ەل-ارنا قولفون نۇسقاسىنا ەنۋ Еларна қолфон нұсқасына ену


ەل-ارنا قولفون نۇسقاسى | "قولفون نۇسقاسىن ءتۇسىرۋ (Android)

Кірілше
جۇكتەۋ-البومىم-البومدار-جەلى
وسى توردى ساقتايمىن! | وسى توردى باس بەت ەتەمىن!

ءبىزدىڭ بايلانىس: elarna2012@gmail.com



تىركەلىڭىزدەر كىتاپحانا قوجالار تورابى البومدار قازاقتىڭ 1001 ەرتەگىسى

ءتۇرى: ەل-ارنا گازەتى | وسى ارادان ەلارنا گازەتىنىڭ بارلىق ماقالالارىن كورۋگە بولادى..

مەندە ال-ارناعا جازبا-ماقالا جازامىن، وندا وسى ارانى باسىڭىز!

جولدانعان ۋاقىتى: 05:04 - 2015/12/23

ماقالا جولداۋشى: گۇلايشا
ماقالا اپتورى: قايرات ساۋىت ۇلى
اپتوردىڭ مەكەن-جايى:
وسى ماقالانىڭ كىرىلشە نۇسقاسى، وسى ارانى باسىڭىز

Осы мақаланың кірілше нұсқасы, осы араны басыңыз


ءبىر دوسىڭ كەرەك ەكەن...


ءان− كوڭىلدىڭ اجارى. ءان ءومىردىڭ بازارى. ءانسىز ءومىر− ءمانسىز ءومىر. ءانسىز ءومىر− جارسىز ءومىر. ءانسىز ءومىر− قامسىز ءومىر. ءانسىز ءومىر−شامشىل ءومىر. ءانسىز ءومىر−سونگەن كومىر. ءانسىز ءومىر−وشكەن ءومىر. ءانسىز ءومىر−سىنعان كوڭىل... راسىندا دا، قازاقتىڭ ءومىرى انمەن(ولەڭمەن) باستالىپ انمەن اقىرلاساتىنى دا سولايدان-سولاي شىعار-اۋ! الدىمەن ءانىمىز تۇزەلسە، ونان كەيىن ءسانىمىز، بارىمىز،.. ءبارىمىز تۇزەلەدى. ءان دەگەنىمىز ىرعاق، ول جاي عانا ىرعاتىلىپ تۇرعان ىرعاق ەمەس. ول ءومىردىڭ ىرعاعى، كوڭىلدىڭ ىرعاعى، نازىك سەزىمنىڭ ىرعاعى. وندا، جۇرەكتەن شىققان سازدى اۋەن بار. ول ءومىردىڭ شام-شىراعى، تىنىستى تىرلىكتىڭ گۇلىستانى ىسپەتتى. ءومىردىڭ ءوزىن ءبىر ساحنا دەپ ويلاڭىزشى!. ءاربىر تىرشىلىك يەسى ءوز الىنشە ساحناعا شىعادى، ول ساحنالار دا سەنىڭ ومىردەگى قوعامدىق ورنىڭا قاراي كەلىسكەن بولادى، وندا ول كۇيىنىڭ كەلىسىنشە ءبىر ءومىر ويىن كورسەتەدى، اقىرى قايتەدى؟ ساحنادان تۇسەدى. ءومىردىڭ شات كۇلكى ەسكەن ، كوڭىل-كۇيى شالقىپ تۇرعان قۋانىشتى ساتتەرى، قاسىرەتكە باتقان، ايانىشتى تاعدىرعا ءدۇپ كەلگەن تۇستارى... ءبارى-ءبارى دە انمەن ادىپتەلىپ، ولەڭمەن ورنەكتەلىپ، قۇلپىرىپ گۇل اشقان شاقتارى، مۇڭايعان، قۇلازىعان، قام كوڭىل بولعان تۇستارى، قايعى جۇتىپ، قاسىرەت شەككەن كەزدەرى دە،... بۇراتىلعان بيلەرى، توكپەلەگەن كۇيلەرى، قوڭىراۋلاتقان سازدارى،... تامىلجىتقان اندەرى ارقىلى ءوزىنىڭ ماعناسى، ءتاتتى ءۇنى، مەلودياسى ارقىلى ىرعاققا، بەلگىلى ءبىر اۋەنگە ۇيىر بولا كەتەتى دە، ءومىردىڭ ءمانىن، كوڭىلدىڭ ءسانىن ءار قىرىنان دىبىستىق بوياۋىمەن ارلەندىرىپ، نارلەندىرىپ ءوتىپ جاتادى... بۇرىنعىلاردا «جۇرەكپەن جازىلعان جاۋاپ، ومىرلىك ازاماتتىق ساۋاپ»− دەگەن ناقىل بار ەكەن. مەن دە بۇگىن سونداي ءبىر ءساتتى شاقتى ازاماتتىق بورىشىما بالاپ، شىن جۇرەگىمنەن تەربەلىپ، تەبىرەنىپ، كوڭىل كوكجيەگىنە جەتەلەيتىندەي بولىپ وتىرعانىم، ءبىر تاماشا ءاندى ەستىدىم، «تەڭىز بولىپ تولقىپ، ايدىنىندا شالقىپ، شاعالاسى بولىپ قالقىپ»،−دەگەندەي كۇيدە وتىرعانىمدى قايتىپ جاسىرماقپىن؟!... بالكىم، ءسىز بۇل قايسى ءان؟ اتاعىن ات كوتەرە المايتىن قايسى كومپوزيتوردىڭ جۇرەك قىلىن شەرتىپ وتىرىپ شىققان ءان ەكەن، قايسى اقيىق اقىننىڭ ءماتىنى ەكەن، قانداي كەرەمەت ءانشى ورىندادى ەكەن،−دەپ قالارسىز؟!... ول ەشكىمدە ەمەس، ەشقانداي ءانشى نەمەسە كومپوزيتور دا ەمەس، ەندىگى دە مۋزيكانت اتالا ما، جوق پا، ونى حالىق بەلگىلەيدى. مىنە بۇل، وزىندىك زەرتتەۋى، ماماندىعى، اقىندىعى بار ءابدىحاميت ورنىقباي ۇلىنىڭ تۋىندىسى «ءبىر دوسىڭ كەرەك ەكەن...» ءانى؟!.. ءاننىڭ دۇنيەگە كەلۋىنە بەس-التى جىلدىڭ ءجۇزى بولدى دەگەن كۇندە دە، شيراتىلىپ، تۇساۋى كەسىلىپ تىڭدارمانىنا جولداما العانىنا ەكى-ءۇش-اق ايدىڭ ءجۇزى ەندى عانا بولعان جايىن دا ەسكەرتپەسەك، تاعى بولماس؟1...
«ءبىر دوسىڭ كەرەك ەكەن...» انىمەن ەڭ اۋەلى مەنىڭ قالاي تابىسقانىمدى ەستىگىڭىز كەلەر. مەن ءانشى نەمەسە اقىن ەمەسپىن. دەسە دە، «ءاۋ،.. دەمەيتىن قازاق جوق قوي!»، ءون بويىمدا ءان سۇيەتىن، ءاننىڭ ماتىنىنە، اۋەنىنە عاشىق بوپ كۇيەتىن قانىما سىڭگەن قاسيەتىمنىڭ بارى راس. سي-قۇرمەت، سىرلاستىق تابىلسا،.. سيلاستىق پەن ساعىنىش قاۋىشىپ جاتسا، ارناۋلى جاريالاۋسىز-اق ايتىپ قوياتىن ادەمى اۋەنىمىزدە جوق ەمەس ەدى؟!...
2012-جىل 27-شىلدە، جازدىق دەمالىس كۇندەرىنىڭ بىرىندە، ءوزىمنىڭ دوس-سىرلاس تواربىم «ەلارىستان» ماتەريال كورىپ، ءان ەستىپ، ايتىس تاماشالاپ وتىرعان بولاتىنمىن. سولايدان-سولاي«ەلارىس» توراپ بەكەتى تۇسىرگەن «تولى اۋدانىنىڭ مالشىلارعا زاڭ جالپىلاستىرۋ» اتىمەن قويىلعان كونسەرتكە نازارىم بۇرىلدى. تولى حالقىنىڭ ءان مەن كۇيگە قۇشتارى بولەك-اق قوي! جالپى جۇرت جايلاۋ ۇستىندە قويىلىپ جاتقان كونسەرتكە جيىلعان-اق ەكەن. وسى كونسەرت نومىرلەرىنىڭ اراسىندا ءبىر ايەل بالا(اتى كىم ەكەنىن ەسكەرمەپپىن) ورىنداعان«ءبىر دوسىڭ كەرەك ەكەن» ءانى مەنى بىردەن باۋراپ اكەتتى. ءان وتە ساعىنىشتى سەزىممەن ايتىلاتىن، قوڭىر ءۇندى، ادەمى ءان ەكەن. مۇقتار شاقانوۆتىڭ:
سۇيىكتىم-اۋ،
ءانسىز ءومىر ءماندى مە،
ءان تۇزەلسە،
تۇزەيمىز عوي ءساندى دە»−دەپ كەلەتىن ولەڭ جولدارى ەسىمە ورالدى. وسى كۇندە وزىمىزشە «ءانىمىز تۇزەلدى، ءسانىمىز تۇزەلدى»−دەپ ءجۇرمىز-اق، ءان دەگەننىڭ ءوزى ءومىر. بۇل ءان ومىردەن تۋادى دەگەندىك. الايدا، ءومىردى ءان دەگەندىك ەمەس. ويتكەنى، كەزكەلگەن اننەن ءومىر تۋعىزۋ رەالدىققا جات. مىناداي ءبىر تاماشا ءاننىڭ قايدان كەلگەنى، كىمنىڭ ءانى ەكەنى،−مەنىڭ ويىمنان شىقپاي قويدى. توراپ بەتىنە «ءبىر دوسىڭ كەرەك ەكەن...» كىمنىڭ ءانى؟−دەپ سۇراۋ سالدىم. جاۋاپ تا كوپ كەشىكپەدى. «ءسوزى، مۋزيكاسى: ءابدىحاميت ورنىقباي ۇلىنىكى» بولىپ جەتتى. بۇعان دا قاناعات قىلمادىم. ناق شىنىن بىلەيىن. ءابدىحاميت ورنىقباي ۇلى بولسا بوتەن ادام ەمەس،−دەدىم دە، تەلوفوندى جالعادىم.
− سالەم، ءابدىحاميت ورنىقباي ۇلى ما؟
− يا، مەن.
− «ءبىر دوسىڭ كەرەك ەكەن...» ءانىنىڭ ءسوزى، مۋزيكاسى سەنىكى ەكەن عوي؟
− و، اسسالاۋماعالايكۋم، قاقاڭ ەكەن عوي؟! يا، مەنىكى. 2003-جىلى جازىلعان ءان ەدى. ودان بەرى باتىلىمىز بارماي جۇرگەن. ەكى-ءۇش اي بولدى. ءبىر دوسىم الىپ كەتىپ ەدى. ورىندالىپتى. مىنە، ءسىزدى قوسقاندا، جەتىنشى ادام «وسى ءان» تۋرالى تىلدەستى. سول ءاندى قۇتتىقتاپ، توعىزتاراۋ اۋدانىنىڭ كولدەنەڭ جايلاۋىندا وتىرمىز. راقىمەت، قاقا، وزىڭىزگە؟!
− جارايدى، قۇتتى بولسىن! تاماشا اۋەن، كەرەمەت ءماتىن ەكەن. ءسۇيىنىپ وتىرمىن؟!... بۇل امان-سالەم سولاي عانا قىسقا بولدى. ماسەلە، وندا تۇرعان جوق. كوڭىلىم بۇكىلدەي سول انگە اۋىپ كەتتى...
سول كۇنى «ءبىر دوسىڭ كەرەك ەكەن...» ءانىن قانشا رەت قايتالاپ ەستىگەنىم ەسىمدە قالماپتى. ءتىپتى، ەستىپ وتىرىپ ءان ءسوزىن جاتقا دا الىپپىن. ءسويتىپ، بۇل ءان مەنىڭ جادىمدا ساقتالعان ادەمى اندەردىڭ ءبىرى بولىپ جۇرەك تۇكپىرىمە سۇڭگىپ كەتتى... بۇلاي دەگەنىم، اركىمنىڭ ءوزى ءسۇيىپ ايتاتىن، تىڭدايتىن اۋەنى، حالاۋلايى بولاتىنى بارعوي، سوعان قاراتىپ ايتىپ وتىرمىن. ەندى، ءان سوزىنە كەزەك بەرەيىن:
جابىعىپ قالعانىڭدا،
تاۋسىلىپ تالعامىڭدا.
ارىلىپ اۋىر مۇڭنان،
ءبىر ساتكە الدانۋعا.
قاسىڭدا ءبىر بولاتىن،
جاسىساڭ سىنعا الاتىن.
قايىرماسى: جاپاندا جالعىز قالساڭ،
اياماس مىنگەن اتىن
كوڭىلگە نۇر بەرەتىن،
ومىرگە ءبىر كەلەتىن.
نە كورسە ءبىر كورەتىن،
ءبىر دوسىڭ كەرەك ەكەن.
جالعىزدىق باتقانىندا،
اتپاي ءبىر اق تاڭىڭ دا.
كوڭىلىڭ تۇماندانىپ،
قۇلازىپ جاتقانىڭدا.

شاتتىعىڭ كەرنەگەندە،
ەلگە دەس بەرمەگەندە.
شارىقتاپ سويلەگەندە،
قولىڭدى سەرمەگەندە.− مىنە وسىلاي... وسى ءان ءسوزىن كورگەننەن كەيىن، ءان اۋەنىن ەستىپ كورىڭىز، قانداي كەرەمەت ءان ەكەنىن سەزىنە الادى ەكەنسىز؟.. ەگەر ءاننىڭ VTM(كورىنىستى تاسپاسى) جاسالدى دەپ ويلاڭىز؟!... ءبىرىنشى شۋماعى مەن ەكىنشى شۋماعى كوپ ۋاقيعالى ءبىر كورىنىستى، قايىرماسى ، ءۇشىنشى شۋماعىن دا ءدال سولاي كوز الدىڭىزعا ەلەستەتىڭىزشى!...
«دوستىق تىرشىلىكتىڭ دامدەندىرگىشى»−دەپ تەگىن ايتىلماعان-اۋ! «دوس»قانداي كەرەمەت ۇعىم. مەيلى اۋمالى-توكپەلى زاماندا نەمەسە بەيبىت زاماندا بولسىن، ەڭ كوپ سىنالاتىن سۇرالاتىن دا، شىرقالاتىن دا ۇعىم. ەلىمىزدە، قازاق ەلىندە، شەتەلدەردە «دوس تۋرالى جىر»،«دوس كەرەك»،«دوستار»،«دوستىقتىڭ تۋىن قۇلاتپا»... قاتارلى قانشالاعان اندەر جازىلدى دەشى!!1.. ءبارى دە تىڭدارماننىڭ سۇيىكتى اندەرىنە اينالىپ كەتە باردى؟!... ءبىراق، ادامدار «دوسقا» قاناعاتتاندى ما؟ «شىنايى دوس» تابا الدى ما؟ قانشاسى تاپتى؟ قانشاسى «دوستان» زيان تارتتى. سولاردىڭ قانشاسى شىن «دوس»، قانشاسى «كۇنشىل»، قانشاسى«ءمىنشىل»، قانشاسى«سىرشىل»، قانشاسى«سىنشىل دوس»، قانشاسى «شىنشىل دوس»؟!... الايدا، ادام بالاسى جونىنەن العاندا «دوستىڭ» شىن كەيىپ-كەسپىرىن اركىم ءوزى ءومىر سۇرگەن ورتاسىنداعى رەال جاعدايمەن ۇشتاستىرار بولسا، سوندا ايقىندالاتىنى انىق. ءبىراق، ناعىز شىنشىل بولعان دوس ناعىز دوس ەكەنىن قانشا ادام بىلە بەرەدى دەشى ؟!.. بۇرىنعىلاردىڭ «كيىمنىڭ جاڭاسى، دوستىڭ كونەسى جاقسى»−دەپ ايتقانى. سودان دا بولار «ەسكى دوستاردى»،«بالا كۇنگى»...«دوستاردى» ىزدەيسىڭ-اۋ كەلىپ؟!...«ءبىر دوسىڭ كەرەك ەكەن..» ءانى−مىنە وسىلاي ۇندەستىك تاۋىپ جاتادى... كەيدە وڭاشا قالعاندا، دوستان كۇڭىرەنىپ، كۇيزەلەتىن تۇستارىڭ دا، « اقىماقتىڭ دوسى كوپ»−دەگەندەي بولاتىن تۇستارىڭ دا بولادى... ومىردەگى شىن دوستى، كوپ دوستى ويلايسىڭ-اۋ كەلىپ؟!..
قۋانىشى، جۇبانىشى، شاتتىعى، ماستىعى، جاستىعى، قايعىسى، مۇڭى، مۇقتاجى، قاجەتى وسى «دوس» اتاۋىنان ماڭگى ايىرىلا المايدى. «دوس» جاي ايتىلا سالاتىن ۇعىم عانا ەمەس. ونىڭ قىرى مەن سىرى، ءمانى مەن ماعناسى، ماڭىزى مەن رولى، قاسيەتى مەن قاسىرەتى، ادامگەرشىلىگى، كىسىلىگى، كىشىلىگى، ماحابباتى، مارحاباتى، كوڭىلى-كۇيى، سۇيىنىشى، كۇيىنىشى، سۇيىسپەنشىلىگى، ءمىنى، سىنى قاتار ءومىر سۇرەدى. جىندىسى، ادامى، ادالى، ورنىقتىسى، تاباندىسى، ءتوزىمدىسى، قاجىرلىسى، قايراتتىسى، قارىمدىسى، قارىندىسى، سەزىمى، سەزگىرى، اڭقاۋى، اڭعالى، ارامى، ادامى، نادانى، سانالىسى، سالاۋاتتىسى، ساۋداگەرى، ساراڭى، جاقسىسى، جامانى، اڭقىلداعى، ساڭقىلداعى، جارقىلداعى، تىنىشى، تىنىسى، كوشەلىسى، وسەكشىسى، ءتۇزۋى، بۇزىعى، كۇڭكىلى،شۇڭكىلى، مۇڭى، مۇقتاجى، سىرلاسى، مۇڭداسى، جىندىباسى، شايپاۋى، ماستىعى، باستىعى، سۇيگەنى، سۇيىكتىسى، سۇيكىمدىسى، سۇيكىمسىزى، ىلپىڭى، جىلپىڭى، جىرتىڭى، بىرتىعى، تىرتىعى، ىنجىعى، ەزى، ەرىنشەگى، ەسىرىگى، سالپاڭى، ساڭىراۋى، سۇلۋى، سۇڭعىلاسى، سۇمىرايى، سۇمپايىسى، قاتالى، قاتاڭى، جۋاسى، مومىنى، توڭمويىنى، سەتەرى، سەلتەڭى، كەربەزى، كىرپيازى، كىنامشىلى، بوسپەسى، ەسپەسى، ەلپەگى، ەسىرىگى، قىرتى، مىجىعاۋى، باسەڭى، بادىگى، وسەكشىلى، توسەكشىلى، قىزقۇمارى، قىزقۋارى، تومپاعى، ءتورتپاعى، اپپاعى، قاپ-قاراسى، سارىسى، تورىسى، ساقالدىسى، كوسەسى، ماڭعازى، مايپاڭى، جۇقاسى، قالىڭى، ساپىلداعى، جاپىلداعى، سيپاعىشى، شىمشىعىشى... قاتارلى، قويشى ايتەۋ، كوپ ءتۇرلى ەرەكشەلىگى، پيسىيحيكالىق دارالىعى كوز الدىڭنان وتەدى... ءبىراق، وسىنشاما كوپ «دوس» بولا تۇرا ادامداردىڭ جالعىزدىق كۇي كەشەتىن تۇستارىن ەسكە الىڭىزشى؟! ءبىرجان سال:
ەل ارالاپ ، ساۋىق قۇرىپ كەلگەنىمدە،
كوڭىلىمدى تۇسىنەتىن ءاپىش قانا.−دەپ، ءوزىنىڭ تۇڭعىش سۇيگەن جارى (جۇبايى) اپىشكە ءدان ريزا بولىپ، «بۋرىلتاي» ءانىن ارناعان دا ەكەن. «كوشەدە كوپ كىسى، كوڭىلدە ءبىر كىسى»−دەمەكشى، ادامعا «دوس» كەرەك. «دوس» بولعاندا دا قانداي دوس؟ ناعىز دوس كەرەك. ناعىز دوس مىنە وسى «ءبىر دوسىڭ كەرەك ەكەن..» انىندە اۆتور مەيلى تەكىسىنىڭ مازمۇندىق تەرەڭدىگى نەمەسە ءان مەلودياسىنىڭ كوركەمدىك بوياۋى جاعىندا بولسىن، ءوزىنىڭ شابىتىنىڭ شارىقتاۋ شەگىنە جەتكىزە وتىرىپ تاماشا شارت ازىرلەگەنى كورسەتىلىپ تۇرعانى سول. ءان مازمۇنى جاعىنان ەر مەن ەردىڭ، ەر مەن ايەلدىڭ، ايەل مەن ايەلدىڭ، ەرلى-زايىپتى ەكەۋدىڭ... دوستىعىنا ارقاۋ ءانى بولا الاتىنى دا ءشۇباسىز؟!... جابىعىپ جايسىزداناتىن، تورىعىپ توزاتىن، ابىرجىپ ازاتىن، شىركوبەلەك اينالىپ شيىرشىق اتاتىن، ءتۇن بويى ۇيقىسى قاشىپ دوڭبەكشيتىن... ساتتەرىڭدى ويلاشى!... بارارعا پانا تاپپاي، نە باسقا ءبىر شارا تاپپاي، قىنجىلعان، قىسىلعان، قينالعان شاعىڭدى ويلاشى!.. ارىزىڭدى ايتار ادام ىزدەپ، تارىعىپ تاۋسىلعانىڭدى ويلاشى!.. ءان وسى تۇسىنا كەلگەندە، قايىرماسىنا كوتەرىلەدى:
«قاسىڭدا ءبىر بولاتىن،
جاسىساڭ سىنعا الاتىن...»−دەپ شارىقتاپ، باياۋ كوتەرىلە باستايدى... ويتكەنى، جالعىزسىراۋ، جابىعۋ، مۇڭايۋ ادامدى جالىقتىرادى، ۇيقىڭ اشىلىپ، كوزىڭ شىراداي جانىپ، كورەر تاڭدى كوزبەن كۇتەسىڭ. قۇلازيسىڭ،... ءسىزدىڭ ابىرجۋىڭىز، تاۋسىلۋىڭىز، شيىرشىق اتۋىڭىز، قىنجىلۋىڭىز، قىسىلۋىڭىز، قينالۋىڭىز، مۇڭايۋىڭىزدىڭ شاراسى تابىلاتىن «دوس» قاجەت بولدى. ول «قاسىڭدا ءبىر بولاتىن دوس، جاسىساڭ سىنعا الاتىن دوس، قىسىلىپ-قىمتىرىلعانىڭدا استىنداعى اتىن ءتۇسىپ بەرەتىن دوس. كوڭىلىڭە كورىك، ومىرىڭە جارىق بەرەتىن دوس. ول سەنىمەن بىرگە وسكەن، ەتىكپەنەن سۋ كەشەتىن دوس. شاتتىعىڭا شاتتىق بەرەتىن دوس، ەسىپ سويلەسەڭ، ەسىرىپ-ەلىرسەڭ دەس بەرەتىن، كەيدە اسىپ سويلەپ وتىرعانىڭدى ەسكەرەتىن دوس، مۇڭى ورتاق، كۇنى ورتاق،.. ءبارى ورتاق ناعىز دوس. سەنىمەن كۇن ءۇشىن ەمەس، كۇندەستىك ءۇشىن ەمەس، ار ءۇشىن، ادالدىق، ار نامىس ءۇشىن دوس. مىنە، وسىلايدان-وسىلاي، ءوزىڭ «كەرەمەت ءبىر دوستى»، «ءبارىن ايتقىزباي ءبىلىپ تۇراتىن ءبىر دوستى»... كوز الدىڭا اكەلەسىڭ. ءوزىڭ سونداي «دوستى» اڭساعاندا، ول «دوسىڭ دا» سونداي ءبىر «دوستى» اڭساپ وتىرعانىن ويلاشى!؟.. ءاننىڭ ەكىنشى شۋماعى دا جالعىزدىق باتقان، اتپاي ءبىر اق تاڭ، كوڭىلىڭ تۇماندانىپ، قۇلازىپ جاتقانىڭداعى دوستىق ساعىنىشتى كوز الدىڭا اكەلەدى. قانداي كەرەمەت ساعىنىش؟! ال، سوڭعى شۋماعى قاسىڭدا بىرگە بولعان دوسىڭنىڭ ءوزىڭ جونىندەگى دەمەۋى، سۇيەۋى، سەنىڭ كوڭىلىڭدەگى ءسوزىڭدى قولداۋشى، قورعاۋشى بولۋ،... شارىقتاپ سويلەۋىڭە شابىت بەرۋى،... قىلاياعى «اكەلى بالا جاۋ جۇرەك»−دەمەكشى، قاسىڭدا دوسىڭ باردا، مىقتى قولداۋشىڭ، قورعاۋشىڭ، ءسوزىڭدى جاقتاۋشىڭ بارداي جاۋجۇرەك كۇي كەشەتىنىڭدى ويلاشى؟!... ەسىپ سويلەگەنىڭدى ويلاشى؟!... ءاننىڭ ەڭ ءتاتتى جەرى، ەڭ ساعىنىشتى جەرى دە وسى جەرىندە... قىسقاسى، ءاننىڭ ءسوزى مەن ءماتىنى ەرەكشە قابىسىپ، ىمداسىپ-جىمداسىپ كەتكەن. ەگەر، اقىننىڭ ماتىنىنە مەلوديانى باسقا ءبىر مۋزيكانت جازعان بولسا، سىزگە نەمەسە بىزگە الدە قانداي اسەر بەرەرى بەيمالىم؟!.. ءدال وسىنداي ءساتتى شىعا قويماۋى دا مۇمكىن؟! بۇل مەنىڭ وزىمە تاۋەلدى جەكە پىكىر.
تىرشىلىك − دوسسىز تۇل. ال، دوستىق ءومىر سەنىڭ قيالىڭ بويىنشا دا بولمايدى. تىرشىلىكتىڭ ءمانى شىنايى دوستى قادىرلەۋدە. ونىڭ قادىرىنە جەتە الۋىڭ دا. ادام بالاسى ءۇشىن دوستىق ەرەكشە قاجەت. دوسسىز ءومىر سونگەن كومىر. حايۋان ەكەش حايۋاننىڭ دا سەرىگى بولادى. «قاسقىردا قاس قىلمايدى جولداسىنا»−مىنە بۇل، تابيعاتتان قورتقان ءبىزدىڭ قورىتىندىمىز. قامىس تەكتى وسىمدىك بامبۋكتىڭ دە ارقا سۇيەر بۋىنشاعى، تياناعى بولادى. ءومىردىڭ ءمانى وسىندا. ول قالاي بولسا، سولاي، ۇشىپ كەتە بەرەتىن توگىلگەن جاپىراق ەمەس. قاستەرلى دە، ايبىندى، الىپ تا، اسقاق نارسە. بۇل كىمدە كىمنىڭ وزىنە تاۋەلدى ءومىر تىنىسىن، دوسىن قاستەرلەۋ، مەڭگەرۋىن تالاپ ەتەدى. دوس شىنايى بولسا، شىندىقپەن ەگىز شىرايى بولسا،... قانداي كەرەمەت بولار ەدى؟!... «ءبىر دوسىڭ كەرەك ەكەن..» ءوز تالعامىم بويىنشا باعالاعان تاماشا اندەردىڭ ءبىرى. بالكىم، باسقالارعا دا سولاي اسەر جاساۋى مۇمكىن؟!..
«شىقساڭ دا قانشا بيىككە،
كىرسەڭ دە قانشا ۇجىماققا.
دوسى جوق ءومىر جوقپەن تەڭ،
دوستىقتىڭ تۋىن قۇلاتپا؟!...»− دەگەندەي، «ءبىر دوسىڭ كەرەك ەكەن..» ءانى دە يلاھيم دوستىقتىڭ ارقاۋ ءانى بولىپ شىرقالا بەرسە، تالاي «دوستىڭ» قۋانىش تويىنا كۋا بولسا دەگەن تىلەگىم دە جوق ەمەس. ءاننىڭ ورىنداۋشىسى ساحناداعى ءانشى عانا ەمەس ءاربىر «دوستىڭ» ساعىنىش انىنە اينالىپ، مۇقتار شاقاننىڭ «جۇبايلار جىرى» سەكىلدى دوستىق جۇرەكتەرگە كوپىر بولا بەرسىن دەگەن ىزگى تىلەگىم مەن بورىشىمدى حالقىما جاريا ەتسەم دەپ تولقىپ وتىرعان جايىم وسى ەدى؟!...

قوسىمشا جۇكتەلگەن سۋرەتتەرى:

كەلۋ قاينارى: http://www.elarna.net/oku.php?tur=11&id=1143

پىكىرلەر:


جازعان لەبىزىڭىز300 ارىپتەن اسپاسىن!
ادام نەمەسە ۋيروس ەكەندىگىڭىزدى تۇراقتاندىرۋ سۇراعى، كاتەكشەگە 99 دەپ جازىڭىز، راحىمەت!
98 + 1 = ? sozsiz sifermen tolteringiz.

ەڭ جاڭا ماقالالار


سەرىك شاپكەنوۆ ەڭبەك جا 3 مينوت
كوروناۆيرۋستان تاعى 4 ن 4 مينوت
«انامنىڭ ءتىلى – ايبىنى 6 مينوت
ايدا بالاەۆا قازاقستاند 7 مينوت
مەملەكەتتىك تەلەارنالار 7 مينوت
عىلىمعا جاڭاشىلدىق قاجە 13 مينوت
باس ءمۇفتي: يمامنىڭ ءار 13 مينوت
”ءبىز باقىتتى ءبىر ءۇيل 13 مينوت
كوش ءۇمىتتى اقتادى ما؟ 13 مينوت
پاۆلودار وبلىسىندا كورو 13 مينوت
قاراعاندىدا مەكتەپ تۇلە 13 مينوت
ايماعىمىز ەسىرتكىگە تيى 13 مينوت
يتاليانىڭ AlÙ‰talÙ‰a اۋ 13 مينوت
2020-جىلى 6-ايدىڭ 4-كۇن 13 مينوت
ىشكى موڭعۇلدا استىق ەگى 13 مينوت
پورتۋگاليا چەمپيوناتى ق 13 مينوت
ازاماتتىق پارىز — 17 مينوت
ايدا بالاەۆا مەملەكەتتى 22 مينوت
قر ەڭبەك جانە حالىقتى ا 23 مينوت
بۇگىن ‒ قازاقستاننىڭ مە 23 مينوت
سىبايلاس جەمقورلىققا قا 23 مينوت
پۋتين اركتيكا ماڭىندا ت 23 مينوت
اياعان ساندىباي «مىسل» 24 مينوت
سولتۇستىك قازاقستان وبل 25 مينوت
ايدا بالاەۆا: قاسيەتتى 28 مينوت
اقمولالىق بوكسشى قىزدار 28 مينوت
اۋقاتتانۋ جولىن كەڭەيتى 1 ساعات
ءۇرىمجى ەكونوميكالىق، ت 1 ساعات
قاز باعىمشىلىعىمەن شۇعى 1 ساعات
اقتوبەدە زاۋىتتا بولعان 1 ساعات