ەل-ارنا قولفون نۇسقاسىنا ەنۋ Еларна қолфон нұсқасына ену


ەل-ارنا قولفون نۇسقاسى | "قولفون نۇسقاسىن ءتۇسىرۋ (Android)

Кірілше
جۇكتەۋ-البومىم-البومدار-جەلى
وسى توردى ساقتايمىن! | وسى توردى باس بەت ەتەمىن!

ءبىزدىڭ بايلانىس: elarna2012@gmail.com

Үш күнгы келушылер санағыКелген адам саны (IP)Көрілген бет саны (PWs)КомпйутерҚолфон
2019-12-111970784544 %56 %
2019-12-121633409037 %63 %
2019-12-13590152140 %60 %


تىركەلىڭىزدەر كىتاپحانا قوجالار تورابى البومدار قازاقتىڭ 1001 ەرتەگىسى

ءتۇرى: ەل-ارنا گازەتى | وسى ارادان ەلارنا گازەتىنىڭ بارلىق ماقالالارىن كورۋگە بولادى..

مەندە ال-ارناعا جازبا-ماقالا جازامىن، وندا وسى ارانى باسىڭىز!

جولدانعان ۋاقىتى: 01:35 - 2016/09/27

ماقالا جولداۋشى: ەل-ارنا باسقارماسى
ماقالا اپتورى: Қожырбайұлы Мұхамбеткәрім,
اپتوردىڭ مەكەن-جايى: Маңғыстау
وسى ماقالانىڭ كىرىلشە نۇسقاسى، وسى ارانى باسىڭىز

Осы мақаланың кірілше нұсқасы, осы араны басыңыз



: PDF Download - Жұктеұ - Скачать - ءتۇسىرۋ

«جاڭا وقۋ جىلىنان باستاپ 1-سىنىپ وقۋشىلارى جاڭارتىلعان باعدارلاما بويىنشا ءبىلىم الۋعا كوشتى. ...جاڭا باعدارلامانىڭ جاڭالىعى – بيىل مەكتەپ تابالدىرىعىن اتتاعان بۇلدىرشىندەر وقۋ جىلىن «الىپپەمەن» ەمەس، «ساۋات اشۋمەن» باستادى. ۇزاق جىلدار بويى بالالاردى وقۋ مەن جازۋعا ۇيرەتكەن «الىپپە» نەگە قولدانىستان شىعىپ قالدى؟» (13.09.2016 جىلى «ۇلت كز» گازەتىندە (http://ult.kz/post/alippe-atauynan-nege-zheridik) «الىپپە» اتاۋىنان نەگە جەرىدىك؟» دەگەن اتپەن جارىق كورگەن).
بۇعان «ايقىن» گازەتىنىڭ تىلشىلەرى: «قازاق بالاسى تالاي زاماندار بويى جيناعان ءبىلىمىنىڭ اسىل قازىناسىنا العاش جول اشاتىن وقۋ قۇرالى دەپ ەرەكشە قادىرلەگەن «الىپپەنىڭ» سوڭعى پاراعى جابىلدى. مينيسترلىكتەگىلەر «ساۋات اشۋ» ءپانىنىڭ «الىپپەدەن» ايىرماسى جوق ەكەنىن، ەكەۋىنىڭ دە وقۋ مەن جازۋعا ۇيرەتەتىنىن ايتادى. الايدا 1912 جىلى احمەت بايتۇرسىنۇلى قۇراس-تىرعان تۇڭعىش «الىپپە» وقۋلىعىنىڭ ءبىر عاسىردان استام ۋاقىتتان سوڭ اتاۋىنىڭ «ساۋات اشۋ» بوپ وزگەرگەنىنىڭ سەبەبىن تۇسىنە الماي الەكپىز. مينيسترلىك جاڭارتىلعان باعدارلامانى سىلتاۋ ەتىپ، قازاقتى بايىرعى قۇندىلىعىنان ايىرعىسى كەلە مە؟ ءبىزدى الاڭداتاتىنى دا وسى. ءبىر عاسىرلىق تاريحى بار قۇندى وقۋلىق اتاۋىنان نەگە جەرىندىك؟ «الىپپە» اتاۋىنىڭ ءوزى جۇرەككە جىلى، كوڭىلگە قونىمدى ەدى عوي. جىل سايىن 1-سىنىپ وقۋشىلارى «الىپپەمەن» قوشتاسۋ وتكىزەتىن. سوندا بيىلدان باستاپ وقۋشىلار «ساۋات اشۋمەن» قوشتاسۋ جاساماق پا؟ كوڭىلدە ساۋال كوپ. بۇعان وزگەلەر نە دەيدى؟» دەگەن ساۋال تاستاپتى.
قويىلعان ساۋالدى وتە ورىندى دەپ ەسەپتەپ، ءوز زەرتتەۋلەرىمنىڭ قورىتىندىسىن سىزدەرمەن بولىسكەندى ءجون كوردىم. الىپپە – قازاقتىڭ ءتول ءسوزى، «الىپ بي» دەگەن سوزدەن شىققان. دالەل مە؟ تىڭداپ كورىڭىز؟
«الىپپە – ساۋات اشۋ وقۋلىعى. اراب ءالىپبيىنىڭ اليف جانە بي دەگەن ەكى ارپىنەن قۇرالعان. 19 – 20 عاسىرلاردا الىپپەلەر اراب جانە ورىس الىپبيىمەن جازىلدى. ا.بايتۇرسىنوۆتىڭ oقۋ قۇرالى (1912)، جاڭا ءالىپبيى (1926) ءوز زامانىنا لايىق الىپپە جاساۋدىڭ وزىق ۇلگىسى بولدى.
ساۋات اشۋ قازاقستاندا سان عاسىر بويى اراب ءالىپبيى ارقىلى جۇرگىزىلدى. 19 — 20 عاسىرلاردا وقۋ-اعارتۋ سالاسىنىڭ 2 ءتۇرلى باعىتتا بولۋىنا بايلانىستى (مەدرەسەلەر، ورىس-قازاق مەكتەپتەرى) الىپپەلەر دە اراب جانە ورىس الىپبيىمەن جازىلدى» (ۋيكيپەديا — اشىق ەنتسيكلوپەدياسىنان).

بۇل قازاق الىپپەسى جايلى بۇگىنگى ءتىل ماماندارىنىڭ (عالىمدارىنىڭ) ورتاق تۇجىرىمى. ەشقانداي باس قاتىرىپ ويلانىپ جاتپاستان الىپپەنى ارابتىڭ اليف بي دەگەن ەكى ارىبىنەن قۇرالادى دەي سالعان. ال، شىندىعىندا الىپپە ارابتىڭ ءسوزى ەمەس، ونىڭ شىعۋ تەگى تازا قازاق ءسوزى. سەبەبى، اتام قازاقتىڭ رۋلىق شەجىرەسى جانە سوپىلىق ءىلىمى (تاريحات) ارابتاردىڭ قازاقتان تارايتىنىن، جانە ولار ەرتەدە وزدەرىن تازىكە دەپ اتاعانىن كورسەتەدى. شەجىرە دەرەگى بويىنشا تازىكە قاز ادايدىڭ ءبىرىنشى نەمەرەسى. الىپپەنىڭ نەگىزگى اتاۋى الىپ بي، ياعني الىپ جانە بي دەگەن ەكى بىرىككەن سوزدەن تۇرادى. الىپ (الىپ تاۋلار، الىپ ادامدار، الىپ قۇستار، الىپ ايداھارلار، الىپ پىلدەر، الىپ مامونتتار)، قاس بي، ۋاقاس بي (ۋا، قاس بي)، باس بي، تاۋ بي، كۇن بي (ەجەلگى ۇيسىندەر بيلەۋشىسىن كۇن بي دەپ اتاعان) دەگەن ۇعىمداردىڭ قاتارىنا جاتادى. الىپ قازاقتا رۋ اتى، توبىشتان تارايدى. ەۋروپا جەرىندەگى الىپ ء(الپى) تاۋى دەپ جۇرگەنىمىز وسى اتامىزدىڭ اتىنداعى تاۋ. ازيا قۇرىلىعىنىڭ سولتۇستىك بولىگىن جارىپ وتەتىن وزەننىڭ اتى وب. وب وزەنى باستاۋىن قار تەڭىزىنەن (كارسكوە مورە) الىپ، ونىڭ وسى تەڭىزگە قوسىلار جەرى وب ەرىنى (وبسكايا گۋبا) دەپ اتالسا، وسى وب ەرىنىنە جالعاسىپ جاتقان تاعى ءبىر ەرىن، تاز ەرىنى دەپ اتالادى. وسى وزەن ءسىبىر مەن حانتى-مانسيسك (حان مەن مان) جەرىنە كەلگەندە ەرتىس دەپ اتالادى. ودان توبىش (توبىل) قالاسىنان وتكەندە ءبىر سالاسى توبىل اتانىپ قازىرگى قازاق دالاسىنداعى قوستاناي قالاسىن قاق جارىپ اعادى. رەسەي جاق بولىگىندەگى وب وزەنىنىڭ جاعاسىندا ماڭعىستاۋداعى شەرقالا تاۋىمەن اتتاس شەرقالا دەگەن قالا بار.
تۇسىنىكتەمە: توبىل – ءتۇبىرى وب. ءار ءبىر سوزدە، ياعني ۇعىم دا، اتاۋ دا ء«سوز ءتۇبىرى» بولادى. ءسوز ءتۇبىرىنىڭ دە ءتۇبىرى بار، ول ءوز ءتۇبى. ءسوزدىڭ تۇبىرىندە، ياعني ءوز تۇبىندە سول ءسوزدىڭ اتاسى ساقتالادى. ءقازىر ءبىز ونى اتالىق تەكتەن بەزىپ، جاتتىڭ ىقپالىمەن «اۆتورلىق قۇقىق» دەپ اتاپ ءجۇرمىز.

شىندىقتىڭ اتى شىندىق، اقيقاتتىڭ اتى اقيقات، ودان ەشكىم ەشقايدا قاشىپ قۇتىلا المايدى. مىنا كورشى ورىستاردىڭ ءبىزىڭ الىپ ءبيىمىزدى ازبۋكا ء(سوز ءتۇبىرى از جانە ۇق)، ياعني قاز بۇقا دەپ تۇپ-تۋرا ءوز اتىمەن دالدەپ تۇرىپ اتايدى. بۇقانىڭ ءسوز ءتۇبىرى ۇق (ۇك)، بۇل نۇق پايعامباردىڭ «ازان شاقىرىلىپ» قويىلعان ەسىمى. ەندى وسىنىڭ ۇستىنە بۇقا مەن وگىزدىڭ سينونيم جانە بۇقانىڭ ءبىرىنشى بۋىنىنىڭ بۋ (سۋ) ەكەنىن قوسىڭىز. اقيقاتتان قاشىپ قۇتىلۋدىڭ جالعىز جولى، انادان جاڭا تۋعان، نەمەسە سوعان جاقىن كەزىڭدەگىدەي ماڭگى باقي ء«سابي» كۇيىڭدە قالۋ.
قازاق – الشىن (كىشى جۇز، بەكارىس) – 12 اتا بايۇلى – اداي - توبىش – ورازدىڭ ۇرپاعى الىپ ەر توبىش (پارسى جازبا دەرەكتەرىندە افراسياب، «اۆەستالىق» ەسىمى «فرانگراسيان»، كەيبىر دەرەكتەردە الىپ ەر توبا، الىپ ەر تونا، الىپ ەر توڭا، الىپ ەر تونعا، الىپ ەر تۇنعا) جايلى ماحمۋد قاشقاري دەرەكتى بىرنەشە تاريحي نوۆەللالاردان تۇراتىن «تۇركى ۇستەۋلەرىنىڭ سوزدىگى» دەگەن بەلگىلى ەڭبەگىندە تومەندەگىدەي دەرەك بەرەدى. «قازويىننىڭ توڭىرەگىندە افراسيابتىڭ قىزى قاز فارانقىز اڭ اۋلاعان قۇم بەكىنىس بار. افراسياب مارى قالاسىن تۇرعىزعان. قازىرگى جارىكەنت قالاسىنىڭ تۇبىندە ديزراين نەمەسە مىس قامالىنىڭ قالدىقتارى ساقتالعان. م. ءقاشقاريدىڭ ايتۋىنشا قاز فارانقىزدىڭ جۇبايى سياۋىش وسىندا ولتىرىلگەن». (قازاقستان تاريحى 1 توم. 65 بەت). Cوناۋ ەۋروپا جەرىندەگى ءالپى (الىپ) تاۋى وسىندا اتى اتالعان الىپ اتامىزدىڭ اتى. جارىكەنت – جارىلاردىڭ قالاسى. جارى رۋى قاز ادايدىڭ كەنجە نەمەرەسى مۇڭالدان تارايدى. توپونوميكالىق ايعاقتاماسى قازىرگى اقتوبە وبلىسى ايماعىنداعى مۇڭالجارى (ورىسشا مۋگادجار دەلىنىپ ءجۇر) تاۋى. بۇل الەم بيلەۋشىسى شىڭعىس قاعان شىققان رۋدىڭ اتى.
ال «بي» دەگەن ءسوزدىڭ ماعىناسىنا كەلسەك، قازاقتا «جۇزدەن جۇيرىك، مىڭنان تۇلپار» دەگەندەي كوپ ىشىنەن نەلەر دارىندى، ايتقىش، سۇڭعىلا اڭگىمەشىلەر، اقىندار، انشى-كۇيشىلەر، شەشەندەر شىققان. ونداي ونەرلى ادامدار بىلگەندەرىن ەل ىشىنە جاريا ەتىپ، زەردەسىنە ۇيالاتقان. بۇكىل قازاق بالاسى ءتۇيىنى تابىلعان ءبىر اۋىز سوزگە توقتاعان.
شەشەندەر ءسوزى، بيلەر پىكىرى ايتىلعان جەرىندە تەز جاتتالىپ، ۇلگى-ونەگە كۇيىندە حالىق جادىندا ساقتالىپ قالعان. جالپى تىلىمىزدە بي، شەشەن سوزدەرى الدەقاشان بىرىگىپ، ءبىرتۇتاس ۇعىم بەرىپ، كىرىگىپ كەتكەن. الايدا، بي بولۋ ءۇشىن ءبىر عانا ءسوز شەبەرلىگى جەتكىلىكتى بولىپ شىقپايدى. بي بولۋ ءۇشىن ەڭ الدىمەن ەلدىڭ تاريحىن، ءسالت-داستۇرىن، ادەت-عۇرپىن، ءدىلى مەن ءدىنىن، ەل باسىنان بۇرىن-سوڭدى بولىپ وتكەن وقيعالاردى، تاريحتا بولعان، وتكەن قايراتكەرلەردى (ارتىنا وشپەيتىن ءىس پەن ءىز قالدىرىپ، ۇرپاققا ۇلگى بولعان پايعامبارلار مەن اۋليەلەردى، دانالار مەن دانىشپانداردى، حاندار مەن قاعانداردى، وزدەرىنەن بۇرىن وتكەن بيلەر مەن شەشەندەردى)، ءتىپتى ءبارى-بارىن، ياعني جاقسىسىن دا، جاعىمسىزىن دا ءبىلىپ، تانىپ، جۇيەلەپ وتىرۋى بىردەن-بىر قاجەتتىلىك بولعان.
تاريح تاعلىمى: اتالارىمىز ەكى سويلەمەگەن. ماقال: «ەردىڭ ەكى سويلەگەنى ولگەنى». باتىس پەن ورىس مادەنيەتىن باسشىلىققا العان قازىرگى ورىس ءتىلدى قازاق بۇل قاعيدانى مويىندامايدى. ولار ۇنەمى ەكى سويلەۋدى ادەتكە اينالدىرعاندىقتان، ولاردىڭ سوزىنە ءقازىر ەشكىم سەنبەيدى. قازىرگى ورىس ءتىلدى بيلىكتىڭ، ابىرويدان جۇرداي بولىپ جۇرگەندەرىنىڭ باستى سەبەبى وسى.
حالىقتىڭ دۇنيەگە كەلىپ، ءتىلى شىققاننان بەرى قاراي جاساپ، جادىندا ساقتالىپ، ۇرپاقتان-ۇرپاققا ۇلاسىپ، ساقتالىپ كەلە جاتقان تەلەگەي-تەڭىز ادەبي، رۋحاني مۇراسى ءوز ساباقتاستىعىن ۇزبەي بۇگىنگى كۇنگە جەتتى. اتام زاماننان بەرى، ياعني اتالارىمىزدىڭ ءتىلى شىققاننان بەرى وسى كارى قاس ءبيدىڭ (كاسپي) جاعاسىنداعى كارى مانقىستاۋدى مەكەندەپ وتىرعان قازاق ەلىنەن نەلەر ايتقىش، تاپقىر، كورىپكەل، سۋىرىپ سالما بىلگىشتەر شىققان. ولاردىڭ ءار وي-تۇجىرىمدارىنىڭ ءون بويىندا قازاق ەلىنىڭ شىنايى تاريحى: ولاردىڭ ەرلىگى مەن ەڭبەگى، اقىلى مەن ارمانى، تۇرمىسى مەن سالتى، ءداستۇرى مەن عۇرپى، ءدىلى مەن ءدىنى بەينەلى كورىنىس بەرەدى. ولاردىڭ قاتارىنا: جەلماياسىمەن جەرۇيىق ىزدەپ، جەر شارىن جەتى اينالعان ماڭعىستاۋلىق اسان بي، قاس بي، ۋاقاس بي، «تۇگەل ءسوزدىڭ ءتۇبى ءبىر، ءتۇپ اتاسى مايقى بي» دەلىنەتىن ماننىڭ تىكەلەي ۇرپاعى مايقى بي مەن كەلەشەكتى بولجاعان، كورىپكەل اۋليە موڭكە بيلەر (مولاسى ماڭعىستاۋدىڭ قىرىندا)، اياز بي (ارتىنا «اياز بي ءالىڭدى ءبىل، قۇمىرسقا جولىڭدى ءبىل» دەگەن ۇلاعاتتى ءسوز قالدىرعان)، ەدىگە بي، ساققۇلاق بي، تولە، قاز داۋىستى قازىبەك، ايتەكە، سىرىم، ءاجىباي، سەيىت، بالا بي، ەرمەمبەت، يسا، ءماتجان، الشىن ت.ب. بيلەردى ايتۋعا بولادى. اتام قازاقتىڭ «بي بول، بي بولماساڭ، بي تۇسەتىن ءۇي بول» دەگەن باتاسى، «توقسان اۋىز ءسوزدىڭ، توبىقتاي ءتۇيىنى» بولماق.
قازىرگى ءبىزدىڭ الىپپەنى ارابقا تەلىپ جۇرگەنىمىز، بي بولماق تۇگىلى، بي تۇسەتىن ءۇي دە بولا الماي جۇرگەنىمىزدى كورسەتەدى.
بي سوزىنەن تومەندەگىدەي ماعىنالارى بار سوزدەر جاسالعان: بي، بيلىك، بيلىك ايتۋ (تورەلىك ايتۋ)، بيلەۋشى (لاۋازىم، بيلىك يەسى)، بي-بولىس، بي بيلەۋ (ادام كوڭىل-كۇيىنىڭ شارىقتاۋ شىڭى)، ءبيبى (ايشا ءبيبى)، بيكە، بيكەش، بيداي (استىق بىتكەننىڭ تورەسى، نانناڭ اتاسى)، بيىك، بيىكتەۋ، بيىكتەتۋ، بيە (قۇلىندى بيە)، بيدا (تىزگىن)، بيپاز، بيپىل (بي ءبىلىمى)، بيىل، بيازى، بيالاي ت.ت. وزدەرىڭىز كورىپ وتىرعانداي، بي دەگەن ءسوز تۇبىرىنەن جاسالعان سوزدەر تەك قانا «ەڭ جوعارعى» دەگەن ۇعىم بەرەدى.
«بۇل كۇندەگى ادايدىڭ
قونىسى ەدى يەلەنگەن
ماڭعىستاۋ، جاڭعاق، الاقىر
جوعارى مەنەن تومەننەن
سارىارقا سالا وزەننەن
ءتاڭىردىڭ بەرگەن حالقى ەدىك
كەرەگىن تاۋىپ كەنەلگەن.
بايقاساق، نەلەر شىققان جوق
قالىڭ اداي كولەمنەن؟
شەجىرە-شەشەن بي شىقتى
كەڭەس ايتقان تەرەڭنەن» ء(ساتتىعۇل جانعابىلۇلى «امانات» الماتى. 1996. 157 بەت).
«الەۋمەتتەر، قۇلاق سال،
مىنا ءبىر شولاق، دۇننەدە –
«بي ولمەيدى» دەر ەدىم;
جۇرتتى اۋزىنا قاراتقان،
الدىنان توپتى تاراتقان;
اداسقان بولسا، جوندەگەن،
تورەسىن بۇرا بەرمەگەن،
ادامدى الا كورمەگەن;
ارۋاعىڭا بولايىن،
قاز داۋىستى قازىبەك،
تولە بي مەن ايتەكە –
سولاردان دا - وتكەن بۇل دۇنيە... (قاشاعان «بەس عاسىر جىرلايدى» الماتى-1989. 121 بەت).
قازاق حالقىنىڭ دانا بيلەرى تۋرالى بالقى بازار جىراۋ بىلايشا تولعاعان:
ءتاڭىرىسى ارتىق جاراتقان،
اۋزىنا حالقىن قاراتقان.
قارا قىلدى قاق جارعان،
الدىنان توپتى تاراتقان.
بالاسىن جاقىن كورمەگەن،
تورەسىن بۇرا بەرمەگەن.
ولاردىڭ ايتقان سوزىنە،
تۇلا بويىڭ شىمىرلاپ.
ساي-سۇيەگىڭ تەبىرەنگەن.
كوكىرەگىندە ءبىلىمنىڭ
كوزى قايناپ بۇلاقتاي،
قاناعا سىيماي كەرنەگەن.
ءارۋاعىڭا بولايىن،
ەرتەڭگى اتقان ورىستىڭ،
زەڭبىرەگىندەي ەڭىرەگەن.
موڭكە، تولە، قازىبەك،
ايتەكە، الشىن، بي كەبەك،
وتەتىلەۋ، سارىتاي،
تامپىش مۇرات، كەتەباي.
ءبىر پەندەگە تۇرارلىق،
ولارعا بەرگەن ابىروي.
ولشەۋلى دەمى بىتكەن كۇن،
سولاردان دا وتكەن سۇم زامان» (ح.مادانوۆ «كىشى ءجۇزدىڭ شەجىرەسى» الماتى، 1994. 128 بەت).
ءسوز ءقادىرىن اسا جوعارى باعالاپ، ءبىر اۋىز سوزگە توقتاعان ءمارت حالىق ۇلان-عايىر اتا قونىستارىنىڭ قاق ورتاسىندا ورنالاسقان تەڭىزدى قاس بي (قاز بي)، تاسقا سالعان تاڭباسىن ءتىل، بيلەر ءسوزىنىڭ قاعازعا تۇسكەن تاڭباسىن الىپ بي دەپ اتاماي باسقاشا اتاۋى مۇمكىن دە ەمەس قوي!
الاشتىڭ ارىسى احمەت بايتۇرسىنوۆتىڭ ءوزى قۇراستىرعان وقۋلىعىن الىپپە، ياعني الىپ بي دەپ اتاعان سەبەبى وسى بولاتىن.
بۇل اتاۋدا "اۆتورلىق قۇقىق" تولىق ساقتالعان. ال، مىنا ورىس ءتىلدى مينيسترلىك ۇسىنعان "ساۋات اشۋ" دەگەن اتاۋ قازاقتى ءوز تاريحىنان اجىراتىپ، اۆتورلىق قۇقىعىنان ايىرىپ تۇر.
قوجىربايۇلى مۇحامبەتكارىم، ماڭعىستاۋ

كەلۋ قاينارى: http://www.elarna.net/oku.php?tur=11&id=1590

پىكىرلەر:


جازعان لەبىزىڭىز300 ارىپتەن اسپاسىن!
ادام نەمەسە ۋيروس ەكەندىگىڭىزدى تۇراقتاندىرۋ سۇراعى، كاتەكشەگە 99 دەپ جازىڭىز، راحىمەت!
98 + 1 = ? sozsiz sifermen tolteringiz.

ەل-ارنا ءوز گازەتى

ەڭ جاڭا ماقالالار


اسقار مامين جۇمىسى بايا 12 سەكوند
اللانىڭ كوركەم ەسىمدەرى 4 مينوت
ولەسيا كەكسەلگە قاتىستى 6 مينوت
اعاجاي التاي تورى 14 مينوت
تۇركىستاندا قمدب عۇلاما 14 مينوت
ديماش گرەممي السام دەيد 24 مينوت
جامبىلدا كوپبالالى وتبا 1 ساعات
ءاليحان سمايىلوۆ بيۋدجە 1 ساعات
ءرۋميدىڭ اۋليەلىگى R 1 ساعات
قر پرەزيدەنتىنىڭ «التىن 1 ساعات
رۋسلان دالەنوۆ: جالپى ى 1 ساعات
«استانا» بيىلعى ەۋروماۋ 1 ساعات
13 جەلتوقسان. تۋعان كۇن 2 ساعات
اللانىڭ كوركەم ەسمدەرى- 2 ساعات
中国哈萨克语广播网 2 ساعات
ەلىمىزدىڭ 2 قالاسىندا ا 2 ساعات
ەلباسى ERG كومپانياسىنى 2 ساعات
ەۋروپا ليگاسى: «استانا» 2 ساعات
中国哈萨克语广播网 2 ساعات
13 جەلتوقسان. قازاقپارا 3 ساعات
中国哈萨克语广播网 3 ساعات
ءقادىر تۇنىمەن كەلگەن ب 3 ساعات
Forbes انگەلا مەركەلدى 3 ساعات
中国哈萨克语广播网 3 ساعات
ەرلەر مەن ايەلدەر كويلە 3 ساعات
ءسالافيزمدى تۇبەگەيلى ج 3 ساعات
تەاترداعى ماحاببات درام 4 ساعات
ەلباسى «ازىرەت سۇلتان» 4 ساعات
جامبىلدا بيىل 170-تەن ا 4 ساعات
中国哈萨克语广播网 4 ساعات