ەل-ارنا قولفون نۇسقاسىنا ەنۋ Еларна қолфон нұсқасына ену


ەل-ارنا قولفون نۇسقاسى | "قولفون نۇسقاسىن ءتۇسىرۋ (Android)

Кірілше
جۇكتەۋ-البومىم-البومدار-جەلى
وسى توردى ساقتايمىن! | وسى توردى باس بەت ەتەمىن!

ءبىزدىڭ بايلانىس: elarna2012@gmail.com

Үш күнгы келушылер санағыКелген адам саны (IP)Көрілген бет саны (PWs)КомпйутерҚолфон
2019-08-19580345151 %49 %
2019-08-20544275358 %42 %
2019-08-21000 %100 %


تىركەلىڭىزدەر كىتاپحانا قوجالار تورابى البومدار قازاقتىڭ 1001 ەرتەگىسى

ءتۇرى: ەل-ارنا گازەتى | وسى ارادان ەلارنا گازەتىنىڭ بارلىق ماقالالارىن كورۋگە بولادى..

مەندە ال-ارناعا جازبا-ماقالا جازامىن، وندا وسى ارانى باسىڭىز!

جولدانعان ۋاقىتى: 11:19 - 2013/05/26

ماقالا جولداۋشى: اقبۇلاق
ماقالا اپتورى: زاكيحان ءبيموللا ۇلى
اپتوردىڭ مەكەن-جايى: التاي جەمەنەي اۋدانىنان
وسى ماقالانىڭ كىرىلشە نۇسقاسى، وسى ارانى باسىڭىز

Осы мақаланың кірілше нұсқасы, осы араны басыңыз



: PDF Download - Жұктеұ - Скачать - ءتۇسىرۋ

ايتىسكەر اقىن ءسالي جارتاسباي ۇلى(سالياقىن) تۋرالى
زاكيقان بيموللا ۇلى
سالي (سالياقىن) جارتاسباي ۇلى 1906-جىلى جازدا قابا اۋدانىنىڭ قۇجىرتى دەگەن ورتا جايلاۋىندا دۇنيە ەسىگىن اشقان ادام ەكەن . ول ءوزىنىڭ جاستىق شاعىندا ولەڭ قۇمار ، ساۋىقشىل اكەسىنە ىلەسىپ ەل ارالاپ قاي جەردە ويىن-توي بولسا سول جەرگە كوپ باراتىندىقتان ولەڭ ايتۋعا اۋەس بولادى ەكەن . ۇيىنە كەلگەندە اۋىلداعى جەڭگەلەرىنە ەستىگەن ولەڭدەرىن ايتىپ ، كەيدە وزىدە قۇراپ ايتىپ جۇرەتىندىكتەن جەڭگەلەرى وعان ،،اقىن،، دەگەن اتاقتى قوسىپ بەرىپ ءسالياقىن اتالىپ كەتكەن ەكەن . كەيىن مەنىڭ اكەم ءبيموللا اجىعاي ۇلىنىڭ ايتىپ وتىراتىن اڭگىمەلەرىندە سالياقىن جيى ايتلۋشى ەدى . اكەم 38-36-جىلداردا الەن اۋىلىندا جۇرگەن كەزىندە سالياقىننىڭ تالاي توي-تومالاقتاردا ايتقان ولەڭ-ايتىستارىن ەستىگەن ەكەن ، ايتىپ وتىرعاندا جازىپ-سىزىپ الۋعا ءمان بەرمەگەن ەكەنبىز بۇگىنگى تاڭدا قاجەت بولعاندا ات باسىنداي التىن بەرسەكتە ايتىپ بەرەر ادام قالمادى . سول اڭگىمەلەرىنىڭ ءبىرىندە ساۋىر تاۋىنداعى الەن ۋاڭنىڭ سارشوقى جايلاۋىندا ءبىر جيىن-تويدا سانياز- ءابىل تورەنىڭ كەلىنى شايجامالمەن ايتسقانىن ايتىپ وتىراتىن . وندا ەكەۋى قاعىسىپ كوپ ولەڭ ايتادى ، سوڭىندا ولەڭ قىزا كەلە شايجامال:
تورەنىڭ اۋلىنا دارا كەلدىڭ ،
ءبىر الەك بىزگەداعى سالا كەلدىڭ .
جامان قارا تورەدەن قىز الماقشى ،
شدارمەكەن شىنتاقتاي بالا بەلىڭ ؟ دەپ ، سالياقىننىڭ تورەدەن قىز الىپ كۇيەۋ بولام دەپ ولەڭگە قوسقانىن قاعىتقان ەكەن . سوندا ساكەڭ :
ياپىراۋ ، تورە بولسام ماقتارمەدىڭ ،
قارانىڭ كورمەگەنسىڭ قاقپان بەلىن .
شىنتاقتاي قارا بالا دەۋىن قارا ،
قىزدى قويىپ ويىلار قارا جەرىڭ ،- دەگەن ەكەن .
تاعى ٴبىر دەرەكتە رازيا قابي قىزى سالياقىننىڭ 1939-جىلى جازدا جەمەنەيدىڭ جالعىزتوبە دەگەن جەرىندە جاستابان تاقيا بايدىڭ كەلىن ٴتۇسىرۋ تويىندا وزىنىڭ شەشەسى مايسا وسپان قىزىمەن (تۇكىباي قابي تۇياقباي ۇلىنىڭ ايەلى) ايتىسقانىن ايتادى .
وندا ەكى اقىن كوپ ايتىسىپ سوڭىنا تامان كەلگەندە :
سالياقىن:
جانتەكەيدىڭ قىزى ەدىڭ ارتىق تۋعان ،
باسقا جاننان بولەكشە ارتىق تۋعان .
اقىندىعىڭ بولەكشە جان ەكەنسىڭ ،
جەڭە الماسپىن مەن سەنى سايىپ قىران .
مايسا:
سەرى جىگىت سەتەرلەپ ۇكى تاققان ،
تۇلپار ٴمىنىپ تورەدە جىلقى باققان .
جىلقىڭ كەتىپ جۇرمەسىن يەن-تەگىن ،
ولەڭ قۋىپ جۇرگەندە بىزدىڭ جاقتان ،- دەپ ، قاعىسقان ەكەن . ايتۋلارعا قاراعاندا بۇل جولعى ايتىستا قيان – كەسكى بولىپ ، ەل اۋزىندا كەڭ تارالعان ايتىس بولعان ، بىراق ، جاتقا ايتىپ وتىراتىن ادامدار بۇگىنگە كەلگەندە جوق بولىپ وتىر . جازىپ العان ادام شىقپادى .
جەمەنەي اۋدانىنىڭ توستى اۋىلدىعىندا وقۋ-اعارتۋشى ، تاريح زەرتتەۋشى ، شەجىرەشى ساعي قوڭقىشتاي ۇلى 1952-جىلداردا جەمەنەيدىڭ مۇقىرتاي دەگەن جەرىندە مۇعالىمدىق ىستەپ تۇرعان كەزىندە سالياقىن تۋرالى كوپتەگەن اڭگىمەلەر ەستيدى ، اڭگىمەنى كوبىندە ەسەعاسى يسانىڭ كەلىنى، بۇقاننىڭ ايەلى كۇلپان داناباي قىزى اڭگمەلەپ بەرەدى ، ساعي اقساقال سول ايتىستاعى ايتىلعان ولەڭدى التىنداي ساقتاپ بۇگىنگى تاڭدا بىزگە جەتكىزىپ وتىر . ول جەمەنەي تاريحي ماتەريالدارىنىڭ 6-سانىنا ‹‹ۋاڭ ورداسىنداعى شلدەقانا جانە ايتىس›› دەگەن شەجرەسىندە وسى اڭگىمە ەتىپ وتىرعان ايتىستى بەرگەن بولاتىن .
كۇلپاننىڭ ساعي اقساقالعا ايتىپ بەرگەنىنە قاراعاندا : 1939 -جىلى 9-ايدىڭ ءىشى، الەن ۋاڭنىڭ تۇيەشىسى ، (سامەن تورە) تاشاي الپىس جاسقا شىقسادا قوردىقا ، ءساليما اتتى ەكى ايەلىنەن دە بالا كورمەي زارىعىپ جۇرگەن كەزىندە ، كىشى ايەلى ءساليما بالپاناقتاي ءبىر ۇل تاۋىپ " اق تۇيەنىڭ قارىنى جارىلدى" دەپ اعاسى باباي ەكەۋى قۋانىشقا بولەنەدى . تاشاي الەن ۋاڭ حانىمى قاديشاعا << ءسىزدىڭ بوساعاڭىز جاعىپ، زارىعا كۇتكەن ءبىر پەرەزەنت دۇنيەگە كەلدى ، وسى ءسابيدىڭ شىلدەحانا تويىن ءوزىڭىزدىڭ باسقارۋىڭىزعا بەردىم>>- دەپ جاقسى نيەتىن بىلدىرەدى . قاديشا حانىم اعىنان اقتارىلىپ ماقۇلدىق بىلدىرەدى . مۇقىرتايدا وتىرعان تورە - تولەنگىت اۋىلدارى دا تاشاي قۋانىشىنا ورتاقتىق نيەت بىلدىرىپ ، مول داسدارقان دايارلاپ قوي ، تاي اتاپ قۇتتىقتايدى. ءساتى تۇسكەن ءبىر كۇنى قاديشا قالجاعا كوك الا تۋ بيە سويعىزىپ، قاناتتاس وتىرعان ەساعاسى ، قازىبەك، يتەڭمەن ، بارقى اۋىلدارىن شىلدەحانا تويىنا شاقىرادى
توي باستالعاندا ، تورە - تولەنگىت اۋىلدارىنىڭ جاس ازامات ، قىز- كەلىنشەكتەرى " اۋىلدىڭ التى اۋىزىن" ايتادى . قاديشا حانىم سانياز ءابىل تورەنىڭ كەلىنى شايجامالدى شۇكىرقان دەگەن ازاماتپەن ايتىسۋعا بۇيىرادى . وسى كۇنى ءار-كىم ءوز ونەرلەرىن شىعارىپ دۇمانداتىپ وتىرادى دا سوڭىندا قادۋان حانىم : ەرتەڭ بىزدىڭ اقىنىمىز سالياقىنمەن ايتىساتىن ءبىر اقىن ايەل اكەلىڭدەر، - دەپ بۇيىرادى . جينالعان جۇرت كوپ سارالاۋدان وتكىزىپ ، سالياقىنمەن ءبىر ايتىسسا كۇلپان ايتىسادى دەپ تۇراقتاندىرادى . سونىمەن ارناۋلى ادام جبەرىپ كۇلپاندى العىزىپ تورە اۋىلىنداعى تاريحقا اينالىپ ، ەلگە اڭىس بولىپ قالعان <<سالياقىن مەن كۇلپاننىڭ ايتىسى>> وسىلايشا قالىپتاسادى . ادام كوپ بولعاندىقتان قادۋان حانىم ولەڭ تويدى وردادا وتكىزۋدى بەلگىلەگەندىكتەن الەننىڭ ون ەكى قانات اق ورداسىنا ءيىن تىرەسە جينالعان كوپشىلىك ەندى بىلايعى جەردە ەكى اقىننىڭ ايتىسىن تىڭدايدى .
كۇلپان:
شارىق ۇرىپ ، ويىن قۋىپ تويعا كەلدىم ،
ءبىر جانمەن ايتىسام دەپ ويلاپ ەدىم ،
ايتىسار مەنىمەنەن جىگىت بار ما؟
ءنار بەرەر ايتىس بولسىن تويعا كورىم .
كەلەمىن ەجەلدەن-اق ، ۇزاپ شاۋىپ ،
ويلاماعام ، جەڭىلەم دەپ ەشبىر حاۋىپ ،
ايتىسقا جانى قۇمار ءبىر جان ەدىم ،
بەرىڭدەر اقىن جىگىت ماعان تاۋىپ ، - دەگەندە ، ىزدەگەنگە سۇراعان دەگەندەي ، كۇلپانمەن ايتىسۋدى ارمانداپ جۇرگەن سالياقىن بىلاي دەپ قويا بەرەدى:
اۋىلىم مۇقىرتايدىڭ باستاۋىندا ،
ولەڭدى وراي بولدى باستاۋىما ،
جاسىمنان ولەڭ قۋعان مەن ءبىر ساندال ،
ەشكىمنىڭ جولىققام جوق جاسقاۋىنا .

ولەڭىم نوسەرلەيدى ، قىزسا بويىم ،
سەنىمەن ايتىسۋعا بار ەد ، ويىم،
اۋ ، كۇلپان ، ايتىسايىق جاقىنداپ كەل ،
قارسى الىپ ، قۇتتىقتايىق تورە تويىن.

كۇلپان: بۇل تويعا سەندە كەلدىڭ ، مەندە كەلدىم ،
قۇرمەتىن بولعان تويدىڭ كوزبەن كوردىم ،
ايتىستا اتى شىققان مەن كۇلپانمىن ،
ايتىسا الساڭ مەمەن ، بولار كورىم .

سەنىمەن ايتىسۋعا ەدىم تاڭسىق ،
ناعىز اقىن سەن بولساڭ الدىعا شىق ،
كورەيىن اۋسەلەڭدى ايتىسۋدا ،
باسا ءبىل اياعىڭدى، سۇرىنبەي نىق .

ءسالياقىن: مەن كەلدىم وسى تويعا قاستەرلەنىپ ،
كوڭىلىم جەلپىنەدى سەنى كورىپ ،
ولەڭمەن ەسە العانمىن تالاي جەردە ،
وتىرمىن مەن وزىمە تولىق سەنىپ .

جەڭۋ بار، جەڭىلىس جوق ايتىسىمدا ،
ەي ، كۇلپان ، وسى ءسوزدى جاقسى تىڭدا،
التاي ، ساۋىر اراسىن انمەن باستىم ،
ولەڭمەن تالاي ءتۇستىم ، تاي- تالاسقا .

كۇلپان: ەي، ساكە، قازىر ماقتان تىم ەرتەرەك ،
قارا ولەڭ ءبىر جانىڭا بولماس تىرەك ،
قايتارسىڭ وسى تويدان مۇشكىل كۇيدە ،
جەڭىپ شىعام ، سەرت وسى ، قۇداي بىلەت .

ايتىستا ەسە بەرمەي كەلەم الدا ،
قۇر ماقتانىپ بۇل جولى قاپى قالما .
تارتىسقا ، ال ، تۇسەيىك كەلسە شاماڭ ،
ىستەتىپ كور، ونەردى قولدا باردا .

سالياقىن: جەڭىلىس سەن تاباسىڭ ايتارىم سول ،
ولەڭمەن سالىپ كەلەم ارتىما جول ،
قىلىش ءۇشى سەرت بولسىن ، كوپ تىڭداسىن ،
جەڭىپ شىقسام ، كۇلپان- اۋ ، جولىمدى بەر .

ولەڭىم باستان جولداس بولعان سەرىك ،
قاپى جوق ، ول جاعىنا سەنىم بەرىك ،
باستاڭىز، جاقسى ولەڭ تويعا ارناعان ،
وزىڭە ءبىرىنشى رەت بەردىم ەرىك .

كۇلپان: ەي ، ساكە ، ءسوزىڭ مارجان ، ءوزىڭ قىمبات ،
سەرتىمىزدى وتىر عوي حالىق تىڭداپ ،
الىستاماي ، جاقىن كەل ، شاماڭ كەلسە،
ال ، شايقاسقا تۇسەيىك ، ەندى شىنداپ .

ەر باستار اتا جولى ءبىرىنشى رەت ،
قالمايىق ، كونە سالتتان بىزدەر جىراق ،
قايسى رۋ، قانداي جەردەن كەلدىڭ ، ساكە ،
وتىرمىن ، ءمان- جايىڭدى ەندى سۇراپ .

سالياقىن: مەكەنىم- تۋىپ ، وسكەن قابا بويى ،
اسقاق تۇرار، قاشاندا جىگىت ويى ،
اتىمدى ەجەلدەن- اق ، بىلەسىڭ عوي ،
رۋىم- جادىك اتا ، مەن بۇتاعى.

تانىيمىن مەن ، كۇلپان ، ءوزىڭىزدى ،
كوپشىلىك تىڭداپ وتىر ءسوزىمىزدى،
ءجون- جوراڭدى ، ءوزىڭدە ءبىلدىر ماعان ،
قۇدايىم كەلتىرگەندە كەزىمىزدى .

كۇلپان: وزا شاۋىپ كەلەمىن الدا دارا ،
جەڭىستىڭ مول جۇلدەسىن قولعا الا ،
كەلگەن جەرىم << بوساعاسى>> ساۋىر مەكەن ،
توركىنىم بۋىرشىندا ، بار بايقارا .

سالياقىن: كۇلپان-اۋ ، جان- جاقتىلى بولدىم تانىس ،
توركىنىڭ وسى جەردەن ەمەس الىس ،
ايتىسۋعا بولاما ءتۇبىمىز ءبىر،
اعايىن ، نە دەيدى ەكەن ، وزگە قالىس.


كۇلپان: سەگىز ءجاننات ، ءتورت مالىك الىستى قىز،
ارامىز الشاق جاتىر ويلاساڭىز،
قاشقاقتاما ، جەڭىلىس تابامىن دەپ ،
ءبىر تۋىسقان بولمايمىز، سىزبەنەن ءبىز.

سالياقىن: وتىرمىن ول جاعىندا مەندە ءبىلىپ ،
تاستايتىن كونە سالتتىڭ بەتىن سىرىپ ،
زامانداس بوپ ايتىستى دەمە ، كۇلپان ،
تۇبىندە بوپ جۇرمەسىن ماعان ىلىك .

كۇلپان: ەي،ساكە ، قۇرمەتپەنەن بەردىك ەرىك ،
ولەڭدە كەيدە شاۋىپ ، كەيدە جەلىپ ،
جوعالعان جەتىم تايداي ەلپەكتەيسىڭ ،
اداسىپ كەتپە الباتى جەتەككە ەرىپ .

ەركىڭ بار، ۇنەم ماعان ەرە بەرمە ،
وزىڭە ءوزىڭ سالىپ شادىر ورە ،
قىسىلىپ ، قىمتاناتىن ەشنارسە جوق ،
وسىنشا ابىرجىيسىڭ نەمەنەگە؟

سالياقىن: قىزمەت ءسوز وزىڭە ايتقان ارداقتى ،
كەي ءسوزىڭ جانعا باتار ، بەك سالماقتى ،
اتا ءجونى ەجەلدەن قاستەرلەنەد ،
اۋىزدا ايتسا دۇرىسقوي ارۋاقتى .

ويدا جوق ، سەسكەنەتىن الا بوتەن ،
مەنداعى وزىڭىزدەن ەمەسپىن كەم ،
تاستايىق رۋ قۋعان كونە سالتتى ،
ال، ەندى ، اتالى ولەڭ ايتقانىڭ ءجون .

كۇلپان: ەي، ساكە ، ولەڭ ايتىڭ ساسقالاقتاپ ،
تۇرمايسىڭ ءوز سوزىڭدە قاشقالاقتاپ ،
ەرىكتى سەن بەرگەن سوڭ مەندە بەردىم ،
جىبەرشى ، جۇيەلى ولەڭ ءوزىڭ باستاپ .

سالياقىن: باققانىم كۇندىز - ءتۇنى قالىڭ جىلقى،
ىزدەيمىن ساۋىق قۇرىپ ، ويىن – كۇلكى ،
مەن قىران اسپانداعى قاسقىر العان ،
سەن ، كۇلپان، بۇلاڭداعان قىزىل تۇلكى .

سەمىرگەن باعىمداعى قىزىل جىلقىم ،
كەلمەيدى سەنى ويلاسام تۇندە ۇيقىم ،
جانىما جىلى تيىپ لەبىڭ تارتتى ،
جانىمنىڭ ءوزىڭ بۇزدىڭ ، ىشكى شىرقىن .

كۇلپان: قۋ اياق تۇلكى ەمەسپىن ، زاتىم ادام .
تۇلكى دەگەن ەي ، ساكە ، ءسوزىڭ جامان،
تۇلكى ايتىلار، قاشاندا ، مايدانسىزعا ،
ايتادى ونداي ءىستى ويسىز نادان .

بۇل ءسوزىڭ ورىنسىزداۋ بولدى ءتاۋىر،
وزىڭە بەرگەن باعاڭ اجەپتاۋىر،
ادامدى سيلامايتىن ەمەس ەدىڭ،
ءدال قازىر بولىپ اپسىڭ قارا باۋىر.

سالياقىن: ويىن - توي كوپ بولادى كۇزدىكۇنى،
تۇلكىنىڭ قىزىقتىرار قىزىل ءجۇنى،
ءسوزىمدى مەن قايتارىپ الام ، كۇلپان ،
تانىيمىن ءوز بويىمدا بولعان ءمىندى.

تاپ بەرمەدە تاپتىم دەپ ءسوزدى مىقتاپ ،
تۇرعام جوق مەندە ولەڭنەن جۇگەن ۇستاپ ،
ايتقانىم ءديدارىڭدى كورگەنەن سوڭ ،
تۇلكى بول دەپ تۇرعام جوق سەنى قىستاپ .


كۇلپان: مەندە وزىڭدەي ولەڭگە قۇشتارلانام ،
الىپ شىقپا ءبىر ءسوزدى جەكە – جالاڭ ،
ءبىر ءسوزدىڭ وقاسى جوق جاڭساق ايتقان ،
ول جاعىنا ەي ، ساكە ، بولما الاڭ .

سەندە قىران بولعاندا ، مەندە قىران ،
داۋىسىڭا ساڭقىلداعان مويىن بۇرام ،
سامعايىق قۇز- قياعا قانات قاعىپ ،
مەرەكەلى وسى تويعا كەلتىرىپ ءسان .

سالياقىن: پارلانىپ تىك ۇشايىق شىڭعا ورلەپ ،
الايىق ، كەڭ اسپاندا بىزدە جەلدەپ ،
مەن تۇيىلسەم تومەنگە تۇلكى ىلۋگە ،
سەن ەتەرسىڭ سول كەزدە ماعان كومەك .

كۇلپان: پارلانىپ ۇشقانىڭا قوسىلامىن ،
تۇسىنەم وسى جەردە ءسوزدىڭ ءمانىن ،
ءبىر تۇلكىلىك شاما – شارقىڭ بولماعاندا ،
مەندە كومەك بولمايدى ۇسىناتىن .

ءشاۋلى بوپ ، بوس ءبوسۋدىڭ قاجەتى نە؟
ۇيات-اۋ مىنا ءىسىڭ كورگەندەرگە ،
تۇلكىدەن قاشا ءجۇرشى ، ارىپتەسىم ،
ءبىر زاقىم كورسەتەدى سەندەيلەرگە .

سالياقىن: زامانداس ، ءازىلىڭ مول ءالى ايتپاعان ،
ءازىلدى ءوز بويىما دارىتپاعام ،
قۋ اياق ايلا تاۋىپ ءوتىپ كەتسە ،
كومەك ەت دەگەنىم عوي ، تۇياعىمنان .

كۇلپان: بۇيىم ەمەس قىرانعا قۇز- قيا – شىڭ ،
ءشاۋلى قۇستا بولادى ايتارلىق ءمىن ،
ناق قىران جازا باسپاس الىمىنان ،
قاس قارايىپ ، كۇن باتىپ ، بولسادا ءتۇن .

پارىق جوق ەكەۋمىزدىڭ جاسىمىزدا ،
قول سوزايىق بۇيىرعان اسىمىزعا ،
قۋ تۇلكى قۋ اياقتىق ىستەمەسىن ،
ساق بولعايسىڭ ءارقاشان باسىڭىزعا .

سالياقىن: سالايىن اسەم انگە مامىرلاتىپ ،
وتىرمىن اق وردانىڭ ءدامىن تاتىپ ،
ويلارسىڭ وسى جەردە ، اي ، كۇلپان-اۋ ،
كەتتى دەپ ، ارىپتەسكە ءسوزىڭ ءوتىپ .

سەنىڭ ءسوزىڭ قامشى عوي ، كەرگىگەنگە ،
بۇنداي ءسوز دارىمايدى سەرىگىڭە ،
ءبىر كۇندە بىرەۋ ەمەس بەستى الام ،
سەنە ءبىل ، سەنىمىمنىڭ بەرىگىنە .

كۇلپان: ەي، ساكە وتىرعام جوق ، جامانداسىپ ،
ءبىر سوزىمە كەتپەيسىڭ سەندە جاسىپ ،
اڭعالدىقتى كورسەتتىڭ كوپ ىشىندە ،
بەرەتىن جاۋابىڭنان جازا باسىپ .


سالياقىن: قارا وتتى ، قۇتتى مەكەن ءبىزدىڭ ساۋىر،
كەي ءسوزىڭ جانعا ءتيىپ بولدى اۋىر،
ونى ەلەپ وتىرعام جوق ، ويلاساڭىز ،
قامشى ءسوز قاشانداعى بولار ءتاۋىر .

ومىردە كورگەن ەمەن سوزدەن جاسىپ ،
ايبارىم بارعان سايىن تۇرادى اسىپ ،
باتىردىڭ اڭعالدىعىن الشى ەسىڭە ،
ءبىر وققا جىبەرەتىن ءدامىن تاۋسىپ .

كۇلپان: ساكەڭنىڭ اقىندىعى جۇرتقا ءمالىم ،
بولسادا قانداي قىران كوردىم ءالىن ،
الۋان جۇيرىك جۇگىرەر ءوز الىنشە ،
بالاپان ، تىرنەك قۇسقا بەرمە ءتالىم .

كەتەسىڭ قارا ولەڭگە جەلدەي ەسىپ ،
بايلاۋدى تۇيىنشەكتەلگەن ءبارىن شەشىپ ،
قۇرعاق قاسىق اۋىز جىرتار دەگەن ءسوز بار،
ەر جىگىتكە جاراماس كەتكەن ءبوسىپ .

سالياقىن: اقىندىق كەڭ تاراعان اتامىزدان ،
ءبىر اللا كەشىرىم ەتسىن قاتامىزعا ،
اقىندىق بويدى بيلەپ العاننان سوڭ ،
بوس قاراپ ۇيدە بەكەر جاتامىز با؟

وتىر عوي وسى كەزدە بويىم قىزىپ ،
قانشالىق بايلاۋ تۇرسا تۇرمىن ءۇزىپ ،
ولەڭ بار قازىنامدا تاۋسىلمايتىن ،
سول سەبەپتەن كەلەمىن الدا ءجۇزىپ .

كورىنەر جىراق جەردەن تاۋدىڭ باسى ،
بوقايدىڭ ولەڭ بىلەر كارى - جاسى ،
اپتىققان ءوزىڭ تەكتەس اقىنداردىڭ ،
قايتقان ەد ، تالاي جەردەن نەسىبەسى .

كۇلپان: سيىنشى ، جەڭەمىن دەپ قۇدايىڭا ،
مەن جەڭىپ تۇسىرەيىن ۋايىمعا ،
ءبار بوقايمەن ايتىسىپ وتىرعام جوق ،
ۇيدەگى بار قايراتتان جوق قوي پايدا .

قورقاتىن مەن ەمەسپىن وڭ مەن سولدان ،
داڭقىمدى شىعارامىن وسى جولدان ،
كۇيكەنتايداي شىرىلداتىپ ۇستاپ ەدىم،
ءبىر جولدا باسىڭدى ءيىپ بولدىڭ ، موللام .

سالياقىن: سۇيەنەم قىزىل ءتىل مەن تاڭدايىما ،
ولەڭ دارىپ ، باق قونعان ماڭدايىما ،
بولسادا شەشىلمەيتىن ءسوز ءتۇيىنى ،
ەجەلدەن جاۋاپ تاپقام ، قاندايىنا .

كۇلپان: نەداۋىر ەكىلەندىڭ ، زامانداسىم ،
بويىڭا تارامادى-اۋ ، ىشكەن اسىڭ ،
قورعانباي ، ارىپتەسىم ، ولەڭىڭدى ايت ،
ولەڭنىڭ ءبىر جايايىق ، كەڭ قۇلاشىن .

ولەڭدى مەن ايتقامىن اۋەل باستان ،
تالايدىڭ ايتا الماي قۇتى قاشقان ،
توتەپ بەرەم ، داۋىل مەن نوسەرلەرگە ،
اي كۇيىپ ، قۇلاسادا جەرگە اسپان .

سالياقىن: داۋىلدا ساعان ، كۇلپان ، بولامىن ىق ،
تايمايدى اياقتارىم باسىلعان نىق ،
جەڭىلىپ قايتۋىڭا از-اق قالدى ،
ەي ، كۇلپان ، ءبىر ەسكەرتۋ وسىنى ۇق .

كۇلپان: ايتار ءسوز ەسىمە كەپ ەندى ءتۇستى ،
ساكەڭنىڭ بوس ءبوسۋى سونداي كۇشتى ،
ولەر وگىز بالتادان تايىنبايدى ،
ءبىر باسىڭا تۇسىردىڭ داعدارىستى .

ەي ، ساكە ، مەنى جەڭۋ ساعان قيىن ،
بايقادى الىمىڭدى وسى جيىن ،
اربالاپ اكەلسەڭدە ولەڭىڭدى ،
بولمايدى ونداي ولەڭ ماعان بۇيىم .


سالياقىن: كۇلپان-اۋ ، نەگە سونشا ەسىرەسىڭ ،
مەن جونىندە جاسادىڭ ، ەرتە شەشىم ،
ەسكەرتۋدى مەن بەرگەم العاشىندا ،
ءبىر سەرپىمگە كەلمەي-اق جەڭىلەرسىڭ .

كۇلپان: ياپىرىم-اي ، قول سوزادى اسپاندا ايعا ،
وتىر عوي ، جەڭەمىن دەپ ءتاۋىر ويدا ،
اپتىعىڭدى باسايىن وسى جولى ،
باس كوتەرمەي قايتارسىڭ وسى تويدا .

جۇرەرسىڭ ، اتىم شىقسا قاشىپ - پىسىپ ،
كورىنىپ قالام با دەپ ، زارەڭ ۇشىپ ،
شوشىنىپ ويانارسىڭ ءتاتتى ۇيقىدان ،
جەڭىلىس تاپقاندىعىڭ ەسكە ءتۇسىپ .

سالياقىن: مەن ەمەس اپتىق باسار قوسشى-قولاڭ ،
جەڭەمىن دەگەن ءسوزىڭ شىقسادا ويدان ،
مەن قۇرمەتتەپ وتىرسام ۇقپادىڭ عوي ،
ءمىنىڭدى ىزدەسەڭشى ءوز بويىڭنان .

كەتىرمەكسىڭ ولەڭمەن سابىرىمدى ،
بىلەمىن ەل ىشىندە دابىرىڭدى ،
كوپ ۇندەمەي وتىر ەم سابىر ساقتاپ ،
ايتپادى دەپ وتىرمىسىڭ ، تامىرىمدى .

كۇلپان: ءتورت تۇلىك مالدى باققان ءارى جالشى ،
ەي ، ساكە ، وزىڭدىدە ەسىڭە الشى ،
بۇرمالاپ سۋايتتىققا سالىنعانمەن ،
اسىعىڭ تۇسە المايدى ، سەنىڭ الشى .

باسىمدى جالعان ايتىپ قارالاما ،
ايتپايدى بۇنداي ءسوزدى جاس بالادا ،
بوپسالاپ مەنى جەڭۋ ساعان قيىن ،
ورىنسىز ءۇن شىعارما ايدالادا .

ەكى بەتىڭ قارا بوپ، بولدىڭ ايعاق ،
جالعاندى قالاي ايتىڭ ، نەنى ويلاپ؟
جەڭىلىس تابۋىڭا تاياعاندا ،
جاراماس ، ەر جىگىتكە قويان بۇلتاق .

سالياقىن: كۇلپان- اۋ ، ءوزىڭدى - ءوزىڭ ءجۇرسىڭ ماقتاپ ،
تالايلار ءجۇر، وزىنشە سەنى جاقتاپ ،
ءسوزىمدى وتىرىك دەپ ايتا المايسىڭ ،
ءوزىڭدى كەتە المايسىڭ ، ءوزىڭ اقتاپ .

ءسوزىمدى دۇرىس ايتقان بۇرا الاما؟
قويان بۇلتاق دەپ مەنى شىرعالاما .
جاس جىگىت سىرلاسقاندا ءوزى ايتقان ،
زامانداس ، تۇرعىلاستان ءسوز قالاما؟

كۇلپان: ەي ، ساكە ، جالعان سوزگە كەتپە ەرىپ ،
بۇل جونىندە ءجىپ ءتۇزۋ ، مايدان بەرىك ،
وزىڭدەي ەلدىڭ بارىن كورە بەرمە ،
تال بويىڭنان تابىلار سايتان جەلىك .

ءۇش اي بويى ۇيىڭە قونباي كەپسىڭ ،
سول كەزدە تىمىسكىلەپ ، قايدا كەتتىڭ؟
بۇقا بۋعا ، بولعاندا ، ازبان دۋدا ،
تورە قىزى ايەلىڭدى تەنتىرەتتىڭ .

سالياقىن: كۇلپان-اۋ ، بىلەمىن عوي مايدانىڭدى ،
سالدىڭ عوي ەل ىشىنە ويرانىڭدى ،
قۋ سوزبەن مەنى جەڭىپ كەتە المايسىڭ ،
كىم توكتى ، بىلەمىسىڭ ، ايرانىڭدى؟

كۇلپان: ءدام تاتتىق ، شىلدەحانا وسى تويدان ،
شىعاردىڭ كوپ وتىرىك ، ساكە ، ويدان ،
ەسىمە سەن ايتقاندا جاڭا ءتۇستى ،
ۇيگە ۇرى ءيت كىرىپ كەتىپ توككەن ايران.

سالياقىن: بۇل جالعان ، مەن بىلەمىن سىرىڭىزدى ،
كورۋگە ناعىز ادام ءتۇرىڭىزدى ،
جولداسىڭ توپتەرەككە كەتكەن كۇنى ،
ايتساڭشى ، وسى كۇنگى شىنىڭىزدى؟!

كۇلپان: كەتە المان ، جالعان سوزگە بىردەن سەنىپ ،
جاتىرسىڭ ءازازىلدىڭ ءسوزىن تەرىپ ،
قوي ۇركىپ ، ايعاي شىققان كۇزەتشىدەن ،
اۋىلعا تىمىسكەلەپ ۇرى ءيت كىرىپ .

باسقانى سەن بىلسەڭدە ، مەن بىلمەيمىن ،
ءاي ، ساكە ، سۋايتتىققا بولدىڭ بەيىم ،
اڭدي بەر، تويىمدى دا ، ءوزىمدى دە ،
ءوزىم امان بولعان سوڭ كەيىمەيمىن .

سالياقىن: كۇلپان-اۋ ، بارىنەن دە الدىڭ تانىپ ،
مويىنداعىڭ كەلمەدى ، بولسادا انىق ،
<<ۇرى كۇشتى بولعاندا يەسى ولەر>> ،
بەكەر عانا ايتپاپتى- اۋ ، دانا حالىق .

كۇلپان: ەي ، ساكە ، ايعاق بولدىڭ نەمەنەگە؟
داۋ شىعارىپ وتىرسىڭ ولەرمەنە ،
قازى الدىنا بارداعى جانىڭدى بەر،
مويىندايىن سول كەزدە ، ساعان مەندە .

سالياقىن: سوزىمە ءسوز كەلگەن سوڭ ايتتىم مۇنى ،
ناق وسىلاي بولعانى ءىستىڭ شىنى ،
مويىنداماي وتىرعانىڭ وزىڭە ايان ،
بار ەدى ، بۇل كۇلپاننىڭ ۇلكەن ءمىنى .

كۇلپان: ساكەڭە جاتىر مەنىڭ ءسوزىم وتپەي ،
قاشقالاقتاپ بارادى تاعى شەتتەي ،
اي ، ساكە ، سەن جەڭىلدىڭ جولىمدى بەر،
الماقپىن ، مەن جولىمدى تويدان كەتپەي .

سالياقىن: كۇلپان-اۋ ، ءسوزىڭ تەنتەك ، ءجۇرىپ سالما ،
ايتارىڭ ، بۇدان باسقا سەندە بار ما؟
جول الاتىن ۋاقىت الدا بولار،
مەن بولمايمىن ، كۇلپانعا وڭاي ولجا .

كۇلپان: ساكەڭنىڭ ويى الدىدا، ءالى تەرەڭ ،
المايدى ايتقان سوزدەن ەشبىر ەلەڭ ،
زايا كەتە بەرمەسىن، حالىق ايتسىن،
بۇكىنگى وتىرىستا ايتقان ولەڭ .

جول كىمدىكى ، تورەلىك ايتسىن حالىق ،
وتىر عوي ، ءسوز توركىنىن ولار تانىپ ،
<<حالىق ايتسا، قالت ايتپايت>> دەگەن ءسوز بار،
مەن جەڭىلسەم ، ساكەڭە بەرسىن الىپ .

سالياقىن: جەڭىس بار، جەڭىلىس جٶق ەكى جاقتان،
از ولەڭگە، سەن كۇلپان، ەتپە ماقتان،
ءسوز سالماعى جۇيەگە سالىنادى،
دارا جۇيرىك سەن ەمەس، جالعىز شاپقان.

بار الدا، اسۋ بەرمەس بۇزار قامال،
تاپپاشى، كەتۋىڭە، ءبۇيتىپ امال،
اسىعىس شارۋاڭ بارما كەتەم دەيتىن،
باسقا ايتسا ءبىر مەزەت توقتام تابار؟

كۇلپان: مويىنسال بولماي قويدىڭ جەڭىلىسكە،
سي تاباقتى كوپ الدىڭ وسى كەشتە،
مەن ماقتانىپ بۇل جەردە وتىرعام جوق،
ايتىلعان ولەڭدەردى تۇسىر ەسكە.

بىلەسىڭ، ءار ءسوزىمنىڭ قورتىندىسىن،
ءار جەرىن قالت جىبەرمەي جاقسى ءتۇسىن،
اسىعىستىق شارۋام از ايالدايتىن،
تەكسەرىپ كور ءبارىنىڭ ىشپەن- تىسىن.

سالياقىن: جەل سوزدەر شىعىپ جاتىر وتىز تىستەن،
كوپ اۋجاي ءسوز ەتىلدى ءاربىر ىستەن،
ولەڭنىڭ سىرى دا مول، ءتۇرى دە مول،
كەلتىرۋگە بولمايدى قارا كۇشپەن.

سەن، كۇلپان، جولىم بەر دەپ تاقىمدايسىڭ،
ءوز ءسوزىڭدى ءوزىڭ داتتەپ ماقۇلدايسىڭ،
سارالاۋدى ولەڭدى كوپكە بەرەم،
الايىق،حالىق ءوزى تالقىلاسىن.

كۇلپان: سوڭعى سوزگە وتىرعوي ءىشىم جىلىپ،
وسى جەرىن، ەي، ساكە، ايتتىڭ ءبىلىپ،
تارازىسى حالىقتىڭ ۇلكەن ءادىل،
قولىنان الا الماسپىن مەندە جۇلىپ.

سالياقىن: ارىپتەس، ولەڭ قۇمار كەلگەن مۇندا،
ەكەۋىمىز ەكىلەنىپ تۇستىك سىنعا،
باعالاسام، باعاڭا جان جەتپەيدى،
وزىڭدەي تۋار، بالكىم، ارەڭ مىڭدا.

اق سۇڭقار، مىنا كۇلپان، الما مويىن،
كورسەتتى تىڭدارمانعا العىر ويىن،
قاشاندا قۇرمەتتەيتىن ىستەرى مول،
حالقىنىڭ مۇراسىنا اشتى قويىن.

كۇلپان: ساكەڭدەي جىگىت ءتۇزۋ، نەكەن ساياق،
حالىقىمنان قايتەيىن ولەڭ اياپ،
از عانا ءان سالايىن وسى تويدا،
قالىپتى اتۋعادا تاڭدا تاياپ.
باق قونعان، ون ەكى اباق ءبىزدىڭ كەرەي،
ءبىر اللا، بارىمىزگە بەرسىن مەرەي،
ءتورت گۇڭنىڭ داۋىرلەگەن زامانىندا،
داۋلەتى وسكەنى حاق تەلەگەيدەي.
ءبي، تورە نىق قابىسقان ارالارى،
داۋلەتتى بولعان تۇگەل بالالارى،
شاقاڭداي اعارتۋشى ەلدى باستاپ،
جاستاردىڭ ءوستى بۇگىن سانالارى.
اشىلدى ورتامىزدان سانسىز مەكتەپ،
ەش ادام ويلاماعان كورەمىن دەپ،
وسىنداي باي- باقىتتى زامانادا،
كوپ- كوپتەن جاستارداعى شىقتى كوكتەپ.
ۋاڭنىڭ ورداسىنىڭ ءدامىن تاتتىق،
ورناتىپ كوڭلىمىزگە مولداپ شاتتىق،
تۋمانىڭ باۋى بەرىك بولسىن دەۋمەن،
ازىلمەن وسى تويدا ولەڭ ايتىق.
وتىرعان ولەڭىمدى حالىق جاقتاپ،
سالايىن قارا ولەڭكە وڭداپ- سولداپ،
ساكەڭدى ۇمىتپايمىن قاشانداعى،
ولەڭمەنەن تۇرامىن سالەم جولداپ.

سالياقىن: كۇلپاننىڭ باسقالاردان ءانى اسقاق،
كەلەدى، ءتاتتى اۋەنمەن ولەڭ باستاپ،
قاشاندا مەن كۇلپاندى ۇمىتپايمىن،
كەتتى ارتىنا ۇعارلىق اۋەن تاستاپ.
كۇلپان- اۋ، ۇلان تاۋداي ەل ەركەسى،
ىشىندە كوپ ايەلدىڭ ەرەكشەسى،
كۇلپاننان جەڭىلدىم دەپ جاريا ەتەم،
ولەڭنىڭ وتە ءنارلى بۇگىن كەشى.
كۇلپاننىڭ ويى تەرەڭ، ءتىلى شەبەر،
كورسەتەر قىزىل تىلدەن ۇعار ونەر،
ورتامىزدا قازداي قالقىپ جۇرە بەرسىن،
تال بويىنا بىتسە ەكەن، وشپەس جىگەر.
جاۋاپقا بۇگىن مەندە قالدىم جارىپ،
ءار ءسوزىڭنىڭ ءمانىسىن ۇعار حالىق،
ءساۋ-سالامات بولا بەر قاشانداعى،
اۋىلىڭا بارارسىڭ جۇلدەڭدى الىپ.

كۇلپان: بۇل جولدىق ەكەۋمىزدىڭ تابىسىمىز،
تەڭ بولدى، ءور- ەڭىستە شابىسىمىز،
ۇسىنايىق، جۇلدەنى اقساقالعا،
تابىستى بولا بەرسىن، ءار ءىسىمىز.

سالياقىن: اقساقال، باتاڭدى بەر، جايدىق قولدى،
الىڭىز، قادىر تۇتىپ كەلگەن جولدى،
بۇل مەرەي، قاۋىم ءۇشىن قۋانىشقا،
جەڭىستى، بۇگىنگى توي جاقسى بولدى.
كۇلپان داناباي قىزى، ولەڭ، تويعا قۇلاق ءتۇرىپ جۇرەتىن، قازاقتىڭ " جەتى ولەڭ" تۇرىنەن حابارى بارونەرلى اقىن ادام ەكەن ، << بارمايمىن >> دەپ كەرگىمەي كەلۋى دە ەرتەرەكتە سالياقىنمەن ءبىر جەردە ءبىر نەشە اۋىز ولەڭمەن قايىمداسىپ قالعان جەرى بار ەكەن. سالياقىن كوك الا تورعىنمەن تىستاعان قارا ەلتىرى تىماعىنا ۇكى تاعىپ، كىر بولىپ قالادى دەپ اق بۇلمەن قاپتاپ، سانىمەن كيەدى ەكەن. ءبىر كەزدە قىمىز قۇيىپ وتىرعان كۇلپانعا قاراتىپ:
كورگەندە ءتاۋىر ادام قىرىندايمىن،
ءسوز وتپەيتىن ادامعا ۇرىنبايمىن،
ءتاۋىر ءسوز قۇلاعىما تيەر بولسا،
جولىم بولدى، دەپ ونى ىرىمدايمىن،- دەپ بىرنەشە اۋىز ولەڭ ايتادى.
كۇلپان: جوعارتىننان كەلەسىڭ الدەنەدەي،
اقىماقتىڭ ۇكىسى بودەنەدەي،
ۋاڭنىڭ اتىن ءمىنىپ، اسىن ءىشىپ،
داماتەسىڭ، ءار نەدەن سورلى كەدەي..... دەپ ازىلدەسكەن جەرى دە بولعان .
سالياقىننىڭ جاسىنان ولەڭ قۇمار بولىپ ءوسىپ ەسەيە كەلە اقىن بولعانىن جوعاردا بايانداعان ەدىك . ول اقىن بولعاندا دا كوپتەن دارا شاۋىپ ، ولەڭدەرىندە باسقالاردى تاڭداي قاقتىرارلىقتاي قاسيەتتەر بولعاندىعىندا ەدى . جەمەنەي اۋدانىنىڭ توپتەرەك اۋىلىنداعى 90 جاسقا كەلىپ وتىرعان سانسىزباي اقساقال سالياقىن تۋرالى اڭگىمەسىندە : - ەرتەرەكتە ، ياعىني ، 1942-جىلداردىڭ قىسىندا ول الەن ۋاڭنىڭ جىلقىسىن باعىپ قۇمعا ، ياعىني، مايعايىڭ ، تاستوبە ، قاراجيدە ، قارعالى ، شوشقالى قاتارلى جەرلەردە بولعان ەدى . سالياقىن قاي قىستاۋعا بارىپ قونسا سول جەردە دۋمان - توي بولىپ كەتەتىن . ماڭايداعى قىستاۋلىقتارداعى ادامدار ول قونىپ وتىرعان جەرگە جينالىپ الىپ ، ولەڭشى ادامدار بولسا ايتىستىرىپ ، جوق بولسا وزىنەن ولەڭ تىڭدايتىن . ول قوڭىر داۋستى ءانشى ادام بولاتىن ، دومبىرانى جاقسى شەرتەتىن . سول جىلداردا حالىقتىڭ ەسىنەن كەتپەيتىن ءبىر ەرەكشەلىگى نايمان قوجانبەت بولاتباي بايدىڭ كەلنى ناسيما بەكباي قىزى (بۇل ادام جولداسى قايتىس بولىپ كەيىن نايمان ەرەجەپ دەگەن اداممەن ۇيلەنىپ ، 2008-جىلى 86 جاسقا كەلىپ قايتىس بولدى) مەن ايتىسى ، ەندى ءبىرى شەشەك اۋرۋىنان قايتىس بولعان ەكى ءىنىسىن جوقتاۋ جىرى ەدى . ول ەكى نىسىنە زارىن توككەندە جىلامايتىن ادام بولماۋشى ەدى ،- دەپ ، ايتىپ وتىرادى .
مەنىڭ اكەم ءبيموللا اجىعاي ۇلى دا تورە اۋىلىندا جۇرگەن كەزدە سالياقىنمەن كوپ بىرگە جۇرگەن ، سول كەزدەردە سالياقىن قاي اۋىلعا بارسا سول اۋىل تورەنىڭ جىلقىشىلارى كەلدى دەپ مالدى سويىپ تاستايتىن ، سودان ولەڭ-توي بولىپ كەتەتىن دەپ وتىرۋشى ەدى . اكەم ونداي جۇيرىك اقىن بولماسادا ولەڭ قۇمار ، قازاقتىڭ حالىق اندەرىن ناشىنا كەلتىرىپ ايتاتىن ادام بولعان . سوندىقتاندا ، سالياقىنمەن بىرگە ءجۇرىپ ، بىرگە وسكەندىكتەن ونىڭ ايتقان ولەڭدەرىن جاتقا ايتىپ وتىراتىن ەدى .
سانسىزباي اقساقال مەن اكەم ءبيموللا اجىعاي ۇلىنىڭ ايتۋى بويىنشا سالياقىننىڭ ەكى ءىنىسىن جوقتاۋ جىرىن ەستە ساقتاعاندارىم مەن جازىپ العاندارىم بويىنشا قاعاز بەتىنە تۇسىرگەن ەدىم .

ەرتىستىڭ ارعى بەتىندە ،
اۋرۋدىڭ قالدىق وتىندە .
قايراندا مەنىڭ ەكى ءىنىم ،
ايىقپاس كەز بوپ دەرتىنە .
جالعاندا – جالعان ، جالعان-اي ،
جەتپەگەن قىرشىن ارمان-اي .
ارتىمنان ەرگەن قۇلىندار ،
توپىراق بولىپ قالعانى-اي .
جىلقى دەگەن مال جاقسى ،
تاڭىرىم بەرگەن سۋرەتىن .
ارتىنان ەرگەن قۇلىنى ،
اسىر ساپ ، ويناپ جۇرەتىن .
قوس قۇلنىم باقي بولعانى-اي ،
اعالاپ ەرىپ جۇرەتىن .
تۇيە دەگەن ءبىر مال بار ،
بوزداقتاپ ءۇنى شعاتىن .
ەكى ءنىم مەنىڭ ەدى-عوي ،
قۇدايىم بەرگەن قۋاتىم .
ەشكى دەگەن ءبىر مال بار ،
جارتاسقا شعار سەكەڭدەپ .
جاراتقان سولاي ەتىپتى ،
جارتاستى بەرگەن مەكەن دەپ .
ەكى ءىنىم مەنىڭ جەتپەدى ،
جۇرەتىن ماعان جەتەم دەپ .
سيىر دەگەن مال جاقسى ،
بۇزاۋى تۇرعان جالانىپ ،
قۇدايىم قويسا ەكى ءىنىم ،
قاسىمدا جۇرەر پار الىپ .
ەكى ءىنىم بىردەي ولگەن سوڭ ،
جۇرەگىم وتىر شانالىپ .
قوس ءىنىم كەتتى ءبولىنىپ ،
ايىقپاس دەرتكە شەگىلىپ .
اينالايىن ەل جۇرتىم ،
قابىرعام وتىر سوگىلىپ .
التايمەن ساۋىر ايلانسام ،
جاراق الىپ قامدانسام ،
ءىنىشىم مەنىڭ كەلەرمە ؟
كوزىمنىڭ جاسىن كورەرمە ؟
باقيلىق بولعان قارعالار ،
اعالاپ ماعان كەلەرمە؟
كوزى كورىپ ، قۇلاعى ەستىگەن ادامداردىڭ ايتۋىنشا بۇل جوقتاۋ جىرى بۇناندا كوپ ەدى ،- دەيدى . الايدا ، قازىرگى قولعا تۇسكەنى وسىنشالىق قانا بولدى .
سالياقىننىڭ ولەڭدەرى كوبىندە توي-تومالاقتاردا ايتىلىپ ، ۇلكەندەردىڭ اۋزىندا ساقتالعان . ماسەلەن: ٴناسيما بەكباي قىزىمەن ايتىسى سول تويعا ساكەڭمەن بىرگە بارىپ قاتىناسقان سانسىزباي اقساقالدىڭ كوڭلىندە بىلاي جاتتالىپ قالعان ەكەن .
سالياقىن:
قارايكەرىم ، ەندەشە ، قارايكەرىم ،
ساعان جەتەر ولەڭمەن بار-اۋ دەمىم .
ايەلدىڭ ءبىر جۇيرىگى سەن بولارسىڭ ،
ايداي ارۋ قالقاتاي قايدان كەلدىڭ ؟
دەگەندە ٴناسيما :
قارايكەردىڭ ەندەشە ساراسىمىن ،
ولەڭ قۋعان نايماننىڭ بالاسىمىن .
ولەڭشى اقىن بولساڭ ايتىسايىق ،
وسى اۋىلدىڭ اعىمەن قاراسىمىن .
سالياقىن:
اقشۋلانگەر ، ەندەشە ، اقشۇلانگەر ،
جاننىڭ ءبارىن قالقاتاي وزىڭدەي كور .
ولەڭىممەن ءبىر بەلگى تاستاپ كەتەم ،
بۇل بەلگىمدى قالقام-اۋ ، كوزىڭدەي كور .
ٴناسيما:
اقشۋلانگەر ، ەندەشە كوزىڭ كورگەن ،
بەلگىڭ قانداي اقىنىم ٴوزىڭ بەرگەن .
وسال ساناپ مەنى ٴوزىڭ وتىرسىز-اۋ ،
ءسىزدەي اقىن جىگىتتىڭ ءدۇزىن كورگەم .
سالياقىن:
ءدايىم مەنىڭ منگەنىم قۇلامەكەن ،
جالى سۇيىق ، قۇرىعى بۇلاڭ ەكەن .
بۇگىن جەڭىپ بەلگىمدى مەن تاستاسام ،
اقىن قۇربىم سوزىندە تۇرامەكەن ؟
ٴناسيما:
ءدايىم سەنىڭ منگەنىڭ قۇلامەكەن ،
جالى سۇيىق ، قۇيرىعى بۇلاڭ ەكەن .
ايتپاي جاتىپ بۇل ساكەڭ ءتاۋىر ولەڭ ،
قانداي سەرتىن ايەلدىڭ سۇرادى ەكەن؟

ءجۇر ەكەن ، اقىن ساكەڭ جىلقى باعىپ ،
توبەسىنە تىماقتىڭ ۇكى تاعىپ .
تاستوبە مەن توستوبە ورتاسىنان ،
جانبا ەكەن ، جۇرەتىن تۇلكى قاعىپ .

بايقالاسىڭ ، ٴاي ساكە ، سارىنى ۇستەم ،
كەي ٴسوزىڭ شعىپ جاتىر جاڭىلىسپەن ،
زاتىم ايەل بولعانمەن ەر كوڭىلدى ،
جاقسىمەنەن جاماندى ايىرۋشى-ەم .

سالياقىن:
تارپاڭگەر مەن وسىندا تارتا كەلدىم ،
جىلقى باقتىم ، ازۋلى ارقالى ەلدىڭ .
تۇلكى قۋلىق وزىڭە جاراسپايدى ،
ولەڭ قۋعان ، ونەرلى قالقام ەدىڭ .

جان ەدىڭ ، ءمالىم بولعان سىرىڭ ماعان ،
قالقام-اۋ ، ولەڭمەنەن تۇرعىڭدى الام .
اقىلدى اقىن بولساڭ ءبىر كورمەگە ،
دەمەسسىڭ ، مەنى بۇگىن قۇرعىر جامان ؟

قارايگەرىم ، ەندەشە ، قارايگەرىم ،
جۇيرىك ەمەس ، جورعا ەمەس ءالىم-پەرىم .
ساڭقىلداعان قىرانمىن ، ۇشار كوكتەن ،
شەڭگەلىمە تۇسەرىڭ ءمالىم سەنىڭ .
ٴناسيما:
قاراي كەرىم ، ەندەشە ، قاراي كەرىم ،
مەنى جاقتار اي ساكە ، قالايدا ەلىم .
البارىندى بولدىڭ-اۋ ، جەڭەمىن دەپ ،
شاپپاي قالىپ جۇرمەسىن قارايكەرىڭ .
سالياقىن:
دايىم مەنىڭ مىنگەنىم اقتانكەر ەد ،
اقتان كەرىم ، سالقى ءتوس ، قاقپان بەل ەد .
سەندەي تالاي بايتالدى شاۋجايلاپ-ەم ،
ەر جىگتكە دەمەيمىن ، ماقتان كەرەك .

ايەلگە جاراساما استامشىلىق ،
كوڭلىمە سيعان ەمەن ماقتان قىلىق .
ات جەتەك ، شاپان جاۋىپ جول بەرەرسىڭ ،
سيىڭمەن قويارسىڭ-اۋ ، اتتاندىرىپ .

قۇدايىم بۇيرعانسوڭ تويعا كەلدىك ،
جاراسىپ بويعا بورىك ، ويعا كورىك .
ءدام تارتسا اۋىلىڭا تاعى كەلەم ،
كەتپەسسىڭ كەلگەنىمشە مەنەن جەرىپ .

سەن بارساڭ ، ءوز ەلىمدە دەڭ بولامىن ،
تالايدىڭ ءدامىن تاتقان ەر بولامىن .
جادىكتە ولەڭ قۋعان ءبىر تۇلپارمىن ،
سالي ەر ، اقىن تۋعان مەن بولامىن .
تاعى ءبىر ايتا كەتەرلىك جايىت ، سالياقىن 1947- جىلى الەن ۋاڭنىڭ مال-مۇلكى تالانعاننان كەيىن كوكتوعاي جەرىندەگى قارابۇلعىن ، دۇرە وڭىرىنە بارىپ قونىستانىپ قالعان . 1987- جىلى 81 جاسىندا قايتىس بولىپ ، كوكتوعايدىڭ قارا بۇلعىن اۋىلىنا قارايتىن اقتۇبەك دەگەن جەردە جەرلەنگەن . قازىر ۇرپاقتارى كوكتوعاي اۋدانىندا شاشىراي قونىستانىپ شات-شادىمان ءومىر وتكىزۋدە .
ماتەريال جيناپ بەرگەن: ساعي قوڭقىشتاي ۇلى
سانسىزباي اقىمەت ۇلى
[ءبيموللا اجىعاي] ۇلى
كەلۋ قاينارى: http://www.elarna.net/oku.php?tur=11&id=128

پىكىرلەر:


جازعان لەبىزىڭىز300 ارىپتەن اسپاسىن!
ادام نەمەسە ۋيروس ەكەندىگىڭىزدى تۇراقتاندىرۋ سۇراعى، كاتەكشەگە 99 دەپ جازىڭىز، راحىمەت!
98 + 1 = ? sozsiz sifermen tolteringiz.

ەڭ جاڭا ماقالالار


نۇر-سۇلتان قالاسىنداعى 8 مينوت
قوستاناي وبلىسىندا 1 مل 8 مينوت
اسەت يرعاليەۆ قر ۇلتتىق 8 مينوت
جامبىلدىق 110 وتباسى ەل 8 مينوت
ءسىبىر جاراسىن جۇقتىرما 18 مينوت
ورتالىق ازيا ەلدەرىمەن 18 مينوت
وسى ارانى باسىپ كورىڭىز 18 مينوت
ميگرانتتار كەمەسىنىڭ يت 18 مينوت
اقمولا وبلىسىندا دالا ج 28 مينوت
قولايسىز اۋا رايىنا باي 28 مينوت
بىرنەشە ەر ادامعا الداپ 1 ساعات
تۇركيادا كۇردتەردىڭ شەر 1 ساعات
تۇركىستاندا سىبايلاس جە 1 ساعات
وسى ارانى باسىپ كورىڭىز 1 ساعات
21 تامىز، سارسەنبى كۇنگ 1 ساعات
"ۇلى اباي ۇنەمى سىنعا ا 1 ساعات
تۇركىستاندا ەكسپورتتى د 1 ساعات
اقتوبەدە ۇستىنە تەلەديد 1 ساعات
20.08.2019 - اقپارات - 1 ساعات
سقو-دا ەكى جاسار قىز تە 1 ساعات
قر پرەزيدەنتى اقوردادا 1 ساعات
يتاليا پرەمەر-مينيسترى 2 ساعات
ۇشاق نۇر-سۇلتان اۋەجايى 2 ساعات
دارىگەرگە قول كوتەرگەن 2 ساعات
پاراليمپيادالىق ويىندار 2 ساعات
«جىبەك جولى – ديالوگ جو 2 ساعات
قىستا نەبارى 16 گرادۋس 2 ساعات
اقتاۋلىق مۇمكىندىگى شەك 2 ساعات
الماتىدا «بيۋدجەتكە قات 2 ساعات
يتاليانىڭ پرەمەر-مينيست 2 ساعات