ەل-ارنا قولفون نۇسقاسىنا ەنۋ Еларна қолфон нұсқасына ену


ەل-ارنا قولفون نۇسقاسى | "قولفون نۇسقاسىن ءتۇسىرۋ (Android)

Кірілше
جۇكتەۋ-البومىم-البومدار-جەلى
وسى توردى ساقتايمىن! | وسى توردى باس بەت ەتەمىن!

ءبىزدىڭ بايلانىس: elarna2012@gmail.com

Үш күнгы келушылер санағыКелген адам саны (IP)Көрілген бет саны (PWs)КомпйутерҚолфон
2019-08-23535344954 %46 %
2019-08-24497243046 %54 %
2019-08-25273133352 %48 %


تىركەلىڭىزدەر كىتاپحانا قوجالار تورابى البومدار قازاقتىڭ 1001 ەرتەگىسى

ءتۇرى: ەل-ارنا گازەتى | وسى ارادان ەلارنا گازەتىنىڭ بارلىق ماقالالارىن كورۋگە بولادى..

مەندە ال-ارناعا جازبا-ماقالا جازامىن، وندا وسى ارانى باسىڭىز!

جولدانعان ۋاقىتى: 02:18 - 2016/10/26

ماقالا جولداۋشى: Жұмаш Кенебай
ماقالا اپتورى: Жұмаш Көкбөрі
اپتوردىڭ مەكەن-جايى: Қазақстан. Алматы қаласы
وسى ماقالانىڭ كىرىلشە نۇسقاسى، وسى ارانى باسىڭىز

Осы мақаланың кірілше нұсқасы, осы араны басыңыз



: PDF Download - Жұктеұ - Скачать - ءتۇسىرۋ

جۇماش كەنەباي




عاشىقتار وزەنى - اياگوز!





قىسى-جازى قار جاتار،
توسكەيىندە مال جاتار،
تارباعاتاي تاۋىنان،
ارايلانىپ تاڭ دا اتار!..



مولدىر بۇلاق كەزەدى،
باستاۋ الار وزەگى،
تارباعاتاي تاۋىنان
بۇل اياگوز وزەنى.

قانشا جاندى باعادى،
قانشا مالدى باعادى،
بۇل اياگوز وزەنى،
ۇنسىز جىلاپ اعادى.



جاسىمايدى اياگوز،
باسى جايلى اياگوز.
باسقا وزەندەر سياقتى
تاسىمايدى اياگوز.



ساعىنعاندا باسىپ مۇڭ،
وعان ءبارىڭ اسىقتىڭ.
بۇل اياگوز سان مىڭ جىل،
شولىن باسقان عاشىقتىڭ.



اسقاق بىتكەن نە دەگەن،
انە، اناۋ توبەدەن،
قوزى، بايان قاراپ تۇر،
كەرەمەت قوي و دەگەن!

قۇرعىر جۇرەك سەزەدى،
ۋاقىت نەتكەن تەز ەدى،
بۇل اياگوز و باستان
عاشىقتاردىڭ وزەنى!



ەلتىگەندەي اۋەنگە،
بويالعانداي مانەرگە،
اياگوزدىڭ سۋىنداي،
سۋ بار ما ەكەن الەمدە؟



وزىم سىرىن بىلەمىن،
دۇرس-دۇرس سوقتى جۇرەگىم...
تەك عاشىقتار ىشەتىن،
سۋى بالداي بىلەمىن.



عاشىقتارعا ءبىر سىن بار،
كەرەمەتتەي تىلسىم بار،
اياگوزدەن اسىلى
شىن سۇيگەندەر سۋسىندار.



كوز جىبەرسەڭ بەلەستەن،
بىر بەلگى بار ەلەستەن.
بۇل اياگوز بويىندا
قايىڭ، تەرەك، مول وسكەن.



جۇرەك سىزدار سەزىمدەي،
سۇلۋلىقتىڭ وزىندەي،
قاراقاتى عاجايىپ،
ارۋلاردىڭ كوزىندەي!



ىشكەندەر دە ارماندا!
ىشپەگەندە ارماندا!
بۇل اياگوز سۋىنان
ەرىندە سۋ قالعان با!


دالانى جەل كەزەدى،
قوزى بايان كوزى ەدى،
بۇل اياگوز و باستان
عاشىقتاردىڭ وزەنى!



تالاي تاۋدان وتەمىن،
ەرتەڭ مەن دە جەتەمىن،
اياگوزگە سوعا كەت،
مەنىڭ اتامەكەنىم!



اي جولاۋشى، باسارسىڭ،
وعان قۇرمەت جاسارسىڭ!
بال سۋىنان ءبىر جۇتىپ،
عاشىق ءشولىن باسارسىڭ!



بەرەكەلى ماي وزەن،
جۇرەك تەربەر اي وزەن!
بۇل اياگوز، اياگوز،
ەمەس قالقام، ءجاي وزەن!..



سەن دە عاشىق بولعان جەر،
ول دا عاشىق بولعان جەر،
بۇل اياگوز اسىلى،
مەن دە عاشىق بولعان جەر...



سۋى - شيپا، دارۋلى،
قىسى - بوران داۋىلدى،
ايالايىق، عاشىقتار،
اياگوزدەي ارۋدى!





جۇماش كەنەباي،
26.10.2016 جىل تاڭعى ساعات 05.27 مين.





جۇماش كەنەباي






اقشاتاۋىم – جىرلارىم...





تالاي جولدان وتەمىن،
بىر كۇن وعان جەتەمىن.
اقشاتاۋ مەن قالعۇتى -
مەنىڭ اتامەكەنىم.


جولدىڭ ايتسام توتەسىن،
نە اداسىپ كەتەسىڭ.
جەتۋ ءۇشىن الدىمەن
اياگوزدەن وتەسىڭ.



قوڭىر، ءاپپاق، قارا جون،
ال بيىگى دارا جون،
اياگوزدەن شىققان سوڭ
جاتار الدا قارا جول.


قالعۇتىعا جەتەسىڭ،
قوڭىرتاۋعا جەتەسىڭ،
سول جولمەنەن شاڭداتىپ،
اقشاتاۋعا جەتەسىڭ.


تاۋسىلمايتىن مىڭ ارمان،
وكپە تۇستان شىعار ماڭ.
بۇيرات، بۇيرات، جونداردىڭ
ساي-سالاسى نۋ ورمان.



مولدىرەگەن اسپان بار،
الۋان ءتۇستى تاستار بار،
ساي-سالاسى بۇلاقتار،
ساي-سالاسى - باستاۋلار.



بەرەكەسى، بار قۇتى،
سۇتتەي ءاپپاق ار قۇتى،
مىنە، ءبىزدىڭ اقشاتاۋ،
مىنە، ءبىزدىڭ قالعۇتى.



قاجەتى نە قىلجاقتىڭ،
سۇلۋلىعىن جىرلاپپىن.
جازى - راقات ساۋمالدى،
قىسى - قاتتى بۇل جاقتىڭ.


ول بۇرىنعى اقشاتاۋ،
ول بۇگىنگى قالعۇتى،
بۇگىن ارمان بولعانداي،
جۇرەك سىزداپ، توڭعانداي...



وي الاپات قۇيىنداۋ،
ساۋلاپ ميعا قۇيىلدى-اۋ.
شىنىن ايتسام ەگەر دە
وسى جاعى قيىنداۋ...



سوندا مەنىڭ سىرلارىم،
سوندا مەنىڭ مۇڭ-زارىم،
سوندا داعا مەن پاقىر،
اقشاتاۋىم - جىرلارىم...




جۇماش كەنەباي،
26.10.2016 جىل.

جۇماش كەنەباي



الماتىنىڭ اسپانى...




تۇر قالماعان تۇرىندە،
ۇن قالماعان ۇنىندە،
قارا سۋىق، قارا كۇز،
الماتىدا بۇگىندە.


قۇستار قايدا بەزدى ەكەن،
التىن با ەكەن، جەز بە ەكەن؟
نە قىس ەمەس، جاز ەمەس،
قولايسىزداۋ كەز بەكەن.



تونىپ كەلدى مىنە بۇلت،
سىرى نەدە بىلەلىك؟
الماتىنىڭ اسپانى
اشىلماي تۇر تۇنەرىپ.




كۇپتى كوڭىل باسىلار،
باسقان ويدى قاشىرار،
الماتىنىڭ اسپانى
مۇمكىن، ەرتەڭ اشىلار.



مەنىڭ سانام جالعىز با،
ايدالادا قالعىز با؟
سال سابىر بەر، پەندەڭە،
شىدامسىزداۋ جانبىز با؟..



جۇماش كەنەباي،
26.10.2016 جىل.



جۇماش كەنەباي



الماتىنىڭ اسپانى...




تۇر قالماعان تۇرىندە،
ۇن قالماعان ۇنىندە،
قارا سۋىق، قارا كۇز،
الماتىدا بۇگىندە.


قۇستار قايدا بەزدى ەكەن،
التىن با ەكەن، جەز بە ەكەن؟
نە قىس ەمەس، جاز ەمەس،
قولايسىزداۋ كەز بەكەن.



تونىپ كەلدى مىنە بۇلت،
سىرى نەدە بىلەلىك؟
الماتىنىڭ اسپانى
اشىلماي تۇر تۇنەرىپ.




كۇپتى كوڭىل باسىلار،
باسقان ويدى قاشىرار،
الماتىنىڭ اسپانى
مۇمكىن، ەرتەڭ اشىلار.



مەنىڭ سانام جالعىز با،
ايدالادا قالعىز با؟
سال سابىر بەر، پەندەڭە،
شىدامسىزداۋ جانبىز با؟..



جۇماش كەنەباي،
26.10.2016 جىل.

جۇماش كەنەباي(كوكبورى)




تاپ-تازا اق تاڭ اتاتىن كۇن تاياۋ!..






مىنا ءدامى جوق، تاتۋى جوق، سۋ تاتىعان قۇلدار بيلەگەن زامانعا ءبىزدىڭ تەكتى قالاي قازاق شىداپ كەلەدى دەپ تاڭ قالۋعا بولادى.


انالاردا ۇيات جوق، ال، قازاقتا ۇيات بار.

انالاردا نىساپ جوق، ال، قازاقتا نىساپ بار، انالاردا تەكتىلىك جوق، ال، قازاقتا تەكتىلىك بار، انالاردىڭ قازاقتىڭ ەسەبىنەن ۇرلاعاندارى بار، ال، قازاقتا تۇك تە جوق، ال، انالاردا جاننان باسقانىڭ ءبارى بار، ال، قازاقتا جانى مەن ارى بار. و دۇنيەگە ەشكىم دە ەشتەڭە اكەتە الماعان، بۇلار دا سونىڭ كەبىن كيەدى. بۇلارعا قۇداي سانا بەرمەگەن، ال، قازاققا مولىنان بەرگەن.

قانشا جانتالاسقاندارىمەن ولار قازاقتى جويا المادى، وزدەرى يت بولىپ قالدى، يت بولىپ ولەدى. ءبىزدىڭ قازاق تەكتى دە قاسيەتتى ۇلت! وزەۋرەمەي، ەنتىكپەي، الاقتاماي، جالاقتاماي، اقىرىن سابىرمەن كۇتتىك.

ەندى ءبىر اتتاساق، قازاق ارمانداعان اق تاڭ مەن كۇننىڭ كوكجيەگى كوزگە تۇسەدى. ول كۇن شىقسا، انا تەكسىز، ءدىنسىز، ءتىلسىز، تويىمسىز، قۇل-قۇتاندار، جارىقتان قاشقان ساسىق كۇزەندەردەي، جان جاققا قاشىپ، ىندەرىنە تىعىلادى جانە قايتىپ ول ىندەرىنەن شىعا المايدى، سوندا ءشىرىپ قۇريدى.

ال، قازاق، تازا قازاق، ارلى قازاق، ءتوزىمدى قازاق، ەر قازاق، اينالاسىنا ۇيالماي، اسقاق قارايدى، ونىڭ ۇرپاعى ء«ۇش ءتىلدى ەمەس»، ءبىر ءتىلدى بولىپ شىعادى. انالار يت بولىپ مىڭ ءتىلدى بولىپ، بىلدىرلاپ، شۇلدىرلەپ، قىڭسىلاپ، يتشىلەپ قالادى ب. ساسىپ...




جۇماش كەنەباي(كوكبورى)،
26.10.2016 جىل.
قايىرلى تاڭ، اينالايىن قازاعىم!




«قالىڭ ەلىم، قازاعىم، قايران جۇرتىم...»(اباي) قايىرلى تاڭ!
بارىمىز اسىعا كۇتكەن ارمانداي اسىل تاڭ اسىقپاعانىمەن دە ءبارى ءبىر اتاتىن بولادى!

بارىمىز ول تاڭدى كورەمىز.

سول اتاتىن قازاق تاڭى باق پەن بەرەكە اكەلسىن!


قۇرمەتپەن، جۇماش،
26.10.2016 جىل.

جۇماش كوكبورى




«اتاق بار جەردە شاتاق بار...»




«ومىراۋلارىنا سالدىرلاعان قاڭىلتىرلار تاققانداردى ونشا ۇناتا بەرمەيمىن» دەپ، مەنىڭ بۇگىندە جەتپىسكە تولىپ وتىرعان بالتاش اعام تۇرسىمباەۆ سان رەت ايتقانداي، وسى شىنىندا دا «يتكە تەمىر نە كەرەك» دەگەن قازاق ءتامسىلى ەسىم تۇسە بەرەتىنى قىزىق ەكەن.

بۇنى، ءبىرىنشى دەپ ۇعىڭىز.

ەكىنشىدەن، تىزبەلەي بەرمەياق قويايىن، انا بيلىك تاراپىنان(حالىقتىڭ ەمەس) شۇلەن تارقاتقانداي ۇلەستىرىلەتىن الۋان ءتۇرلى اتاقتار كىمگە كەرەك؟ سونى العانعا ما، جوق، قاراپايىم حالىققا ما؟

بۇلاردىڭ ءبارى حالىقتى ءبولۋدىڭ قۇيتىرقى ساياساتى. ادامنىڭ بارلىعى قۇداي جاراتقاننان بىردەي، ەشكىمنەن ەشكىم ارتىق ەمەس!

ونىڭ ۇستىنە: «اتاق بار جەردە، شاتاق بارىن» اتام قازاق ايتىپ قويعان.

قازاققا جات بۇل اتاق پەن تەمىرلەر، كەشەگى قىزىل يمپەريا كەڭەستەن قالعان دۇنيەلەر. ايتپەسە، بۇرىنعى قازاقتا بولماعان عوي...

وسى جاعىن ءبىر دۇرىستاپ تۇرىپ ويلاناتىن ۋاقىت جەتكەن سياقتى ما، قالاي؟




جۇماش كەنەباي(كوكبورى)،
25.10.2016 جىل.



جۇماش كوكبورى





كىم ناعىز مۇسىلمان؟


جالپى، ءدىن ماسەلەسىندە اباي بولعانىمىز ءجون سياقتى. دەسە دە بۇگىندە قازاقستاندى جايلاپ بارا جاتقان مۇسىلمان ءدىنىنىڭ كەي اعىمدارى دا حالىقتىڭ ميىن شاتىستىرىپ ءبىتتى.

مىنا ءبىزدىڭ تەكسىز، ءدىنسىز، ءتىلسىز بيلىكتىڭ ولاردىڭ الدىندا سونشالىقتى مۇساپىرلىگى مەنى ويعا قالدىرادى.

قازىر الگى «تەرروريست»، «لاڭكەس» دەپ جۇرگەندەرىنىڭ بارلىعى مۇسىلمان دىنىنە كىرگەن ورىس تىلدىلەر ەكەن. ولار مىنا قۇل بيلىكپەن شۇلدىرلەسىپ سويلەسىپ كەتەدى. تازا قازاق ءتىلدى مۇسىلمانداردا ونداي قان تىلەگەن جوق دەسە دە بولادى.

انا ورىس ءتىلدى ءشۇلدىربايلاردىڭ ارتىندا مۇسىلمان الەمى ەمەس، مىنا ىرگەمىزدەگىلەر تۇرعان جوق پا ەكەن دەپ ويعا قالامىن.

اۋىزدارىندا اللا، قولدارىندا جازىقسىزداردى قىرىپ سالاتىن قاندى قارۋلارى بارلاردى قالايشا مۇسىلمان دەپ ايتۋعا بولادى؟ ونىڭ ۇستىنە ءبىزدىڭ قازاق تۋمىسىنان قان توگىسكە جوق حالىق بولسا...

سوندا كىم ناعىز مۇسىلمان: انا ورىسشا شۇلدىرلەگەن مۇسىلماندار ما، جوق، تازاق ءتىلدى مۇسىلماندار ما؟..




جۇماش كەنەباي(كوكبورى)،
25.10.2016 جىل.

كەلۋ قاينارى: http://www.elarna.net/oku.php?tur=11&id=1620

پىكىرلەر:


جازعان لەبىزىڭىز300 ارىپتەن اسپاسىن!
ادام نەمەسە ۋيروس ەكەندىگىڭىزدى تۇراقتاندىرۋ سۇراعى، كاتەكشەگە 99 دەپ جازىڭىز، راحىمەت!
98 + 1 = ? sozsiz sifermen tolteringiz.

ەل-ارنا ءوز گازەتى

ەڭ جاڭا ماقالالار


گولوۆكين مەن دەرەۆيانچە 5 مينوت
كوۆالەۆ ۇلىبريتانيالىق 15 مينوت
قاسىم-جومارت توقاەۆ جوش 30 مينوت
قازاقستاندا جاسوسپىرىمد 1 ساعات
نۇر-سۇلتاندا ءىرى كىتاپ 1 ساعات
حابارلاندىرۋ!!! – 1 ساعات
ۆولەيبولدان ازيا چەمپيو 1 ساعات
قىزىلوردادا وقۋشىلارعا 2 ساعات
كونگودا ەبولا دەرتىنەن 2 ساعات
شىمكەنتتە «Otbasy Fest» 2 ساعات
شىمكەنتتە «Otbasy Fest» 2 ساعات
شەشەنستاندا ەۋروپاداعى 2 ساعات
اقتاۋدا دەمالۋشىلار سۋع 2 ساعات
ادامنىڭ دەرتى ونىڭ كۇنا 2 ساعات
وسى ارانى باسىپ كورىڭىز 3 ساعات
شاپان كيىپ ءجۇرۋ ۇيات پ 3 ساعات
«ازىرەت سۇلتان&ra 3 ساعات
مانشۇك مامەتوۆانىڭ بالا 3 ساعات
وسى ارانى باسىپ كورىڭىز 3 ساعات
«Burabike Fest-2019 فەس 3 ساعات
ەل دامۋىنىڭ ستراتەگيالى 3 ساعات
«Burabike Fest-2019 فەس 3 ساعات
نۇرلان رامازانوۆ: ءاز-ن 3 ساعات
شي جينپيڭ 12-كەزەكتى جۇ 3 ساعات
جۋالىداعى «شاقپاق اۋليە 3 ساعات
كاك ناكوپيت دەنگي نا حا 4 ساعات
گولوۆكين مەن دەرەۆيانچە 4 ساعات
شىمكەنتتە ۋكراينادان كە 4 ساعات
ۇلىتاۋدا Jezkiik ەتنيكا 5 ساعات
فرانتسيانىڭ بيارريتس قا 5 ساعات