ەل-ارنا قولفون نۇسقاسىنا ەنۋ Еларна қолфон нұсқасына ену


ەل-ارنا قولفون نۇسقاسى | "قولفون نۇسقاسىن ءتۇسىرۋ (Android)

Кірілше
جۇكتەۋ-البومىم-البومدار-جەلى
وسى توردى ساقتايمىن! | وسى توردى باس بەت ەتەمىن!

ءبىزدىڭ بايلانىس: elarna2012@gmail.com

Үш күнгы келушылер санағыКелген адам саны (IP)Көрілген бет саны (PWs)КомпйутерҚолфон
2019-08-23535344954 %46 %
2019-08-24497243046 %54 %
2019-08-25273133352 %48 %


تىركەلىڭىزدەر كىتاپحانا قوجالار تورابى البومدار قازاقتىڭ 1001 ەرتەگىسى

ءتۇرى: ەل-ارنا گازەتى | وسى ارادان ەلارنا گازەتىنىڭ بارلىق ماقالالارىن كورۋگە بولادى..

مەندە ال-ارناعا جازبا-ماقالا جازامىن، وندا وسى ارانى باسىڭىز!

جولدانعان ۋاقىتى: 00:09 - 2016/11/17

ماقالا جولداۋشى: Almasbek
ماقالا اپتورى: ورالتاي ۇلىقپاش ۇلى
اپتوردىڭ مەكەن-جايى: (‹‹ىلە ايدىنى››2016-جىل.5-ساندا جاريالانعان)
وسى ماقالانىڭ كىرىلشە نۇسقاسى، وسى ارانى باسىڭىز

Осы мақаланың кірілше нұсқасы, осы араны басыңыз



: PDF Download - Жұктеұ - Скачать - ءتۇسىرۋ

تاياۋ جىلداردان بەرى قالانىڭ باتىسىنا كەرەگە جايعان <<جاستار باقشاسىنىڭ>> قىزىلدى-جاسىلدى گۇلدەرى قۇلپىرا اشىلىپ، مىڭ سايرام قۇستارى تامىلجىتا انگە باسىپ، دىر-دۋمان بولىپ جاتىپتى- دەگەندى ەمىس-ەمىس ەستىگەنىم بولماسا ، ولاي قاراي اتتاپ باسپاعان ەكەنمىن. "جاقسىنى كورمەككە" دەگەندەي ءبىر كۇنى سەيىلدەپ سوندا بارعانمىن. ەل ايتسا، ايتقانداي-اق"كەرەمەت"ەكەن، الا-قۇلا، اشىق-شاشىق كيىنگەن قىزدار مەن القىزىل شاشتى جىگىتتەر، توپ-توپ بالەشىك شىرشالار مەن جىلاۋىق تالداردىڭ قالقاسىندا، ءبىرىن-ءبىرى زارىعىپ، ساعىنا كورىسكەندەي ەمىنە ەركەلەسىپ، قۇشىرلانا قۇشاقتاسىپ تۇر، قىمسىنبايدى. اۋەلى ءبىر توپ ويىن بالاسى تۋىتتان ساقتانۋ دورباسىن اۋىزىمەن ۇرلەپ، شار جاساپ الىپ، ۇشىرىپ ويناپ ماز-مايرام. اينالاما ۇرلانا قاراپ، اياڭداي باسىپ كەلە جاتىپ، باقشانىڭ اۋەلدەگى ورنىنىڭ ەسكى قابىرستان ەكەندىگى، وسىندا ءبىر قىلمىستىنىڭ قارا كۇرەڭ جۇرەك قانىن تامشىلاتىپ، دەنەسىن جىپ-جىلى كۇيىندە، جەر قوينىنا تاپسىرعانىمىز قالت ويىما تۇسە قالدى. بۇل شىندىعىندا ەستەن كەتپەس، جاعاڭدى ۇستاتار وقيعا ەدى. سەبەبى مۇنداي وقيعا ەت جۇرەكتى پەندەنىڭ باسىندا سيرەك كەزدەسەتىن.
مەنىڭ قىزمەتكە جاڭا شىققان كۇندەرىمنىڭ بىرىندە، كاماندىروپكامەن اۋدانعا كەلگەنمىن. جول-جونەكەي ادۆوكات ساباقتاسىم جولىعىپ قالىپ:
-ەستىپ كەلگەن بولارسىڭ؟ بۇگىن الگى اعاڭ ەلداقتىڭ اشىق سوتى، ونى بۇگىن <تارىس> دەيدى، اتاۋكەرەسىن بەرىپ، كوڭىلىن اۋلاپ، باقۇلداسىپ قويمايسىڭ با؟-دەپ، سۇق ساۋساعىن ناگانشا جۇرەك تۇسىما نۇقىپ تۇرىپ، سۋىق حابارىن دۇك ەتكىزدى. <<اتاۋكەرە>>،<<باھي>> دەگەندى الىگە سەزىنبەگەن جاس جۇرەگىم تاس توبەمنەن پىر-پىرلاپ ۇشىپ، الىستاپ بارا جاتقانداي سەزىلدى. <<ءولىم،اتۋ، شابۋ>> دەگەندەردى تەك كينودان كورگەنىم بولماسا، ونىءتىپتى ومىردە بولاتىن بولمىس دەپ تۇيسىنبەگەن ەكەنمىن. ەندى، مىنە، تاپ قۇلاعىمنىڭ تۇبىنەن <<تارس>> دەگەندەي مىلتىقتىڭ اشتى داۋىسى، دابىل جارعاعىمدى جارىپءوتىپ، ميىمنىڭ ايران-اسىرىن شىعارعانداي باسىم زەڭىپ كەتسە كەرەك.
-نە بولدى؟ ءوڭى تۇسكەن بوزدەي بوزارىپ كەتتىڭعوي، قورقاتىن دانەڭە جوق، ول دا باقىر باستى پەندە، ۇيىمدىق جاقتان تۋىسقاندارىنا ءتىل جەتكىزگەنبىز، ءالى ەشكىم كەلمەدى. ونىڭ ۇستىنە اۋىلدارىڭنىڭ قاتىناسى دا قولايسىز، كەلىپ قالعان ەكەنسىڭ، وعان كەزدەسە كەت. -دەپ قولقالادى. يگى ءىس بولساعوي، سىلتاۋدىڭ كەرەگى نە؟ جاياۋ جالپىلى بولسادا سورلى شەشەسى جالعىز قىزىن ەرتىپ، اۋىلدىڭ ءبىر كوزقاراقتى اقساقالىن الدىعا سالىپ، تۇنىمەن بولسادا جەتىپ كەلەر ەدىعوي، گاپ باسقاشا... قورقىنىش پەن ۇيات بارلىعىندا شەڭگەلدەپ، وسى ءبىر قاندى قول، ازعىندى كورۋدەن مۇلدە باس تارتقىزىپ، زاڭنىڭ ءبىرجاقتىلى ەتىۋىنە تاپسىرعانى ماعان دا، ادۋاكات ساباقتاسىما دا بەيمالىم ەمەس-تى.
-ەي، پاكەنەگىم، جالتارما! <<جەل سوقپاسا شوپتىڭ باسى قيمىلداماس>> دەگەن. قالايدا بۇلتارۋعا بولمايتىن قانداسسىڭعوي، <<ءولىم ايتىپ كەلمەيدى >>دەۋشى ەدى، ازىرەيىل جان العىش قۇمبىراسىن كوتەرىپ كەلىپ تۇرماي ما؟ جانى جاي تاپسىن، بالكىم ايتارى دا بار شىعار؟- دەدى دە، جەتەلەي جونەلدى.
تۇرمەنىڭ تەگى قانداي ەكەنىن تاڭجارىقتىڭ<<تۇرمە حالىنان>> وقىعانىم بولماسا، قايدان بىلەيىن؟ تەمىر تورمەن تورلانعان بيىك داۋال ۇستىدە قارۋىن سەرت ۇستاپ قاسقايا تۇرعان ەكى اسكەر، بۇتكىل جاۋىزدىق اتاۋلىنى وسىندا تۇنشىقتىرىپ تۇرعانداي كورىندى. ۇلكەن قاپ-قارا قاقپانىڭ الدىنا تۇمسىق تىرەگەندە، ەكى دۇنيەنىڭ ورتاسىندا تۇرعانداي كۇي كەشتىم. بەيىش پەن توزاقتى كىم كورگەن؟ ءاپساناۋي توپشىلاۋىمشا، بەيىش پەن توزاق دەگەن وسى- قارا قاقپانىڭ ارجاق-بەرجاعى،ءتورت-اق ەلى ارالىق سەكىلدى سەزىلدى.
-قارا قاقپانىڭ سىرتىندا جۇرگەنىمىزدىڭ ءوزى بەيىش ەكەنعوي- دەپ كۇبىرلەدىم ىشكە كىرىپ بارا جاتىپ. ساباقتاسىم:
-ءيا، ومىرىڭدە جاماندىققا جولداس قوسپاستاي بولدىڭعوي، كەلگەنىڭ سوڭعىلىققا جاقسى بولعان ەكەن- دەپ ەش كاپەرسىزقارقىلداپ كۇلىپ الدى دا:
-<<توزاققادا ءۇش كۇننەن سوڭ كوندىگەدى>>دەگەن ەمەس پە؟ جازاتايىم قوناق بولىپ قالساڭ، بۇل اراعا سەندە باۋىر باسىپ كەتەسىڭ ءالى-اق-دەدى ارقامنان قاعىپ، ىشكە كىرگىزىپ جىبەرىپ.
-جاعىڭ قارىسسىن ادۋاكاتىم! «جاقسى ءسوز جارىم ىرىس>>-دەگەن، جاقسىءسوز ايتساڭدار نەلەرىڭ كەتەدى؟-دەپ تاۋبەمدى ءۇيىردىم ىشتەي.
اقىرى قارا قاقپانىڭ ىشكى جاعىنداعى قىلمىسكەرلەرگە كەزدەسۋ ءبولىمىنىڭ ەسىگىن قوبالجي اشتىم. ەكى ساقشى جىگىت پەن ەلداق ۇشەۋى وتىر ەكەن. ساقشىنىڭ بىرەۋى ەلداقتىڭ الدىنا جايىپ قويعان <<زاڭنان ساۋات >> دەگەن گازەتتىڭ ۇستىنە، جىلقىنىڭ قازىسىن دوڭگەلەكتەپ كەرتىپ بەرىپ وتىر. ەلداق مەنى كورگەندە جالما-جان ورنىنان ۇشىپ تۇرماقشى بولىپ ۇمتىلىپ ەدى، سار بۇىن بولعان بۇزاۋشا سەندەلەكتەپ، تامعا سۇيەنىپ بارىپ، بويىن ازەر تۇزەدى. ءبىر كەزدەگى الپامساداي دەنەسى قۋشيىپ، تەرىسى تۇز سالعان تۇلپتاي سارعايىپ سارتاپ بولعان، شاشىن تاقىرلاپ سىپىرىپ تاستاعاندىكى مە، توبەسى مەن يەگى سۇزبە سۇزگەن دورباداي سوزىلىپ، بوزارىپ، كوزى شۇڭىرەيىپ، جانارىنىڭ وتى وشكىندەپ كورىندى. بارىپ سۇيەي بەرگەنىمدە، اياعىنداعى يرەلەڭدەگەن كىسەنى سۇپ-سۋىق سۇرى جىلانداي تۇلا بويىمدى تۇرشىكتىرىپ جىبەردى. وي، دۇنيە-اي! قالايشا ەلجىرەپ كەتكەنىمدى بىلمەيمىن، جانارىما جاس تولىپ، كوڭىلىم بوساپ كەتىپتى. ەلداقءوزى توقتاۋ ايتىپ جاتىر. ونىڭ مىنا ءمۇساپىر كۇيى وتكەندەگى بالالىق شاعىن ەسىمە سالدى.
كەزىندە ول ءبىزدىڭ قىستاقتاعى بالالاردىڭ اتامانى بولاتىن. قالىڭ قارا بوربايلار ونىمەن ەرىپ، ۇنەمى توبىلعى شابۋعا باراتىنبىز. ءبىز وراق، تەسەلەرمەن تىقىلداتىپ، ءتۇبىرىن شابا الماي مىلجالاپ، توڭقاڭداپ جاتقانىمىزدا؛ ول ەكى قولىمەن توبىلعى ساباعىنىڭ ۇشتارىن ساۋمالاپ بىرىكتىرىپ الىپ بىتىرلاتىپ، ءتۇپ تامىرىمەن جۇلىپ-جۇلىپ الاتىندا،ءوزىنىڭ شاناسىن تولتىرىپ بولعان سوڭ، قالعاندارىمىزعا كومەكتەسەتىن. وقىمايتىن كەي كۇندەرى بۇزاۋ باعىپ تيىرمەن تۇبەككە دە باراتىمىز، ول كەزدە ەلداق بىردە قىزىل سارى ساعىز كەرىشتەن ءار ءتۇرلى قايۋانداردىڭ قۇىرشاعىن جاساپ بەرسە؛ ارا-تۇرا بالىق اۋلاپ بەرۋشى ەدى. بالىقتاردى بىلقىلداتىپ- جىلپىلداتىپءبىر-ءبىرىمىزدى قورقىتۋ ءۇشىن وينايتىنىمىز بولماسا، قالاي جەۋدىڭ دە جونىن بىلمەيتىنبىز.ءبىر جولى:
- بالىقتى قايتىپ جەيدى؟ دەپ ەدىم.
-بىلاي جەيدى- دەپ، تىرىدەي ءبىر شاباقتى قىلق ەتكىزىپ جۇتىپ سالعاندا، قالىڭ بالا شۇرقىراپ-شۋلاپ، زارە-قۇتىمىز ۇشقان دى. ەندى، مىنە،ءبىركەزدەگى ارىستاي ازامات تورعا تۇسكەن قىرانداي جاپاقتاپ، گازەت ۇستىنە تۋرالعان ەتتى قورعانشاق يتتەي جالتاقتاپ جەپ وتىر. مەنىڭ كوڭىلىم انتەك ورنىنا تۇسكەن سوڭ، ول الدىمەن شەشەسىنىڭ جاي-كۇيىن سۇرادى.
-جاقسى ەكەن، كەشە بارىپ امانداسىپ قايتقامىن. دەسەدە ۇيدەن شىعا الماي جاسىپ قالپتى، وزىڭىزگە سالەم ايتىپ، الاڭسىز بولسىن دەدى-دەي سالدىم. شىنىمدى ايتسام بۇل وقيعا تۋىلعاننان كەيىن، ول ءۇيدىڭ ماڭىنا جولاماعان ەدىم. ەل اۋىزىنداعى:« ەبەپتىڭ دە سەبەبى بار، ءبارىنىڭ وبالىنا قالعان سول- مىستان كەمپىر>>-دەگەن وسەك، بالا كۇنىمىزدەگى جانقالتاسىنان جارتى قۇرت ۇزىلمەيتىن قورمال شەشەمىز تۋرالى كوڭىلىمىزدى سۋ سەپكەندەي سۇىتىپ تاستاعان. مەن تۇگىلى اۋىلىمىز بويىنشا ول كەمپىردى كورگىمىز كەلمەي قالعان. مۇنداي جاعدايدا نە ايتىپ، نە تىلەك بىلدىرەتىننىڭ ءجونىن دە بىلمەدىم. تەك ونىڭ دوستارى مەن تۋىستارىنىڭ جاعدايىن سۇراعان سۇراۋلارىنا عانا ناراۋ جاۋاپ بەرىپ وتىرعام. ەسىكتەن ەڭگەزەردەي جانە ءبىر جىگىت كىرىپ كەلىپ، ەلداقتى قاپسىرا قۇشاقتاپ، ۇزاق امانداستى. ول ءبىزدىڭ اۋىلدىڭ جىگىتى، بىزدەن ەكى-ءۇش كلاس جوعارى وقىعان ەلداقتىڭ ساباقتاسى بولاتىن. قازىر اۋداندا قىزمەت ىستەيتىنىن بىلەتىنمىن. اكەلگەن ءبىراز ءمانتىسى مەن ونشاقتى باس اشتى قىزىل بۇرىشىن گازەتتىڭ ۇستىنە قويىپ جاتىپ:
-يا، <<گەنارالىم>>، سەنىڭ قىزىل بۇرىشتى قۇشىرلانا جەيتىنىڭ ءالى ەسىمدە، قۇنىعىپ جۇرگەن شىعار دەپ، ادەيى الىپ كەلدىم -دەدى دە، ول دا ءبىر اڭگىمەسىن باستاپ كەتتى.
ءبىزدىڭ اۋىلدىڭ بالالارى اقتەرەكتىكتەر مەن كوكتەرەكتىكتەر بولىپ ەكىگە ءبولىنىپ الىپ، ورتاقىرداعى ەسكى كەسەك قۇمداندا ۇزىندى كۇن توپىراق اتىس جاسايتىنبىز، سوندا سەن جۇڭگونىڭ گەنارالى، ال مەن جاپوننىڭ ءتايجۇنى رولىن الاتىن ەدىك قوي. ءبىر جولعى سۇراپىل ۇرىستا ءبىزدى تىقسىرا قۇعىنداپ، جامان تامنىڭ ىشىندە<<تيسە تەرەككە، تيمەسە بۇتاققا>>دەپ اۋىر سوققىلاپ، ەكەۋمىزدىڭدە باسىمىز جارىلىپ، كوزىمىز كوگەرىپ كەتىپ ەدى. سوندا سەن قىزىل بۇرىشتى قارشىلداتىپ شايناپ تۇرىپ، قورقۋ دەگەندى مۇلدە بىلمەۋشى ەدىڭ. اقىرى ءبىز تولاسىز اتقىلاعان وقتارىڭنىڭ قىسىمىنا توتەپ بەرە الماي تىزە بۇككەمىز. سوندا ءبىزدى جازالاپ، بۇكىر شالدىڭ اۋلاسىنان ءبىر قالتا كوگونىس ۇرلاتىپ الىپ،ءوزىڭ قولادان قۇيىپ جاساپ العان قىزىل شاشاقتى ماۋزەرىڭدى شوشاڭداتىپ تۇرىپ:
-ەندى ەكەۋمىز قىزىل بۇرىش جەپ سايىسامىز- دەپ، <اسكەري بۇيرىق>ءتۇسىرىپ، باسەكەگە وتىرعامىز. ەسىڭدە مە؟سوندا مەن زورعا 20تال، سەن 40 تال جەپ جاپوندىقتى جانە ءبىر جەڭگەنسىڭ. ءتايجۇن بولعانىمدى قايتەيىن، اپتا بويى ارتىمنىڭ ۋداي اشىعانى ءالى ەسىمنەن كەتپەيدى،-دەپ قارقىلداپ كۇلىپ، ەلداقتى ارقاعا قاعىپ-قاعىپ، قولىنا ءبىر تال اشتى بۇرىشتى ۇستاتتى، بارلىعىمىز قوسىلا كۇلىپ، اتاۋكەرە داستارقانىنا دا كوڭىلدىلىك باعىشتادىق.
-ءاي، دوسىم-اي، قايران كۇندەر-اي، ءبۇيتىپءوز قولىمدىءوزىم قانداعانشا، جاپون سوعىسىنا قاتىناسىپ، قان مايداندا ولسەم، ارمانىم جوق ەدىعوي.-دەپ اۋىر كۇرسىندى. ءبارىمىز ىشىمىزدەن تىنىپ، باسىمىزدى شۇلعي بەردىك.
-تاماق جەڭىز-دەدىم، ونىڭ تابەتىن تارتتىرايىن دەپ، الدىداعى مانتىگە قاراي قولىمدى سوزىپ .
-تارت، بۇل سەندەردىڭ استارىڭ ەمەس-دەپ قولىمدى قاعىپ جىبەردى. بۇل <<اتاۋكەرە>>، تىرلىكتىڭ ەڭ سوڭعى بۇيىرعان ىرىزعىسى. سەندەردىڭ ىرىزعىلارىڭ تاۋسىلماسىن!ۇلىڭ بار، قىزىڭ بار، باللارىڭنىڭ باللارىنا وسيەتقىپ ايتىپ جۇرىڭدەر ،باستارىڭا قانداي قيامەت كۇن تۇسادا جان بالاسىن جازىم قىلماسىن، ايەلى ەرىنە، ەرى ايەلىنە ادال بولسىن، بۇراۋدىڭ دا سۇراۋى بار ەكەن. اللاتاعالا جازاسىن ەكى دۇنيەدە دە تارتتىراتىنىنا سەنىڭدەر-دەپ وسيەتىن ايتىپ بارا جاتقاندا، تاعىءبىر ساقشى كىرىپ :
-مىناعان قول قوي، اقىيەسى قايسىنىڭىز؟سىزدە قول قويىڭىز-دەدىءبىر نۇسقا حۇجاتتى بەرىپ. ەلداق كورگەندە جوق، قولىن قويدى دا، ونىسىن ماعان ۇستاتا بەرىپ:
-مەنىڭ ۇكىم قاعازىم، قازىر اتقارىلادى، كورىڭدەر، سەن قول قويا بەر-دەدى. مۇنشا كوپ جاننىڭ قانىنا ورتاق بولعان ادامنىڭ ولىمىنە ءارى-ءسارى بولاتىن نە بار؟-دەپ ويلادىم دا قول قويىپ بەرە سالدىم. الايدا ول ءوزىنىڭ بۇگىن اتىلاتىندىعىن بىلمەيدىعوي- دەپ ويلاپ وتىرعام. ەندى ءسوز بۋازدىققا سالۋدىڭ قاجەتى قالمادى-اۋ دەگەن ويمەن:
-سولاي ەكەن اعا، ەندى ايتارىڭىز، تاپسىرارىڭىز بولسا توقتالماڭىز-دەدىم توتەسىنەن. بەتىمە باجىرايا جالت ەتە تۇسكەندە، باۋىزداۋ الدىنداعى جىلقىنىڭ جانارىنداي كوزى اعاراڭداپ كورىندى. ساقشىلاردا سەزدى بىلەم، بىرەۋىن قالتىردى دا، باسقاسى شىعىپ كەتتى.
-<<قۇس جاڭىلىپ تورعا تۇسەدى، تۇلپار ءسۇرىنىپ ورعا تۇسەدى>>،<< قولىڭمەن ىستەگەنىڭدى موينىڭمەن كوتەرەسىڭ>> دەگەن ءسوز بار ەمەس پە؟ ەندى امال جوق دوسىم، بارلىق ادامنىڭ باراتىن جەرى سول، تەك باراتىن جولى عانا ۇقسامايدى. قانداي تاپسىرارىڭ بار؟ ايتا بەر، ءبىز قولىمىزدان كەلگەنشە كومەكتەسەمىز- دەپ ساباقتاسى دا ءوتىندى.
-ءيا، دۇرىس ايتاسىڭ، مەن اتىلاتىندىعىما وكىنىپ وتىرعام جوق، قىلىشپەن قىرىق جەرىمنەن شاۋىپ ولتىرسە دە قىلمىسىم وعان قاپتال جەتەدى، ارتىمدا ۇرپاق قالماعانىنا ءتىپتى دە وكىنبەيمىن. تەك قارتايعان شاعىندا شەشەمە شەمەندەي شەر ارقالاتىپ، ەل-جۇرتىمنىڭ سۇيەگىنە كەتپەستەي قارا داق تاڭبالاپ كەتكەنىمە، وكىنەمىن، بالاعا ات قويعاندادا بايقاپ قويعان دۇرىس ەكەن-دەپ ءوزىن-ءوزى شاپالاقپەن تارتىپ جىبەرىپ ەدى، ساباقتاسى وسىلعان بەتىن بەتىنە باسىپ:
-بۇيتپە ەلداق-دەپ اۋىر كۇرسىنىپ قالدى. سالدەن سوڭ شايىنان ءبىر جۇتىپ الىپ،ءسوزىن جالعاستىردى.
- ۇزىن ءسوزدىڭ قسقاسى، مەن ءبىر ءتۇرلى نامىس ءۇشىن قىزىل قىرعىن سالدىم. ساقشىعا بار قىلمىسىمدى تاپسىرسام دا، زاڭعا سايمايتىن كەي تۇستارىن تاعى سول نامىس ءۇشىن جاسىرىپ قالدىم.ءبىراق كورگە الا كەتسەم بولماس دەپ وتىرمىن. قىلمىستى بولسامدا مەنى تۇسىنۋلەرىڭدى، تەگىندە جان قۇمار، قان قۇيلى ەمەس ەكەنىمدى تۇسىنۋلەرىڭدى وتىنەمىن؟! بىرگە تۋىسقاندارىم مەنى كەلىپ كورمەۋى مۇمكىن؟ ۇكىمەت باردا، سەندەر باردا كومۋسىز قالماسپىن-دەپ ،اۋىر ءبىر كۇرسىنىپ الدى دا، اقتىق ءسوزىن جالعادى.
-مەنىڭ ۇيلەنۋ بارىسىمدى بىلەسىڭدەرعوي، بىرەۋگە عاشىق بولۋ دەگەنىڭ سوقىر تەكەنىڭ تام سۇزگەنى سەكىلدى ئىس ەكەن. ونىڭ جانىندا تولەگەننىڭ قىزجىبەككە عاشىقتىعى تۇككە تۇرماس بالكىم؟ مەنىڭ اكەم بازاربايداي جۇزدەپ جورعا، توعاناق-توعاناق التىن-كۇمىس بەرمەسە دە، ونى سۇيەتىندىگىمدى ەكى قولىممەن، ماڭداي تەرىممەن، ادال جۇرەگىممەن دالەلدەگەنمىن. سول كەزدە توسەك تارتىپ اۋىرىپ جاتقان اكەم:
- مەن الدىمەن قۇدا بولاتىن جۇرتتى،كەلىن بولاتىن بالانى كورىپ كەلەيىن-دەپ بەلىن بۋىپ، ول اۋىلعا بارىپ كەلگەن سوڭ:<قۇدا بولمايمىز>- دەپ قولىن ءبىراق سەرمەگەن. وعان عاشىق جۇرەك قايدان كونسىن؟ الا جازداي قايىناتامنىڭ ۇيىندە، ءشوبىن شاۋىپ، قوراسىن سالىپ ءجۇرىپ الدىم. اكەڭنىڭ ناۋقاسى سالماق تارتىپ قالدى دەگەندى ەستىپ، ءشوپ باسىنا شىق تۇرعانداءبىراق كەلگەنمىن. اكەم سول جولى ولارمەن قۇدا بولماۋىنىڭ جايىن ايتتى. سۇيتسەم<< مادەنيەت توڭكەرىسىندە >>اكەمە قاعاز قالپاق كيگىزىپ، اۋىل-اۋىلدى ارالاتىپ، سازاي جاساپ اپارعاندا، ەنەم <<اكتيۆتەر>> ۋاكىلى ەكەن دە، اكەمدى كۇرەسكە الىپ، باسىنا تەۋىپ كەتىپتى. بۇل جايدى، ارينە، ءىستىڭ بولارى بولىپ، بوياۋى سىڭگەندە ەستىپ قالدىمعوي، اكەمە اۋزىمدى اشىپ، ماقۇلدىق بەرە المادىم، ول كىسى دە تەرىس قاراعان كۇيى اتتانىپ كەتتى. امال قانشا تەرىس باتاسىن بەرىپ كەتكەنىن قولعا قىرساۋ تۇسكەنسوڭ ءبىلىپ وتىرمايمىن با!-دەپ كۇرسىندى. ەلداقتىڭ ۇيلەنۋ كەزىندەگى حيكايالارىن مەن وقۋمەن سىرتقا شىعىپ كەتكەندىكتەن تولىق بىلمەيدى ەكەم. بۇلدا قىزىل قىرعىن سالاتىن سەبەپ ەمەسقوي؟ كىنالى بولسا، قوعام كىنالى شىعار؟ دەگەن ويمەن:
- سوندا، اعا، وسىعان بولا ما؟ دەپ قالدىم.
-يا، بۇعان بولا اتويىن سالۋعا جاراماس، ءبىراق <<شەشە قارعىسى بوق، اكە قارعىسى وق>> دەگەندى ەندىءتۇسىندىم. ءبىز ءۇي بولىپ ءبىر جىلعا جەتپەي-اق، شەشەم مەن قاتىنىمنىڭ اراسىنان قارا مىسىق سۇماڭداپ وتە باستادى. ۇساق- تۇيەگىن ايتپاي-اق قويايىن، مەن سەندەر سەكىلدى وقي الماعان سوڭ، بىلەكتىڭ كۇشىنە تايانىپ ەلگە جالدانىپ، تام سوعىپ، قورا سالىپ، ايلاپ-اپتالاپ سىرتتا جۇرەمىنعوي. ءبىر جولى ۇيگە كەلسەم، قاتىنىم جوق. شەشەم بوتاداي بوزداپ جىلاپ وتىرىپ شاعىندى.
- انا -ۋ -ىڭ، كوزىڭە ءشوپ سالىپ ءجۇر، ەكى كۇننىڭ بىرىندە شۇلدىرلەگەن بىرەۋ كەلەدى دە، شايتانشاعىنا مىڭگەستىرىپ الىپ كەتەدى. قايدا قاڭعىپ جۇرسىڭ دەسەم، جۇمىس ىستەپ ءجۇرمىن دەيدى. كەشە تۇندە ونىڭ كەلۋىن توسىپ قاقپانىڭ ارتىندا جاسىرىنىپ اڭدىپ وتىر ەدىم، الگى نەمە مىنگەستىرىپ اكەلدى دە، اۋزى-باسىن تۇك قويماي ارامداپ كەتتى- دەدى. ەكەۋىنىڭ ءبىرىن ءبىرى تىلدەرىنىڭ جەتكەنىنشە جاماندايتىنىنا قۇلاعىمدا ابدەنءۇيىر بولىپ كەتكەن. ءبىراق ۇياتقا تيەتىن مىنا سوزىنە شىداي المادىم.
-ول قايدا؟ دەپ ەدىم اشۋمەن.
-كوزىم كورىپ تۇرعان بەتباقتىقتى ۇندەمەي قويۋعا ءداتىم قالاي شىداسىن؟ تۇندەگىسىن ايتىپ ەدىم، بەتسىز قاشان بەت باقتىرۋشى ەدى؟ءتىلىنىڭ زاھارىن شاشىپ، قولدارىڭنان كەلگەندەرىڭدى قىلىڭدار- دەپ، كەتىپ قالدى، كەتكەن شىعار بايلارىنا- دەدى.
سونمەن نەدە بولسا انىعىنا بارايىن دەپ، قايىنجۇرتقا قاراي ات سۋىتبايءجۇرىپ كەتتىمعوي. جول-جونەكەي كوزىمە ءشوپ سالىپ جۇرگەن قىلىعىنا شىداماي، اجىراسىپ كەتەيىن دەگەندى ويلاسامدا، ونىڭ ويناقى بوتا كوزى مەن ەشكىمدە جوق سىڭعىرلاعان كۇلكىسىن، اسىرەسە، توقپاقتاي قوس بۇرىمىن، ىپ-ىستىق قۇشاعىن قيمادىم. اجىراسقانىممەن ماعان ەندى قاتىن قايدان تابىلادى، نەمدى بەرىپ قاتىن الامىن؟ بالكىم شەشەم باسقا بىرەۋدى كورگەن شىعار؟- دەپ، ءوزىمدى ءوزىم جۇباتىپ باردىم. مەن بارعاندا جىلى قاباق تانىتقان ەشكىم بولمادى، اۋەلى ەنەم بۇلقان-تالقان بولىپ:
-ءتايت باندىنىڭ تۇقىمى، تاقىر تۇلاق شەشەڭ كەلىنىن كۇندەيتىن سولعۇرشا كىم ەدى؟ ول دا كەزىندە پالەنبايمەن كوڭىلدەس ەدىعوي، ۇكىمەت بەكەر ادامعا قالپاق كيگىزەمە؟ -دەپ جەردەن الىپ جەرگە سالدى. قاتىنىمدا شاۋىلدەپ:
-شىبار جىلان ماعان كۇن كورسەتپەيتىن بولدى، ايتقانىنىڭ ءبارى وتىرىك، مەنىمەن ءۇي بولامىن دەسەڭ ىرگەڭدى ولاردان سوگىپ، اۋاشالانىپ شىق- دەدى.
اق ءسۇتىن بەرگەن اناما سەنەرىمدى، نە قوينىمدا جاتقان قاتىنىما سەنەرىمدى بىلمەي، اقىرى بۇل قازاننىڭ قاقپاعىن نامىس ءۇشىن جىلى جاۋىپ قويىپ، وتاۋ قۇرىپ شىعۋعا بەكىدىم دە ، بىرنەشە كۇن مال-جانىنا قاراسىپ، اپتىعىن باسىپ، ساباسىنا تۇسكەن سوڭ، الىپ قايتقانمىن. كەلگەن سوڭ كىشى اكەمنىڭ كومەگىمەن شەشەمدى دە يلاندىرىپ، اۋاشادان ەكى اۋىزدى تام سالىپ ءبولىنىپ شىعىپ، ءيت تىرلىكپەن ەكى-ۇش جىلدى دا وتكىزدىكقوي، مۇندادا جىرعاعان تىنىشتىق بولمادى، جوقشىلىقتى ەسەپكە الماعاندا ، قاتىنىمنىڭ قاڭعى باستىعىن تيا الماي سالعان كەرىستەرىمىز از بولمادى. ونىڭ ءبارىن ايتىپ قايتەيىن،<<ارلى ارىنا قاراسا، ارسىز جەڭەدى>> دەگەندەي، اقىرى سويلەمەيتىندە بولعامىن. تەك ارمانىم ءبىر شىر ەتكەن شيكى وكپەلى بولساق، ول انا بولسا، بارلىعى دا جونىنە تۇسەر دەگەن ۇمىتپەن باقسى-بالىگەرگە كورىنىپ، ەم-دوم ىستەتەيىك-دەپ ەدىم، كوك ايىل بۇعان قايدان كونسىن؟ سوندا دا ءساتتىءبىر كۇنى، ۇكىلى باقسىنى ىزدەپ بارىپ بال اشتىرعام. ول قۇمالاعىن شاشىپ جىبەرىپ:
- ءاي بالام-اي، جولىڭدى كولدەنەڭدەگەن كوپ كەسىر كەسىپ تۇر ەكەن، وتباسىڭدى جىن-جىبىلىس يەكتەپ، اياعىڭنىڭ استىندا ۇلكەن قارا جىلان ارباپ جاتىر، ساۋىسقاننان ساق بول، شىلدەحانا كورسەم دەگەن ارمانىڭ بار ەكەن، ماڭدايلارىڭا ءبىر جۇلدىز ءبىتىپ بارىپ، اعىپ كەتىپتى، بايقايمىنءبىر بالاڭ شەتىنەپ كەتكەن بە؟-دەپ بەتىمە قارادى. باسىمدى شايقاپ ەدىم،
- وندا ايەلىڭ تۇسىك تاستاعان با؟ دەپ جانە سۇرادى. باسىمدى جانە شايقادىم.
- ءيا، مارحوم اكەلەرىڭ ءتۇسىپ تۇر ەكەن. قايىرى سەن جەتى جەرگە ساداقا بەرىپ، جەتى-جەتى قىرىق توعىز ۋلى جىلاننىڭ باسىن كەرەگە باس سايىن ءىلىپ قويساڭ، بالكىم پالە-قالادان اۋلاق بولارسىڭ، ال، ايەلىڭە وڭ جاقتان جابىسقان ازەزىل، سول جاعىنان جابىسقان ماشايىق بار، مۇنى جەلگەن ءيتتىڭ شىبىعىمەن جەتى رەت ۇشىقتاۋ كەرەك، -دەدى. سول كەزدە اڭعارماعان ەكەنمىن. ناق ءتاۋىپ ەكەن، باسقاسىن ىستەۋگە بولسادا، جەلگەن يتتىڭ شىبىعىمەن ۇشىقتاۋ مۇمكىن ەمەس شىعار؟-دەپ بولىمسىز كۇلىمسىرەدى. باعاناعىنداي ەمەس، ەكى بەتىنە قان جۇگىرىپ، قىزارىپ، اجارلانىپ بارا جاتقانداي كورىندى كوزىمە. وسى كەزدە:
- وي، شياۋحۋ جاقسى ما؟-دەپ بىزگە تانىس ۋاڭءدايپۇ كىرىپ كەلدى. سول تۇستاعى اۋىلداعى جالعىز دارىگەر وسى ەدى، شالا قازاقشاسىمەن ەلداقتى قۇشاقتاپ:
- قاتىرجام بولادى، ماماڭدى مەن باعادى-دەپ جاتتى. تاعى ءبىر ساقشى كەلىپ:
- جارىم ساعات ۋاقتارىڭىز قالدى-دەپ ەسكەرتىپ ەدى.
- مەنىڭدە ساناۋلى مينوتتارىم قالعان ەكەن، تەزىرەك اياقتاستىرىپ جىبەرەيىن-دەپ اڭگىمەسىن جالعاستىرىپ كەتتى، ولەتىن ادام وسىلاي بولاما؟ ءتىپتى كوسىلىپ، شەشەن بولىپ كەتىپتى.
-باقسىنىڭ بالىنان سوڭ قولىم جۇمىسقا، اياعىم ۇزەڭگىگە بارمايتىن بولدى، ۇلكەندەردىڭ كەڭەسىمەن اۋليە ۇڭگىرىنە جەتى بەسىك جاساپ اپارىپ، جەتى اۋليەگە تاۋاپ جاسادىم. باقسى ويناتىپ، ۇشىق شىعارايىق دەسەم وعان قاتىنىم كونبەگەن سوڭ، امالسىزدان بالىگەرىمنىڭ 21 كۇنگە سەرتتەپ بەرگەن دەميدەسىن جاسىرىن ءىشتىرىپ، ۇيدەن شىعارماي، بىردە الداپ، بىردە ارباپ، كوڭىلىن وزىمە اۋدارايىن دەدىمعوي، قايدان مەيىرىن بەرسىن؟ قانشا ايمالاپ قۇشىپ-ءسۇيىپ جاتسام دا، كەسكەن تومارداي سۇلىق قانا جاتادى، كەيدە ءتىپتى ماڭىنادا جۋىتپاي، قىرشاڭقى بايتالداي قوس اياقتاپ تەكپىلەپ، تەرىس قاراپ جاتىپ الادى. ۇيات بولسادا ايتايىن، ەر جىگىتتىڭ ۇلكەن اڭسارىنىڭ ءبىرى، اق نەكەلى توسەك ءلاززاتىن تاتىپ، ۇرپاق سۇيۋعوي. قالعان كەزدە مەيلى ارباعا جەگىلىپ، ەتىكپەن سۋ كەشىسن، مەيلى قاتىقسىز قارا سۋ ءىشىپ، قاتقان نان قاجاسىن بارىنە رازى. قاتىنىم اقىرى بۇل قىسىمىعا شىدامادى بىلەم، سىنىقتان سىلتاۋ تاۋىپ، ءبىر كۇنى ۇرىسىپ-سوعىسىپ الدى دا، توركىنىنە كەتىپ قالدى. كەتكەنىنەدە ءۇش ايدىڭ جۇزى بولىپ قالعان. ارادا كۇننىڭ ءساتىن تالداپ ەكى رەت شەشەم مەن كىشى اكەمدى ەرتىپ بارىپ، الىپ قايتايىن دەپ جوسىن جاساعان دا ەدىك، اجىرايمىن دەپ قارا ەسەككە تەرىس مىندى دە الدى. قويشى بولدى، <<قوزى كورپەشتى ايتالماعان، بۇزىپ الادى>> دەۋشىمە ەدى؟ءسوزىم دە، امالىم دا قالمادى. ءۇستىپ دەل-سال، بويكۇيەز جاتقان ءبىر كۇنى كورشىمىزدىڭ قاتىنى، جابايى مىسىقتىڭ تىرناعىنان قالعان ەكى-ءۇش مەكيەنىمىزدى تاستىڭ استىنان الىپ، ۇيگە قوقاقتاتىپ قۋىپ كىردى.
-وي، نە بولدى؟ دەگەم، الدىنان شىعىپ.
- نە بولۋشى ەدى؟ مال يەسىنە تارتپاسا ارام ولەدى دەگەن، مىنا جەز وكشە مەكيەندەرىڭ سابان-توپاننىڭ تامتىعىن ۇشىردى. ويناس قىلاتىن جەرىن تاپقان ەكەن. نە تاپقان جۇمىرتقاسىنىڭ تامتىعى جوق، تالاعى تۇسكىر ءوزىنىڭ ولەكسە قورازى نە بىتىرەدى قايىرماي؟-دەپ تەپسىنىپ كەتتى. بۇدان بىرنەشە كۇننىڭ الدىندا بەي ۋاقىت شاقىرا بەرگەن سوڭ، قورازىمنىڭ قوقيعان مويىنىن بۇراپ، يتكە تاستاعان ەدىم. جىگىت ادامعا تىرلىگىندە بۇدان ارتىق قورلاۋ بولماس؟ ونسىزدا قاتىنسىراپ، كۇيەككە تۇسەتىن بۇعىداي جاراپ، كوزىمنىڭ سۇعى كورىنگەن شۇڭقىر بەينەگە ۇيالاپ جۇرگەن. الگى مەكيەندەرىمدى قوراعا جەم شاشىپ كىرگىزدىم دە، بىردەن ۇستاپ الىپ، قاتىنىمدى ەلەستەتىپ تۇرىپ، ارتىن جوندەپ، باستارىن كەسىپ-كەسىپ تاستادىم-دەدى شىمىرىكپەستەن. مىناۋ جىندانعان ەكەن دەپ ويلادىم ىشتەي. ساباقتاسى:
-وي، دوسىم نە ايتىپ وتىرسىڭ؟ مىناۋىڭ.....-دەپ ءسوزىنىڭ سوڭىن مىڭگىرگە اينالدىرىپ ەدى، ساقشى جىگىت:
- وتىرىك دەۋگەدە كەلمەيدى، تۇرمەدە جاتقاندار ۋاقىت ۇزارا كەلە ءبىرىن-ءبىرى وسىلاي ىستەيتىنىن كوزىمىزبەن كورىپ ءجۇرمىز، سوعان قاراعاندا-دەپ سوزىنىڭ سوڭىن ولدا جۇتىپ الدى.
-سودان ارى باسقا ءبىر ادامعا اينالىپ كەتكەن سياقتىمىن-دەدى ەلداق ءسوزىن جالعاستىرىپ، ومىرىمدە اراق ءىشىپ كورمەگەن جان ەدىم، ءبىر قۇمبىرا اراعىڭدى تىك تۇرىپ، اۋىزىنان سىلتەي سالدىم دا، ەستىپ جۇرگەن وسەكتەرىمدى راستاۋءۇشىن قاراكەرگە قامشى باسىپ، اۋەلى مىنا كىسىگە— ۋاڭ ءدايپۇعا باردىم، بۇل كىسى ءبىزدىڭ اۋىلداعى ايەل بىتكەننىڭ سىرىن بىلەتىن ادامعوي- دەپ ونى نۇسقاپ قويدى.
- مەنىڭ قاتىنىمنىڭ ساعان بالا تۇسىرتكەنى قانداي اڭگىمە؟ دەپ ەدىم، ءبىراز قيپالاقتاپ بارىپ:
-سولاي بولادى، قازىر بالا المايدى-دەپ تۇسىرتكەن-دەپ مويىنداما جازىپ بەردى. سونان سوڭعى ەكى-ۇش كۇندە اراق ءىشىپ الىپ،ءوزىم ۇستىنەن تۇسكەن تىراكتورشىعا، قارىنداسىم سەزىكتەنىپ جۇرەتىن دۇكەنشىگە، شەشەم ايتاتىن شايتانشاقتعا بارىپ، پىشاقتى كەزەپ وتىرىپ، مويىنداما جازدىرىپ الدىم دا، ەرتەسى ەرتەمەن قايىنجۇرتىما تارتتىم. جولدا قايىناتام مەن بالدىزىم كەزدەستى، ولار جەم اكەلگەلى اۋىلعا جۇرگەن ەكەن. قايىناتام:
-ۇيگە بارا بەر، ءبىز جەم الىپ ەرتەڭ كەلەمىز-دەدى. جول-جونەكەي وزىمە-ءوزىم سابىر ايتىپ اشۋىمدى باسىپ، ەگەر بارلىعىن كەشىرسەم، ول كەمشىلىكتەرىن مويىنداپ، ەندىگارى سۋىق جۇرىسكە سالىنبايمىن -دەسە، جەر اۋدارىپ، الىسقا، قۇلاق ەستىپ، كوز كورمەس جەرگە كوشىپ كەتەيىن-دەگەن بايلامعادا كەلگەم. وسى ويدىڭ جەتەگىمەن قىستاۋلارىنىڭ استىنداعى وزەكتەن وتە بەرگەنىمدە قارسى الدىمنان كوزىمە تانىس سىلاڭداعان ءبىر ورتۇلكى تاعىدا جولىمدى كەس-كەسىتەپ وتە شىقپاسى بارما، ءاي، جولىم بولمايدى ەكەن! دەپ تىكسىنىپ قالعام. بارعانسوڭ بىردەن ءسوز باستامادىم. باياعى ادەتىمشە قورا-قوپسىلارىن تازالاپ، سىرتتا ءجۇرىپ الدىم. شاي ءىش، تاماق ءىش دەگەن ادام بولمادى. بۇرىن جەزدە اعا دەپ جۇرەتىن كەلىنىمدە تەرىس قارادى. اقىرى اقشامنان سوڭ، قاتىنىمدى تۇپكى ۇيگە شاقىرىپ، اڭگىمەلەسەيىك دەسەم، ات تونىن الا قاشتى، شىدامىم تاقا تاۋسىلىپ، ءبارىنىڭ الدىندا، ەستىگەنىمدى، كورگەنىمدى، مويىندامالاردى جايىپ سالدىم.
- قولىڭنان كەلگەنىڭدى ىستە، سەنەن اجىرايمىن-دەگەن ءسوز بولدى اقىرى العانىم. ەنەمە دە تىلەك، شۇبامدى ءبىلدىرىپ:
- بارلىعىن كەشىرەيىن اپا، اقىلىڭىزدى ايتىڭىزشى؟!-دەپ ەدىم.
- سەندەرشە بولعاندا قىزىمدى قاتىن قىلماعان ەركەك قالماعان ەكەن. كوممۋنانىڭ قاتىنى بولىپ كەتسەدە، تاپ ساعان بارمايدى. وڭكەي بويداق، انا وتىرىپ قالعان قارىنداستارىڭدى قاتىن قىلىڭدار!-دەدى ەتەگىن قاعىپ. <قارىنداسىڭ> دەگەندە تاعى بىر اڭگىمە بار، ول ازەزىل قارىنداسىمدى ازعىرىپ، جامان اتىن شىعارىپ جىبەرگەن، اياعى بۇل كۇندە بۇقپا بولىپ وتىرىپ قالدىعوي، قارىنداسىم عانا ەمەس، اۋىلداعى ءبىرتالاي قىز-كەلىنشەكتەردىڭ دە سورىنا تىشقان، مۇنى ايتپاي-اق قويايىن. بارلىعىن كوك قاتيرەگە جازىپ قويعامىن، كەيىن كورەرسىڭ- دەپ ماعان تاپسىرعانداي بولدى دا:
-بارىنە توزسەمدە تاپ وسى سوزگە قالاي توزەيىن. قانىم باسىما شاپشىپ، ەكى جۇدىرىعىمدى ءبىر-بىرىنە ۇرعىلاپ، تىسقا شىعىپ كەتتىم. ءبىراز اينالسوقتاپ، تۇلابويىمدى سىزداتقان جان ازابىمدى تەجەپ، نەدە بولسا كەتىپ قالايىن دەپ اتىمدى قورادان الىپ شىعىپ ەرتتەپ جاتىپ، وسىلايشا كەتىپ قالام با؟ جوق، ەندى مەنىڭ بارار جەرىمدە قالمادى. - دەپ ،قاراكەردى قايتا وقىرعا قويدىم دا، تۇپكى ۇيگە كىرىپ جاتىپ قالدىم. ءۇي ارتىنان الاقانشىقتىڭ قوبىزدان شىققان مۇڭلى كۇيدەي ۇلىعان ءۇنى ونسىزدا مازامدى الىپ، وتكەن-كەتكەننىڭ بارىن ەسىمە سالدى، كوزىم انتەك ءىلىنىپ كەتكەن ەكەن، قۇيرىعى كوز جەتكىسىز سوناۋ الىستا يرەلەڭدەگەن ءبىر الىپ ايداھار ەسىكتەن باسىن سۋماڭداتىپ، مەنى جۇتباقشى بولدى، جالما-جان كەزدىگىمدى سۋىرىپ الىپ، تاماعىنان تارتىپ كەپ قالعان ەدىم، ءۇيدىڭ ءىشىن قىپ-قىزىل قان جاۋىپ كەتىپتى، قانعا مالتىعىپ جاتىپ ويانىپ كەتتىم. قارا تەرگە مالشىنىپ، جۇرەگىم اتقالاقتاپ تۇر ەكەن، كيىمشەڭ ەدىم، اقىرىن تۇرىپ، اۋىزعى ۇيگە شىقسام، شام ءسوندىرىلىپ بارلىعى شىرت ۇيقىدا جاتىر. سوڭعى رەت سالىمىمدى ءبىر سىناپ كورەيىن دەدىم دە، شەت جاقتا جاتقان قاتىنىمنىڭ جانىنا جانتايىپ، قولىمدى جۇگىرتكەن ەدىم، ىرشىپ تۇرىپ، شەشەسىنىڭ قوينىنا كىرىپ كەتتى. ءۇمىت ءجىبىنىڭ بىراق جولاتا ۇزىلگەنىن سەزدىم، دالاعا تاعى شىقسام، اي يىقتان اۋناپ، ارتجاقتاعى تاۋدان اسىپ، ءۇيدىڭ ماڭىن قاراڭقىلىق جاۋىپتى، تەك الا قانشىق قانا قارسىداعى توبەگە شىعىپ الىپ، توقتاۋسىز ءبىر سۇمدىق اۋەنمەن وزانداتىپ ۇلىپ تۇر، قوراعا كىرسەم جانۋار قاراكەرىم تىقىرشىپ، جەر تارپىپ، ءالسىن-ءالى پىسقىرادى،ءبىر سۇمدىقتىڭ بولعالى تۇرعانىن سەزدىم دە ،قاشىپ قۇتىلايىن دەپ جولعا شىعىپ ەدىم، الدىمنان اعاراڭداعان ادام سەكىلدى، بايقاسام اكەمەدە ۇقساڭقىرايتىن بىرەۋ شىعىپ:
-ەي، ىنجىق، وسىلاي قايتاسىڭ با؟ ءبارىن ءولتىرىپ كەت-دەگەندەي بولدى. قايتا ارتىما قايتتىم دا، اتىمدى ماماعاشقا بايلاپ، مايانىڭ تۇبىندە ءشوپ كەسىپ جۇرگەن جادى بار ەدى، سونىڭ دۇزىن شىعارىپ الىپ، ءوزىم جاتقان ءۇيدىڭ تەرەزەسىندەگى سۇلياۋدان شەگەلەنگەن ءبىر كوزدى جىرتىپ، سابىن ىشكە كىرگىزىپ قويىپ، جاتىپ قالدىم. سودان ارى وڭىم بە، تۇسىم بە؟ بىلمەيمىن، قالىڭ قىز-قىرقىن، قاتىن-قالاش قاپتاپ كەلىپ مەنى جۇلىپ جاتىر ەكەن، جالما-جان جادىنى الدىپ وڭدى سولدى سەرمەپ، ولاردى تىپ-تيپىل قىلدىم، ەكى كىشكەنە ءسابيدىڭ شىر-شىر ەتكەن داۋىسىن انىق ەستىسەمدە، مەنىڭدە سابيىمدى دۇنيەگە كەلتىرمەي جاتىپ-اقءبىر ۋكىلمەن ۇزاتىپ ەدىڭدەر؟ دەپ، ونىڭ ەرەسەك تارتىپ قالعانىن شاۋىپ تاستاپ، ەندى بەسىكتەگى سابيگە قول سىلتەپ ەدىم، وي، اللا، سەندەرگە وتىرىك، وزىمە شىن. بالانىڭ پەرىشتەسى بولادى دەگەندى كوزىم كوردى. ابپاق كيىنگەن بىرەۋ جۇزىنەن قان سورعالاعان جادىنى قولىمنان جۇلىپ الىپ دالاعا لاقتىرىپ جىبەردى. ءۇي ءىشى كوردەي قاراڭقى، نە بولعانىن بىلمەيمىن، ءال-دارمەنىم قۇرىپ، ەسىك الدىنا شىعىپ وتىردىم. تاڭ سىزىلىپ اتىپ كەلەدى ەكەن. بارا-بارا جارىق تا ءتۇستى. ءۇستى باسىم قابىرشاقتانا قاتقان قىپ-قىزىل الا قان. اقىرىن ءۇيدىڭ ىشىنە باسپالاپ بارىپ قاراسام، ساكىنىڭ استىندا اياۋلىمنىڭ باسى بۇپ-بۇيرا شاشىمەن دومالاپ جاتىر ەكەن، جەڭىممەن بەتىندەگى قان داقتارىن سۇرتىپ، ەكى شىقشىتىنان ەپتەپ ۇستادىم دا ەرنىنەن ءسۇيىپ، ماڭدايىنان يىسكەپ ەدىم، كوزىن اقىرىن عانا اشتى دا ءبىر اۋىز ءسوز ايتىپ، قولىمنان شورشىپ جەرگە ءتۇسىپ كەتتى. نە ايتتى دەيسىڭدەرعوي؟ ونى دا كوك قاتيرەگە جازىپ قويدىم.-دەدى كۇرسىنىپ. سودان سوڭ ەسىمە كەلە باستاعان ەكەنمىن،ءۇيدىڭ ول جەر، بۇل جەرىنىڭ ءبارى شاشىلىپ جاتقان قول-اياق... ايتپاياق قويايىن، قورقاسىڭدارعوي، كورىم بولعاندا بەسىكتىڭ ارقالىعىن عانا شاۋىپ بارىپ توقتاپ قالعان ەكەنمىن. باسقاسىن تۇگەل جايراتىپ سالىپتىم. مىنا كورىنىستى پەندەنىڭ كورۋىنە ءدات ەتە المادىم، شىرقىراپ جاتقان سابيدى بەسىگىمەن كوتەرىپ تىسقا الىپ شىعىپ، قالىڭداپ كورپە جاۋىپ قويىپ، قايتا كىرىپ بۇرشا-بورشاسى شىققان ولىكتەردى ورتاعا جيناپ، كورپەلەرمەن ءۇستىن جاۋىپ، كىلەت ۇيدەگى كاتەلدە تۇرعان كارەسىندى شاشىپ-شاشىپ جىبەرىپ، وت قويدىم دا، شۋ جانۋارىم دەپ، اۋىلعا قاراي قۇيىنداي قۇيعىتتىم. شىبىن جانى شىرقىراپ، ءۇيدى شىر اينالىپ جۇرگەن الاقانشىق شابەلەڭدەپ كەلىپ، اۋلەكىلەنە ات قۇيرىعىنا جارماسىپ ەدى، بولات تۇياق سارت ەتكىزدى بىلەم، قاڭقىلداعان كۇيى ارتىنا قاراي زىتىپ بەردى. جول-جونەكەي جۇرگىنشى بىرەۋ كەزدەسسە، سالەمىمدى ساقشىعا جەتكىزە سال دەپ كەلەمىن،ءبىراق ەشكىم كەزدەسپەدى. قارا جول قاق ايىرىلىپ، ءمادىنى جۇتقان قارا تاۋ راس بولساڭ، جۇت مەنى دەپ تىلەپ كەلەمىن. ارتىما ءبىر قاراعانىمدا بۋداقتاعان قارا ءتۇتىن تۇسىمە جيى ەنەتىن قارا ايداعارداي بۇراتىلىپ، كوككە كوتەرىلىپتى.-ءبىزدىڭ شاڭىراقتىڭ پالە-قازاسى وسىمەن اياقتاسسىن!-دەپ تە تىلەدىم جاراتۋشىدان. كۇن شىلبىر بويى كوتەرىلىپ قالعاندا، اۋىلدىڭ اياعىنا، وزەن بويىنداعى تار قىساڭعا ءىلىندىم دە، اتىمنىڭ اۋىزدىعىن الىپ، تىزگىن-شىلبىرىنءتۇرىپ،كەكىلىنەن سيپاپ تۇرىپ:
-ساعان ءتىل، قاتىنعا ءدىل بىتكەندە، ماھشاردا كەزدەسەيىك، قوش جانۋار!- دەپ ايداپ جىبەردىم. ءوزىم باياعى شىل-كەكىلككە تۇزاق قۇرىپ، توبىلعى شاباتىن جەرلەرىمدى ارالاپ، ءبىر ۋىس جۇسانىن جۇلىپ الىپ يسكەلەپ، جەرگە جاتا قالىپ، سۇپ-سۇىق قارىنا باۋىرىمدى توسەپ ارىزداستىم دا، اقىرىندا كوك ءيرىمنىڭ باسىنداعى جارتاستىڭ قاباعىنا كەلىپ، ەڭ سوڭعى تىلەگىمدى داۋىستاپ، وزەنگە سەكىردىم. قۇلاپ بارا جاتقانىمدا، قاراكەرىمنىڭ اششى كىسىنەگەن داۋىسىن ەستىگەنىمدى بىلەمىن.ءبىراق مەن سياقتى قانقۇيلى جاندى سۋدا قابىلداماي ما، جوق، الدە وسى ءبىر جايدى ايتىپ كەت، ەلگە ساباق بولسىن دەدى مە؟ ايتەۋىر، مۇزدىڭ كەبەگىنە كىرىپ بارا جاتقانىمدا جانۋار قاراكەرىم شالقۇيرىعىن سۋعاسالىپ جىبەرىپ، جاعاعا قاراي لاقتىرىپ جىبەرگەندەي بولدى. ەسىمدى جيسام، ساقشىلاردىڭ جانىندا جاتىر ەكەم. قۇدايعا شۇكىر، تاعى 7 اي جارىق دۇنيە كورىم. - دەدى ارىق قولىمەن باسىن سيپاپ، قارقىلداپ كۇلىپ.
- سوندا قانداي ارىزداسۋ ايتىپ ەدىڭىز؟-دەدىم كۇلگەنىنە قايران قالىپ.
- ونى كوك قاتيرەگە جازىپ قويدىم، باۋىرىم، سەن وزىڭ عانا كور، ءتىپتى مەنىمەن بىرگە تۋعاندارعا دا، باسقالارعادا كورسەتۋشى بولما، ەڭ سوڭعى ءوتىنىشىم بولسىن، ماڭگى قۇپيا ساقتا ؟!-دەدى جالىنعان بەينەدە. ءۇنسىز باسىمدى يزەدىم.
ساقشىلاردا :
-سوتقا شىعاتىن ۋاقىت بولدى، تازالىق ىستەپ السىن ، اقى يەسى قايسىنىڭ؟ مىناۋ ونىڭ ەستەلىك قاتيرەسى ەكەن، دەپ ءبىر كىشكەنە كوك قاتيرەنى ماعان ۇستاتتى. ءبىز سوڭعى رەت ەلداققا باقىل بول ايتتىق. ونىڭ شىرايىنان بۇل دۇنيەگە دەگەن قيماستىقتىڭ نىسپى دا بىلىنبەدى. ارتىنان باقشانىڭ اۋەلگى ورنىنان احىم قازدىرىپ، ءمايتىن كۇتىپ العان ەدىك.

قوسىمشا جۇكتەلگەن سۋرەتتەرى:

كەلۋ قاينارى: http://www.elarna.net/oku.php?tur=11&id=1652

پىكىرلەر:


جازعان لەبىزىڭىز300 ارىپتەن اسپاسىن!
ادام نەمەسە ۋيروس ەكەندىگىڭىزدى تۇراقتاندىرۋ سۇراعى، كاتەكشەگە 99 دەپ جازىڭىز، راحىمەت!
98 + 1 = ? sozsiz sifermen tolteringiz.

ەل-ارنا ءوز گازەتى

ەڭ جاڭا ماقالالار


اتىراۋعا كەلگەن جاس دار 4 مينوت
شىمكەنتتە «Otbasy Fest» 7 مينوت
اتىراۋعا كەلگەن جاس دار 13 مينوت
رومان ەرەمين بياتلوننان 17 مينوت
گولوۆكين مەن دەرەۆيانچە 27 مينوت
كوۆالەۆ ۇلىبريتانيالىق 1 ساعات
قاسىم-جومارت توقاەۆ جوش 1 ساعات
قازاقستاندا جاسوسپىرىمد 1 ساعات
نۇر-سۇلتاندا ءىرى كىتاپ 1 ساعات
حابارلاندىرۋ!!! – 2 ساعات
ۆولەيبولدان ازيا چەمپيو 2 ساعات
قىزىلوردادا وقۋشىلارعا 2 ساعات
كونگودا ەبولا دەرتىنەن 2 ساعات
شىمكەنتتە «Otbasy Fest» 3 ساعات
شىمكەنتتە «Otbasy Fest» 3 ساعات
شەشەنستاندا ەۋروپاداعى 3 ساعات
اقتاۋدا دەمالۋشىلار سۋع 3 ساعات
ادامنىڭ دەرتى ونىڭ كۇنا 3 ساعات
وسى ارانى باسىپ كورىڭىز 3 ساعات
شاپان كيىپ ءجۇرۋ ۇيات پ 3 ساعات
«ازىرەت سۇلتان&ra 3 ساعات
مانشۇك مامەتوۆانىڭ بالا 3 ساعات
وسى ارانى باسىپ كورىڭىز 3 ساعات
«Burabike Fest-2019 فەس 3 ساعات
ەل دامۋىنىڭ ستراتەگيالى 3 ساعات
«Burabike Fest-2019 فەس 3 ساعات
نۇرلان رامازانوۆ: ءاز-ن 4 ساعات
شي جينپيڭ 12-كەزەكتى جۇ 4 ساعات
جۋالىداعى «شاقپاق اۋليە 4 ساعات
كاك ناكوپيت دەنگي نا حا 4 ساعات