ەل-ارنا قولفون نۇسقاسىنا ەنۋ Еларна қолфон нұсқасына ену


ەل-ارنا قولفون نۇسقاسى | "قولفون نۇسقاسىن ءتۇسىرۋ (Android)

Кірілше
جۇكتەۋ-البومىم-البومدار-جەلى
وسى توردى ساقتايمىن! | وسى توردى باس بەت ەتەمىن!

ءبىزدىڭ بايلانىس: elarna2012@gmail.com

Үш күнгы келушылер санағыКелген адам саны (IP)Көрілген бет саны (PWs)КомпйутерҚолфон
2019-10-161489390735 %65 %
2019-10-171587416432 %68 %
2019-10-1813845731 %69 %


تىركەلىڭىزدەر كىتاپحانا قوجالار تورابى البومدار قازاقتىڭ 1001 ەرتەگىسى

ءتۇرى: ەل-ارنا گازەتى | وسى ارادان ەلارنا گازەتىنىڭ بارلىق ماقالالارىن كورۋگە بولادى..

مەندە ال-ارناعا جازبا-ماقالا جازامىن، وندا وسى ارانى باسىڭىز!

جولدانعان ۋاقىتى: 08:14 - 2014/03/08

ماقالا جولداۋشى: Jolawshy
ماقالا اپتورى: Мираш мусабек
اپتوردىڭ مەكەن-جايى: Астана қаласы, Kazakhstan
وسى ماقالانىڭ كىرىلشە نۇسقاسى، وسى ارانى باسىڭىز

Осы мақаланың кірілше нұсқасы, осы араны басыңыз



: PDF Download - Жұктеұ - Скачать - ءتۇسىرۋ

Mirash_astana@mail.ru
سەگىز سەرى پوەزياسىنىڭ دىبىستىق اۋەزدىلىگى
ءتول مادەنيەتىمىزدىڭ مايەگى سال-سەرىلەر پوەزياسىنىڭ قازاق ولەڭتانۋىندا الاتىن ورنى ەرەكشە. اندەرى حالىق ءانى قاتارىندا جۇرگەن سەگىز سەرىنىڭ (مۇحاممەد-حاناپيا) تۋىندىلىرى سارقىلمايتىن، تاۋسىلمايتىن قازىنا.
«سال-سەرىلىك ءداستۇرى — قازاقتا وتە ەرتە داۋىردەن كەلە جاتقان حالىقتىڭ تىرشىلىگىنە كوپ جاڭالىق اكەلىپ، ادەبيەتكە يگى اسەرىن تيگىزگەن م ادەنيەتىمىزدىڭ ءبىر جارقىن ۇلگىسى. قازاق اۋىز ادەبيەتىنە جۇگىنسەك، ەسكى داۋىردەگى سەرىلىك ونەردى باستاۋشىنىڭ ءبىرى — قورقىت بابا ەكەنىن بىلەمىز. ول اتاقتى شەشەن، ەل باسقارۋشى بولۋمەن بىرگە ءدۇلدۇل جىراۋ، اسقان كۇيشى، قوبىز جاساپ ونى قازاق توپىراعىندا العاش سويلەتكەن كەمەڭگەر. سول ونەرپازدار توبىنىڭ تەرىسكەي سارىارقاداعى باسشىلارى سالعارا جانكىسىۇلى (1759—1859 ج. ج.)، جاناق قامبارۇلى (1760—1857 ج. ج) شاعىراي سال، جانات سەرى (ەكەۋى دە شاقشاقۇلى) بولعان. وسى ونەرپازدار توبىنا ىلەسە شىعىپ سال-سەرىلىكتىڭ تۋىن كوتەرگەن، ولاردان ۇلگى العان اتاقتى باتىر، ايگىلى اقىن، تەڭدەسسىز ءانشى جانە كۇيشى، ون ساۋساعىنان ونەرى تامعان شەبەر، اتبەگى، قۇسبەگى، اڭشى، پالۋان، مەرگەن سەگىز سەرى باھرامۇلى شاقشاقوۆ بولدى. ول ءوز تۇسىندا سال-سەرىلەر مەكتەبىنىڭ العاش ۇيىمداستىرۋشىسى بولعان.» [1، 16]
Cوز زەرگەرى سەگىز سەرى (مۇحاممەد-حاناپيا) سۇيگەن جارى ماقپالعا ارناعان بىرنەشە ولەڭىنىڭ پوەتيكالىق-مۋزىكالىق مازمۇنىنا، دىبىستىق اۋەزدىلىگىنە نازار اۋدارساق : اتاقتى «گاۋھار تاس» ولەڭىنىڭ ەۆفونياسى:
اجارىڭ اشىق ەكەن اتقان تاڭداي،
نۇرلى ەكەن ەكى كوزىڭ جاققان شامداي.
اناڭنان سەنى تاپقان اينالايىن،
كۇلىم كوز، ويماق اۋىز، جازىق ماڭداي!
قايىرماسى :بەۋ-بەۋ، گاۋھار تاس،
قۇسني قۇرداس،
راۋشان ءجۇزىڭ كورگەندە،
ساۋلەم-اۋ، سابىرىم قالماس. [2،24]
ولەڭ ىرعاعى 11 بۋىندى قارا ولەڭ ۇيقاسىنىڭ 3+4+4 ورنەگىمەن ورىلcە، ءان قايىرماسى 2+3، 4، 4+3، 3+5 ورنەگىمەن تۇزىلگەن. اۋەندىك ىرعاق جەلدىرمە ەمەس، باياۋ، اسىقپاي ايتۋعا نەگىزدەلگەن. «بەۋ-بەۋ» ءسوزى ولەڭنىڭ ەموتسونالدىق-ەكسپرەسسيۆتىك رەڭكىن ارتتىرىپ تۇر.سالىستىرمالى سۋرەتتەۋلەر (اتقان تاڭداي، جاققان شامداي)، قارامەن كورسەتىلگەن بىروڭكەي دىبىس ورنەكتەرى (-اي-، -اق-) كوركەمدىك-ەكسپرەسسيۆتىك سيپاتقا يە بولىپ، بىرنەشە ويدى بىلدىرە العان. ء«بىر دىبىستى قايتالاپ كوپ قولدانۋدىڭ شىعارمانىڭ الدىنا قويعان ماقساتى، اۆتوردىڭ ايتايىن دەگەن ويىنا بايلانىستى. دىبىس قايتالاقتاۋىنىڭ ءوزى مازمۇنمەن بايلانىستى بولادى»، -دەيدى پروفەسسور ق.جۇماليەۆ [3، 191] ال، ولەڭتانۋشى عالىم س.نەگيموۆ «...ولەڭدەگى ۇندەستىك دىبىستار جۇيەسىنىڭ ورنالاسۋ تارتىبىنەن تۋاتىن قاسيەتتىردىڭ ءبىرى. ءۇن كەلىسىمى وي-ىرعاعى كەلىسىمىمەن ۇشتاسقاندا عانا ەستەتيكالىق مانگە يە بولادى»،[4،78]- دەپ ولەڭنىڭ اسەمدىك قىرىن اشا تۇسەدى. العاشقى شۋماقتاعى سوزدەردىڭ سينتاكسيستىك قۇرىلىسىن سيممەتريالى قىلىپ، ورنىن اۋىستىرىپ ، 11 بۋىندى قارا ولەڭنىڭ 4+3+4 ورنەگىنە رەتتەيتىن بولساق، بۇل تارماقتارداعى ىرعاق اۋىرلاپ، تەجەلىس تۋاتىنىن بايقايمىز. دەسەك تە اشىق ەكەن، نۇرلى ەكەن سوزدەرى ولەڭ اۋەزدىلىگىنىڭ بىردەن–بىر كىلتى، سونىمەن بىرگە مۇنداعى اۋەندىك ىرعاق - عاشىق جان سەزىمىنىڭ ايناسىنداي.
ان قايىرماسىنىڭ مازمۇنىنداعى دىبىستاردىڭ توپتاسۋى، دىبىستاردىڭ ورايلاسۋى «ساۋلەم-اۋ» سوزىنە سايادى.
اجارىڭ اق تۇلكىدەي قاشقان قۇمنان،
شولپانداي تاڭ الدىندا جالعىز تۋعان.
جىلى سۋ، قولدا قۇمان، قاردا ورامال،
جىبەكپەن قىزىل گارىس بەلىن بۋعان. [2،24]
بۇل شۋماقتاعى وي وزەگىن اقىن اجاردى «اق تۇلكىگە» ۇقساتۋ ارقىلى سۋرەتتەيدى. وسىعان سايكەس «ل» دىبىسى 9 رەت قولدانىلىپ، ءان مازمۇنىن اجارلاندىرا تۇسكەن.
باساسىڭ اياعىڭدى ىرعاڭ-ىرعاڭ،
سىلدىراپ شاشباۋىڭ مەن التىن سىرعاڭ.
جاي ءجۇرىپ شاتتاناسىڭ اسەرلەنىپ،
اسەمسىڭ جۇيرىك اتتاي موينىن بۇرعان. [2،24]
«گاۋھار تاس» ولەڭىندەنگى ءار شۋماق وزىنشە، اركەلكى دىبىستارمەن بەزەندىرىلگەن. قارامەن بەلگىلەنگەن ورتاق دىبىستاردىڭ قايتالانۋى ىرعاقتىلىققا كوشكەن. وسىلايشا ءار شۋماق وزىندىك ەرەكشەلىگىمەن ولەڭنىڭ كوركەمدىك تۇتاستىعىن نىعايتا تۇسكەن.
ال، 2013 جىلى «جالىن» باسپاسىنان سوتسيال جۇماباەۆتىڭ قۇراستىرۋىمەن شىققان II تومدىق سەگىز سەرى شىعارمالارى جيناعىنىڭ I تومىندا ايگىلى «گاۋھار تاس» ولەڭىنىڭ ء2-تۇرى تومەندەگىشە بەرىلەدى:

اجارىڭ اشىق ەكەن اتقان تاڭداي،
بەينە ءبىر قاراڭعى ۇيگە جاققان شامداي.
اناڭنان سەنى تاپقان اينالايىن،
بوتا كوز، قىر مۇرىندى، اقشا ماڭداي [2،25]
مۇندا دا دىبىستاردىڭ جاراسىمدىلىعى، ىرعاق جاتىقتىعى، سونىمەن قاتار ولەڭنىڭ ەستەتيكالىق ءمانى دە ەرەكشە. «مۇنىڭ ارقاسىندا ولەڭنىڭ دىبىستالۋ جۇيەسى اسەم اۋەنمەن كومكەرىلگەن». [4،78] سۇيگەن ارۋىنىڭ سۇلۋلىعىن ايعا بالاۋى دىبىس قۇرىلىسىندا دا ادەمى ورنەكتەلگەن. .
ءارى ءانشى، شىن شەشەنسىڭ ءبىر جەزتاڭداي،
كوركىڭدى كورگەن پەندە ماس بولعانداي.
قالامقاس، ويماق اۋىز، ات جاقتىم-اۋ،
جارالعان بالعىن دەنەڭ عاپى قالماي. [2،25]
«گاۋھار تاس» ولەڭىنىڭ ءبىرىنشى تۇرىندە جوق بۇل شۋماقتاعى شىن شەشەنسىڭ، كوركىڭدى كورگەن پەندە سوزدەرىندەگى باستاپقى داۋىسسىز دىبىستاردىڭ قايتالانۋى دىبىس اۋەنىن تۇرلەندىرگەن. ۇيقاسۋشى نەگىزدەردىڭ ءبىر دىبىستىق ۇندەستىككە نەگىزدەلۋى ولەڭگە ءوڭ بەرىپ تۇر.
اجارىڭ اق بوكەندەي قاشقان قۇمنان،
شولپانداي تاڭ الدىندا جالعىز تۋعان.
باسىڭدا كامشات بورىك، قولدا جۇزىك،
جىبەكپەن قىزىل گارىس بەلىن بۋعان. [2،25]
بۇل شۋماقتاعى 3-قاتار «گاۋھار تاس» ولەڭىنىڭ ءبىرىنشى ءتۇرى 2-شۋماعىنا ( جىلى سۋ، قولدا قۇمان، قاردا ورامال) قاراعاندا ءساتتى تۇزىلگەن سياقتى، سەبەبى تۇتاستاي سۋرەتتەۋگە نەگىزدەلگەن. سان عاسىرلاردى سويلەتكەن بۇل تۋىندىنىڭ مۇنداي وزگەشەلىكتەرىنىڭ بولۋى زاڭدى دا.
سەگىز سەرى سۇيگەن ارۋى ماقپالدى گاۋھار تاسقا تەڭەۋىن ليريكالىق «قالقاش» [2،47] ولەڭىندە جالعاستىرعان. بۇل ولەڭ 11 بۋىندى جىر ولشەمىنىڭ 3+4+4 ورنەگىمەن ورنەكتەلسە دە، اۋەنى باسقا. «ارشىن ءتوس، اققۋ مويىن، بەۋ، گاۋھار تاس»، «دوستاسقان ءۇش جىل بويى، ەي، گاۋھار تاس »، «گاۋھار تاس، سىزدەن باسقا سۇيەرىم جوق» جەگەن ولەڭ جولدارى كومپوزيتسيالىق تۇتاستىقتى ساقتاپ تۇر. سەگىز سەرىنىڭ قاي ولەڭىن المايىق، دىبىستىق ۇندەسۋى وتە كوركەم. ماقپالعا قولى جەتپەي قۇمارتقان ليريكالىق قاھارماننىڭ سۇراعىنان ۇيلەسۋشى مۇشەلەر قۇرالىپ، ولەڭنىڭ ماعىنالىق سالماقتىلىعىنا ۇلكەن ۇلەس قوسىپ تۇر. كوڭىلى الاي-دۇلەي بولعان جاننىڭ جۇرەگىندە تىنىشتىق بولسىن با؟ ولەڭ مازمۇنىنا ساي 3 شۋماقتاعى ۇيلەسۋشى مۇشە شارتتى رايدىڭ –سا،-سە جۇرناعى ارقىلى جاسالىنعان. ء«وزىڭ ءبىل جاۋ قولىنا ەرىپ كەتسەڭ» دەپ ماقپالعا رەنىشىن بىلدىرەدى.
مازمۇنى وسى ولەڭگە ۇقساعان «بوزشۇبار» [2،23] ولەڭى دە ون ءبىر بۋىندى جىر ولشەمىنىڭ 3+4+4 ىرعىعىنا نەگىزدەلگەن. قارا ولەڭ ۇيقاسىمەن ورىلگەن بۇل ولەڭنىڭ اسەمدىگى سوڭعى بۋناق بولسا دا، تارماق تۇزىلىسىنە ءمان بەرسەك، سوزدەر بىروڭكەي جۋان نەمەسە بىروڭكەي جىڭىشكە بولىپ تىزىلمەگەن. «تۇندە مەن ۇيىقتاپ جاتىپ كورسەم ءبىر ءتۇس»، «سوڭىنان ۇشىپ كەتتى ەكى اققۋ قۇس»، «سۋسىندار شولدەگەندە اينا كول جوق»، ت.ب. تارماقتار جۋان جانە جىڭىشكە داۋىستى سوزدەر الما كەزەك قالانىپ، ولەڭ ۇيقاسىن تۇزەتىن بۋناق تولىعىمەن نە جۋان نە جىڭىشكە داۋىستىلاردان قۇرالعاندىعى ولەڭنىڭ ەۆفونياسىن قۇلپىرتىپ جىبەرگەن.
وسى سارىنداس ماقپالعا ارناعان «قىزعالداق» [2،95] ولەڭىنە نازار اۋدارساق. ءداستۇرلى 3+4+4 جىر ولشەمى مۇندا سۇلۋ جاردىڭ پورترەتىن جاساۋدى ەمەس، ەپيكالىق بايانداۋدى ماقسات ەتكەن. تارماق سانى ءارتۇرلى 8 شۋماقتان قۇرالعان ولەڭ وي اعىمىنا بايلانىستى ءتورت بۋىندى ەكى دىبىستىق ۇندەستىككە نەگىزدەلگەن. ولار جەكە سوزدەردىڭ ۇيقاسۋىمەن قاتار قۇراما، ياعني ءار تارماقتا ۇيقاس جاساۋعا ەكى ءسوزدىڭ قاتىسۋىنان دا كورىنەدى.
العاشقى شۋماقتاعى 4 تارماقتىڭ ۇيقاسۋشى مۇشەلەرى 4 بۋىندى زات ەسىمنەن جاسالىنسا (يران باق، ءسىز قىزعالداق، ءسىز شامشىراق)، كەيىنگى تارماقتارداعى ۇيقاسۋشى مۇشەنىڭ ءبىرىنشىسى ەتىستىك، ەكىنشى جانە ءۇشىنشىسى زات ەسىم (وتە جىراق-ەگىز ىلاق، ءسىز ءبىر شاباق)، ەتىستىكتەن (ەتتىم تالاپ، جاناسالاپ، كۇلىپ-ويناپ، تەرەڭ ويلاپ، نايزا بويلاپ، ءتىلىن بايلاپ) جاسالىنعان.
ولەڭنىڭ ەكىنشى شۋماعىنداعى ۇيقاسۋشى مۇشەلەر «گاۋھار تاس» ولەڭىندەگىدەي –داي، ياعني تەڭەۋ، ۇقساتىپ سۋرەتتەۋ نەگىز بولعانمەن، زات ەسىمدى دە ورايلاستىرعان (جازىق ماڭداي- شەكەر بالداي-تال شىبىقتاي-جىبەك تالداي- ءيسىڭ قانداي- جاققان شامداي; قوينىڭ جۇماق-قۇندىز، جانات-قۇيرىق قانات) ءۇشىنشى شۋماقتاعى ۇيقاسۋشى مۇشەلەر دە زات ەسىم جانە ەتىستىكپەن ۇيلەستىرىلگەن ء(سىزدى قۇشقان-قالىڭ دۇشپان-بىردەن ۇشقان; سىزدەر التىن- تۋعان حالقىن- ماعان سالقىن; شايقالدىرىپ-تايپالدىرىپ- وي سالدىرىپ).
تورتىنشى شۋماقتاعى ۇيقاسۋشى نەگىز نەگىزىنەن ەتىستىكتەن جاسالىنعان (ويناقتايسىز-قايماقتايسىز-بايقاتپايسىز-جالىقپايسىز-شارىقتايسىز- قايمىقپايسىز- اينىمايسىز، بەيىش جۇماق-مىنسەڭ پىراق-جالعىزسىراپ-ساۋال-سۇراق; سۇلۋ ءشىرىن-ىشتىڭ ءسىرىن-سوزدىڭ شىنىن). العاشقى تارماقتارداعى دىبىستىق ۇندەستىك، بىرەن-ساران دىبىستاردى ايتپاعاندا، داۋىستى ا-ى، سونداي-اق، داۋىسسىز ق-ي-س-ز دىبىستارى ولەڭدى اجارلاندىرسا، اتالمىش شۋماقتىڭ سوڭعى تارماقتارىنداعى دىبىستىق ۇندەسىم دە كوپشىلىك سوزدەردە داۋىسسىز دىبىستارعا نەگىزدەلگەن. بۇل ورايدا عالىم س.نەگيموۆتىڭ ولەڭنىڭ اۋەزدىلىگىن ارتتىرۋدا تەك داۋىستى دىبىستاردىڭ عانا ەمەس، داۋىسسىزداردىڭ دا ورنى بار دەگەن پىكىرىن قولدايمىز.
بەسىنشى شۋماقتىڭ ۇيقاسۋ رەتى مىناداي: ااااباباابا. وتكەن كۇنىن ماقتانىشپەن ەسكە العان اقىن ويدىڭ شارىقتاۋ شەگىنە جەتكەندە ۇيقاسقا دا سالماق سالعان. ءبىراق ۇيلەسۋشى مۇشەلەر 4 بۋىننان اينىماي، ەكى دىبىستىق ۇندەستىككە نەگىزدەلگەندىكتەن ولەڭ اۋەزدىلىگىنە نۇقسان كەلمەگەن. بۇل ۇيقاسۋشى مۇشەلەر اقىننىڭ ءسوزدى ۇيلەستىرۋدەگى شەبەرلىگىن تانىتادى.
6، 7، 8، شۋماقتار دا اقىن ويىن قۇيىنداتا، شۇبىرتپالى ۇيقاسقا سالا كەلىپ، ماقپالعا كوكەيىندەگى شەرىن تارقاتىپ، قىزدىڭ كەلىسىمىن سۇراپ (ماقپالجان، سەرت ەتكىزىپ سوڭىمنان ەر!) وجەتتىكتى قارا ولەڭ ۇيقاسىمەن بىلدىرەدى.
ومىرىن ولەڭمەن ورنەكتەگەن اقىننىڭ «ماقپال» ولەڭى «ق»، «ك» دىبىستارىنىڭ كوپ قولدانىلۋىمەن ەرەكشەلەنەدى. مۇنى دا مازمۇننان تۋعان ولەڭنىڭ ءوز ەرەكشەلىگى دەر ەدىك.
«...بىز كەلىپ اۋىلىڭا باستىق قادام،
ۇلىقتان قۋعىن كورىپ كوڭىلىم الاڭ.
ماقپالجان، شىنىمەنەن ۋادە ەتسەڭ،
الىپ قاشىپ كەتۋگە كەلەر شامام». [2،30]
4 شۋماقتان قۇرالعان ولەڭنىڭ ءون بويى «ق» دىبىسى 30 رەت ، «ك» دىبىسىنىڭ 17 رەت قولدانىلۋى كەزدەيسوق جاعداي دەي الاماس ەدىك. بۇل دىبىستار اقىن جۇرەگىن جارالاعان ماقپالدىڭ دىبىستىق قۇرىلىمىن اشا ءتۇسۋ، ەستە ەرەكشە قالدىرۋ ماقساتىندا قولدانىلعانى انىق.
قورىتا كەلە، سەگىز سەرىنىڭ ءبىر تاقىرىپتا جىرلاعان ولەڭدەرىنەن عانا تۇيگەنىمىز مازمۇنى، ىرعاق جۇيەسى، ۇيقاسى (قارا ولەڭ) ءبىر بولعانىمەن، ايتار ويى، سوعان ساي دىبىستىق قۇرىلىمى ءارقيلى. قاي ولەڭىن الساق تا، دىبىستىق قايتالاۋىنىڭ ءوزى بەلگىلى ماقساتتان تۋىنداعان. ءبىز مۇنى، ارينە اقىن شەبەرلىگى دەپ تۇسىنەمىز. زامان كورىنىسىن، ءداۋىر شىندىعىن ءوز ءومىرى ارقىلى، اتاپ ايتساق، سۇيگەن جارعا دەگەن ىستىق سەزىمى ارقىلى جىرلاعان سەگىز سەرى پوەزياسى - جۇرەگىڭدى تۋلاتىپ، اسەم اۋەنگە اسەرلەندىرەتىن كلاسسيكالىق تۋىندى
پايدالانىلعان ادەبيەتتەر ءتىزىمى:
1. ابۋتاليەۆ ن. سەگىز سەرى
2. سەگىز سەرى (مۇحاممەد-حاناپيا) شىعارمالارى. 1-توم (قۇراست.سوتسيال جۇماباەۆ). الماتى: «جالىن باسپاسى» جشس، 2013
3. جۇماليەۆ ق.ج. ادەبيەت تەورياسى. الاماتى: مەكتەپ، 1969
4. نەگيموۆ.س. ولەڭ ءورىمى. الماتى، قازاق ءسسر-نىڭ «عىلىم» باسپاسى، 1980

قوسىمشا جۇكتەلگەن سۋرەتتەرى:

كەلۋ قاينارى: http://www.elarna.net/oku.php?tur=11&id=295

پىكىرلەر:


جازعان لەبىزىڭىز300 ارىپتەن اسپاسىن!
ادام نەمەسە ۋيروس ەكەندىگىڭىزدى تۇراقتاندىرۋ سۇراعى، كاتەكشەگە 99 دەپ جازىڭىز، راحىمەت!
98 + 1 = ? sozsiz sifermen tolteringiz.

ەل-ارنا ءوز گازەتى

ەڭ جاڭا ماقالالار


جەمقورلىق تاقىرىبىنداعى 7 مينوت
اتا-انالار مەكتەپ اسحان 16 مينوت
中国哈萨克语广播网 16 مينوت
ءXىX عاسىرداعى قىتاي مە 1 ساعات
中国哈萨克语广播网 1 ساعات
y=√x فۋنكتسياسى، قاسيە 1 ساعات
سيريانىڭ مابرۋكا لاگەرى 1 ساعات
中国哈萨克语广播网 1 ساعات
اقش-تا جۇگەرى مەن سويا 1 ساعات
سويلەم - پرەزەنتاتسيالا 1 ساعات
الەم ەلدەرى اۆتوكولىك ق 2 ساعات
م. سۇندەتوۆ «قايىرىمدىل 2 ساعات
中国哈萨克语广播网 2 ساعات
ەتىستىكتىڭ سويلەمدەگى ق 2 ساعات
جانكۇيەرلەر سوچي اۋەجاي 2 ساعات
中国哈萨克语广播网 2 ساعات
جىلدامدىق جانە ورتاشا ج 2 ساعات
中国哈萨克语广播网 3 ساعات
جانكۇيەرلەر سوچي اۋەجاي 3 ساعات
ەكاتەرينبۋرگ - الماتى ت 3 ساعات
ءوزى ەكو ادىسىمەن دۇنيە 3 ساعات
中国哈萨克语广播网 3 ساعات
بقو-داعى جانىبەك دەندرو 3 ساعات
سۋ سپورتى: قۇرلىق ۇزدىك 4 ساعات
قازاقستاندىقتار جۇكتى ء 4 ساعات
中国哈萨克语广播网 4 ساعات
وسى ارانى باسىپ كورىڭىز 4 ساعات
27 مەملەكەت ۇلىبريتانيا 4 ساعات
يسلام ءدىنى تايم-مەنەدج 4 ساعات
中国哈萨克语广播网 4 ساعات