نۇرالەم Facebook -كە جازىل ءتاڭىرتاۋ YouTube -كە جازىل قازاقتىڭ 1001 ەرتەگىسى


ەل-ارنا قولفون نۇسقاسى | "قولفون نۇسقاسىن ءتۇسىرۋ (Android)

Кірілше
جۇكتەۋ-البومىم-البومدار-جەلى
وسى توردى ساقتايمىن! | وسى توردى باس بەت ەتەمىن!

ءبىزدىڭ بايلانىس: elarna2012@gmail.com



نۇرالەم Facebook -كە جازىل ءتاڭىرتاۋ YouTube -كە جازىل قازاقتىڭ 1001 ەرتەگىسى

ءتۇرى: ەل-ارنا گازەتى | وسى ارادان ەلارنا گازەتىنىڭ بارلىق ماقالالارىن كورۋگە بولادى..

مەندە ال-ارناعا جازبا-ماقالا جازامىن، وندا وسى ارانى باسىڭىز!

جولدانعان ۋاقىتى: 22:36 - 2020/12/28

ماقالا جولداۋشى: nurhalyk
ماقالا اپتورى: Нұрхалық Абдырақын
اپتوردىڭ مەكەن-جايى: Бейжің қаласы
وسى ماقالانىڭ كىرىلشە نۇسقاسى، وسى ارانى باسىڭىز

Осы мақаланың кірілше нұсқасы, осы араны басыңыз


اسا قامقور، ەرەكشە مەيىرىمدى اللانىڭ اتىمەن باستايمىن.
پايعامبارىمىز(س.ا.ۋ)مەن اسحابىنا سالاۋاتپەن سالەم بولسىن!
اقىل بەلگىلى ءبىر جەرگە بارعان سوڭ توقتايدى... قۇددى تاۋ شىڭدارىنا شىعا الماي ەتەكتە قالعان تەمىر تۇلپار ىسپەتى، ەندى جۇرەك كوزى جول باستايدى،سول كەزدە ادام ادامدىق مىندەتىن سەزىنەدى. ابايشا ايتقاندا «پايدا ويلاماي، ار ويلاپ» ءوزىن ەسەپسىز ارنايدى... ساپ يمان، شىن عىلىم، ار، ۇيات، ادەپ، وتان، تۋعان جەر، انا ت.ب. سودان كەيىن عانا ءباستالادى.
شول جازيرالى اراب دالاسى، قۇرعاق ىستىق. اراب جارتى ارالىنىڭ شىعىسىندا بارسا، وڭتۇستىگىندە اممان، ودان ارى ءۇندى مۇحيتى. تەرىستىگى اق تەڭىز. اق تەڭىز جاعاسىندا پالەستين جەرى گازاادان باستالىپ، يراقتاعى فىرات وزەنىنە تىرەلەدى. باتىسى قىزىل تەڭىز، وعان پاراللەل ۋحۋد، ءابۋ قۋبايىس، نۇر تاۋ سىلەمدەرى يەمەنگە دەيىن سوزىلىپ جاتىر. تايف، مەككە، ءمادينا، جاڭا حيجاز ولكەسى وسى ايماقتا. جيدا مەن جانبۋ دا تەڭىز جاعالاۋىنداعى قالا. قىزىل تەڭىزگە 40 تان 100 شاقىرىمعا دەيىن. تەڭىز دەڭگەيىنەن بيىكتىگى 2000 شاقىرىم.
تاۋ اراسىندا جانباعىسقا قولايلى سۋلى ەگىس القاپتار دا بار.
اللا تاعالا وسى دالانىڭ توپىراعىنان ەڭ العاشقى ادام ادام اتا(ا.س)دى جاراتىپ، ەكى ءتۇرلى رۋح ۇرلەدى. ءبىرى رۋح-حايۋاني، اللا تاعالانىڭ ء(جالال) سيپاتىنان. ونىڭ كەڭەسشىسى شايتان. ەكىنشىسى رۋح-ادامي. ول اللانىڭ كوركەم( جامال) سيپاتىنان. ونىڭ كەڭەسشىسى پەرىشتە. رۋح-حايۋانيدىڭ قالايتىنى ىشىپ-جەۋ،شەكتەن شىعا ساندەنۋ، قىزىققا بەلشەدەن باتۋ...قاشاندا جاماندىققا شاقىرىپ، سان ءتۇرلى ايلامەن سونى جاساۋعا كۇش بەرەدى، مىنە بۇل ءنافىس. ال رۋح اداميدىڭ قالاۋى ءوزىن تانىپ، جاراۋشىسىن زىكىر ەتۋ، قۇلشىلىق جاساۋ، اللانىڭ امىرىنە باعىنۋ. ادام ءتانى قاشاندا كۇرەس مايدانى....سول ءۇشىن اللا تاعالا بەلگىلى مەكەنگە، بەلگىلى قاۋىمعا پايعامبارلار جىبەرىپ، تۋرا جول كورسەتىپ، ءتۇرلى ىلىمدەر ۇيرەتتى.... پايعامبارىمىز مۇحاممەد (س.ا.ۋ) ارابتىڭ نەمەسە باسقا ءبىر قاۋمعا تيەسەلى ەمەس، بارلىق ادامزات پەن جىندارعا جىبەرلگەن سوڭعى پايعامبار مۇحاممەد(س.ا.ۋ)دى ادامنىڭ العاشقى جۇرتى قاسيەتتى مەككەدە تۋىلدى.
عىلىم ەكى ءتۇرلى ءبىرى ءاربىر ادام بالاسىنا پارىز بولعان يلاھي(ادام بولۋ، ماڭگىلىك ءىلىمى) ءوزىنتانۋ، سول ارقىلى جارتۋشىسىن ءبىلۋ ءىلىمى. ەكىنشىسى ءبىر ادامنىڭ ۇيرەنۋىمەن باسقالاردىڭ موينىنان قارىزى تۇسەتىن ءبىر ماماندىقتى مەڭگەرۋ. سول قاجەت ءۇشىن بۇل دۇنيەدە ادامدار بىر-بىرىنە بايلاناعان.
الەمنىڭ راحىم نۇرى دۇنيە ەسىگىن اشقاندا.... ماجۋسيلەردىڭ مىڭ جىل سونبەگەن وتتارى ءوشتى، يرانداعى كيسرا سارايلارىنىڭ تىرەكتەر وزدىگىنەن قۇلادى. قاعباداعى بارلىق پۇتتار كەنەتتەن سىندى. ساۋا كولىنىڭ سۋى تارتىلدى. ءسامۋا سايى سۋ استىندا قالدى.
پايعامبارىمىزدىڭ ءسۇت اناسى حاليما انامىز ءسابي مۇحاممەدتى (س.ا.ۋ) قۇشاعىنا العاندا ءبىر حيكمەتتى سەزدى. ونىڭ بولدىرعان ەسەگى جۇردەك بولىپ، جەڭىل باستى، بۇرىن كەتكەن قۇربىلارىن باسىپ وزىپ، ۇيىنە ەلدەن بۇرىن جەتتى. باسقالار تاڭدانا ءسوز ەتتى. سودان باستاپ، ول ۇيگە، ءتىپتى سول اۋىلعا قۇت بەرەكە كىردى. قۋاڭشىلىقتا بۇكىل اۋىل حاليما اپايدىڭ مال جايعان جەرىنە مال جايىپ، اپاتان امان قالدى. بالا كەزىندەگى سادر(كوكىرەك) تازالۋ ۋقيعاسىنا اۋىل بالالارى كۋا بولدى. قاي كەزدە دە توبەسىندە ءبىر شوق بۇلت سايا بولىپ، ءومىر بويى بىرگە ەرىپ ءجۇردى.
اللا تاعالانىڭ امىرىمەن ادامزاتتىڭ اسىلى، ادامدار ساناسىن جاڭعىرتتى...
پايعامبارىمىز(س.ا.ۋ) تۋعان جەرىندەگى ورمەكشىنىڭ تورىنداي جاۋلارىنا قاراماستان، ءوز قاۋىمى، ءوز مەكەنى ەمەس بۇكىل الەمدى قاراڭعىلىقتان جارىققا، ناداندىقتان ىلىمگە باستادى.
پايعامبارىمىز(س.ا.ۋ)سول تۇستاعى ۆيزانتيا، يران، مىسىر، الكساندريا، مەسوپوتاميا قاتارلى الپاۋت يمپەريا پاتشالارىنا حات جازادى.
حيجرەتتىڭ جەتىنشى جىلى مۇحارام ايىندا پايعامبارىمىز(س.ا.ۋ) حز. امر يبن ۋمايانى ەلشى ەتىپ، حاباش امىرشىسىنە حات جىبەردى.
اللانىڭ اتىمەن باستالعان حاتتى وقىعان بويدان اللانىڭ قالاۋىمەن حريستان ءناجاشي مۇسىلمان بولدى.
ۆيزانتيا(رۋم) يمپەراتورى گەراكليگە حز. ديحياتۋل كالبيدى ەلشى ەتىپ،
حات جىبەرىپ، مۇسىلماندىققا شاقىردى. ء
بىر اللانىڭ اتىمەن باستايمىن!
اللانىڭ راسۋلى مۇحاممەدتەن رۋم بيلەۋشىسى گەراكليگە!
ۋا، رۋم باسقارۋشىسى مەن ءسىزدى مۇسىلمان بولۋعا شاقىرامىن! مۇسىلماندىقتى قابىلداساڭىز ساۋ-سالەمەت تىرشىلىك كەشىپ، اللانىڭ تەڭدەسىز سيىنا يە بولاسىز. ەگەر شاقىرۋمدى قابىلداماساڭىز، جاماندىقتا قالعان بۇكىل حالقىڭىزدىڭ وبالى سىزدە بولادى.
گازادا جۇرگەن ءابۋ سۋفيان(ول كەزدە مۇسىلمان بولماعان كەزى ەدى)دى شاقىرىپ،پايعامبارىمىز تۋرالى سۇراپ ءبىلدى. شىنمەن حاق پاعامبار ەكەندىگىنە رۋم بيلەۋشىسى شىن سەندى. الايدا پوپتاردىڭ قارسىلىعىنان قورقىپ، ءوزى ىشتەي يمان كەلتىرىپ، ونى جاسىرىپ قالدى. پايعامبارىمىز (س.ا.ۋ)عا قىمبات سىيلىقتار جىبەردى. پايعامبارىمىز:«ۆيزانتيا مەنىڭ حاتىمدى قانشا ۋاقىت ساقتاسا، سونشا مەزگىل داۋرەندەپ تۇرادى»،- دەدى.
مىسىر بيلەۋشىسى مۋقاۋقاسى پايعامبارىمىزدىڭ ەلشىسىن وتە جاقسى قابىلداپ، ەكى قىز بەن، ءبىر ءاقتۇستى ءدۇلدۇلدى پايعامبارىمىز(س.ا.ۋ)عا سيعا جىبەردى.
پايعامبارىمىز: «ول بايلىعىنان ايرىلىپ قالامىن دەپ، مۇسىلمان بولعان جوق. ءبىراق ول بايلىعى ونىڭ قولىندا قالمايدى»،- دەدى. ارتىنشا سولاي بولدى.
حيجرەتتىڭ جەتىنشى جىلى مۇحارام ايىندا حا. ابدۋللا
يبن حۋزافانى ەلشى ەتىپ، يران كيسرا حۋسراۋ ءپارۋيزيدى مۇسىلماندىققا شاقىرىپ حات جىبەردى.
اسا مەيىرىمدى ءارى قامقور اللانىڭ اتىمەن!
اللانىڭ پايعامبارى مۇحاممەدتەن پارسى بيلەۋشىسى كيسراعا!
سالەم-تۋرا جولدى تالاپ ەتكەن جانە وعان ەرگەن، اللا مەن پايعامبارىنا يمان كەلتىرگەن، اللادان باسقا قۇداي جوقتىعىنا، ول جالعىز جانە سەرىگى جوقتىعىنا، مۇحاممەد(س.ا.ۋ) اللانىڭ قۇلى جانە پايعامبارى ەكەندىگىنە كۋالىك ەتكەندەرگە بولسىن! مەن سەنى اللانىڭ دىنىنە شاقىرامىن! مەن، تىرىلەرگە حابار بەرىپ، مويىندامايتىندارعا اللانىڭ ازابى شىن ەكەندىگىن ەسكەرتەتىن، اللا تاراپىنان جىبەرىلگەن پايعامبارمىن. مۇسىلمان بول! اماندىقتا بولاسىڭ. ەگەر مەنىڭ سوزىمە قۇلاق اسپاساڭ بارلىق ماجۋسيلەردىڭ كۇناسى موينىڭدا بولادى.
كيسرا وقىعان بويدا اساۋ ءنافىسى اشۋدان دىرىلدەپ، حاتتى جىرتىپ تاستادى.
«مەنەن بۇرىن ەلشى ولتىرگەندە، سەنى ولتىرەر ەدىم»،- دەپ ايبات شەكتى.
كيسرا يمەن اكىمى بازانعا شۇعىل حات جازىپ، «حيجازدا پايعامبارمىن دەپ جۇرگەن ادامدى ۇستاپ اكەل» دەپ ءامىر ەتتى. بازان كيسرانىڭ بۇيرىعىمەن، حات جازىپ ەكى ادامىن پايعامبارىمىز(س.ا.ۋ)عا جىبەرەدى. پايعامبارىمىز(س.ا.ۋ) ەلشىلەردى جىلى قابىلداپ، ولارعا مۇعجيزالى حابار بەرىپ: «كيسرانى ۇلى شيراۋايھ ءولتىردى. يسلام ەندى ونىڭ ولكەسىنە ۇستەمدىك قۇرادى. بازان مۇسىلمان بولىپ، اكىمدىك ورنىندا وتىرادى»دەدى. ولارعا سىيلىقتار بەرىپ، شىعارىپ سالدى. ەلشىلەر يمەنگە قايتىپ كەلگەن سوڭ بىرنەشە كۇن وتكەندە پايعامبارىمىز(س.ا.ۋ)نىڭ ايتقان حابارىن ءوز قۇلاقتارىمەن ەستىپ، مۇسىلمان بولدى. وسىدان كەيىن بازان مۇسىلمان بولدى. يسلامنىڭ العاشقى اكىمى دەگەن قۇرمەتكە يە بولدى. باسىمىزدىڭ ءتاجى، كوزىمىزدىڭ نۇرى، ەكى دۇنيە سۇلتانى سۇيىكتى پايعامبارىمىز(س.ا.ۋ)نىڭ ءار ءوزى، ءار ءىسى ۇلى جاراتۋشىنىڭ امىرىمەن، ەشقانداي كەزدەيسوقتىق جوق. اقىل جەتپەيتىن، جۇركپەن سەزەتىن، كوكرەك كوزىمەن كورەتىن، مۇعجيزاعا تولى عيباراتتى ومىر....
قاسيەتتى مەككە. ەجەلدەن اراب جارتى ارالىنداعى ماڭىزدى ۇلكەن قالا.
قالانىڭ وڭتۇستىك شىعىسىندا نۇر تاۋى، ونداعى حيرا ۇڭگىرى كوپ سىردى ىشىنەبۇگىپ، قالاعا كوز سالادى.
ادامدار كۇنانىڭ سان ءتۇرىن ويلاپ تاۋىپ، جەز وكشەلىك پەن زينانى اشىق جاساعانى سونداي، ۇل-قىزدار ءوز اكەسىنىڭ كىم ەكەنىن بىلمەي تەكسىزدىك جايلاعان. ارزان ءسوزدى اقىنداردىڭ كوبەيىپ، ولەڭدەرىن قاعىبا قابىرعاسىنا ءىلىپ قوياتىن، ولار ەڭ بەدەلدى ادام بولدى. پۇتقا تابىنعاندار ۇننان جاساعان پۇتتارىن قارنى توق كەزدە قۇداي ساناپ، قارنى اشسا جەي سالاتىن. قىز تۋىلسا تىرىدەي كومەتىن. ايەلدىڭ ورنى قۇلدان دا تومەن بولدى.
ارسىزدىققا توزبەگەن مۇحاممەد مۇستافا(س.ا.ۋ) نۇر تاۋىنىڭ ەڭ بيىك توبەسىنە كۇندە جاياۋ شىعىپ، ەلدەن وڭاشالانىپ، بۇل سۇمدىقتارعا نازالى كۇي كەشىپ، حيرا ۇڭگىرىندە ادامزاتتىڭ قامىن ويلاپ، وي ۇستىندە وتىراتىن. تاۋ شوقىسىنىڭ باتىس قاپتالىنا ءسال ەڭىستەپ، كىشكەنە وڭعا قاراي باعىتتالعاندا جاپسارلانعان جار تاستاردىڭ اراسىنان وتۋگە تۋرا كەلەدى، جاي كوزبەن قاراپ، اقىلمەن توپشىلاساڭ وتە المايسىڭ، وتە تار. اللاعا تاۋەكەل ەتىپ، اللا حابيبىسىنە سالاۋات ايتا تاسقا جاقىنداساڭ تاستىڭ اراسى اشىلىپ، كەڭىپ سالا بەرەدى، سودان وتكەن سوڭ حيرا ۇڭگىرى قۇشاعىن اشادى، تۋرا كاعىباعا باعىتتالعان ۇڭگىردىڭ بيكتىگى ەكى، ۇزىندىعى ءۇش، ەنى ءبىر جارىم مەتىر، ءىشى سونداي تىنىش، ادەمى مايدا سامال بەتىڭدى وبەدى. تىك تۇرىپ ناماز وقۋعا وتە ىڭعايلى.
ارعى تەگى حز. يبراھيم(ع.س) مەن حز. يسمايل(ع.س)نان تارايتىن. ءوز اتالارى تازا تەكتى حانيف. ولار بۇزىلعان ەۆرەيلىك پەن حريستاندىقتى قابىلداماي ءحز.يبراھيمنىڭ(ع.س) دىنىندە بولعان. بۇل ءدىندى قايتا جاڭعىرتاتىن ءبىر پايعامباردىڭ كەلۋىن كۇتەتىن. ءوز اكەسى ابدۋللاق (اللانىڭ قۇلى ماعىناسىندا)، اناسى ءامينا(اللانىڭ سەنىمدىسى ماعىناسىندا). پايعامبارىمىز 39 جاسىنان باستاپ، حيرا ۇڭگىرىندە عيباداتپەن شۇعىلداندى. 6 اي بويى يلاھي تۇستەر كوردى. ۇيگە قايتقان جولىندا تاستار مەن اعاشتار وعان «سەن اللانىڭ راسۋلىسىڭ»،- دەپ ءتىل قاتتى. ميلادي 610 جىلى 40 جاسىندا رامازان ايىنىڭ ون جەتىنشى كۇنى دۇيسەنبىدە جەبرەيىل (ع.س) حيرا ۇڭگىرىنە كەلىپ، «ەي، مۇحاممەد(س.ا.ۋ)! مەن جەبرەيىل پەرىشتەمىن. سەن اللانىڭ پايعامبارىسىڭ»، «وقى!»- دەدى. «بارلىعىن جاراتقان راببىڭنىڭ اتىمەن وقى. ول ادامدى ۇيعان قاننان جاراتتى. وقى! سەنىڭ راببىڭ قالاممەن جازۋدى ۇيرەتتى. ادامدارعا بىلمەگەندەرىن بىلدىرەتىن اسقان ءجومارت!»(الاق سۇرەسى1-5)
مەكە مۇشركتەرىنىڭ جاماندىق جاساماق بولعان حابارىن جەبرەيىل(ا.س)
پايعامارىمىز(س.ا.ۋ)عا جەتكىزدى. اللانىڭ امىرىمەن 622 جىلى پايعامبارىمىز جانىندا اسا سەنىمدى دوسى حز. ءابۋ باكىر(ر.ا) بار سافار ايىنىڭ بەيسەنبىسىندە ىمىرت جابىلا جولعا شىقتى. پايعامبارىمىزعا جاماندىق جاساۋ نيەتىمەن ءۇيىن قورشاعان مۇشىرىكتەردىڭ كوزىنە پايعامبارىمىز «ياسين» سۇرەسىن وقىپ، ءبىر ۋىس توپىراق شاشىپ وتە بەردى. اللانىڭ قۇدىرەتىمەن ولار ەشتەڭە كورمەدى. ەكى جاياۋ بىردەن ءساۋىر تاۋىنا قاراي بەت الدى. باۋرايىنا بۇلت شوككەن ءساۋىر تاۋى مەشت حارامنان 4 شاقىرىم وڭتۇستىكتە. بۇجىر-بۇجىر كەرىش تاۋ كولبەي سوزىلىپ جاتتى. ۇيگە كىرگەن دۇشپاندار پايعامبارىمىزدى تابا الماي ىزگە ءتۇستى. «ولاردى ۇستاعاندارعا 100 ءتۇي سىيلىق بەرەمىز»،- دەپ جار سالدى. دۇنيەگە قۇنىققان مۇشىرىكتەردەن نەبىر اككى قۋعىنشىلار پايعامبارىمىزبەن دوسىنىڭ ىزىنە ءتۇستى.
اللانىڭ راسۋلى مەن دوسى ءتۇنى بويى تاۋ جولىندا جىلدام ءجۇرىپ، ءساۋىر ۇڭگىرىنە تاڭ راۋانداپ جەتتى. حز. ءابۋ باكىر(ر.ا) الىدمەن ۇڭگىردىڭ ىشىنە كىرىپ، تازالىق جاساپ، تەسىكتەردى شاپانىن جىرتىپ تىعىندادى. ءبىر تەسككە تىعىندايتىن ەشتەڭە تاپپاعاندا اياعىمەن جاۋىپ، پايعامبارىمىزدى ىشكە كىرگىزدى. ۇزاق جول، بيىك تاۋعا شىعۋدان شارشاعان اللا راسۋلى دوسىنىڭ ءبىر تىزەسىنە باسىن قويىپ، كىشكەنە مىزعاعانى سول حز. ءابۋ باكىر(ر.ا)دىڭ اياعى ۋداي اشىپ كەتتى. اللا راسۋلىن وياتپاۋ ءۇشىن بار كۇشىن سالىپ، تىستەنە شىدادى. دەنەسى شىمىرلاپ جانسىزدانا باستادى. شەكەسى ءجىپسىپ، ءبىر تامشى جاس پايعامبار(س.ا.ۋ)نىڭ بەتىنە ءمولت ەتە ءتۇستى.
-نە بولدى دەپ باسىن كوتەردى پايعامبار.
-جىلان شاقتى- اۋ، دەيمىن اياعىم ۋداي اشىپ بارادى. پايعامبارىمىز دەرەۋ مۇباراك تۇكىرىگىن، «شيپا ءبىر وزىڭنەن يا اللا» دەپ، دوسىنىڭ اياعىنا جاقتى، سول ساتتە اۋىرۋعانى بىردەن ساپ تيىلدى. تەسىكتەن جىلان باسىن قاقايتتى.
-نەگە شاقتىڭ دوسىمدى دەپ سۇرادى پايعامبار. ء
-سىزدىڭ مۇباراك ءجۇزىڭىزدى كورۋ ءۇشىن وسىندا ۇزاق توستىم.
-مەنىڭ بۇندا كەلەتىنىمدى قايدان ءبىلدىڭ.
-اناۋ ەسىكتىڭ كوزىندە جاتقان كوگەرشىنمەن ورمەكشىدەن ءبىلدىم...
اللانىڭ امىرىمەن ءبىر ورمەكشى ىلەزدە ۇڭگىر اۋزىنا تورىن قۇردى. كوگەرشىن تەزدەن ۇيا سالىپ، جۇمىرتقا باستى. جاسىل شوپتەر ۇڭگىردىڭ اۋزىنا ءوستى.
ىزگە تۇسكەندەردىڭ داۋىستارى انىق ەستىلە باستادى، انە-مىنە دەگەنشە ۇڭگىردىڭ اۋزىنا جەتتى. ءحز.ابۋ باكىر ءوزى ءۇشىن ەمەس، پايعامبارىمىز (س.ا.ۋ) ءۇشىن قاتتى قوبالجىدى. پايعامبارىمىز (س.ا.ۋ) لا تَحْزَن «ۋايىمداما» دەدى. ءبىراق ءحز.ابۋ باكىر ءوزىن ۇستاي الماي قالدى. پايعامبارىمىز (س.ا.ۋ): إِنَّ اللَّهَ مَعَنا «ويتكەنى اللا تاعالا البەتتە بىزبەن بىرگە» دەپ ۋايىمنان ارىلۋدىڭ جولىن ۇيرەتتى.
پايعامبارىمىز(س.ا.ۋ) دوسىنىڭ تىزەسىن ءوزىنىڭ مۇباراك تىزەسىنە تيگىزىپ، جۇرەلەپ وتىرعىزىپ، ( سول ساتتە پەرىشتەلەر قاناتىمەن ەكەۋدى جاۋىپ، قالقا جاسادى) «اللانىڭ بىزبەن بىرگە بولعانىن ويلا، مۇراقابا جاسا، اللانى ويلاپ، مۇراقابا جاساعانعا ۋايىم كەتەدى. بۇل ماسەلە تۇبەگەيلى شەشىلەدى» دەدى. حز. ءابۋ باكىر(ر.ا) نىڭ ءون-بويىندا توك جۇرە باستادى، جانى جاي تاۋىپ، سىرتتاعى ءقاۋپتى ۇمىتىپ، ءوزىن قورشاعان الەمنەن شىعىپ كەتتى، تۇلا بويى تىنىشتىقا شومدى... نۇر قۇيىلا باستادى، ءبىر قول ونىڭ كوكىرەگەنىن تازالاپ، ءسۇرتىپ جاتقانداي كۇي كەشتى. بۇكىل دەنەسى تازاردى، رۋحى راحاتتاندى.... ء
وزىن جوعالتقىزعان ءنافسى ەرەكشە كۇشتى نۇردان تۇگى قالماي جاندى... كوكىرەك كوزى اشىلىپ، جۇرەگى اتتاي تۋلاپ، «اللا» دەپ دۇرسىلدەپ سوعا باستادى.... بۇل كۇي ۋاقتتىڭ ىشىندەگى ۋاقىتتا ءبىرازعا جالعاستى.... جاۋ كەتكەن سوڭ ءحز.ابۋ باكىر مۇراقابانىڭ سىرىن سۇرادى. پايعامبارىمىز (س.ا.ۋ) «بۇنىڭ سىرى، اللانى زىكىر ەتۋدى ۇنەمى جالعاستىرۋ كەرەك» دەپ جاسىرىن زىكىردى ءتۇسىندىردى.
پايعامبارىمىز (س.ع.ۋ) بۇل زىكىردى ساحابالارىنان تەك قانا ءحز.ابۋ باكىر (ر.ا)-عا عانا ءتۇسىندىرىپ، وزىندەگى بارشا رۋحاني بولمىستى ءحز.ابۋ باكىر (ر.ا)-نىڭ سادىرىنا(كوكىرەگىنە) توككەن ەدى. ويتكەنى ءحز.ابۋ باكىر نۇبۋەت (نابيلىك) دارەجەسىنە ەڭ جاقىن بولعان «سىددقيەت» مارتەبەسىندە بولدى. ءحز.ابۋ باكىر (ر.ا) زىكىر قالبيدە، جەمعيەت-ى كۋلليەنى قامتۋمەن زاتى اليەنى مۋشاھادا ەتۋدەن، دەمىن ەركىن ۇستاي الاتىندى. اللاعا دەگەن ىستىق ماحابباتان باۋىرىنىڭ جانعان ءيىسى ءشىعاتىن.ۇش كۇننەن كەيىن جولعا شىعىپ، قۇببا اۋىلىندا قۋىپ جەتكەن حز. ءالي(ر.ا) حز. ءابۋ باكىر(ر.ا)دىڭ جۇزىندەگى نۇردى كورىپ، تاڭعالىسىن جاسىرا الماي، بولعان جايدى سۇرايدى. «اللا» دەپ سوققان جۇرەكتەر توقتاسا جەر بەتىندە سول كۇنى قيامەت بولادى. حز. ومار (ر.ا) ءومىر بويى جاساعان امالدارىمدى حز. ءابۋ باكىردىڭ سول ءبىر كۇندىك امالىنا اۋىستىراتىن ەدىم دەگەن.
قۋعىنشىلار ۇڭگىرگە ەنتەلەي جاقىنداپ، اۋزىنداعى ءشوپتى، ۇيانى، توردى كورىپ،«بۇندا ادام باس سۇقپاعىلى قاي زامان» دەپ، كەلگەن ىزىمەن كەرى قايتىپ. ءماديناعا باراتىن بارلىق جولداردى جاپتى.
حز. ءابۋ باكىر(ر.ا) شولدەدى. پايعامبارىمىز(س.ا.ۋ)دوسىنا «ۇڭگىردىڭ سىرتقا شىقساڭ سۋ اعىپ جاتىر، سودان قانعانشا ءىش» دەدى. تاۋ باسىندا قايداعى سۋ دەمەستەن، بىردەن ورنىنان تۇرعان دوسى تىسقا شىقتى... عاجايىپ...تاۋ باسىندا اۋدا قالىقتاپ اعىپ تۇرعان تۇپ-تۇنىق سۋدى كوردى، بالداي ءتاتتى، جۇمساق ءسۋدى قانىپ ىشتى.
ىشكە كىرگەن سوڭ حز. ءابۋ باكىر(ر.ا) تاڭعالىسىن جاسىرا الماي بولعان جايدى ايتتى. «يا، سەن بىردەن سەنىپ، سىرتقا شىقانىڭ ءۇشىن اللانىڭ قالاۋىمەن جاناتتاعى كاۋسار سۋى كوز الدىڭدا اقتى. ەگەر سەن سەنبەگەندە اللا تاعالا سۋدى مەنىڭ ساۋساقتارىمنىڭ اراسىنان اعىزىپ، سەنىڭ ءشولىڭدى باسار ەدى». ولار وسىلاي حيكمەت سىرلار ءتۇنعان ءۇش كۇن، ءۇش ءتۇندى ۇڭگىردە وتكىزىپ، ءمادينا قالاسىنا عاجايىپ ساپار شەكتى... جولدا حۋزا رۋىنان ءۇممى ماباد اتيكانىڭ شاتىرىنا كەلدى. قوناعىنا بەرەر ەشتەڭەسى بولماعان ءۇي يەسى، تەك ورىسكە جەتە الماي پۇراق بولعان قويدى كورسەتتى. پايعامبارىمىز «بيسميلا» دەپ اللانىڭ اتىمەن جەلىنىنسيپاعاندا اللانىڭ قالاۋىمەن جەلىن تولىپ، ءسۇت اقتى...
قۋعىنشىلاردىڭ مىقتىسى ءمۇديج رۋىنان سۋراكا قۋىپ جەتىپ، ەندى وزبىرلىعىن بىلدىرە باستاعاندا اتى قۇمعا باتتى. پايعامبارعا جالىنىپ، انىت بەرىپ، باسقا قۋعىنشىلاردى باعىتىنان اداستىردى... پايعامبارىمىز وعان: «يا، سۋراككا كيسراننىڭ بىلەزىكتەرىن تاققان كۇنى قانداي بولار ەكەنسىڭ» دەپ، كەلەشەكتە ونىڭ مۇسىلمان بولىپ، يراندى جاۋلاۋعا قاتىساتىنىنان حابار بەردى. بۇل جاي حز. ومار(ر.ا) حاليفا كەزىندە شىندىق بولدى.
قۋعىنشىلاردىڭ تاعى ءبىر توبى ساھم رۋىنان بۋرايدا 70 ادامىمەن اللا راسۋلىنىڭ جولىن كەس-كەستەدى. پايعامبارىمىزدىڭ ەكى اۋىز قاسيەتتى سوزىنەن كەيىن ول اللانىڭ قالاۋىمەن مۇسىلمان بولىپ، ءوزى اق سالدەنى جالاۋلاتىپ ءماديناعا باستاپ كىرەدى.
ۋحۋد سوعىسىنىڭ بىزگە بەرەتىن ساباعى; ادامداردىڭ باسشىعا باعىنۋىن، دۇنيەگە قىزىقپاۋىن، ونىڭ سوڭى نەمەن اياقتالاتىنىن ەسكەرتتى. ء
اۋ باستا اللا راسۋلى ءوزىنىڭ كورگەن ءتۇسىن ايتىپ، قالا ىشىنەن قورعانىس الۋدى ايتادى، الايدا كوپشىلىك قالا سىرتىنان بەكىنىس الىپ، سوعىسۋ شەشىمى قابىلدايدى. سوعىس بارىسىندا ساداقشىلار بۇيرىق كەلمەي، دۇنيەگە كوز سالىپ ورىندارىنان كەتەدى. سوڭى ۇلكەن جەڭىلىس بولادى.
پايعامبارىمىز (س.ا.ۋ)نىڭ وسى سوعىستا ءتىسى سىنىپ، مۇباراك جۇزىگە ساۋىت
كىرىپ قان شىعادى، سول ساتتە ء«حابيبىمنىڭ ءبىر تامشى قانى جەرگە تامباسىن»
دەگەن تاپسىرمامەن جەبىرەيىل(ا.س) وتە تەز كەلەدى. ەگەر اللا راسۋلىنىڭ ءبىر تامشى قانى جەرگە تامسا سول ساتتە، اللا تاعالا جەر بەتىن جوق قىلار ەدى.
پايعامبارىمىز سوندا دا جاۋلارىنا جامان دۇعا ەتكەن جوق. «بۇلار وزدەرىنىڭ نە ىستەپ جۇرگەندەرىن بىلمەيدى، ولارعا يمان ءناسىپ ەت»- دەپ دۇعا جاسادى.
حانداك سوعىسىندا ناماز وقۋعا مۇكىندىك بەرمەگەن جاۋلارىنا قارعىس دۇعاسىن جاسادى پايعامبىر. راسۋلدىڭ دۇعاسى بىردەن قابىل بولىپ، دۇلەي داۋىل تۇرىپ، جاۋلارىنىڭ توز-توزى شىعىپ، زىم-زيا جوق بولدى. بۇدان نامازدىڭ قانشالىقتى ماڭىزى ەكەنىن بايقايمىز. اللا ءحابيبىسى(س.ا.ۋ) جازۋعا ءتىل جەتپەيتىن، بەينەلۋگە قالام قۋاتى كەلمەيدى. اللا راسۋلىن بىزدەردىڭ ءتۇسىنۋىمىز ءۇشىن الدىمىزدا ۇزاق-ۇزاق جول جاتىر... ول ءۇشىن جۇرەك(حال) ءىلىمىن مەڭگەرۋىمىز كەرەك... بۇل كوپ ەڭبەكتى قاجەت ەتەدى... ساحار ۋاقىتىندا ۇيقىنى مۇلدە ۇمىتقان، ءتاھاجۇتتى وزىنە پارىز ەتكەن، جۇرەكتەرى تەك «اللا» دەپ تاۋلارمەن بىرگە سوققان، تابيعاتپەن ۇندەسكەندەردىڭ قولىنان كەلەدى. بىزدەر كوبىندە پايعامبارىمىزدىڭ مۇعجيزاسى دەپ «قۇراندى»، «ميعراج ۋاقيعاسى»، «ايدى ەكىگە ءبولۋىن» عانا ايتامىز. شىن مانىندە پايعامبارىمىز (س.ا.ۋ) بۇتىندەي ءومىرى تۇنعان مۇجيزا. ادامعا قاراعان سياقتى كوزبەن قاراساق ۇلكەن قاتەلىكتەرگە بوي الدىرامىز، اللا ساقتاسىن. شامامىز كەلسە پايعامبارىمىزدىڭ نۇرىنا قاراۋعا، ونەگەلى ءومىر جولىنىڭ ارجاعىندا جاتقان حيكمەت سىرلارعا ۇڭىلۋگە تىرىسۋىمىز كەرەك. سەزىنە الساق ونىڭ ءار ءىسىنىڭ ارتىندا بىزدەر ءۇشىن ۇلكەن عيبارات بار.
پايعامبارىمىز(س.ا.ۋ)نىڭ كوپ ايەل الۋى ءوز الدىنا ءبىر حيكمەت. بىردە پايعامبارىمىز ايەلدەرىنىڭ دۇنيەگە قىزىعا باستاعانىنان ولاردان بولەكتەنەدى. سول كەزدە جەبىرەيىل(ا.س) پايعامبارىمىزعا حاپسا انامىزدىڭ ساجدەدە جاتىپ، ۇنەمى تاھاجۇت نامازىندا «ۇمەتتىڭ كۇناسى كەشىرىلمەيىنشە باسىمدى المايمىن»دەپ كوز جاسىن كولدەتىپ جاتاتىنىن، وعان تالاق بەرمەۋىن ايتادى. ء
ۋممىساللا انامىز(ر.ا) قۇدايبيا كەلىسىمىنەن كەيىنگى يقرامنان شىعۋ ىسىندە پايعامبارىمىزعا ىسىڭىزبەن ساحابالارعا كورسەتىڭىز دەپ كەڭەس بەرەدى. دەمەك، اللا راسۋلىنىڭ بارلىق ءىسى ءبىز بىلمەيتىن سىر... پايعامبارىمىز(س.ا.ۋ)نىڭ ءومىرىنىڭ ارعى جاعىندا جاتقان تىلسىم سىرلارعا ۇڭىلسەك شىركىن... بىزدەر پايعامباردى تانۋ ارقىلى اللاعا جاقىندايمىز.
پايدالانعان ادەبيەتتەر:
1. ادامزاتتىڭ اسىل ءتاجى. مۇحاممەد (س.ا.ۋ) پايعامبار ءومىرى. مەككە-مادينا كەزەڭدەرى.د.و. يبراگيم.-الماتى:ۇلى مۇرا،2016.600 بەت.
2. سيار ءشارىپ. (پايعامبار جولى) س42 وتباسى حرەستوماتياسى. س. كەرىمباي، ءا.نابي، م.تولەگەن، ا.تاسبولات.-الماتى: «ورحون»باسپا ءۇيى،-2015.
-336ب.
3. عالامنىڭ راقىم نۇرى-مۇحاممەد پايعامبار(س.ا.ۋ). تولىقتىرىپ، قايتا باسلعان نۇسقاسى. الماتى: «كوكجيەك باسپاسى»، 2009.-656 بەت.

قوسىمشا جۇكتەلگەن سۋرەتتەرى:

كەلۋ قاينارى: http://www.elarna.net/oku.php?tur=11&id=2403

پىكىرلەر:


جازعان لەبىزىڭىز300 ارىپتەن اسپاسىن!
ادام نەمەسە ۋيروس ەكەندىگىڭىزدى تۇراقتاندىرۋ سۇراعى، كاتەكشەگە 99 دەپ جازىڭىز، راحىمەت!
98 + 1 = ? sozsiz sifermen tolteringiz.

ەل-ارنا ءوز گازەتى

ەڭ جاڭا ماقالالار


فۋتزال: قازاقستان سىرت 4 مينوت
ءارقانداي جالا جابۋ شين 8 مينوت
”زولوتوە دنو”. لۋكاشەنك 18 مينوت
يندونەزيا جاعالاۋىندا 5 28 مينوت
ەلەنا رىباكينا دۋبايداع 28 مينوت
بۇگىنگى شينجياڭ باسقالا 28 مينوت
تۇركىستان وبلىسى بادام 1 ساعات
تۇركىستان وبلىسى بادام 1 ساعات
باتىر جۇكەمباەۆ الەم چە 1 ساعات
ءارقانداي ءبۇلدىرۋ ارەك 1 ساعات
قازاقستان سۋپەركۋبوگى ف 1 ساعات
الماتىنىڭ ەكى اۋدانىندا 1 ساعات
وسەك - اياڭ شينجياڭنىڭ 1 ساعات
تۇركىستاندا ۇشەم دۇنيەگ 1 ساعات
اقتوبە وبلىسىندا تاعى ء 1 ساعات
ەردوگان وپوزدال نا ناما 1 ساعات
«قايرات» ويىنشىلارى حال 1 ساعات
فۋتبول: «قايساردىڭ» قۇر 2 ساعات
ەلەكتروندى ساۋدا-ساتتىق 2 ساعات
قحل: «بارىس» «مەتاللۋرگ 2 ساعات
جانقوش تۇراروۆ تيتۋلدى 2 ساعات
ۆەتەرينارلار ازاماتتىق 2 ساعات
قازاقستاننىڭ فۋتزالدان 2 ساعات
فيفا تورەشىسى ليليا حاس 2 ساعات
ۆەتنامدا حالىقتى جاپپاي 3 ساعات
اقش-تا فلويدتىڭ ولىمىنە 3 ساعات
مەملەكەتتىك قىزمەتتە اي 3 ساعات
شىعىس قازاقستاندا ەكى ج 3 ساعات
حوككەي. قحل: «بارىس» «م 3 ساعات
مەملەكەتتىك قىزمەتتە اي 3 ساعات