ەل-ارنا قولفون نۇسقاسىنا ەنۋ Еларна қолфон нұсқасына ену


ەل-ارنا قولفون نۇسقاسى | "قولفون نۇسقاسىن ءتۇسىرۋ (Android)

Кірілше
جۇكتەۋ-البومىم-البومدار-جەلى
وسى توردى ساقتايمىن! | وسى توردى باس بەت ەتەمىن!

ءبىزدىڭ بايلانىس: elarna2012@gmail.com

Үш күнгы келушылер санағыКелген адам саны (IP)Көрілген бет саны (PWs)КомпйутерҚолфон
2019-08-21580410755 %45 %
2019-08-22656264749 %51 %
2019-08-23285200462 %38 %


تىركەلىڭىزدەر كىتاپحانا قوجالار تورابى البومدار قازاقتىڭ 1001 ەرتەگىسى

ءتۇرى: ەل-ارنا گازەتى | وسى ارادان ەلارنا گازەتىنىڭ بارلىق ماقالالارىن كورۋگە بولادى..

مەندە ال-ارناعا جازبا-ماقالا جازامىن، وندا وسى ارانى باسىڭىز!

جولدانعان ۋاقىتى: 14:14 - 2018/12/21

ماقالا جولداۋشى: Есімхан Шопан
ماقالا اپتورى: Шапағат СЕРДӘЛІ
اپتوردىڭ مەكەن-جايى: Kazakhstan
وسى ماقالانىڭ كىرىلشە نۇسقاسى، وسى ارانى باسىڭىز

Осы мақаланың кірілше нұсқасы, осы араны басыңыз



: PDF Download - Жұктеұ - Скачать - ءتۇسىرۋ

ۋاقىت وتكەن سايىن قۋانۋىم، كۇلۋىم، تاڭعالۋىم، ءتىپتى، ءبىر دۇنيەنى نە ادامدى ۇناتۋىم دا قيىنداپ بارادى. الدە، مۇنىڭ سەبەبى تىم ەسەيىپ كەتكەندىگىمنەن بە؟


جاقىندا الپىستى القىمداپ قالعان ەسكى تانىسىمدى كوشە بويىنان كەزدەستىرىپ قالدىم. ءوزى تالاي جوعارى وقۋ ورىندارىندا ستۋدەنتتەرگە ءدارىس بەرگەن كىسى. تۇرىنە قاراسام، قۋانىشتىڭ تابى بىلىنبەيدى. اشەيىندە سوزگە توقتامايتىن كىسى ەدى. بۇل جولعى تۇرىنەن شوشيىن دەدىم. كوزىنە قاراسام كۇيىكتەن ءىشقۇسا بولىپ ءىشىپ كەتكەن سەكىلدى. جاقىن ماڭداعى اسحانانىڭ بىرىنە شاقىرىپ اڭگىمەگە تارتتىم. ءوزىم تاۋ تۇلعاسىنا قاراپ وسى كەزگە دەيىن سىرتتاي سىيلاپ جۇرەتىنمىن. اينالاسى جارتى ساعاتتىڭ ىشىندە ايتقان سىرلارى دەنەمدى تىتىركەندىرىپ، بەيمازا كۇيگە ءتۇستىم.

ۇلكەن دەپ سىيلاپ جۇرگەن كىسىدەن جيىركەنىپ كەتتىم. سوندا دا كوزىن ەندى اشقان كۇشىكتەي جاۋدىرەگەن كوزىمدى الماي وتىرا بەردىم.(كەيدە اڭقاۋ بولۋعا تۋرا كەلەدى) ايتارعا ءسوز تاپپادىم.
نەگىزى جاقسى ادام. تەك جاستىقتىڭ بۋىمەن تالاي بەدەلدى مەكەمەلەردە قىزمەت ىستەپ ءجۇرىپ جۇرگەنىندە السىزدەرگە پەندەشىلىكپەن قيانات جاساعانى تۋرالى اڭگىمەسى جۇرەك تۇكپىرىمدەگى نازىك قىلدى ءۇزىپ جىبەرگەنى بولماسا. ء

«قازىر الپاۋىت اقپاراتتىق اگەنتتىكتەردە فيلولوگ، وت اۋىزدى، وراق ءتىلدى اتانىپ، جەر-جاھانعا اتى ءماشھۇر بولىپ جۇرگەن جۋرناليستەر مەن تەاتر ساحناسىنا ساتيرالىق باعىتتاعى قويىلىمداردىڭ وزىنە ۋىتتى ءازىل جازىپ جۇرگەن قالامگەرلەرگە ساباق بەردىم عوي مەن. ء
الىپتى تاياق دەپ بىلمەيتىن ستۋدەنتتەرىم بۇگىندە ءارقايسىسى ءبىر-بىر مەكتەپتە ديرەكتور، جوعارى وقۋ ورنىندا اعا وقىتۋشى، فيلولوگيا عىلىمدارىنىڭ دوكتورى. كۇنى كەشە «وي، قويش، وسى بوقمۇرىن نە بىلەدى دەيسىڭ؟ جۇرگەن كوپ ءتىلشىسىماقتىڭ ءبىرى. كوپ بولسا جەرگىلىكتى مەرزىمدى باسىلىمدا تيىن-تەبەنگە ماقالا جازىپ، اكىم-قارالار مەن بيزنەسمەندەردى ماقتاپ، بايشىكەشتەردىڭ استىنا كوپشىك توسەپ-اق كۇنەلتەر دەپ ويلاعان «جاس دارىنىم» بىلدەي ءبىر رەسپۋبليكاعا ابىرويلى پۋبليتسيست اتاندى. ءتىپتى، جاس جۋرناليستەرگە شەبەرلىك ساعاتىنان ءدارىس بەرەتىن جەكە ستۋدياسى بار.
كەزىندە وبلىس ءبىلىمپازدارىنىڭ بارلىعى ءبىلىم الاتىن مەملەكەتتىك ۋنيۆەرسيتەتتە ساباق بەرگەنىمدە الگى ستۋدەنتتەرىمنەن «جىلى-جۇمساق» دامەتىپ ەدىم. جۇمىسسىز قالعاندا وقۋشىلارىمنىڭ الدىنا ءمۇيىزى قاراعايداي باسىمدى ءيىپ «جارتى كۇندىك جۇمىس، ياكي، دەكرەتتەگى قىز-كەلىنشەكتەردىڭ ورنىنا ۋاقىتسا بولسا دا جۇمىسقا الشى» دەپ جالىنىپ باردىم. قياناتىم ارادا 15 جىل وتكەندە اتقان وعىم وزىمە قايتا اينالىپ ءتيدى.
ءومىردىڭ زاڭى قاتال دەگەن راس ەكەن. بىرەۋگە قيانات جاساساڭ وزىڭە قايتا اينالىپ كەلەدى. وركوكىرەك كەزىمدە «اۋىلداعىنىڭ اۋزى ساسىق» دەپ كوپ جىگىتتىڭ «اۋزىن كۇنشىعىسقا قاراتىپ كەتكەنمىن».
مەن الماتىداعى «جەنپي»-دە وقىعاندا ولاردىڭ بارلىعى اۋىلدىڭ شاڭدى، جاڭبىر جاۋسا ماي باتپاق بولاتىن بورپىلداق كوشەلەرىندە ءبىر كوزى عانا جاناتىن كوك تراكتور ايداپ جۇرەتىن. كۇس-كۇس قولدارىنا قاراپ جيىركەنەتىن ەدىم. قىزىق، ول كەزدەرى ىلعي دا اياعىما بيىكتىگى شاي قاسىقتىڭ ۇزىندىعىنداي تۋفلي كيىپ جۇرەتىنمىن. ءۇيدىڭ ايالدامادان قاشىقتىعىنا قاراماستان، جول بويى توقتاعان تراكتورعا ادەمى اياق كيىممەن مىنۋگە ارنالاتىنمىن.
مەندەي باكالاۆر، ماگيستراتۋرا، دوكتورانتۋرا، اسپيراتۋرا بىتىرگەن قىزعا «ماي ساسىعان جىگىت تەڭ ەمەس» دەپ باسىمدى قايقايتىپ جاندارىنان وتە شىعاتىنمىن. ەندى مىنە، بيىك وكشەلى كەبىس كيگەن اياعىم باسپالداقتان ازەر كوتەرىلەدى. كەش باتسا بولدى قوس بالتىرىم شانشىپ، ءتۇرلى باعىتتاعى «انگە باسادى، باسىمنىڭ دا قويانشىعى ۇستايتىندى شىعارعان.
بىرەۋگە جاساعان جامانشىلىعىڭدى كورمەي كورگە كىرمەيسىڭ دەگەن. بۇگىندى سول جىگىتتەر ەل اعاسى رەتىندە ءبىر اۋلەتتىڭ، وتباسىنىڭ تىرەگىنە اينالدى. شەتتەرىنەن كاسىپكەر، استارىندا ءبىر-بىر دجيپ.
بالداي ءتاتتى نەمەرەلەرىنە اقساقالدى اتا. كەلىندەرى «اتا» دەپ ءيىلىپ سالەم سالادى. ال مەنىڭ ەشكىمىم جوق. تۋىستاردىڭ جيىن-تويىنا، قۇدايى اسىنا بارا قالسام كەلىندەر مەنى الىستان كورە بىر-بىرىنە سىبىرلاسا «كارى قىز اپامىز كەلدى» دەپ مىسىق كورگەن تىشقانداي قاشادى. جاسىم الپىستان اسقاندا سۇرلەنگەن كارى قىزعا اينالدىم»، – دەپ ەتەگى جاسقا تولا، تاماعىنا وكسىك تولىپ ۇستەل ۇستىنە باسىن سۇيكەدى.
مەن ءالى اڭ-تاڭ كۇيدەمىن. ۇنەمى ءپوزيتيۆتى كوزقاراسىنا قاراپ، الدىمداعى «كوزى تەرلەپ» وتىرعان كىسىدەن مۇنداي تەبىرەنىستى اڭگىمە ەستيمىن دەگەن وي ءۇش ۇيىقتاسام دا تۇسىمە كىرمەگەن.
كوزىنە جينالعان «بۇلاق سۋىن جىلعالاردان اعىزىپ» بولعان سوڭ اجەتحانا بارىپ بەتى-قولىن جۋىپ كەلدى دە، جۋىقتا باسىنان وتكەن جاعدايىن، كۇنالى ىستەرىن قايتا باستادى.
قۇلاعىمدى كىرلەتپەس ءۇشىن بۇدان ءارى سوزدەرىن تىڭداعىم كەلمەدى. ايتسە دە، قازاقى ۇلكەن كىسىنىڭ ءسوزىن بولمەيتىن مىنەزىممەن ەرىكسىز باسىمدى شۇلعي بەردىم. ىشكى شەرىن تولىقتاي سىرتقا شىعارعانشا تىڭدادىم.
– باۋىرىم، سەن جىگىتسىڭ عوي، كارى قىزداردىڭ كەيبىرى جارقىراپ جۇرەدى دە، ال، كەيبىرى ءاجىربىپ، ۇنجىرجاسى ءتۇسىپ، دەپرەسسيادا جۇرەدى، قالاي ويلايسىڭ؟
– بىلمەدىم، اپاي! بالكىم، ءومىر سالتىنا نەمەسە تۇرمىس جاعدايىنىڭ جايلى نە جايسىزدىعىنان بولار. مۇمكىن قارجىلىق جاعداي قىسپاققا العاندىقتان شىعار....
– قاتەلەستىڭ، ءىنىم! كارى قىزداردىڭ ءبارى «ەتەگىنە ناماز وقىپ وتىر» دەيمىسىڭ؟
– ءسوزىڭىزدىڭ استارى مەنى مىنا ورىندىقتان تۇرىپ كەتۋگە ماجبۇرلەۋدە...
– ىنىشەك، سەن ءالى جاسسىڭ. كورگەنىڭنەن كورمەگەنىڭ از. انا ءسۇتى اۋزىنان كەتپەگەن بالاپانسىڭ. باسىڭ امان بولسا الدا كوپتى كورەرىڭ انىق.

ارادا بەس مينۋتتىق ۇنسىزدىك.
تىنىشتىق تۇمانىن ونىڭ جوتكىرىنگەن داۋسى بۇزدى.
«وسى اپتا ۇستازدار مەرەكەسىن بارشا ارىپتەستەرىم دۇركىرەتىپ تويلاۋدا. تانىستارىم قالا، وبلىس، ءبىلىم باسقارمالارىنان العىس حات الىپ، كەۋدەلەرىنە جارقىراتا تاعىلعان مەدالدارىن سۋرەتكە ءتۇسىرىپ ينتەرنەتتە سۇيىنشىلەتۋدە. ءبىر جاعىنان ولاردىڭ جەتىكتىكتەرىنە قۋانسام، ءبىر جاعىنان كوڭىلىم ءپاس. بۇرىن مەن دە وبلىس اكىمىنەن سونداي ماراپات العانمىن. سوندا مارشرۋتتا كەلە جاتىپ، ساحنادا اكەمنىڭ اتىن ماقتاۋ مىنبەرىنەن شىعاردىم، قالىڭ كوپشىلىككە تانىتتىم دەپ كوزىمە جاس العىنمىن. ەسىمە ءتۇسىپ بوساپ وتىرمىن. توعايدا ورىستەن اداسىپ قالعان اقساق قوي سەكىلدىمىن.....

تاعى دا ۇنسىزدىك...
جوتكىرىنىپ الىپ، قايتا انىنە باستى.
«مەملەكەتتىك مەيرام كۇندەرى ەڭسەمدى ءزىل باسادى. الدىڭعى كۇنى كەشكىلىك تەلەفون ارقىلى سويلەسەتىن جىگىت قۇرداسىممەن كەزدەستىك. داستارقاندا اششى سۋ مول بولدى. اتامنان قالعان استاي سىمىرە ءىشتىم. ءىشىمدى قايناتقان الاۋ وتتى سونىمەن وشىرگىم كەلگەن ەدى. ءارى قاراي نە بولعانىن ايتپاي-اق قويايىن»، – دەي كەلە اۋزىنان شاراپ ءيسى مۇڭكىپ توقتادى.
قالتاسىنان كىشكەنە بوتەلكەسىن الىپ قىلقىتا سالدى دا تۇرىپ كەتە باردى. مەندە ماساڭ قالپىمەن بىردەڭە ۇرىنىپ قالماسىن دەگەن ويمەن ونى تاكسيگە وتىرعىزىپ جىبەردىم.

قويۋ قاراڭعىلىق. ءوزىم ۇيگە جاياۋلاتىپ كەلەمىن. كەشە عانا جاۋعان العاشقى قاردىڭ ءىزى شالشىق سۋعا اينالىپ ۇلگەرگەن. شاھار تۇرعىندارىنىڭ كوپ كەلەتىن ءىرى ساۋدا ورتالىعىنىڭ الدى. وي تەڭىزىنە سۇڭگىپ ءبىراز جولدى ارتتا قالدىرعانىمدى دا بايقاماپپىن.


«كەشىرىڭىز، مىنا كىشكەنتاي اۋرۋ بالانىڭ ەمىنە قانداي كومەك كورسەتە الاسىز؟» دەپ الدىما كىشكەنە ساداقا قوراپشاسىن توسقان بوزبالانىڭ داۋسىنان سەلك ەتە قالعاندا سانامداعى بەيمازا ويلاردان ۇيالدىم. سۇلىقسىز تۇردە ارتقا بۇرىلدىم دا تايعاناق باسپالداقپەن جوعارى كوتەرىلىپ، امبەباپ دۇكەننەن ايران تولى اق پاكەتتى كوتەرە شىقتىم.


ەندى مىنە، پاتەرىمنىڭ پودەزىنە جاقىنداپ قالدىم. قارسى الدىمنان سىرت كەلبەتى قوراشتاۋ جىگىت اعاسى (بۇلاي اسپەتتەۋىمە ساي كەلسە، ارينە) كەزدەستى.


«قارىنداس، 50 تەڭگە بەرشى. نان الاتىن اقشام جوق»، – دەدى قيىلا. دالانى جايلاعان قاراڭعىلىق بولسا دا كوزقاراسى ءالى كوز الدىمدا.
ساناسام ءبىر كۇندە 4 ادام ساداقا ءۇشىن اقشا سۇراپتى. ءبارى دە تەپسە تەمىر ۇزەتىن جىگىتتەر....


تۇن ورتاسىنان اۋعان شاق. ۇيقى مەنەن ات-تونىن الا قاشقان. قاتتى جىلدامدىقپەن ۇمتىلسام دا جەتكىزەر ىڭعايى جوق. بار ويىم الگى كىسىدە.
«ۇيىنە امان-ەسەن جەتتى مە ەكەن...؟
قايدا جۇرسەڭىز دە امان بولىڭىز؟ اقكوڭىلسىز، شىندىققا قۇمارسىز. سول ءۇشىن عانا سىيلايمىن. دۇنيەدە سىزدەي جاندار باردا ەشقاشان حاوس ورنامايدى. مەن بۇعان سەنىمدىمىن!


شاپاعات سەردالى

قوسىمشا جۇكتەلگەن سۋرەتتەرى:

كەلۋ قاينارى: http://www.elarna.net/oku.php?tur=11&id=2314

پىكىرلەر:


جازعان لەبىزىڭىز300 ارىپتەن اسپاسىن!
ادام نەمەسە ۋيروس ەكەندىگىڭىزدى تۇراقتاندىرۋ سۇراعى، كاتەكشەگە 99 دەپ جازىڭىز، راحىمەت!
98 + 1 = ? sozsiz sifermen tolteringiz.

ەڭ جاڭا ماقالالار


كاكوە زناچەنيە يمەەت رە 4 مينوت
ارزان پاتەر ۋادە ەتكەن 4 مينوت
قازاقستاندىق ۇستازدار ع 4 مينوت
تانىمال سپورتشى ۋاليح 9 مينوت
تيانشان تورى 9 مينوت
شينجياڭنىڭ تۇڭعىش كەڭ ە 9 مينوت
گانسۋ اقساي: ءتۇرلى شار 9 مينوت
باسەكەلەستىرىپ ساتۋ قيم 9 مينوت
ايەلدەر ۆالەيبول قۇراما 9 مينوت
قوعام حاۋىپسىزدىگى تارا 9 مينوت
وسى ارانى باسىپ كورىڭىز 9 مينوت
قازاق جالقاۋ ەمەس، ءبىر 9 مينوت
التاي كولگىنوۆ جاڭبىر س 10 مينوت
1 مىڭ گا ورمان قالپىنا 16 مينوت
مەملەكەت باسشىسى قاراعا 16 مينوت
زيالى قاۋىم ابايعا ارنا 19 مينوت
گولوۆكين مەن دەرەۆيانچە 19 مينوت
وزبەكستان زۇڭليى جۇڭگود 19 مينوت
قازاقستان پرەزيدەنتى قا 22 مينوت
ساياحاتشىلار نەلىكتەن ب 29 مينوت
تيانشان تورى 29 مينوت
الداعى ءۇش تاۋلىككە ارن 29 مينوت
قازاق كۇرەسىن مەكتەپ با 29 مينوت
پريشاحتينسكىدە شالعاي ا 1 ساعات
شىمكەنت مەدرەسە كوللەدج 1 ساعات
مۇمكىندىگى شەكتەۋلى جاس 1 ساعات
قورىقشىلارعا وق وتكىزبە 1 ساعات
الماتىدا جوعارى ءبىلىم 1 ساعات
وسى ارانى باسىپ كورىڭىز 1 ساعات
پرەزيدەنت قاراعاندىداعى 1 ساعات