ەل-ارنا قولفون نۇسقاسىنا ەنۋ Еларна қолфон нұсқасына ену


ەل-ارنا قولفون نۇسقاسى | "قولفون نۇسقاسىن ءتۇسىرۋ (Android)

Кірілше
جۇكتەۋ-البومىم-البومدار-جەلى
وسى توردى ساقتايمىن! | وسى توردى باس بەت ەتەمىن!

ءبىزدىڭ بايلانىس: elarna2012@gmail.com



تىركەلىڭىزدەر كىتاپحانا قوجالار تورابى البومدار قازاقتىڭ 1001 ەرتەگىسى

ءتۇرى: ەل-ارنا گازەتى | وسى ارادان ەلارنا گازەتىنىڭ بارلىق ماقالالارىن كورۋگە بولادى..

مەندە ال-ارناعا جازبا-ماقالا جازامىن، وندا وسى ارانى باسىڭىز!

جولدانعان ۋاقىتى: 08:15 - 2015/09/22

ماقالا جولداۋشى: Jolawshy
ماقالا اپتورى: Жұмаш Көкбөрі
اپتوردىڭ مەكەن-جايى: Қазақстан Алматы қаласы
وسى ماقالانىڭ كىرىلشە نۇسقاسى، وسى ارانى باسىڭىز

Осы мақаланың кірілше нұсқасы, осы араны басыңыз


جۇماش كوكبورى



ەر بابالار ءىزىمىن!..



اۋلەتىمنىڭ بار قۇتى،

سارقىلماعان بال قۇتى،

اتامەكەن – اقشاتاۋ،

اقجايلاۋ مەن قالعۇتى.



توعاي، شىلىك – ورىلەر،

جورتقان تۇلكى، بورىلەر،

ساندىقتاستان قاراساڭ،

ەركە اياگوز كورىنەر.



تارقاماعان بازارى،

شىلدە ايىندا - جاز ءالى.

ساندىقتاستان كورىنەر

«قوزى-بايان» مازارى.



سۇلۋلىقتار ارباسقان،

زامات سايىن الماسقان.

تەرىسىندە – قوڭىرتاۋ،

شىڭعىستاۋعا جالعاسقان.



اق سەلەۋلى دالاسى،

كوز تويمايدى، قاراشى؟..

ورمان، توعاي سىڭسىعان

يگىلىكتىڭ جاعاسى.



اقشاتاۋدا جاتپاس قار،

قار ورنىنا اق تاس بار.

تازقىزىل مەن قۇستۇمسىق،

كوشبيكە مەن اقتاس بار.



قوڭىرتاۋدان وڭعا بار،

جولىڭ سوندا وڭ بولار،

قاراعاندىبۇلاق پەن

ەگىندىبۇلاق - ول دا بار.



سوز باستاساق ۇزاقتان،

تاۋسىلماس جىر ۇزاق تاڭ.

اعاناس پەن توعاناس

كۇڭكە قىزدى ۇزاتقان.



جۇيرىك كوڭىل بۇلاڭدا،

ات بايلاۋلى تۇر، اندا.

ىرگەدەگى توبىقتى

قۇدا بولعان سىبانعا.

شەك جوق جاستىق بۋىندا،

شەك جوق ءومىر دۋىندا،

جاس قۇنانباي سول جىلى

كەلگەن قىزعا ۇرىنعا...



كونە كوزدەر بىلەدى،

دۇركىرەگەن كۇن ەدى.

سول جەر، مىنا قالعۇتى

بويىنداعى نۋ ەدى...



دۇشپاندارى قورقاتىن،

جاۋ كوڭىلى ورتا تىم...

وسى وڭىردە ءبىر كەزدە

مەدەت بابام جورتاتىن.



شىڭدارىندا بار قىران،

تاس تا كۇنگە بالقىعان.

وسى وڭىردە ءبىر كەزدە

كەنەباي باي شالقىعان.



جاڭگوبەكتەي ەل وسى،

كەنەبايداي ەر وسى.

ايسامانداي ۇلى اجەم

كوكجال سوققان جەر وسى...

وشپەس مۇرا قالدىرعان،

شەبەرلەردى الدىرعان.

سادىقتايىن ەر اتام

مۇندا مەكتەپ سالدىرعان.



زامان سوسىن قاتايدى،

«بەساتار» بوپ قاقايدى.

سول مەكتەپتى ءالى جۇرت:

«اق شكول» دەپ اتايدى.



...قان وزەن بوپ اققان-دى،

ۇلت نامىسى تاپتالدى.

قىزىل كەلىپ، اق كەلىپ،

اقشاتاۋدى شاپقاندى.



تاپ جاۋى بوپ ايقاسقان،

ەردىڭ كۇشىن بايقاسقان.

سادىق اتام 14 جىل

قىزىلدارمەن شايقاسقان.



بىر بۇلىكتەن - مىڭ بۇلىك،

قىزىل – بيلىك تۇر قۇرىپ.

اقجايلاۋ مەن ساندىقتاس،

قالعۇتى مەن يگىلىك.

ارۋاق قولداپ، جەبەگەن،

«مەن شارشادىم» دەمەگەن.

سادىق ەرگە پانا ەدى -

وكپەتى مەن دەگەلەڭ...



تۇنەرەدى سۇر اسپان،

جوقتاۋ جانە جىلاسقان...

14 جىلعى كۇرەستىڭ

سوڭى – كوشكە ۇلاسقان.



ارتتا باقشا، باۋ قالدى،

قولىن بۇلعاپ تاۋ قالدى.

ازاپ كورىپ، اۋلەتىم،

ارعى بەتكە اۋعان-دى...



جولدا توزىپ، ارىپتى،

جات ەلگە اۋلەت بارىپتى،

قارابۋرا بويىنا

كىندىك قانىم تامىپتى.



دەمە مۇندا جوق دۇشپان،

اتا-انامدى «جوق» قىسقان.

ەكى جاسقا تولاردا

سادىق اتام وققا ۇشقان.

كوز اشپادىق دۇشپاننان،

اتامەكەن – تىس قالعان.

وسى جىلى ناعاشىم –

احمەت ەر ۇستالعان.



تاعدىر سالدى، كونەدى،

تارتار ازاپ كوپ ەدى.

احمەت ەر ايدالىپ،

«قارلاگتا» اقىر ولەدى.



بىزدى بىرەۋ ءسوز قىلعان،

بىزدى بىرەۋ كوز قىلعان.

بيشان اجەم ول داعى

كوپ ۇزاماي كوز جۇمعان.



تولىپ، تاسىپ، اسپاعان،

ارتىق قادام باسپاعان...

قۇلىستايدا العاشقى

بىلىم جولىن باستاعام...



ازدىق، توزدىق، تونالدىق،

سويتىپ، كونبىس بوپ الدىق.

وكەن كەزدە 30 جىل،

اياگوزگە ورالدىق.

زامان الاڭ-ەلەڭدە،

بىز جارماسىپ كەمەرگە،

اقشاتاۋعا ورالدىق،

تۋرا 30 جىل دەگەندە.



بۇل كۇن بىزگە نۇر ەدى،

دۇرس-دۇرس سوققان جۇرەگى.

قالعۇتىنىڭ بويىندا

«قاراتوعاي» نۋ ەدى.



دەپ ء«تاڭىرىم، قولداشى؟»

قىدىر بولىپ جولداسى،

«قاراتوعاي» قاشاننان

جەمىس-جيدەك ورداسى.



بەتىن بۇرعان ءومىر بەك،

كوڭىلدەنسەڭ – كوڭىل كوك.

قاراقات پەن بۇلدىرگەن،

دولانا مەن مويىل كوپ.



دۋلات جىرىن جاتتادىم،

اباي جىرىن جاتتادىم،

وسى وڭىردە ەر جەتتىم،

تارتىپ ءمىندىم ات جالىن...

قالعۇتىنىڭ كوكتەمى-اي،

اقجايلاۋدىڭ كوكتەمى-اي!

سودان بەرى زىمىراپ،

جىلدار جىلجىپ وتكەن-اي...



داۋسى جەتكەن قۇلاققا،

ەلەڭدەيمىن پىراققا.

كىندىك قانىم تاپقان جەر

قارابۋرا – جىراقتا...



بولمايدى ويدىڭ تولاسى،

بيشان اجەم مولاسى،

قارابۋرا بويىندا

سادىق اتام مولاسى.



جۇرت دۇرلىگىپ، ايتاقتان،

تاعدىر كۇشىن بايقاتقان،

كەنەباي مەن ايسامان

قالعۇتىدا جاي تاپقان.



تۇياق ەدىك ەرلەردەن،

جەتكەن ۋاقىت كەرۋەنمەن.

ايتجۇمان مەن قاينىش تا

اقشاتاۋعا جەرلەنگەن.

اۋىر ءسوز جوق «ولگەننەن»،

باسقا جول جوق كونگەننەن.

جۇماعازى اعام دا

وسى جەرگە جەرلەنگەن...



شولىركەتكەن جانداردى،

بارى ومىردە ارمان-دى،

تولەۋعايشا اپكەمىز

الاكولدە قالعان-دى...



ۇلت نامىسىن بەرمەگەن،

بىر ءسات جاسىپ كورمەگەن،

بىر تۇياعى سولاردىڭ

سوڭدارىندا مەن كەلەم...



جۇماش كوكبورى

كەلۋ قاينارى: http://www.elarna.net/oku.php?tur=11&id=1059

پىكىرلەر:


جازعان لەبىزىڭىز300 ارىپتەن اسپاسىن!
ادام نەمەسە ۋيروس ەكەندىگىڭىزدى تۇراقتاندىرۋ سۇراعى، كاتەكشەگە 99 دەپ جازىڭىز، راحىمەت!
98 + 1 = ? sozsiz sifermen tolteringiz.

ەڭ جاڭا ماقالالار


قازاقستاندا ونەركاسىپ و 22 سەكوند
جارىس ءساتسىز باستالدى 22 سەكوند
قارۋلى ساقشى بولىمدەرىن 3 مينوت
كاكا «قايراتپەن» بىرگە 3 مينوت
تۇركىستاندا تاريحي تەلە 6 مينوت
اقپارات جانە قوعامدىق د 9 مينوت
مەملەكەتتىك حالىق قۇرىل 13 مينوت
ولقىلىقتاردىڭ ورنىن تول 15 مينوت
تۇركىستاندا تاريحي تەلە 18 مينوت
2 ماۋسىم. تۋعان كۇن يەل 18 مينوت
مامىق-ماۋسىم 21 مينوت
«كەزبيدەگى» كيكىلجىڭ: ت 24 مينوت
زاڭدى قايتا قاراۋ كەرەك 27 مينوت
قازاقستاندا 1 تاۋلىكتە 1 ساعات
قالا ماڭىنا قوعامدىق كو 1 ساعات
ەكى جۇزدەن اسا ەلوردا ت 1 ساعات
ادىلەتتىلىك جولىمەن 1 ساعات
كوپ ەل قايراتكەرلەرى شي 1 ساعات
تاۋەلسىزدىك – ەڭ قىمبات 1 ساعات
قازاقستان بيىل رەسەي، ۋ 1 ساعات
ەندى سول زۇلماتتار قايت 1 ساعات
قازاقستان بيىل رەسەي، ۋ 1 ساعات
ماڭىزدى شەشىم 1 ساعات
بالالار دەنساۋلىعى – ۇ 1 ساعات
كەلەشەگىن كورە بىلەتىن 1 ساعات
اقپارات جانە قوعامدىق د 1 ساعات
نۇر-سۇلتاندا الەۋمەتتىك 1 ساعات
ۇڭگىر ء(ۇشتاعان) 1 ساعات
ا ق ش ساياسي شەندىلەرىن 1 ساعات
كوشەڭە قاراپ كوڭىلىڭ وس 1 ساعات