ەل-ارنا قولفون نۇسقاسىنا ەنۋ Еларна қолфон нұсқасына ену


ەل-ارنا قولفون نۇسقاسى | "قولفون نۇسقاسىن ءتۇسىرۋ (Android)

Кірілше
جۇكتەۋ-البومىم-البومدار-جەلى
وسى توردى ساقتايمىن! | وسى توردى باس بەت ەتەمىن!

ءبىزدىڭ بايلانىس: elarna2012@gmail.com

Үш күнгы келушылер санағыКелген адам саны (IP)Көрілген бет саны (PWs)КомпйутерҚолфон
2019-08-17559439538 %62 %
2019-08-18525278840 %60 %
2019-08-19000 %100 %


تىركەلىڭىزدەر كىتاپحانا قوجالار تورابى البومدار قازاقتىڭ 1001 ەرتەگىسى

ءتۇرى: ەل-ارنا گازەتى | وسى ارادان ەلارنا گازەتىنىڭ بارلىق ماقالالارىن كورۋگە بولادى..

مەندە ال-ارناعا جازبا-ماقالا جازامىن، وندا وسى ارانى باسىڭىز!

جولدانعان ۋاقىتى: 07:48 - 2016/03/08

ماقالا جولداۋشى: Kasim karyr
ماقالا اپتورى: جۇڭگو ورتالىق تەلەۈيزاسى
اپتوردىڭ مەكەن-جايى:
وسى ماقالانىڭ كىرىلشە نۇسقاسى، وسى ارانى باسىڭىز

Осы мақаланың кірілше нұсқасы, осы араны басыңыз



: PDF Download - Жұктеұ - Скачать - ءتۇسىرۋ

دۇيسەنالى ءابدىلاشىم ۇلى

ورتالىق ۇلتتار ۋنيۆەرسيتەتى جۇڭگو از ۇلتتار ءتىل-ادەبيەتى ينستيتۋتى قازاق ءتىل-ادەبيەتى فاكۋلتەتىنىڭ دوتسەنتى، تاريح عىلىمدارىنىڭ دوكتورى، ماگيستر اسپيرانت جەتەكشىسى. نەگىزگى عىلمي زەرتتەۋ باعىتتارى ـــ شاعاتاي تۇركى ءتىلى جانە ونىڭ جازبا نۇسقالارى، ەسكى قازاق جازبا ءتىلى جانە ونىڭ جازبا نۇسقالارى، چيڭ داۋىرىندەگى قازاقشا قۇجاتتار، قازاق دەرەكتانۋى، ورتالىق ازيا جانە قازاق تاريح-مادەنيەتى.

ول 1974-جىلى 16-ساۋىردە كۇنەس اۋدانى نارات اۋىلىنىڭ لاستاي دەگەن جەرىندە مالشى وتباسىندا دۇنيەگە كەلگەن. 1982-جىلى قىركۇيەكتەن 1990-جىلى شىلدەگە دەيىن لاستاي مال شارۋاشىلىق جاتاقتى مەكتەبىنەن باستاۋىش، ورتالاۋدى تاۋىسقان. 1990-جىلى قىركۇيەكتەن 1993-جىلى شىلدەگە دەيىن كۇنەس 1-ورتا مەكتەپتەن تولىق ورتانى وقىپ بىتىرگەن. 1993-جىلى قىركۇيەكتە ورتالىق ۇلتتار ۋنيۆەرسيتەتى جۇڭگو از ۇلتتار ءتىل-ادەبيەتى فاكۋلتەتىنە سىرتقى ساۋدا اۋدارماشىلىعى ماماندىعى بويىنشا وقۋعا تۇسكەن. 1995-جىلى قاراشادا، وقۋ-اعارتۋ مينسترلىگىنىڭ “مەملەكەتتىك قوعامدىق عىلىمدار بويىنشا نەگىزدىك پاندەردەن دارىندىلار جەتىلدىرۋ جانە عىلمي زەرتتەۋ بازاسىن قۇرۋ” جونىندەگى نۇسقاۋىنا ساي، اتالمىش ۋنيۆەرسيتەتتىڭ ساراپتاپ بەكىتۋىمەن، جۇڭگو از ۇلتتار ءتىل-ادەبيەتى ينستيتۋتىنا قاراستى ءتىل عىلىمى فاكۋلتەتىندە العاش ارناۋلى اشىلعان ءتۇيىندى كلاسقا وقۋ اۋىستىرىپ، وندا جالعاستى 3 جىل ءبىلىم الىپ، ءتىل عىلىمى ماماندىعى بويىنشا باكالاۆردى ۇزدىك ناتيجەمەن تامامداعان. 1998-جىلى قىركۇيەكتە قازاق ءتىلى تاريحى ماماندىعى بويىنشا ماگيستراتۋراعا ەمتيحانسىز قابىلدانىپ، 2001-جىلى ماۋسىمدا، تۇركولوگ ەركىن اۋعالي ۇلىنىڭ عىلمي جەتەكشىلىگىندە «18ـــ19-عاسىرلارداعى رەسمي ءىس قاعازدار ءتىلىنىڭ لەكسيكاسى» اتتى ماگيسترلىق ديسسەرتاتسياسىن تابىسپەن قورعاعان. 2002-جىلى قازاننان باستاپ وسى ۋنيۆەرسيتەتتىڭ ۇيعۇر، قازاق، قىرعىز ءتىل-ادەبيەتى فاكۋلتەتىندە وقىتۋشىلىق قىزمەتپەن شۇعىلدانعان. سونىمەن بىرگە، 2004-جىلى ماۋسىم ايىنان باستاپ جاڭادان شاڭىراق كوتەرگەن قازاق ءتىل-ادەبيەتى فاكۋلتەتىنىڭ وقىتۋعا جاۋاپتى حاتشىلىق قىزمەتىن دە ءبىر مەزگىل قوسىمشا اتقارعان.

دۇيسەنالى ءابدىلاشىم ۇلى بار ىنتا-پەيىلىمەن تىنباي ىزدەنىپ، 2005-جىلى ساۋىردە، جاپونيا ناگويا ۋنيۆەرسيتەتى حالىقارلىق تىلدەر مەن مادەنيەتتانۋ ينستيتۋتىنا وقۋعا تۇسكەن. الايدا ءبىلىمىن ونان ارى ۇشتاپ، ءوز زەرتتەۋ سالاسىنا ءتان عىلمي تەوريالىق نەگىزدەرىن بەكەمدەي ءتۇسۋ ءۇشىن 2006-جىلى ساۋىردە، جاپونيا كيوتو ۋنيۆەرسيتەتىنە وقۋ اۋىستىرىپ، ونداعى تاريح-مادەنيەتتانۋ ماماندىعى بويىنشا دوكتورانتۋراعا وقۋعا تۇسكەن. 2010-جىلى ناۋرىزدا، ايگىلى تاريحشى، شاعاتايتانۋشى حامادا ماسامي مىرزانىڭ تىكەلەي جەتەكشىلىگى جانە ءوزىنىڭ ەڭبەكقورلىعىنىڭ ناتيجەسىندە «18ـــ19-عاسىرلارداعى قازاقشا مۇراعات قۇجاتتارى تۋرالى تاريحي دەرەكتەمەلىك زەرتتەۋ» اتتى دوكتورلىق ديسسەرتاتسياسىن داڭىقپەن قورعاپ، جاپونيا كيوتو ۋنيۆەرسيتەتىنىڭ دوكتورلىق اتاعىن ەنشىلەگەن. ايتا كەتەرلىگى، ول وسى زەرتتەۋ تاقىرىبى اياسىندا، جاپونيادا تۇڭعىش رەت دوكتورلىق ديسسەرتاتسيا قورعاعان قازاق ازاماتى. وسىلاي، جاپونياداعى 5 جىلدىق ۇيرەنۋ، زەرتتەۋ جۇمىستارىن جەمىسپەن اياقتاعاننان كەيىن، ول استانامىز ـــ بەيجيڭگە قايتا ورالىپ، قازىر ورتالىق ۇلتتار ۋنيۆەرسيتەتىندەگى بۇرىنعى وقىتۋشىلىق قىزمەتىن جالعاستىرۋدا.

دۇيسەنالى ءابدىلاشىم ۇلى ەلگە ورالعاننان كەيىن دە جوعارى وقۋ ورنىنداعى داڭىقتى ۇستازدىق جولىندا ايانباي تەر توگىپ، شاعاتاي تۇركى ءتىلى، ەسكى قازاق جازبا ءتىلى جانە ولارعا قاتىستى تاريحي جازبالار، ورتالىق ازياتانۋ، قازاق تاريحى، تۇركى حالىقتارىنىڭ تاريحتا سەنگەن نانىم-سەنىمدەرى سىندى ءبىرقىدىرۋ سۇبەلى نەگىزدىك پاندەردەن ءدارىس ءوتۋ مىندەتتەرىن ارقالاۋمەن قاتار، ءوزىنىڭ زەرتتەۋ تاقىرىپتارىنا سايكەس، ورتالىق ازيا تاريح-مادەنيەتى مەن دەرەكتانۋ سالاسىندا، جۇيەدەن چيڭ پاتشالىعى مەن قازاق حاندىعى اراسىنداعى ساياسي-ەكونوميكالىق قارىم-قاتىناستارعا بايلانىستى جازىلعان حانزۋ، مانجۋ جانە ەسكى قازاق جازبا تىلدەرىندەگى تاريحي جادىگەرلەر، جازبا دەرەكتەر مەن قۇجاتتار جونىندە تاريحي-دەرەكنامالىق ىزدەنىستەر جاساپ، جۇيەلى عىلمي زەرتتەۋلەر جۇرگىزۋدە.
ول تاياۋ جىلداردان بەرگى وقىتۋ تاجىريبەلەرى مەن عىلمي زەرتتەۋ جۇمىستارىنىڭ نەگىزىندە، «ەسكى قازاق جازبا ءتىلى» (ۇلتتار باسپاسى، 2015-جىل) اتتى جەكە مونوگرافيالىق ەڭبەك جازعان. مۇنان سىرت، قازىرگە دەيىن ەل ءىشى-سىرتىنداعى ۇزدىك مەرزىمدى باسىلىمداردا “18ـــ19-عاسىرلارداعى قازاقشا رەسمي ءىس قاعازدارى ءتىلىنىڭ ورفوگرافيالىق ەرەكشەلىكتەرى حاقىندا” («شينجياڭ قوعامدىق عىلىمى»، 2003-جىل، 3-سان)، “قازاق گۇڭى جوشىنىڭ تارباعاتاي امباندارىنا جازعان حاتى” («شينجياڭ قوعامدىق عىلىمى»، 2009-جىل، 4-سان)، “قازاق ۋاڭى حانقوجانىڭ ىلە گەنارالىنا جازعان ءوتىنىش حاتىنان ءبىر نۇسقا” («شينجياڭ قوعامدىق عىلىمى»، 2010-جىل، 3-سان)، “تارباعاتاي امباندارىنا جىبەرىلگەن قازاقشا قۇجاتتان ءبىر نۇسقا” ( جاپونيا كيوتو ۋنيۆەرسيتەتى «باتىس تۇستىك ازيا تۋرالى زەرتتەۋ»، 2010-جىل، 72-سان؛ «شينجياڭ ۋنيۆەرسيتەتى عىلمي جۋرنالى»، 2014-جىل، 4-سان)، “قازاق ۋاڭى حانقوجانىڭ قوي ساۋدالاۋ ماقساتىندا تارباعاتاي امبانىنا جولداعان حاتى” («شينجياڭ قوعامدىق عىلىمى»، 2011-جىل، 2-سان)، “كوگەداي گۇڭنىڭ ولىمىنە بايلانىستى جازىلعان قازاقشا ارىز حات” («شينجياڭ قوعامدىق عىلىمى»، 2012-جىل، 1-سان؛ قازاقستان ل. م. گۋميلەۆ اتىنداعى ەۋرازيا ۇلتتىق ۋنيۆەرسيتەتى «حابارشى» عىلمي جۋرنالى، 2014-جىل، 5-سان)، “كىشى ءجۇز نۇرالى حاننىڭ ۇلى ابىلايدىڭ چيانلۇڭ پاتشاعا جازعان حاتى” («شينجياڭ قوعامدىق عىلىمى»، 2013-جىل، 1-سان) قاتارلى 10 نان استام عىلمي ماقالا جاريالاپ، قوعامدا جاقسى اڭىس قوزعاعان.

ول قازىرگە دەيىن قاتىناسىپ اياقتاتقان حالىقارالىق عىلمي جوبا بىرەۋ، مەملەكەتتىك ءتۇيىندى عىلمي جوبا بىرەۋ، ولكە-مينستر دارەجەلى عىلمي جوبا ەكەۋ؛ ءوزى جەتەكشىلىك ەتىپ تامامداعان ۋنيۆەرسيتەت دارەجەلى عىلمي جوبا تورتەۋ، ولكە-مينستر دارەجەلى عىلمي جوبا بىرەۋ (“جۇڭگو ءبىرىنشى تاريحي مۇراعاتىندا ساقتالعان چيڭ داۋىرىندەگى قازاقشا قۇجاتتار جانە قاتىستى تاريحي ماسەلەلەر”، ادام كۇشى قاينارى جانە قوعامدىق قامسىزداندىرۋ مينسترلىگى، 2011-جىل)؛ قازىر ءوز جەتەكشىلىگىندەگى ولكە-مينستر دارەجەلى عىلمي جوبا بىرەۋ (“جۇڭگو ءبىرىنشى تاريحي مۇراعاتىندا ساقتالعان چيڭ داۋىرىندەگى قازاقشا قۇجاتتار تۋرالى دەرەكنامالىق ىزدەنىس”، وقۋ-اعارتۋ مينسترلىگى، 2011-جىل)، مەملەكەت دارەجەلى عىلمي جوبا بىرەۋ (“جۇڭگو ءبىرىنشى تاريحي مۇراعاتىندا ساقتالعان چيڭ داۋىرىندەگى قازاقشا قۇجاتتاردىڭ تىلدىك قۇرىلىسى”، مەملەكەتتىك قوعامدىق عىلىمدار قورى، 2014-جىل)؛ قازىر قاتىناسىپ جاتقان مەملەكەتتىك ءتۇيىندى عىلمي جوبا بىرەۋ، ولكە دارەجەلى عىلمي جوبا بىرەۋ، ۋنيۆەرسيتەت دارەجەلى عىلمي جوبا بىرەۋ.

سونىمەن قاتار، ول ەل ءىشى عىلمي تالقى جينالىستارىنان سىرت، قازىرگە دەيىن جاپونيا، تۇركيا، قازاقستان جانە ەلىمىزدە اشىلعان حالىقارالىق عىلمي تالقى جينالىستارىنا دا بەلسەندى قاتىناسىپ، تالقى مىنبەلەرىندە 10 نان استام عىلمي ماقالا وقىپ، ارىپتەس عالىمداردىڭ جاقسى باعاسىن العان.

ول جۇڭگو تۇركولوگيا قوعامى جانە جۇڭگو از ۇلتتار بايىرعى جازۋلارىن زەرتتەۋ قوعامىنىڭ مۇشەسى.

قوسىمشا جۇكتەلگەن سۋرەتتەرى:

كەلۋ قاينارى: http://www.elarna.net/oku.php?tur=11&id=1378

پىكىرلەر:


جازعان لەبىزىڭىز300 ارىپتەن اسپاسىن!
ادام نەمەسە ۋيروس ەكەندىگىڭىزدى تۇراقتاندىرۋ سۇراعى، كاتەكشەگە 99 دەپ جازىڭىز، راحىمەت!
98 + 1 = ? sozsiz sifermen tolteringiz.

ەڭ جاڭا ماقالالار


جانىبەك ءالىمحانۇلى قاز 7 مينوت
وسى ارانى باسىپ كورىڭىز 17 مينوت
اقمولا وبلىسىندا كارانت 24 مينوت
سىر وڭىرىندە بيىل 87 مى 27 مينوت
پرەزيدەنت ارمي-2019 ويى 1 ساعات
اقتاۋدىڭ ورتالىعىنداعى 1 ساعات
قپل: ەكى ويىندا سەگىز گ 2 ساعات
ەلوردالىقتار سپورت كۇنى 2 ساعات
قاسىم-جومارت توقاەۆتىڭ  2 ساعات
قىرقىنان شىعارۋ قايدان 2 ساعات
قازاقستان قۇراماسى V حا 3 ساعات
افريكاداعى ارىستانداردى 3 ساعات
"OK" - ازىلدەن شىققان ء 3 ساعات
پاراشيۋت اشىلماي قالدى. 3 ساعات
"مۇنىمەن ءبىز توقتاپ قا 3 ساعات
توقاەۆ قازاقستاننىڭ قار 3 ساعات
عاسىردان استام ۋاقىت سا 3 ساعات
ەلىمىزدىڭ قالا شوعىرى ق 3 ساعات
قاسىم-جومارت توقاەۆ ارم 4 ساعات
قاسىم-جومارت توقاەۆ ارم 4 ساعات
قازاقستاندا 19 تامىزدا 4 ساعات
ينديا مەن پاكيستاننىڭ ش 4 ساعات
شەكاراشىلار كۇنىنە ارنا 4 ساعات
وسى ارانى باسىپ كورىڭىز 4 ساعات
قر پرەزيدەنتى قازاقستان 4 ساعات
يران مۇناي كەمەسى ەندى 4 ساعات
«ليۆەرپۋل» ءوزىنىڭ 5 جى 5 ساعات
وسى ارانى باسىپ كورىڭىز 5 ساعات
اقتوتى رايىمقۇلوۆا قازا 5 ساعات
وسى ارانى باسىپ كورىڭىز 5 ساعات