ءتۇرى: ەل-ارنا گازەتى | وسى ارادان ەلارنا گازەتىنىڭ بارلىق ماقالالارىن كورۋگە بولادى..
مەندە ال-ارناعا جازبا-ماقالا جازامىن، وندا وسى ارانى باسىڭىز!
جولدانعان ۋاقىتى: 11:34 - 2021/01/22
ماقالا جولداۋشى: nurhalyk
ماقالا اپتورى: Ержан Керімбаев
اپتوردىڭ مەكەن-جايى: Алматы
وسى ماقالانىڭ كىرىلشە نۇسقاسى، وسى ارانى باسىڭىزОсы мақаланың кірілше нұсқасы, осы араны басыңыз
2020 جىلدىڭ 30-قاراشاسى مەن 2021 جىلدىڭ 20-قاڭتار ارالىعىندا قحر بەيجىڭ قالاسىندا قىتاي شەت تىلدەر الماسۋ ورتالىعى، ورتالىق راديو جانە تەلەۆيزياسى، «قىتاي ءتىلى كوپىرى» كلۋبى جانە قىتاي ءتىلى اليانسىنىڭ بىرلەسىپ ۇيىمداستىرۋىمەن شەتەلدىكتەر اراسىندا قىتاي فيلمدەرى مەن تەلەديدار تۋىندىلارىن دۋبلياجداۋ بويىنشا سايىس ۇيىمداستىرىلدى. ءۇش ايعا سوزىلعان بايقاۋعا الەمنىڭ ءتۇرلى ەلدەرىنەن قىتاي ءتىلىن وقىپ جاتقان ستۋدەنتتەر مەن وقىتۋشىلار بەلسەندى قاتىسىپ، وزدەرى دۋبلياجداعان جۇمىستارىن ۇسىندى.
بارلىعى الەمنىڭ 80 ەلىنەن 200-گە جۋىق وقۋ ورنىنان 500-دەن استام قاتىسۋشى 700-گە تارتا جۇمىس تاپسىردى. ىرىكتەۋ ناتيجەسىندە ءال-فارابي اتىنداعى قازاق ۇلتتىق ۋنيۆەرسيتەتى شىعىستانۋ فاكۋلتەتىنىڭ قىتايتانۋ كافەدراسى «ۇزدىك ۇيىم» نوميناتسياسىمەن ماراپاتتالدى. كافەدرانىڭ 2 ءمۇعالىمى مەن 21 ستۋدەنتى «ۇزدىك دۋبلياجداۋشى» اتتى ماراپاتقا يە بولدى. سونداي-اق، كافەدرامىزدىڭ 3 جەتەكشى ءمۇعالىمى، اتاپ ايتساق، ورازاقىنقىزى فاريدا، دۇيسەنباي قۇلپىناي جانە ماۋليت باقىتنۇر «ۇزدىك جەتەكشى» ماراپاتىنا يە بولدى. بۇل ەگەمەن ەلىمىزدىڭ تاريحىنداعى وتە ۇلكەن جەتىستىك دەپ ايتۋعا بولادى. جۇلدەگەرلەردى شىن جۇرەكتەن ماراپاتتارىمەن قۇتتىقتايمىز!
قوسىمشا جۇكتەلگەن سۋرەتتەرى:
كەلۋ قاينارى: http://www.elarna.net/oku.php?tur=11&id=2416
