ەل-ارنا قولفون نۇسقاسىنا ەنۋ Еларна қолфон нұсқасына ену


ەل-ارنا قولفون نۇسقاسى | "قولفون نۇسقاسىن ءتۇسىرۋ (Android)

Кірілше
جۇكتەۋ-البومىم-البومدار-جەلى
وسى توردى ساقتايمىن! | وسى توردى باس بەت ەتەمىن!

ءبىزدىڭ بايلانىس: elarna2012@gmail.com



تىركەلىڭىزدەر كىتاپحانا قوجالار تورابى البومدار قازاقتىڭ 1001 ەرتەگىسى

ءتۇرى: ەل-ارنا گازەتى | وسى ارادان ەلارنا گازەتىنىڭ بارلىق ماقالالارىن كورۋگە بولادى..

مەندە ال-ارناعا جازبا-ماقالا جازامىن، وندا وسى ارانى باسىڭىز!

جولدانعان ۋاقىتى: 16:07 - 2015/01/12

ماقالا جولداۋشى: جاقسىباي شارىپقان ۇلى
ماقالا اپتورى: جاقسىباي شارىپقان ۇلى
اپتوردىڭ مەكەن-جايى: قىتاي .شينجاڭ.التاي
وسى ماقالانىڭ كىرىلشە نۇسقاسى، وسى ارانى باسىڭىز

Осы мақаланың кірілше нұсқасы, осы араны басыңыз


قابىرداعى قۇپيالىق

جاقسىباي شارىپقان ۇلى (التاي)



« شاعانعولدىڭ سايىن دالاسىندا تابانداي وتىز جىل ءومىرىمدى وتكىزسەم دە ، ساپ - سالقىن سۋىن ءىشىپ ، سۋلۋ تابيعاتىنا عانا ماستانىپ ءوتىپپىن . الايدا قاسيەتتى دالامنىڭ قاسىرەتى مەن قايعىسىنىڭ سونشاما قالىڭ ەكەنىن ەشقاشان دا ويلاپ كورمەپپىن - اۋ.»
- اۆتوردان

. .. .... .... .... ..... ..... ..... ..... ..... ...... ..... .........

يەن تاۋدىڭ باۋرايىندا جىم - جىلاس تىرلىك كەشىپ ، سوڭىندا ءۇن - ءتۇنسىز ءومىردەن اتتانىپ كەتكەن وسىناۋ سورماڭداي تاعدىرلى بەيكۋنا ارۋاقتاردىڭ - و، دۇنيەدەگى ورنىن بەيىشتەن قىلعايسىڭ دەپ قايعىرا قۇران وقىپ ، اللاعا جالبارىنىپ وتىرعان اكەمنىڭ قارلىعىڭقى داۋىسى مەنى ەرىكسىز اۋىر مۇڭعا جەتەلەيدى...
-بۇل اۋىل شاعىن رۋلى ەل ەكەن - دەدى اكەم قۇرانىن وقىپ بولعاسىن تەرەڭ تىنىس الىپ ، الدىمىزداعى عاسىر بويى بوران مەن جاۋىنعا ۇشىراسادا ، توزباي توبىمەن جاتقان توبە - توبە قابىرلىققا قاراپ - تاعدىرى تەرىس كەلگەن سورماڭداي جۇرتتىڭ سوڭعى تىنىسى دا ، سوڭعى توپىراعى دا وسى ارادان بۇيىرىپتى .
- سوندا بۇل كىسىلەر كىمدەر ؟ - دەدىم مەن تاڭىرقاپ.
- ەستۋلەرگە قاراعاندا كۇزدە ەل ەتەككە تۇسكەسىن قىرىققا تارتا ءتۇتىن جىلداعى ادەتى بويىنشا وسىندا كەلىپ وتىرىپتى . العاشقى قار ءتۇسىپ كۇن سۋىتا باستاعان مەزەتتە عانا ەتەككە ، قىستاۋلىقتارىنا كوشىپ باراتىن ادەتتەرى ەكەن . بۇلار وسىندا ورنىعىپ وتىرعاسىن ، وسى اۋىلدىڭ جىگىتتەر ويداعى ەلمەن قابارلاسىپ ، كەرەك - جاراقتارىن الىپ كەلىپ - كەتىپ تۇرعان . الايدا ۋاقىت بىرتىندەپ ءوتىپ العاشقى قار ءتۇسىپ ، ودان قىتىمىر قىس جەتىپ كەلگەنشە قاربالاستىقتان قولى بوساماعان تومەنگى ەل ۇزاق ۋاقىت حات - قابارسىز قالعان وسى جۇرتتى ەسكە الىپ قابارلاسىپ كەلۋگە ادام اتتاندىرىپتى . كوپ ۋاقىت بويى جان بالاسى جۇرمەگەندىكتەن بىتەلىپ قالعان قارلى جولدى بۇزىپ وتىرىپ ، وسى تاۋدىڭ شىعار اۋزىنداعى تار قىساڭعا كەلگەندە ولار عاجايىپ كورىنىسكە تاپ بولىپتى .سايدىڭ اۋزىنداعى تار جول تاسپەن ، كولدەنەڭ اعاشپەن بەكىتىلىپ ، ورتاسىنا ۇزىن ءارى جىڭىشكە سىرىق اعاش تۇرعىزىلىپ ، قۇلاپ كەتپەس ءۇشىن مىقتاپ بەكىتىپ ، اعاشتىڭ ۇشىنا ءجىپپەن الدەبىر نارسەنى بايلاپ قويىپتى .كەلگەن جىگىتتەر ءبىر - بىرىنە تاڭىرقاي قاراسىپ ، اعاش باسىنداعى تۇيىنشەكتى شەشىپ الىپ كورگەندە بارىپ ، ونىڭ ويداعى جۇرتتىڭ كەلەر جولىنا ادەيى بايلاپ قويعان ، سۋ وتپەس نارسەلەرمەن پەشەتتەلگەن حات ەكەنىن ءبىلىپتى .حاتتا :« بۇكىل اۋىل وبا اۋىرۋىنان تۇگەلدەي ءولدى، بىرنەشە ادام عانا امان قالدىق ،بۇل جۇقپالى اۋىرۋ تۇتقيىل تيگەندىكتەن ، باسقا اۋىلدارمەن قابارلاسۋعا شامامىز كەلمەدى ، امان قالعان بىرنەشەۋىمىز اۋىرۋدى ەلگە تارقاتپاس ءۇشىن ەلسىزگە كەتتىك ، امان بولساق كەلەرمىز، ەگەر وسى حاتتى كورسەڭىزدەر جاقىن ارادا ءبىزدىڭ اۋىلعا كەلۋشى بولماڭىزدار ، ارتتا قالعان قارالى اۋىل سىزدەرگە امانات . توعاسباي » دەپ جازىلىپتى.
حات تىزگىن ۇشىمەن ارتتاعى اۋىلعا جەتكىزىلىپتى . بىرەۋىنىڭ قىزى ، بىرەۋىنىڭ ناعاشىسى ، قۇداسى ، جيەنى قايتىس بولعان بۇكىل اۋىل كۇڭىرەنىپ قارالىق جامىلىپتى. ايتكەنمەن وبالى سايعا كىرەر اۋىزعا كۇزەت قويىلىپ ، ەشكىمنىڭ دە كىرۋىنە جول قويىلماپتى . تەك قىستىڭ ىزعارى قايتىپ قار ەري باستاعان مەزەتتە عانا اۋىلدىڭ اقساقالدارى مەن ازاماتتارى بارىپ قايتىس بولعان ادامدارى جەرلەپتى .ولار ەڭ العاش اۋىرىپ قايتىس بولعان ادامداردىڭ عانا جەرلەنگەنىن ، كەيىن ءولىم كوبەيگەن سايىن ءار ۇيدىڭ ەسىگىن مىقتاپ جاۋىپ ، بەكىتىپ وتىرعانىن ، ءتىپتى كەي شاڭىراق ادامدارىنىڭ تۇنگى ۇيقىعا باس قويعاننان ەرتەڭىندە قايتىپ تۇرا الماعانىن ، ءبىردە - ءبىر ادامنىڭ تۇرىپ تۇندىك اشۋعا شاماسى كەلمەگەنىن اۋىلدى ارالاپ ءجۇرىپ كورىپتى .كورىپ ءجۇرىپ كۇڭىرەنە جىلاپتى. سودان كەيىن جۇزگە تارتا ادامنىڭ مۇردەسىن وسىندا جەرلەگەن ەكەن . ولىمنەن قاشىپ قۇتىلعان بىرنەشە ادامنان باسقاسى تۇگەلىمەن وسىندا ...
مەن اكەمنەن بۇنداي اڭگىمە كۇتپەگەن ەدىم ، بۇل اڭگىمە بالا كوڭىلىمە اۋىر تيگەنى سونشالىق ، ءبىر تالايعا دەيىن ەسەڭگىرەپ ەسىمدى جيا الماي وتىردىم. اكەم مەنىڭ وي شۇڭەتىمدى بۇزعىسى كەلمەدى مە ، الدە ءوزى دە وسى قاسىرەتكە تولى اڭگىمەنىڭ قايعىسىنان قۇتىلا المادى ما بىلمەدىم ، ءۇن - ءتۇنسىز ، اۋىر كۇرسىنىپ قاسىمدا ۇزاق وتىردى. اقىرىندا مەن ءسوزدىڭ سوڭىن كۇتىپ اكەمە قارادىم . ول كىسى از - كەم ويلانىپ وتىردى دا :
- سول قىستا وسى اۋىلدىڭ قاراۋسىز قالعان مالىن تاۋ - تاستى كەزگەن ءيت - قۇس جەپ ءبىتىرىپتى . قار ابدەن ەرىپ بولعان كەزدە وسىنداعى ساي - سالانىڭ بارلىعى ولگەن مالدىڭ جەمتىگىنە تولىپ كەتىپتى . ال امان قالعان بىراز مالدى اۋىلدىڭ قازاسىنا سويىپتى. يە بولاتىن ەشبىر ادامى قالماعان قىرىققا تارتا كيگىز ۇيدى « بۇلىنگەننەن بۇلدىرگى الما » دەپ ىرىمداعان ەل سول تىگۋلى كۇيىندە ورتەپ جىبەرىپتى . الايدا دۇنيەگە كوز قىزارتىپ ، كەيبىر ۇيلەردى الىپ قالعان ادامداردا بولىپتى . دەسەدە سول كىسىلەردىڭ سوڭعى ۇرپاقتارى ەل قاتارلى ەڭسەسىن كوتەرگەن ادامداردان بولا الماپتى دەپ وتىراتىن ۇلكەن كىسىلەر ...
اكەم اڭگىمەسىن اياقتاتىپ ورنىنان تۇردى . سوسىن ماعان قاراپ :
- بالام ، بۇل ۋاقيعا استە ويدان قۇراستىرىلعان ەرتەگى مەن اڭگىمە ەمەس . قايتا تاريحتا ناقتىلى ، ءدال وسىندا بولعان ، بىراق كوپ حالىق بىلە بەرمەيتىن قاسىرەتكە تولى شىن ۋاقيعا. ال مىنا جاتقان تاس مولالار سول قاسىرەتتى ۋاقيعانىڭ كوز كورگەندەرى مەن قۇرباندارى ...ايتكەنمەن بۇل ۋاقيعا ناق قاي جىلى ، قاي ۋاقىتتا بولعانىن ەشكىم ءداپ باسىپ ايتىپ بەرە المايدى . تەك حالىق اراسىندا اۋىزدان - اۋىزعا ، ۇرپاقتان - ۇرپاققا وسىلاي جالعاسىپ كەلەدى ...
- ايتىڭىزشى ، حات قالدىرىپ كەتكەن توعاسباي دەگەن كىسىلەر قايتا ورالىپپا؟
- جوق ، ولاردان ورالعان ەشكىم دە بولماپتى .ايتسەدە ونىڭ باسقا اۋىلداردى جۇقپالى اۋىرۋدان امان الىپ قالعان اقىل - پاراساتىن ماداقتاعان ەل سودان باستاپ وسى جەردى سول كىسىنىڭ اتىمەن «توعاسباي تاۋى » دەپ اتاپ كەتىپتى . كوپ كەشىكپەي ەل اراسىندا توعاسباي باستاعان جىگىتتەر امان - ەسەن ەكەن ، ولار سول كەتكەننەن مۇڭعۇلياعا ءوتىپ ، سول جەردە ءۇيلى - باراندى بولىپتى - دەگەن قاۋەسەت سوزدەر تارالىپ جۇرىپتى ...
اكەم اتىنا قاراي اياڭدادى . مەن الدىمداعى قوڭىر توبەگە قويىلعان قالىڭ قابىردىڭ عاسىرلار بويى قۇشاقتاپ جاتقان قايعىلى سىرىن اقىرى تۇسىنگەن ەدىم . ءوزىمدى ۇستاي الماي سىرت اينالدىم. كوز شاناعىما جاس ىركىلدى... سوسىن ىشتەي كۇبىرلەپ :«جاندارىڭىز جانناتتا بولسىن » دەپ بەت سيپادىم.
ۇشار باسىن قار جامىلىپ ، ساي - سالاسىن قاراعاي قورشاعان الىپ تاۋلار كەۋدەسىن كۇنگە توسەپ شالقاسىنان جاتىر .قۇشاعىندا قانداي سىرلار بارىن كەربەز دالادان باسقا كىم ءبىلسىن .ال مەن وسىناۋ ادام باسپاس يەن تاۋدىڭ تاعانىندا ، تاعدىردىڭ تاسباۋىرلىعىن ايگىلەپ ، توبە - توبە بولىپ تۇنجىراپ جاتقان ، قازاقتىڭ قايعىعا تولى قارالى جىلدارىنىڭ كۋاسىنداي بولعان كونە قابىرعا قاراي - قاراي الىستاپ بارا جاتتىم.

- سوڭى _


2015. 1. 6

قوسىمشا جۇكتەلگەن سۋرەتتەرى:

كەلۋ قاينارى: http://www.elarna.net/oku.php?tur=11&id=517

پىكىرلەر:


جازعان لەبىزىڭىز300 ارىپتەن اسپاسىن!
ادام نەمەسە ۋيروس ەكەندىگىڭىزدى تۇراقتاندىرۋ سۇراعى، كاتەكشەگە 99 دەپ جازىڭىز، راحىمەت!
98 + 1 = ? sozsiz sifermen tolteringiz.

ەڭ جاڭا ماقالالار


ۋولت ۋيتمەن | ادەبيەت پ 10 مينوت
ۇكىمەت قىزمەتىنەن بايان 11 مينوت
ورتالىق تەلەۆيزياسىنىڭ 11 مينوت
ياتسەك گۋرالسكي: مەن وم 11 مينوت
شقو-دا ورمان ءورتى ءسون 17 مينوت
بقو-نىڭ بىرنەشە اۋدانىن 1 ساعات
قاسىرەتتى جىلداردىڭ تار 1 ساعات
لي كىچياڭ مەملەكەتتىك ك 1 ساعات
باس نىسانا تۋىن اسقاق ج 1 ساعات
اعاعا بازىنا 1 ساعات
سقو-دا بال شارۋاشىلىعى 1 ساعات
لا ليگا كەلەسى ماۋسىمدى 1 ساعات
ۇلتتىق ۇلانعا جاڭادان ق 1 ساعات
تۇركىستان وبلىسىندا بيى 1 ساعات
31 مامىر – ساياسي قۋعىن 1 ساعات
ءتول تاريحىمىزدى زەردەل 1 ساعات
«قۇسبەگىلىك – قاننان سى 1 ساعات
مەملەكەتتى بولشەكتەۋگە 1 ساعات
گولوۆكيننىڭ قارسىلاسى ء 1 ساعات
قازاقستاندىق تەننيسشى ا 1 ساعات
شينجياڭ ۋاكىلدەر ۇيىرمە 1 ساعات
قىزىلوردا جولدارىنىڭ سا 1 ساعات
بيىل قازاقستانعا 1 ملن. 1 ساعات
جامبىل وبلىسىندا 200-گە 2 ساعات
جازىقسىز قۋعىن-سۇرگىنگە 2 ساعات
13 - كەزەكتى مەملەكەتتى 2 ساعات
اۋىل شارۋاشىلىعى، اۋىل 2 ساعات
فرانتسيادا ساياباقتار ق 2 ساعات
لي كىچياڭ مەملەكەتتىك ك 2 ساعات
بۇگىننەن باستاپ الماتىن 2 ساعات