك ۇشتاعان،
كولەڭكە جانعا نالاسىز.
تورعىن كويلەكتەي سۋسىلداپ،
قيمىلعا قاراي جۇگىرگەن.
تۇيرەۋىش بولىپ تىڭ تىڭداپ،
ىڭعايلى جەرگە بۇگىلگەن.
ماڭعازسي باسسا باسەكەڭ،
مامىرلاپ باعىپ قاس – قاباق.
دەمەيدى كارى جاس ەكەن،
ارت سۇرتۋگە دە ءتاس قالاد.
ارناسى ءبىر توپتاسقان،
تىعىنداپ جۇتقىر كومەيدى.
ۇقىعى باردان دوس تاپقان،
كولەڭكە جاندار كوبەيدى. 2011-6-13

ءان سالماي ءجۇر اۋىلىمنىڭ سىرتىنان

ايعىز ءاجىم ، قارا كوزگە سىر تۇنعان،
ماقابباتى باياعىدا-اق جىرتىلعان.
جاماۋ- جاسقاۋ جۇرەگىڭدى قولعا الىپ،
ءان ساپ ءجۇر دەپ ەستىدىم مەن سىرتىمنان.
ءانىڭ اسقاق، كۇيىڭ شەرلى بولعانمەن،
ورتاقتاسا الماسپىن مەن ولجاڭمەن.
باتىراش- قۇز، بايماعانبەت – سۇمدىعىڭ،
شىعا كەلەر بەتكە شىن دەپ قويعانمەن.
اۋلاق جۇرگىن قىرمانىمدى ساپىرماي،
ارىم تازا، ارمان اسقاق ، اقىل ءجاي.
ون سەگىز جوق شاڭ كورىنسە شاباتىن،
قويماسپىن مەن قىت- سىلتىڭا ماقۇلداي.
ايعىز ءاجىم، قارا كوزگە سىر تۇنعان،
ماقابباتى دودا- دودا جىرتىلعان.
ديۋاناداي جاۋلىعىڭدى قولعا الىپ،
ءان سالماي ءجۇر اۋىلىمنىڭ سىرتىنان. 2011-6-15

جاقسى ۇستاز

ۇزاتىپ سالىپ ۇلكەنىن،
قارسى الىپ جاڭا ءوسپىرىم،
كۇندىزى زارلاپ جاق تالىپ،
كوز مايىن تاۋسار كەشقۇرىم.
ءبىر تۋعان ، اتا- اناداي،
بەرىلىپ ىنتا- شىنتاسى.
ۇمتىلىپ كەيدە كەتەدى ،
جانىنا باتقان سىرقاتى.
ۇرپاقتىڭ قامى مازالاپ،
پەندەلىك ويعا مۇرسا جوق.
شىمىرلاپ اعىپ جاتادى،
وركەنىم كوكتەپ تۇرسا دەپ.
وسىنداي جاندى تۇسىنەر،
جەتكەن سوڭ شاكىرت شامالى،
اق سامايلارى ۇستازدىڭ،
اڭساعان ارمان ايانى.
مەيرىمگە تولى نۇرلى كوز،
الىستى نۇسقار باعدار شام.
جانىڭا شۋاق قۇيادى،
جاقسى ۇستازدى اڭعارساڭ. 2011-6-15

شىلىقتى جاۋ

تىنىشتىعىڭ جانىڭا پانا بولعان،
كۇزەتەسىڭ اۋىلدى ارا قونعان.
قارايسىڭ-اۋ جاتىرقاپ جالبىزبالاپ،
كولىك كۇتكەن جاندايىن قارا جولدان.
كەزدەرىڭ كوپ ىقتاعان، تىنىستاعان،
ساعان استە ۇناماس قۇرىش قادام.
قۇرباقانىڭ تىرلىگىن مىسە تۇتىپ،
قۇلانداردىڭ قۇلاۋىن ۇلىقتاعان.
سابىرلىسىڭ ، سابازسىڭ جاي قاراسام،
(ارقا – جارقا وزىڭمەن ايمالاسام.)
تاباشىعا جارايسىڭ و، داريعاي.
ءسال ءسۇرىنىپ جولىمنان تايعاناسام.
ۇمتىلعاندا جاي كەزدە ورگە مەندەي،
كۇن تۋعاندا كەتەسىڭ كولدەنەڭدەي.
جاڭالىعىم كورىنسە جايباراقات،
وتەسىڭ - اۋ قاسىمنان كورمەگەندەي.
بولا كەتسەڭ ال كەيدە ىيىقتىلاۋ،
كورسەتەسىڭ رايلى تۇيىق قىراۋ.
جالت ەتكەندە كورىنەر جارىلقار دوس،
قالت ەتكەندە بولادى شىلىقتى جاۋ. 2011-3-9

ساقتىق داعدىسى

بولساداعى جاقىندىق تاياق تاستام،
پەندەلەردەن ساق بولعاي ساناپ باسقان.
كوزدىڭ جاۋىن العانمەن سىرت تۇلعاسى،
جالعان دۇنيە الدايدى قوراپتى اشساڭ.
تىندىرعانداي جۇرەدى بىردەڭەنى،
‹‹ ءيتتىڭ ءىشى ›› تارىزدى بىلمەگەنى.
ارتقى قارا تاقتاداي وراي باعىپ،
اپتا سايىن، اي سايىن تۇرلەنەدى.
بەلينكوۆتىڭ باپ كەلگەن قالىبىنا،
باس يزەيسىڭ امالسىز‹‹ الىبىڭا ››.
قۇرىق سالساڭ بويلاماس قۋلىعىنا،
سۋ جۇقپاستىڭ ءدال ءوزى ساۋرىنا.
ماقابباتى اسقىنعان تەڭگەسىنە،
شار تاراپتان يسكەيدى كوپ نەسىبە.
جاقىنىندا تاستايدى ايدالاعا،
جارتى كۇلشە نان ءۇشىن بەلدەسۋدە.
ءمىن تاعا الماس جاي كوزىڭ كەلبەتىنە،
ءبارى ورنىندا ءباس تىگەم سەزبەسىڭە.
ءوزى ءۇشىن ورمانعا وت قويادى،
ءوزى ءۇشىن ۋ شاشار كول بەتىنە.
ورىندالماي ماقساتى توقتامايدى،
كەرەك بولسا ۇجدانىن بوققا ورايدى.
باس پايداسى شەشىلسە بولعانى تەك،
وتان، ۇلتتىڭ نامىسىن جوقتامايدى.
بولساداعى جاقىندىق تاياق تاستام،
پەندەلەردەن ساق بولعاي ساناپ باسقان.
التىن ارتىپ قويساڭدا ارقاسىنا،
تاستامايدى ادەتىن توناپ قاشقان.
تۇرتپەكتەۋ

وتىن الساڭ قۋراي بولىپ كورىنگەن،
ال سۋ الساڭ ىلاي بولىپ سەزىنگەن.
احيقاتقا جاقىنداساڭ جازعىرىپ،
اقىماققا جالىقپايدى تەلۋدەن.

سىن ساعاتتا وتقا ۇستاپ كۇيدىرىپ،
كۇلگە تاستار وزىندە قاپ يگىلىك.
از قالادى ارىزدانساڭ جۇتۋعا،
ءماز بولادى جاتساڭ جىلاپ، شىڭعىرىپ.

قايشىلىققا شىرمالايدى جولىڭدى،
لاقتىرعىزىپ يىتكە جىلى تونىڭدى.
سيلىعىڭدى ءىيت جىعىس قىپ بەرەدى،
جازالاۋدا تاسپا ءتىلىپ جونىڭدى.

ىلعي سەنى پايداسىنا جىعادى،
وزا شاۋىپ ماستەگىمەن بىلايعى.
جۇيەلەسسە توزاق بەرىپ وزگەگە،
ەكىلەنبەي بەيىشىڭە شىعادى.

ءوز ىعىنا كەلتىرەدى ءجونىڭدى،
بۇيىرادى ىندىنىنا كونۋدى.
شىدامايسىڭ تۋلاپ شىعا كەلەسىڭ،
قانشا قالىڭداتساڭداعى ءتوزىمدى.

ال سوناسوڭ پالە – قازا ەنشىڭدە،
بار قيسىنىڭ اينالادى جونسىزگە.
ار ارقالاپ قاشقان سايىن سوققىلاپ،
سەنى جىقپاي كەلىسىمگە كونسىنبە .

كونە سۇردەك احيقاتتار جاڭعىرىپ،
قاتار جۇرگەن قۇبىلىس پەن ماندىلىك.
ادامزاتتان تازارمايما دەپ قورقام،
تۇرتپەكتەۋمەن قىلمىس تابۋ ماڭگىلىك.
2011- 10-10

ايتۋرالى احيقات

ايعا باتا جاساپ ىلعي،
اماندىقتى سۇراعان.
اۋىلىمدا ءبىر دانا بار ،
داستۇرىڭە قۇلاعان.
اي پازاسى زاڭدىلىعى،
وعان باتا نە كەرەك.
جەردىڭ شارىن شىر اينالعان،
جەلگە ۇشقان كوبەلەك.
ەرتەدەگى قۇراپيلىق،
ءسابي كەزى سانانىڭ.
دەپ ءبىلىمسىپ قارتقا بىردە،
مىسقىلمەنەن قارادىم.
قارتىم ءبىراق بۇل سوزىمە،
استە قاباق شىتپادى.
بۇرىنناندا بايىپتى ەدى،
سابىرلى ەدى ۇستامى.
-ءاي، قاراعىم، كىتاپپازدىق-
اۋجالعانمەن اقىرى،
شىندىققادا بەت بۇراتىن،
كەز كەلەدى اسىلى.
سەنىڭ ايتقان نازارياڭ،
دۇرىس، دۇرىس بولعانمەن.
مەنىڭداعى پاكىتىم بار.
ايدان انىق قولداعى.
ايعا قاراپ باتا بەرۋ،
تابىنعاندىق بولمايدى.
ايعا قاراپ اتا- اناڭ ،
كۇن رايىن بولجايدى.
بۇل عىلىمدى تەحنيكاڭ،
ارەڭ-ارەڭ مەڭگەردى.
وتىرىك پە ؟ اي ارقىلى،
ماتەماتيكا كەلگەنى...
ەگەر- ەگەر اي بولماسا،
جەر شارىدا بولمايدى.
مەڭرەۋلىك قاپتار ەدى،
جەر جۇزىندە بار جايدى.
ءسابي عىلىم مويىنداسىن،
ءوزىن مىقتى ساناعان.
وسى دەپ ءبىل وسىرايماي،
حاۋاتاڭ مەن حاۋاناڭ.
قولدى جايىپ باتا قىلعان،
اي كۇزەتكەن قازاقپىن.
كەرەگى جوق ، ماعان ،بالا،
مىسقىل مەنەن مازاقتىڭ.
كەرەك بولسا مەن ايتايىن،
ايدى ارۋعا بالاعان.
اق ساۋلەنى اق ارمانعا،
احيقاتقا ساناعان.
اي ديدارلى اجار-كورىك،
اق كيمەشەك تاعىنىپ.
ءوڭىر جاپقان اق شىلاۋىش،
اق شولپىعا مالىنىپ.
اي بالتاسى، اي وراعى،
ايناكولى جارقىراپ،
اي ءمۇيىزدى ارقارلارى،
اسقار تاۋدان قال سۇراپ.
ايمان- شولپان ارۋلارى،
اي بەتىندە جۇرگەندەي،
اي سۇلۋلار، ايكەرىمدەر،
ايعا قاراپ كۇلگەندەي.
اي تولقىندار جارىق- جۇرىق ەتىپ،
جاعانى كەپ سوققىلار.
جەرشارىنىڭ وزگەرىسى ،
اي ارقىلى دەپتى ءدال.
قازاق، قازاق بولعالى ءبىز،
ايعا قاراپ كەلەمىز.
ايجارىقتا ايگولەكتەپ،
بيگە باسىپ جەلەمىز.
اي استىندا اق سۇيەكتى،
ويناۋ ءۇشىن شىعاتىن.
اي تولعاندا اۋىل كەشى،
ساۋىق كەشكە تۇناتىن.
اي ارقادا ، ارۋلارمەن،
سەرتتەسكەن كۇن ەسىمدە.
اقان سەرى اقتوقتىداي،
ايلى جازدىڭ كەشىندە.
قازاقتاردىڭ ايسىز كۇنى،
اقىرزامان بولعانى.
پاكىت دەگەن وسى دەپ ءبىل ،
ۋىس- ۋىس قولداعى.
وسىنى ايتىپ قارتىم بىردەن،
اياڭدادى ۇيىنە،
اي ساۋلەسى ءتۇسىپ تۇردى.
شاعىلىسىپ جۇزىمە.
2011-11-11
سەنى ويلاپ ماقابباتقا شولدەسەم

ويقوي، شىركىن، ءتاتتى ەكەن عوي،ءتۇس دەگەن،
جارىساتىن ۇشاق پەنەن قۇسپەنەن.
وتكەن كۇندى ءوز قالپىندا كورسەتىپ،
گۇل سەزىمدى ءوز قالپىندا تۇپتەگەن.
جۇتاڭ ءوڭدى جۇپىنىلاۋ كيىنگەن،
ءبىر قينالىس مۇندالايدى تۇرىڭنەن.
جاناي سويلەپ جاۋتاڭ- جاۋتاڭ قارايسىڭ،
سىبىرعا ءتان لەبىزىڭ بار كۇيىنگەن.
باياعىداي بال-بۇل جانعان وت سەزىم،
باياعىداي جارىق-جۇرىق ەتكەن كوكتەمىم.
باياعىداي بالعىن كىرسىز كوڭىلىم،
قالجايىڭا قارايلاسار كوپ- كورىم.
نۇرعا تولىپ اقىل كوزىڭ اجارىڭ،
شۋاق شاشىپ جىلى رايلى جامالىڭ.
قول سوزىمعا كەلەسىڭدە جالت بەرىپ،
ىلعىي- ىلعىي ايدالادا قالامىن.
كەيدە-كەيدە سەزىمدى كىر باسقاندا،
كەيدە-كەيدە كوڭىلدى مۇڭ جاپقاندا.
كەيدە-كەيدە قاسقىر تالاپ ويىمدى،
قۇتىرعان ءيت بالتىرىمنان قاپقاندا.
ءتۇسىمە ەنىپ ءجاۋدىر كوزىڭ ءمولدىرەپ،
باياعىداي ەت جۇرەگىڭ ەلجىرەپ،
جاۋىن شايعان جاس قايىڭداي جالتىراپ،
ويانامىن ءتۇن ورتاسى تەلمىرەپ.
سەن تۇسىمە كىرسەڭ قالام جاڭارىپ،
ەگىز لاقتاي ەمىن كوڭىل بالالىق.
وڭىمدەدە ءدال وسىنداي نازدانساڭ،
تاعدىرىمدى تاعار ەدىم تانا قىپ.
ءاي قايتەيىن، قازىر سەندە وي بوتەن،
مەن وسىلاي جاندىم دەسەم سەنبەسەڭ.
ەكى وتاننىڭ ساردارىمىز سارىندى،
تۇسىڭدە كور مەنى ويلاپ شولدەسەڭ.
جيى-جيى تۇسىمە ەنشى تۇسىمە،
سەنى ويلاپ ماقابباتقا شولدەسەم.
تۇنىق ءساتتى شايماۋ ءۇشىن سانامنان،
بالالىققا قايتام ارمان قامالعان.
بۇگىنگىنىڭ جەل مۇجىعان تاعدىرىن،
قايتا باستان تىك تۇرعىزىپ تاباننان.
2011-107

سەكسەندەگى سەرى قارتقا ارناۋ

ءپاني، ءدنني ەكى جاقتى وقىعان،
كوپ تاريقتى كوڭىلىنە توقىعان.
سەكسەن عۇمىر سەگىزءجۇز جىل سياقتى،
تاڭداي قاعىپ ،تاڭ قالامىن وسىعان.
ۇيتقىسى بوپ بەرەكە مەن بەدەلدىڭ،
ءدال وزىڭدەي دانالىقتى كورەر كىم.
سەكسەننەندە سەكىرىپ ءوت سەرى قارت.
ماقتانىشپەن جىرعا قوسسىن ورەنىڭ.
باعالانار وتكەن كۇنمەن نارقىمىز،
سارىن تابار وتكەن كەزبەن سالتىمىز.
سان تاراۋلى، سان ءبولىمدى كىتاپتاي ،
سەكسەن جاستا ، ساكەڭ اتا، قارتىمىز.
ۇستاز عۇمىر جارتى عاسىر شاماسى،
ەڭكۋ جىلدار ەكى عاسىر اراسى.
اق سامايى جار-جۇرىق ەتىپ تۇر مىنە،
ولەڭ وقىپ وقۋشىڭنىڭ بالاسى.
شوپجەلكەنى وقىتاتىن كەزىڭ بۇل،
جارار بولسا ۇستازدىققا ءتوزىم كىل.
وقۋشىلارىڭ جەتپىستەگى كەمپىر – شال،
ءتىزىم شاقىرىپ ۇرساسىڭ با ؟ ءوزىڭ ءبىل.
كوبەيسىن دەپ كوپ جاساعان دانامىز،
اقساقالعا قۇمارتا ءبىر قاراڭىز.
قۇرمانقازى توي جاسادى ەگىزدەپ،
اكەم قۇساپ شال بولسىن دەپ بالامىز.
اق جولتايلى اتا كورگەن ءتولىسىڭ،
داڭعىل بولسىن، اشىق بولسىن ءورىسىڭ.
باۋرجانىم اقساقالدى ، سار ءتىس بول،
ارتا ءتۇسىپ قارتتى سيلاۋ بورىشىڭ.
ءسال توڭىپ ءجۇر كەمپىرى جوق بۇيىمىڭ،
از قامى بار ونەرقازى ءۇيىنىڭ.
قىزمەتتى ءبىر قاتتاعان دەمالىس ،
ۇزاق بولسىن پەنسيالىق عۇمىرىڭ.





جۇمباق جاندار
جارەۋكە

قازىرگىنىڭ پەندەسىنە قايرانمىن،
تۇلعاسى مەن سايكەسپەيدى سارىنى.
ىزدەمەيدى ەڭ ءتۇبىرلى پايدانىڭ-
ەكەندىگىن وزىندەگى دارىنى.
مۇكىندىكتەر تۇرساداعى سالبىراپ،
باسقالاردىڭ جىلتىراعىن ماقتايدى.
قىز كورىنىپ... قىزىق كورىپ البىراپ،
ءوز ورايى ولەكسەدەي جاقپايدى.
ءوز اقىلىن شوقىراققا بالايدى،
ەمەكسىگەن باسقالاردى ءپىر تۇتىپ،
اۋمەسەردى اۋليەدەي سانايدى.
شىندىقتى ايتقان اقىلدىمەن قىرقىسىپ.
جارىق كورسە جالباڭ قاعىپ جابىسقان،
جارەۋكەلەر جارتى ميلى كوبەلەك.
جاراتقان - اي جارەۋكەنى تۇزدىق قىپ،
جاقسىلاردى كورسەتەتىن ورەلەپ.

جانباعىس

قاتەلىگىن كورە تۇرا باسقانىڭ،
ايتالمايسىڭ ءبىر پالەسى بولار دەپ.
شىندىقتاردى يتەرەسىڭ قاس – قاعىم،
ماعانداعى شاڭ - توزاڭى قونار دەپ.
ەشتەڭەدە بولماعانداي جۇرەسىڭ،
كۇڭىرەنگەندەر تىندىرسادا قۇلاقتى.
جىلاعىڭ كەپ تۇرساداعى كۇلەسىڭ،
باسقالارعا ارتىپ سۇراق- جاۋاپتى.
وتكەنىڭە قۋزاۋ تۇسسە شامدانىپ،
جاۋاپ دايىن ‹‹قازبالاما قالعان ءىس››.
ودان ارى قۋزاي بەرسە ارلانىپ،
قۇتىلاسىڭ ءبىر اۋىز ءسوز ‹‹ جانباعىس››.

مايمونكە

بەتكە كۇلىپ سىپايىلىق ءبىلدىرىپ،
جاساعانداي ادەيىلەپ ىزگىلىك.
تەرەڭ ورعا سۋ تولتىرىپ قويادى،
توپانمەنەن بەتىن ەپتەپ تىندىرىپ.
يگىلىكتى ءىس بولا قالسا ساناۋلى ،
پىسقىرادى ءبىراق تارتىپ تاناۋدى.
ەكى يىعىن شاۋىپ تاستاپ سۇڭگيدى،
قاشان قولعا العانىنشا جالاۋدى.
ساعان كەلىپ دۇشپانىڭدى جەرلەيدى،
مۇنداي كەزدە قاھارمانداي ەرلەيدى.
سەنى سولاي قايشىلىققا ساپ قويىپ،
ال ءوزىشى، قان مايدانعا كەلمەيدى.
تىندىرعانمەن كۇندەلىكتى ءار ءىسىن،
تاپقانىمەن اۋرۋعا ءدارىسىن.
مايمونكەنىڭ ماندىعانىن كورمەدىم،
ساناپ باسقان سۇيەمى مەن قارىسىن. 2011-10-11

كۇندىكشى

بيلىك بىرەۋ كۇن باتىردىڭ قولىندا،
دەمالعاندا ۋاقىتتى سەزەسىڭ.
قۇراق ۇشىپ قۋ تىرلىكتىڭ جولىندا،
قۇمىرسقاداي شار تاراپقا كەزەسىڭ.
بۇلكىلدەيدى، ىركىلمەيدى كۇيەۋ مۇڭ،
باس داۋىستىڭ تىلشىگىندەي بارقىراپ،
جەلگە پانا بولعانىنداي سۇيەۋدىڭ،
سىنىق اربا ءان تىڭدايمىز تامتۇمداپ.
تاسقا جانىپ قىران قۇستار تۇمسىعىن،
الياسكادا بوكەندەرگە تونگەندەي.
شولىركەگەن ءشومىش قاقتى قۋ سىنىڭ،
تامشىلاردى تالشىق ەتىپ كونگەندەي.
ايعا شاپقان ارىستاندا ىعادى،
قورقاۋلاردىڭ قۇرىلتايىن كورگەندە،
جىلىمىققا جىلان ىننەن شىعادى،
كوڭىلشەكتەپ كوكتەم كوڭىل بولگەنگە.
ماقاببات - اي توزعان كويلەك سياقتى،
قىرشىلعانى قىرداسىن بوپ بىلىنەر.
جانباعىسقا قىستىرمايمىز ۇياتتى.
قورقاتىنداي ولگەندەردەن تىرىلەر.
اسپان استى كۇندىكشىگە سىقاعان،
كۇن كەشەمىز كالەنداردى پاراقتاپ،
پاناسىن جەر ىزدەپ جۇرگەن بۇتادان،
بوز تورعايمىز جەم ىزدەگەن الاقتاپ.

جالعان نامىس

شىندىعىنان بەس كەز بيىك ماقتانى،
قاناتءبىتىپ ۇشىپ ءجۇرىپ سويلەيدى.
تاۋداي بولىپ تارىداي ءدان تاپقانى،
جەتى قابات جەر استىنا شولدەيدى.
قارىز-قۇرىز بۋعان سايىن شىرتيىپ،
توي- توكىننىڭ بىرەۋىنەن قالمايدى.
ارتى اشىلىپ كورىنسەدە تىلتيىپ،
جان قالتادان قولىن ءبىر ءسات المايدى.
ءشيى شىقسا شامدانادى وت الىپ،
تۇزاقتاعى پىرىلداعان شىل قۇساپ.
ماقتاپ بەرسەڭ قازىناسىن قوتارىپ،
ماڭعازسيدى ماڭ- ماڭ باسىپ ءپىل قۇساپ.
سىلدىر كوجە ، ساۋدىرلاعان جاعى بار،
ساناسىمەن سان دۇنيە قۇراعان.
ءيت تىرلىككە ، قۇماي قيال تابىلار ،
ولمەس كۇنگە وتىرىگى ۇناعان.

جاڭا سالت

قارتىڭا ەمەس قالپاعىڭا قارايمىن،
‹‹تورە كۇتكەن تولەڭگىتتەي ىڭقىلداپ.››
وشەتىندى ولگەندەرگە سانايمىن،
وسەتىنگە جىلى جۇزبەن قيتىڭداپ.
اقتايتىندى كوككە ءبىراق شىعارام،
قالىڭ بولسا بولعانى تەك جانقالتا.
جەتكەنى جوق احيقاتقا بۇل ادام،
جىلامايدى وتىرىكتى مالدانسا.

جۇمباق جاندار

وشىككەنگە جامانداسىپ بەرەدى،
ءورت قويعانعا سابان تاسىپ بەرەدى.
ولتىرگىشكە قۇرال- سايمان دايارلاپ،
ولگەندەردى جەرلەسۋگە كەلەدى.
وتىرىككە ماتەريال بولادى،
وسەكشىگە كورسەتەدى سوناردى.
قىلمىسكەرگە تۇرمە تەس دەپ سۋ بۇركىپ،
ورەندەرگە ۇيرەتەدى توناۋدى.
اڭقاۋلارعا اراق بەرىپ قىزدىرار،
اقىماققا تاياق بەرىپ ۇرعىزار.
اۋمەسەردى اكەسىنە قايراپ ساپ،
اڭگۇدىكتى ورعا جىعىپ تىندىرار.
************************
وڭ ىسىڭە كەرەعار باعىتتالعان،
وي- دۇنيەسى ۇستانعان تامۇقتى ارمان.
ىيگى ىسڭە ىركىلىس بوگەت بولىپ،
جانسىزدىقپەن قارايتىن جابىقتاردان.
بەرەكەڭە بەز بۇيرەك بەتباقتانعان،
بەدەلىڭە ءدان تەرگەن تاستاقتاردان.
جاتتىڭ جالعان سوزىنە جانىن سالىپ،
جاقىنىنىڭ جولىنا اسپاقتالعان.
قارىن تويسا قالاتىن وسقىرىنىپ،
سەلگە كەتىپ جاتادى دوستىق ءۇمىت.
تاي سويساڭدا تايساقتاپ تارى مىنەز.
ارجاعىندا جاتاتىن قاسقىر ۇلىپ.
******************
ءبىر ىسىڭە بوگەت بولىپ كورمەگەن،
ءبىر ويىڭا كەزدەسپەگەن كولدەنەڭ.
تاۋ قوپارىپ ، ويدى كەزەڭ قىلساڭدا،
جارق-جۇرىق ەتىپ قارسى الماعان كونبەدەن.
ساۋ كەزىڭدە ساليقالى تىلەگى،
سەنەن جاقسى ويلاعانى، بىلەرى.
كۇن تۋعاندا كۇيزەلمەيدى ، كۇلمەيدى.
بەيتانىستاي سەلت ەتپەيدى جۇرەگى.
الىس كەتسەڭ ساعىنبايدى وتكەنىن،
بىرگە جۇرسەڭ سيلاسادى كوپ- كورىم.
ەسەلەسىپ ، كەسەلەسىپ جاتپايدى،
كەرەگى جوق رەنىش پەن وكپەنىڭ.
***************
قارنى تويسا شۋ اساۋداي وسقىرعان،
از پايداعا كوڭىل- كۇيىن قوش قىلعان.
وزىنەن ءسال باسەڭدەۋدى بوزەك قىپ،
وزىنەن ءسال بىلىكتىنى دوس قىلعان.
اعايىندى ، جەگىجاتتى كۇندەگەن،
بايلىق قولدىڭ كىرى ەكەنىن بىلمەگەن.
ەكى قولى ءبىر – بىرىنە قيماعان،
تىرلىگى بار تەرىدەي ءىيت سۇيرەگەن.
ءوز الدىنا فيلوسوفيا توپتاعان،
ءوز الدىنا احيقاتتى سوتتاعان.
ءوز الدىنا جوبا – جوسپار جاساپ اپ،
ءوز الدىنا پايدا- زيان جوقتاعان.
*********************
ءوڭ رەتى كەلىستى قاراعانعا،
كەيدە ءتىپتى ۇقسايدى نار ادامعا.
وي- دۇنيەسى الايدا ويپىل- تويپىل،
اقىلى كەم بەس جاستا بالادان دا.
قاراماعان جاسىنا ەركى بولەك،
ەكى رامكە... كەتەدى بورتىپ ەرەك.
جەرگە تيمەي اياعى بوسەبەرەد ،
جانىڭ اشيد شىقتى دەپ دەرتىن ەلەپ.
وتباسىنا ەڭبەگىن بۇلدانادى،
بوتكالارعا شاشىلار قيماعانى.
ءبىر كۇن ەڭبەك ىستەسە ، ءبىر ءتۇن ويناپ،
وسى بولدى مىقتىنىڭ سيلاعانى.
*******************
ماقتانىڭ دا اسەرسىز جازعىرۋىڭ،
تىڭدامايدى سەنى ايتەۋ ازعىن ۇعىم.
ءوز ويلامى ، ءوزى ءۇشىن ۇجىماقتاي،
ودان وزگە كوك تيىن بارلىعىنىڭ.
جوقتىق قىسسا قارايدى جاۋتاڭ قاعىپ،
تايازىعان دەمەيدى قالتاڭ ناعىپ.
بەرسەڭ جولى ، بەرمەسەڭ قولىڭنان اپ،
تىندىرعانداي كەتەدى قايقاڭ قاعىپ.
سەندە باردىڭ كۇيىنە قارامايدى،
تىشقاندايىن شونشىكتى ارالايدى.
كەسىلمەگەن شورەدەي مىندەتتىسىڭ،
‹‹ شورتان شالعان زامان- اي قاراعايدى.››
*****************
وزبىرلىقتىڭ كەزەڭىندە قىلتيىپ،
جاقسى ورايدى كۇتەتۇعىن گۇل سيىق.
‹‹ ش›› ارىپكە جولامايدى شىعىن دەپ،
‹‹ پ ›› ارىپپەن باستاپ كەتكەن تىرشىلىك.
اكەسىندە الداعىسى كەپ تۇرعان،
از زيانعا ۇشىراسا ، كەك قىلعان.
ادال - ارام ايرمايتىن ولجانى،
شەگاراسىن كىرىسىنە شەك قىلعان.
بەلگىسىز بوپ وزعانى مەن توزعانى،
قالتىرايدى اقشا ۇستاعان قولدارى .
تاسبيىقتىڭ تاسىنان دا پايدا الىپ،
ماقامىنان جاڭىلدىرعان مولدانى.

وتكىزگىش

كەدەرگسى نولگە تۇسكەن،
اينىمالى قۋاتتى.
ءبىزدىڭ توك سىم ەپتەپ ءجۇرىپ،
توكشىلەرگە ۇناپتى.
توك كوزىنە جولامايدى،
توك بولگىشتە بولمايدى.
ارالىقتان ورىن الىپ،
ىسىمايدى، توڭبايدى.
تاعىدا كوپ قيىلمايدى،
جىرتىلمايدى قابىعى.
ارالىقتا جۇرگەنەن سوڭ،
سۇرىنبەي ءجۇر ادىمى.
ءورت كەتسە ەگەر بيناڭىزعا،
لاپىلدايتىن وسىلار.
ەرتەلى كەش بايىرقالا،
وتكىزگىشتەن دوسى بار.

ەكى بەتكەي

جاقسىلىعىڭدى جەمىر سيرداي جالمايدى،
جاماندىعىڭدى وزەن بۋعانداي جالدايدى.
قۇلاپ قالساڭشى كوز قيىعىندا سالمايدى،
قۇلاتىپ جاتساڭ،سوڭىڭنان ەرىپ قالمايدى.
كەمشىلىگىڭدى ءدان تەرگەن قۇستاي جينايدى،
كەڭشىلىگىڭدى ەسكە الۋعا دا قيمايدى.
التىنىڭ بولسا، تىرناساداعى قىرنايدى.
اجىرعىڭ بولسا، قۇتىلماي سەنەن تىنبايدى.
پايدالى ءسوزدى پايىمىن بۇزباي تىڭدايدى،
پايداسىز سوزگە بۇكتەسىن بەرىپ سىنبايدى.
كەرەكتى كۇنىڭ قولداعى باردى سيلايدى،
كەرەكسىز كۇنىڭ اياعىن توردەن جيمايدى.
ءىس تۇسكەن كۇنى ءزارىڭدى ماقتاپ ىشەدى،
ءتىس تۇسكەن كۇنى اتىڭدى قايتا پىشەدى.
جاراسقان كۇنىڭ جاردەمشىل كوزى سىقسىيار،
تالاسقان كۇنىڭ تالماۋ جەرىڭنەن كۇش قىلار.
اعايىن كۇنىڭ اسىڭدى جەۋگە اسىعار،
اقىماق كۇنىڭ اسىلىڭدى كوزدەر شاشىلار.
قولايلى كۇنىڭ ساقالاپ، سىقتاپ جاتادى،
قولايسىز كۇنىڭ جۇرەكتەن قويىپ اتادى.
جەڭىستى كۇنىڭ جەلبىرەپ تۋى كەلەدى،
جەڭىلگەن كۇنىڭ ەڭكەيگەن باسقا تەبەدى.
ىسقىرعان كۇنىڭ ىڭعايعا قاراي ءان سالار،
ىشقىنعان كۇنىڭ ولەر دەپ ەلگە جار سالار.
اۋىلناي كۇنىڭ قيعىر قىلىشىڭ - شابارمان،
اۋىرعان كۇنىڭ دەرتىڭە دەرت قوي جامالعان.
باقىتتى كۇنىڭ توي- توكىنىڭە اسابا،
باقىتسىز كۇنىڭ تابالاپ سويلەر تاسادا.
كەمەلدى كۇنىڭ جاڭا كەلىندەي سىزىلار،
كەمەلسىز كۇنىڭ ءسوزىنىڭ ىلمەك ءبىزى بار.
ارىندى كۇنىڭ ارسالاڭ قاعىپ ات بايلار،
ارىنسىز كۇنىڭ تۇيەڭدى ادەي تاسقا ايدار.
بەدەلدى كۇنىڭ بەستىسىن سيلار بەكەرگە،
بەدەلسىز كۇنىڭ تۇز قوسىپ بەرەر شەكەرگە.
جاراقتى كۇنىڭ جاۋ جاعدايىنان ساراپشىڭ،
جاراقسىز كۇنىڭ ولجاڭدى تونار قاراقشىڭ.
ىرگەلى كۇنىڭ كۇزەتكەن ىرگە ءيتىڭدەي،
سىرنەلى كۇنىڭ شابىڭدى شاققان ءبيتىڭدەي.
باتىرلى كۇنىڭ باتىل اۋەزدى اقىنىڭ،
باتىرسىز كۇنىڭ جامانداپ قاشقان قاتىنىڭ.
جىگەرلى كۇنىڭ جىبەكتەي مىنەز قىز قىلىق،
جىگەرسىز كۇنىڭ كەدەرگى قويار ءجۇز قىلىپ.
اقىلدى كۇنىڭ الدى- ارتتا جۇرەر ورالاىپ،
اقىلسىز كۇنىڭ ماڭىڭنان كەتەر جوعالىپ.
الىمدى كۇنىڭ اتا جولىڭا باس ۇرار،
الجاسقان كۇنىڭ قالتارىستا ۇرار تاسى بار.
ەكى بەتكەيلىك تەرىسكەي -كۇنگەي دەپ قالما،
ەكى بەتكەيلىك بولىنبەس شىلدە - اقپانعا.
قايسى جول كەرەك ۇناتقان ءبىرىن تاڭداپ ال،
ءيت تىرلىك ەمەس، كىسىلىكپەنەن جان باعار.

باسى ارتىق

اعاش بولسا ءنار جەتپەي قۋراعانى،
نارسە بولسا سومكەگە سيماعانى،
سۋ بولسا ەگەر وزەنگە قۇيماعانى،
سيلىق بولسا جۇلدەگە قيماعانى.
بالا بولسا اكەنى بوقتاعانى،
دانا بولسا جاماندى جوقتاعانى،
ماسكۇنەمنىڭ توقتاۋسىز وتتاعانى،
قاسكۇنەمنىڭ ءوز - ءوزىن اقتاعانى.
شىق بەرمەستىڭ بوسپەلەپ بايسىنعانى،
ءشوپجەلكەنىڭ الشاڭداپ نار سىنعانى،
قولدا جوقتىڭ جالعاننان بار سىنعانى،
ءشاۋ قانشىقتىڭ ىڭ-جىڭسىز ارسىلداۋى.
ءتۇن ورتاسى اتەشتىڭ شاقىرۋى،
كۇيگەلەكتىڭ قيسىنسىز باقىرۋى،
جاس بالانىڭ قۋلىققا جاتىلۋى،
ار - ۇجداننىڭ اقشاعا ساتىلۋى.
ارامزانىڭ ەسسىزدى ماقتاعانى،
اۋەيلەردىڭ اسەمدىك باستاعانى،
اراقكەشتىڭ ۇمىتىپ باس- پانانى،
دوكەيلەردىڭ پاكىتتى تاپتاعانى.
تار ماڭدايعا بال باقىت سيماعانى،
ورتكە كەتىپ ومىرلىك جيناعانى،
ساسىق كوكەك سياقتى جىلۋى جوق،
كومەگىمەن باسقانىڭ دىمداعانى.
بار باققانى مىقتىنىڭ قاس - قاباعى،
ۇقىق عانا كوكەيگە ساقتاعانى،
گازەت كورىپ، ءشاي ءىشىپ كۇن وتكىزگەن،
ىنجىقتاردىڭ حالىققا جاقپاعانى.
اقىلدىنىڭ اقىلى قور بولعانى،
اقىماقتىڭ ءمانسابى زور بولعانى،
ات جۇيرىگىن اڭداماي ارباعا ساپ،
بۇلبۇل قۇستىڭ مەكەنى تور بولعانى.
جەلكىلدەگەن جالعىز ۇل ەز بولعانى،
ازاماتقا ءبىر شايپاۋ كەز بولعانى،
اڭعالبايدان باقىت قۇس جاناي ۇشىپ،
بايقاماعان بايقۇستىڭ ءسوز بولعانى.
مومىنداردى قۋلاردىڭ ەپتەگەنى،
جەتى اتادان جەتەسىز كەتپەگەنى،
اۋىلىندا اقىلدى بولساداعى،
قادىرىنە ءبىر مارتە جەتپەگەنى.
باسى ارتىقتى ساناساڭ تاۋسىلمايدى،
جىپكە ءتىزىپ بىتپەيسىڭ جايسىز جايدى.
جەلىككەننىڭ جەلكەسى جۇمساماسا،
جەتى قىرسىق باسىڭنان ارشىلمايدى.

ءبىزدىڭ ەل

ءدال وسىدان توعىز عاسىر ىلگەرى،
شىڭعىس جاۋىز بۇزعان ەدى ىرگەنى.
سودان بەرى ءبىر تىنىشتىق كورمەگەن،
ءبىزدىڭ تاريح قۇپيا دا كۇردەلى.
تىرەك تۇتىپ كەتبۇعاداي كوسەمىن،
جايلاعان ەد كوكشەتاۋداي مەكەنىن.
ءدام- تۇز ايداپ قازاقستانعا بارساڭدار،
ات باسىن بۇر وسى ولكەگە جەتەلىم.
ودان كەيىن مەكەن بولعان سەمەيىڭ،
بۇل ولكەدەن سان تاريحتى ورەمىن.
ءدال قازىرگى تىرسەكەڭە ورتالىق،
وسى ولكەعوي قولقا، جۇرەك، كومەيىڭ.
ودان كەيىن مەكەندەپتى وسكەمەن،
وندا تاريح ، شەجىرە بار وسكەلەڭ.
ۋا، سۇيىكتى قادىرمەندى بابالار،
سىردىڭ سۋىن نەشە قايتا كەشكەن ەڭ.
كۇن تۋعاندا پانا بولعان زايسانىم،
تارلان تارتقان قاي مۇڭىڭدى ايتامىن.
سودان بەرى ءبىر ءجۇز ەلۋ جىل ءوتتى،
مىسال ەتسەڭ جانتاس ، قوڭقىش ايقايىن.
باركول، ساۋان، شاۋەشەك پەن تولى بار،
(تۇسىنەدى بىتراعاندى ويى بار.)
ۇرىمجى مەن نىلقى ،كۇنەس تارقالعان،
تىرسەكەڭنىڭ قيلى-قيلى جولى بار.
جانتاس ،قوڭقىش باستاپ كەلىپ كۇنەسكە،
تاڭداپتى ەكەن شۇرايلى جەر ۇلەسكە.
بابالاردىڭ ۇلى ىستەرى بۇل كۇندە،
اڭىز بولىپ جىلى تيەر جۇرەككە.
اۋزىن اشسا كومەكەيى كورىنگەن،
ادالدىعى ، اڭعالدىعى تەگىننەن.
ارقا- جارقا امانداسىپ ، قوشتاسىپ،
بايلانىسقا ءمان بەرەدى سەنىممەن.
جاقسىلىقتا باسقالاردان ورەلى،
اعايىنعا اتىن ءتۇسىپ بەرەدى.
رەنجىسە بۇرىلمايدى مويىنى،
وتە اق كوڭىل، وتە قاندەس كەلەدى.
قۋلىق، سۇمدىق ويلامايدى اسىرىپ،
جارماسپايدى باسقالارعا اسىلىپ،
سىرلاستىڭ با ءيىر-قيىرى قالمايدى،
كورگەن ەمەس ءبيتىمداي سىر جاسىرىپ.
ەرەگەسپە ەڭ جاقسىسى بىزبەنەن،
جەڭىلەسىڭ بولماسا ەگەر ىزگى ورەڭ.
مانسابىڭ دا مارتەبەڭ دە ءبىر تيىن،
جالعىز ءوزى ايقاسادى جۇزبەنەن.
بىزدە سوعاد احيقاتتىڭ سامالى،
تاۋ بولسادا وكتەمدىگىڭ شامالى.
قۋ الداسا ءبىراق رەت الدايدى،
ەكىنشى رەت جالتىرايدى تابانى.
ەلدىگىڭدى ەسكەرەتىن كەز كەلدى،
باياعىداي وركەن تۇرمىس وزگەردى.
ۋ ىشسەڭدە رۋىڭمەن اعايىن،
تۋرا تەڭشە بەرەكەلىك بەزبەندى.
قانداستارىم قادىر تۇتار حالايىق،
دۇنيەنى اردان تومەن سانايىق،
اقشا ءبىزدى ىستەتپەسىن قۇل قىلىپ،
اقشانى ءبىز ىستەتەتىن بولايىق.
پانا بولسىن تۇرمىسىڭدا زەردەگە ەس،
كۇن وتكىزبە كەلمەسە ونبەس، كەلسە بەس.
ىنتىماقتان ارتىق باقىت جوق دەپ ءبىل،
ەلدىگىڭدى ەسكەرىپ ءجۇر ەرتە- كەش.
ەسكە الىپ ەرمەك اۋليە باتاسىن،
قۇرمەتتەيد ەل باتىر تۋعان اتاسىن.
دالاسىنداي القام- سالقام ءبىزدىڭ ەل،
كەتبۇعانىڭ ۇرپاعى ،
تەرىستاڭبالىلار جاساسىن!!!
كەلۋ قاينارى: http://www.elarna.net/oku.php?tur=11&id=52

پىكىرلەر:


جازعان لەبىزىڭىز300 ارىپتەن اسپاسىن!
ادام نەمەسە ۋيروس ەكەندىگىڭىزدى تۇراقتاندىرۋ سۇراعى، كاتەكشەگە 99 دەپ جازىڭىز، راحىمەت!
98 + 1 = ? sozsiz sifermen tolteringiz.

ەل-ارنا ءوز گازەتى

ەڭ جاڭا ماقالالار


دارحان ءقىدىرالى: ءEgem 1 مينوت
تيانشان تورى 3 مينوت
وتىرىكتى انىقتاۋدىڭ ورت 3 مينوت
ارعىن اۋساروۆ، سىمبات ا 7 مينوت
نۇر-سۇلتاندا شەتەلدىك ء 10 مينوت
يزرايل ي «يسلامسكي دجيح 13 مينوت
سالاۋات – سۇيىسپەنشىلىك 13 مينوت
الماتىدا سۋىق سۋدىڭ ءتا 13 مينوت
ەربولات دوساەۆ: «ۇلتتىق 13 مينوت
中国哈萨克语广播网 13 مينوت
داناگۇل - قازاق اۋىز اد 23 مينوت
جۇرگىزۋشى كۋالىگى مەن ك 23 مينوت
تيانشان تورى 23 مينوت
وراز-مۇحاممەد سۇلتان قا 23 مينوت
مۋجچينە ۆىنەسلي پريگوۆو 28 مينوت
قويشىعارا سالعاراۇلى: « 28 مينوت
«قۇلمامبەتتىڭ قۇلىنى» 1 ساعات
تۇركىستاندا ۇلتتىق ۆالي 1 ساعات
تاۋدا جوعالعان تۋريست ق 1 ساعات
ايەل ادام مارحۇمدارعا ق 1 ساعات
“استانا” مە 1 ساعات
تيانشان تورى 1 ساعات
اياعىنا جىعىلۋ - ءسالت- 1 ساعات
中国哈萨克语广播网 1 ساعات
نۇر-سۇلتاندا ۇيلەرى سۇر 1 ساعات
اقمولا وبلىسىندا 10 مىڭ 1 ساعات
بەردىبەك ساپارباەۆ ەل ج 1 ساعات
جاڭا ەملە ەرەجەسىنىڭ وز 1 ساعات
نۇر-سۇلتاندا فاريزا وڭع 1 ساعات
بايلانىس سالاسىنداعى بە 1 ساعات