ەل-ارنا قولفون نۇسقاسىنا ەنۋ Еларна қолфон нұсқасына ену


ەل-ارنا قولفون نۇسقاسى | "قولفون نۇسقاسىن ءتۇسىرۋ (Android)

Кірілше
جۇكتەۋ-البومىم-البومدار-جەلى
وسى توردى ساقتايمىن! | وسى توردى باس بەت ەتەمىن!

ءبىزدىڭ بايلانىس: elarna2012@gmail.com

Үш күнгы келушылер санағыКелген адам саны (IP)Көрілген бет саны (PWs)КомпйутерҚолфон
2019-09-171646515737 %63 %
2019-09-181453485241 %59 %
2019-09-19657197443 %57 %


تىركەلىڭىزدەر كىتاپحانا قوجالار تورابى البومدار قازاقتىڭ 1001 ەرتەگىسى

ءتۇرى: ەل-ارنا گازەتى | وسى ارادان ەلارنا گازەتىنىڭ بارلىق ماقالالارىن كورۋگە بولادى..

مەندە ال-ارناعا جازبا-ماقالا جازامىن، وندا وسى ارانى باسىڭىز!

جولدانعان ۋاقىتى: 17:48 - 2015/09/03

ماقالا جولداۋشى: Jolawshy
ماقالا اپتورى: Бақытөмір Шалғынбай,
اپتوردىڭ مەكەن-جايى:
وسى ماقالانىڭ كىرىلشە نۇسقاسى، وسى ارانى باسىڭىز

Осы мақаланың кірілше нұсқасы, осы араны басыңыз



: PDF Download - Жұктеұ - Скачать - ءتۇسىرۋ

تۋ استىندا تۋلاپ ولگەن قازىمبەت


قازاق تاريحىندا «تۋ استىندا تۋلاپ ولگەن قازىمبەت» دەگەن اتپەن اڭىزعا اينالعان، وشپەس ەرلىگىمەن اتى قالعان قازاق حالقىنىڭ اسا ءىرى باتىرلارىنىڭ ءبىرى - قازىمبەت قۇتتىمبەتۇلى. ءومىر ءسۇرۋ كەزەڭى بالا شاعىنان باستاپ جوڭعار-قازاق اراسىنداعى ونداعان جىلدارعا ءدوپ كەلگەن. ونىڭ تۋعان جىلى ناقتى بەلگىسىز بولسا دا، شامامەن 1685-1690-شى جىلدارى دۇنيەگە كەلگەن دەپ توپشىلاۋعا بولادى. ويتكەنى، ونىڭ جوڭعار-قازاقتىڭ، قىرعىز-قازاق پەن قىتاي-قازاق اراسىنداعى ۇرىستارعا قاتىسقان كەزىندە 67-69 جاستا بولعان دەگەن دەرەكتەر بار. ول وسى جاسىندا دا قازاق اسكەرىنىڭ تۋ ۇستاۋشىسى بولعان. ال تۋدى ۇستاۋ كەز كەلگەن باتىرعا سەنىپ تاپسىرىلماعان. اياگوز – ءاقشاۋلى بويىنداعى جوڭعارلاردى ىعىستىرىپ، ارتىنشا قىتاي يمپەرياسى جوڭعار قونتايشىسى سۇرانىسىن سىلتاۋلاتىپ جوڭعار ەلىن قىرعىنعا ۇشىراتقان كەزدەرى ء«امىرسانانى ابىلاي حان پانالاتتى» دەگەن جەلەۋمەن قانسىراعان قازاقتى جاۋلاماق بولىپ، تۇمسىقتارى تاسقا ءتيىپ كەلىسىمگە كەلگەن كەزى دە قازىمبەت باتىردىڭ سوڭعى ەرلىگىنە ءدال كەلەدى. دەمەك، قازىمبەت باتىر ء1756-1757-شى جىلدارى ءاقشاۋلى – اياگوز ۇرىسىندا تۋدى جىقپاي قازا بولعان. تاريحتاعى تەڭدەسى جوق ەرلىك ۇلگىسىن كورسەتكەن باتىردى ءوز زامانىنىڭ باتىرلارىنىڭ باتىرى دەپ باعالاۋعا ابدەن لايىق. قازىمبەت باتىردىڭ ەرلىگى عانا ەمەس، اقىلدىلىعى، مارتتىگى، ءتىپتى جاۋىنا دەگەن ادالدىعى دا عاسىرلار بويى حالىققا ۇلگى ونەگە بولىپ اۋىزدان-اۋىزعا ايتىلىپ كەلەدى. باتىردىڭ ءومىر جولى مەن ەرلىك ىستەرى بۇرىنعى كەزدەردەن گورى بۇگىنگى تاۋەلسىز ەلدىڭ جاستارىنا رۋح بەرىپ، پاتريوتتىق تاربيەنى ءسىڭدىرۋ ءۇشىن دە اسا قاجەت.
باتىردىڭ ۇرپاقتارى مەن تاريحشىلار، ادەبيەتشىلەر قازىمبەت باتىر تۋرالى دەرەكتەردى جيناقتاپ، ارنايى جۋرنال، شاعىن تيراجدى كىتاپ شىعارۋدى قولعا الدى. اس بەرىپ، اياگوزدەگى اسكەري گارنيزون الدىنا ەسكەرتكىشىن ورناتپاق. بۇل - وتە قۋانارلىق باستاما. كەڭەس زامانىندا ۇلتتىق رۋحىمىزدى وشىرمەك بولعان وتارشىلدار وزدەرىنىڭ الەكساندر نەۆسكي، ديميتري دونسكي، سۋۆوروۆ، كۋتۋزوۆ، ناحيموۆ سەكىلدى قولباسشىلارى مەن باتىرلارىن ءبىزدىڭ ۇلت باتىرى رەتىندە دارىپتەپ، سانامىزعا سىڭدىرمەك بولدى. كوبىنە ول ساياسات جۇزەگە استى دا. تاۋەلسىزدىك تاڭى اتقاننان كەيىن ۇلت تاريحى قايتا جاڭعىرا باستادى. مىناۋ الىپ دالانى ەتىگىمەن قان كەشىپ، نايزانىڭ ۇشى، بىلەكتىڭ كۇشىمەن مۇرا ەتىپ قالدىرعان بابالار ەرلىگىنە كوز سالا باستادىق. اقتايلاقتاي دانا ءبيدى – «دالا پرومەتەيىنە» تەڭەدىك (ق. ءجۇمادىلوۆ، «پرومەتەي الاۋى») ال پولياك جازۋشىسى ا. يانۋشكەەۆيچ باراق سۇلتان مەن قۇنانبايدىڭ كۇش-قۋاتىن كورىپ تاڭدانىپ، "دالا گەراكلدەرى» دەپ باعالاعان. ال ونىڭ الدىنداعى عاسىرداعى اتالارىمىز شە؟ قازاقتىڭ ءبىرتۋار اقىنى قادىر مىرزا ءالى:
بىر تەپكەندە تەگىستەپ شوقالاقتى،
نار كەسكەنمەن باتىرلار ساقال اپتى.
ەڭ الدىمەن ەرلىكتى جىرلاپ اقىن،
سودان كەيىن جىرلاپتى ماحابباتتى - دەپ ءدوپ ايتقان. ەندەشە، بۇگىنگى بەيبىت كۇن، باقىتتى ءومىرىمىز ءۇشىن قازىمبەتتەي اتالارعا قارىزدارمىز.

17 جاسىندا جاۋعا شاپقان

باتىر بابامىزدىڭ تەك تۋ استىندا تۋلاپ ولگەن سوڭعى ەرلىگى عانا ۇلگى ەمەس، ونىڭ بالا كەزىنەن جاساعان باتىرلىقتارى دا ونەگە. سول ءبىر «اق تابان شۇبىرىندى، القا كول سۇلاما» اتانعان زارلى زامانداردا ۇنەمى جاۋ شابۋىلىنا ۇشىراپ، قىرعىن تاۋىپ، قان جۇتقان شاقتاردا اتالارىمىز بەسىكتەن بەلى شىقپاي جاتىپ ات قۇلاعىندا ويناپ، بەس جاسىندا جاي تارتىپ ۇيرەنگەن. ىستىق-سۋىققا بىردەي توزەتىن ءتوزىمدى، بارشىلىق پەن جوقشىلىققا مويىمايتىن قايراتتى بولىپ وسكەن. ناعىز دالا بورىلەرى سياقتى ەدى. تۋعان جەردەن قۋىلىپ، قارىنداستان ايىرىلىپ، توز-توزى شىقسا دا، كوسەمدەرى مەن باتىرلارى ەلگە قورعان بولىپ قانا قويماي، دالانىڭ ەرلىككە تولى زاڭىنا ۇيرەتكەن ۇرپاعىن. امالداپ ۇرپاعىن ساقتاپ قالىپ وتىرعان. حاندار مەن بيلەۋشىلەردىڭ باقتالاس، باسەكەلەرىنەن تەك قارا حالىق زارداپ شەككەن. ونداعان مىڭ جاس بالا وپات بولىپ، ونداعان مىڭ ارۋ جار قۇشاعىنان ايىرىلعان قاسىرەتتى كەزەڭدى كوز الدىڭا ەلەستەتۋدىڭ ءوزى قيىن.
قازاقتىڭ قاي باتىرى بولسا دا بالا كەزىن ەرلىك جاساۋ مەن باستاعان. امان قالعاندارى اڭىزعا اينالعان. جاس كەزىندە جاۋدى بوگەپ، قىرشىنىنان قيىلعان بوزداقتاردى سوڭعى ءبىر جورىقتا قابانباي، بورانباي باتىرلار ەسكە، الىپ اعىل-تەگىل جىلاعان دەگەن ءسوز بار.
تالاي بوزداق ەلى ءۇشىن مەرت بولدى. ول كەزدە قىسىلتاياڭدا جاس تا بولسا جاۋعا شابۋعا رۇقسات سۇراۋ اتا سالتى بولعان. اتاقتى ءابىلمانسۇر-ابىلاي دا ون بەس جاسىندا جاۋعا شاۋىپتى.
قازىمبەت اتامىزدىڭ اۋىزدان-اۋىزعا جەتكەن العاشقى ءىرى جەڭىسى تۋرالى اڭىزدى ايتا كەتەيىن.
جوڭعارلاردىڭ وڭتۇستىكتەن سەلدەي تاسىپ، قازاق جەرىنە انتالاپ ەنگەن كەزى بولۋى كەرەك. ورتا جۇزگە دارىنسىز حانداردىڭ ءبىرى سامەكە يەلىك ەتىپتى.
تاۋكە حاننان سوڭ بولات حان دارىنسىز بولىپ، توبە حان بيلىگىنەن ايىرىلعانى، ونىڭ ورنىنا وزگە حانداردىڭ تالاسىپ، قازاقتى بولشەكتەگەنى، اقىرى جوڭعار شاپقىنشىلىعىنا ۇشىراعانى، تەك جوڭعار ەمەس، وزگەلەر دە قازاق دالاسىن تالاۋعا كىرىسكەنى تاريحتان بەلگىلى. سول كەزدەردە ورتا جۇزگە قاراستى ەڭ ىرگەلى ەل نايمان دا، كورشىلەس كەرەي دە اتا جۇرتتارىنان شەگىنىپ، ارقاعا، سىردىڭ بويىنا اۋعان كەزى ەكەن. جەتىسۋدىڭ شۇرايلى جەرىنىڭ كوبىن، التاي-تارباعاتايدى جوڭعارلار باسىپ الىپتى. كەيىنگى يتشىعىس ۇرىستاردا نايمان تايپاسى باس بولىپ، تالاي-تالاي ۇرىس سالىپتى. جوڭعار قولىن السىرەتىپ، بىردە جەڭىپ، بىردە جەڭىلىپ، ەس جيناي باستاعان ەكەن. وسىنداي ءبىر ۇرىستا قازىمبەتتىڭ اكەسى قۇتتىمبەت باتىر جارالانىپ، قول باستاۋعا جاراماي قالادى. ءدال سول كەزدە نايماندارعا جوڭعارلار (كوبىنە قالماقتار دەلىنەدى) تۇتقيىلدان شابۋىل جاسايدى. سامەكە حان شابارمان، حابارشىلارىن جىبەرىپ قارسى اسكەر جينايدى. سول كەزدە بۇرىن قانشا سوعىسقا قاتىسقانىن كىم ءبىلسىن، 17 جاسار قازىمبەت تۋ ۇستاپ، ءوز اتالاستارىن اكەسى قۇتتىمبەتتىڭ ورنىنا جاۋعا قارسى سوعىسقا ازىرلەگەن ەكەن. العاشىندا قۇتتىمبەت باتىر قازىمبەتتى بالاسىنىپ رۇقسات بەرمەيدى. سوندا قازىمبەت: «اكە، ەل شەتىنە جاۋ كەلسە، جاسپىن دەپ جاتا كورمە، نە كۇشىم كوپ باسپىن دەپ اسا كورمە، شايقاس، جەڭەمىن دەپ الىس، باتىل بول، جەتى اتاڭ جەڭىلىپ كورمەگەن جاۋدان، ءبارى دە ءوز اجالىنان ولگەن. قورىققاندى وقتىڭ ءوزى ىزدەپ تابادى» دەپ ايتاتىن اقىلىڭىز قايدا؟ مەن بالا ەمەسپىن. باتاڭىزدى بەرىڭىز تەزدەتىپ، سامەكە حاننىڭ قولىنا ۋاقىت وزدىرماي قوسىلۋىمىز كەرەك، - دەگەن ەكەن. سوندا قارت باتىر ورنىنان تۇرىپ:
تاپسىردىم ءبىر ءوزىڭدى حاق تاعاللا،
اتتاندى قان مايدانعا ءبىر جاس بالا.
سول بالاما وڭ ساپار بەرسىن اللا،
قولداسىن ارۋاعى اتا-بابا.

ەل قورعاۋ ۇرپاعىما بولعان مۇرا،
اتالار كوپ ايقاسقان جاۋمەن دارا.
سولاردىڭ جولىن بەرسىن حاق
تاعالا،
قورعاسا اتا ارۋاعى جاۋ الا ما.

يا، اللا، بالاما ابىروي مەن قايرات
بەر،
جەڭىمپاز اتاندىر دا ايبات بەر.
رۇقسات، اق باتامدى بەردىم، بالام،
دۇشپاندى مالشا قۋىپ، ايداپ كەل، - دەگەن ەكەن.
بەس مىڭداي قولعا قارسى ەكى مىڭداي جاۋىنگەر دايىنداپ ۇلگەرگەن سامەكە حانعا جاس قازىمبەت كەلىپ قوسىلادى. ەرتەڭىندە جاۋ جاعى جەكپە-جەك سۇرايدى.
سوندا 17 جاسار قازىمبەت حان الدىنا بارىپ، جەكەگە شىعۋ ءۇشىن باتا سۇراعان ەكەن.
حان:
- ءاي، بالام، سەن تىم جاس ەكەنسىڭ. اناۋ قالماقتىڭ باس باتىرى جولان تالايدى كورگەن جىرىندى، الاپات كۇش يەسى. جاسى دا اناعۇرلىم ۇلكەن. وزىڭە-وزىڭ سەنبەسەڭ، شىقپاي-اق قوي. جەڭىلىپ، وپات بولارسىڭ، - دەپتى.
- جوق، حان يەم! مەن وزىمە-وزىم سەنەمىن. جىبەرىڭىز، باتا بەرىڭىز، - دەپتى جۇلقىنىپ.
- تۇلا بويىڭ تۇنعان كۇش، جۇرەكتى جاسسىڭ ءمارت مىنەز. جەڭىپ جاۋىڭنىڭ باسىن قىرىق. وپاسىز دۇشپان تابانىڭدا بولسىن، بار، بالام، - دەپتى سامەكە حان.
جەكەگە شىققان قالماقتىڭ باس باتىرى جولان جاس ارىستانداي كۇجىرەيگەن جالىندى جاس باتىر قازىمبەتتىڭ كوزىنە كوزى ءتۇسىپ، اجالى كەلگەنىن سەزگەندەي ءبىرىنشى بولىپ، كەزەك سۇرايدى. قارسىلاسىنىڭ مىسى باسىپ، قۇتى قاشىپ جوڭعار جەبەسى اداسىپ دالاعا كەتكەن ەكەن.

52 جىل بويى ات ۇستىنەن تۇسپەپتى

كەزەگىن العان قازىمبەت باتىر قوزى جاۋىرىن جەبەسىن شىرەي تارتقاندا، وق قاق جۇرەكتىڭ تۇسىنان ءوتىپ، جولان جەرگە وكىرىپ قۇلايدى. جاس باتىر قولما-قول قالماق باتىرىنا جەتىپ بارىپ، باسىن كەسىپ الىپتى. مۇنى كورىپ تۇرعان قالماق حانى زەرەن قازىمبەتتى قورشاپ، قولعا تۇسىرۋگە بۇيىرىپتى. ارىستانشا الىسقان جاس باتىردى وزگەلەر كەلىپ قۇتقارعان ەكەن. جولاننىڭ باسىن سامەكە حان الدىنا تاستاعان باتىرعا بارلىق ساردارلار مەن ساربازدار ريزا بولىپتى. سانى از بولسا دا، جاس باتىر ەرلىگى مەن جىگەرلەنگەن قازاق قولى جوڭعارلاردى جەڭگەن ەكەن. وسى جەڭىستەن كەيىن 17 جاسار قازىمبەت سامەكە حاننىڭ جاساعىنا باس قولباسشى بولادى (شەجىرەشى قاريا دۇيسەن نۇرپەيىسوۆتىڭ قول جازباسىنداعى دەرەكتەر بويىنشا). وسىدان كەيىندە جوڭعار-قازاق اراسىنداعى قانتوگىس ونداعان جىلدارعا سوزىلدى. ءىرىلى-ۇساق سانسىز ۇرىستار بولدى.
سونىڭ كوبى تاريحشىلاردىڭ ايتۋىنا قاراعاندا اياگوز-الاكول ماڭىندا بولعان. 1723-1727 جىلدارداعى ءىرى سوعىس اياگوز وزەنىنەن ون شاقىرىم قاراۋىل ماڭىندا وتكەن. وندا قازاق حاندارىنىڭ الاۋىزدىعىنان قازاق اسكەرى جەڭىلىس تابادى. ونىڭ الدىندا بالقاش پەن الاكول ارالىعىندا اياگوز وزەنىنىڭ بالقاشقا قۇيار ساعاسىندا قاندى قىرعىن بولعان. الاكولدەن سولتۇستىككە قاراي قاراقول تۇسىندا، ودان كەيىن ءۇش ءاقشاۋلى توڭىرەگىندە (تارباعاتاي تاۋىنىڭ ەتەگى)، ەڭىرەكەيدە، اششىسۋدا، تارباعاتايدىڭ وكپەتىسىندە، قابانباي اسۋىندا بولعان جەردى قايتا ازات ەتۋ جولىنداعى ونداعان جىلدارعا سوزىلعان ۇرىستارعا قولباسى، ون مىڭ باسى تۋ ۇستاۋشى بولىپ قاتىسقان قازىمبەت باتىر 52 جىل بويى ات ۇستىندە ءجۇرىپ، ەل قورعاپتى. قازاق جەرىن جاۋدان ازات ەتۋ جولىندا سوڭعى ۇرىستا 69 جاسىندا قازاق جاساعىنىڭ تۋىن جىقپاي، تۋ تۇبىندە مەرت بولعان. قازىمبەت پەن اتى اڭىزعا اينالعان اياگوز وڭىرىنەن شىققان باتىرلار ەرلىگىن تولىق زەرتتەگەن ەشكىم جوق. دەگەنمەن، قابانبايدان باستاپ، اقتامبەردى، ەر ەسپەمبەت (جەكە باتىر)، ورىس باتىر، شىڭقوجا، شانىشقىلى بەردىقوجا، قاساباي، بودەس، باراق، كەدەي باتىرلار مەن سوناۋ نارىنباي، قۇتتىباي، اقتايلاق، اققوجا، توبەت سياقتى باتىر-بيلەردى تىزبەلەي بەرسەك توم-توم كىتاپ بولار ەدى.

قازىمبەت باتىردىڭ قالماق سۇلۋى

تاڭشەبەرمەن نەكەلەسۋى جانە ونى بالاسى قابەكتىڭ ىزدەپ كەلۋى.
مۇنىڭ ءوزى ۇزاق سونار داستانعا بەرگىسىز اڭىز اڭگىمە. شەجىرەشى قاريالار عاسىرلار بويى اۋىزدان-اۋىزعا ايتىپ، سان قۇبىلتىپ جىبەرگەن تۇستارى دا كوپ. سولاردىڭ ىشىندەگى ەڭ دۇرىسى، شىندىققا جۋىق كەلەتىنى س.وزبەكوۆتىڭ «مۇرا» كىتابىنداعى نۇسقاسى بولعاندىقتان، سول نۇسقادان ءۇزىندى كەلتىرۋدى ءجون كوردىم.
....قازاق قولى بەل الىپ، قازىمبەتتىڭ ايگىلى باتىرلار قاتارىنا قوسىلعان كەزى. ءبىر شايقاستا ءجۇز قارالى قالماق ساربازدارىن قازىمبەت جىگىتتەرى قولعا تۇسىرەدى. قولعا تۇسكەن جاۋدىڭ بيلىگى ساربازداردىڭ قولىندا ەمەس پە؟ ات-ابزەلى، قارۋ-جاراق، ساۋىت-سايماندارى الىنادى. سول تونالعانداردىڭ ىشىندە ساۋىت-سايمانى شەشىلگەننەن كەيىن، جالعىز بۇرىم بولىپ ورىلگەن شاشى تىرسەگىنە تۇسكەن، اسا كەلبەتتى سۇلۋ ايەلدىڭ ەرلەر قاتارىندا شاۋىپ جۇرگەنى اشكەرە بولادى.
مۇنداي ەرلىك قاي كەزدە دە، قانداي ۇلتتىڭ بولماسىن ايەلدەرىنەن كەزىگىپ تۇرعان عوي.
قازىمبەت بابامىز ايەلدىڭ جايىن سۇراستىرىپ بىلگەن. سويتسە، شايقاستىڭ العاشقى كەزەڭدەرىندە قالىڭ قول الدىندا قاراناي دەگەن قالماق باتىرى ايگىلى قانجىعالى بوگەنبايمەن جەكپە-جەككە شىعىپ، سول سايىستا قاراناي باتىر بوگەنباي قولىنان قازا تابادى. قارانايدىڭ كەگى ءۇشىن ەرلەر قاتارىندا جاۋعا شاۋىپ جۇرگەن ايەلى تاڭشەبەر ەكەن. ەر ءقادىرىن اسقاق تۇتقان ءارى ايەلدىڭ جۇرەك جۇتتىسى بولعان سوڭ دا «بۇدان تۋعان ۇرپاعىم كەم، قور بولماس» دەگەن ويمەن بابامىز تاڭشەبەرمەن نەكە قيدىرادى.
سونىمەن تاڭشەبەر انامىز قىرىقتان اسقان جاسىنان كەيىن كەلدىبەك، جاۋلىباي، مايلىباي اتتى ءۇش ۇل تۋادى.
ول كەزدە ون ۇشتە ساداق تارتۋعا جاراعان ۇل جورىق اتىن باپتاي باستايتىن بولعان.
كەلدىبەكتىڭ ون التى جاسقا تولعان كەزىندە قالماقتىڭ مىڭنان استام قولى ءبىر تىنىستاپ جاتقان كەزدى پايدالانىپ، قازىمبەت اۋىلىن قورشايدى. بۇكىل قازاق اۋىلىنان قازىمبەت اۋىلىن تاڭداپ الۋىنىڭ ايرىقشا سەبەبى بولعان.

باقىتومىر شالعىنباي،
جۋرناليست-جازۋشى

جالعاسى بار

قوسىمشا جۇكتەلگەن سۋرەتتەرى:

كەلۋ قاينارى: http://www.elarna.net/oku.php?tur=11&id=1018

پىكىرلەر:


جازعان لەبىزىڭىز300 ارىپتەن اسپاسىن!
ادام نەمەسە ۋيروس ەكەندىگىڭىزدى تۇراقتاندىرۋ سۇراعى، كاتەكشەگە 99 دەپ جازىڭىز، راحىمەت!
98 + 1 = ? sozsiz sifermen tolteringiz.

ەل-ارنا ءوز گازەتى

ەڭ جاڭا ماقالالار


اعاجاي التاي تورى 3 مينوت
جيىن-تەرىن قىزعان شاق 3 مينوت
قمدب ءتوراعاسى رەسەي ال 3 مينوت
قىزىلوردا وبلىسىندا 300 3 مينوت
الەم چەمپيوناتى: قورجىن 3 مينوت
كوكيار قۇمدى ءشولدى جاس 3 مينوت
ەلورداداعى ءاچ: بۇگىن ە 3 مينوت
بالاباقشاداعى ۋلانۋ وقي 5 مينوت
قاسىم-جومارت توقاەۆ: "و 8 مينوت
گيننەستەگى قازاقتار 13 مينوت
ساپارباەۆتىڭ جاستارمەن 14 مينوت
ديرەكتورلار پەداگوگتارع 17 مينوت
中国哈萨克语广播网 23 مينوت
«اسىعىس - ۇسىگىس العا ۇ 23 مينوت
مەملەكەتتىك از ۇلتتار ء 23 مينوت
اعاجاي التاي تورى 23 مينوت
الماتى وبلىسىندا كۇرىش 23 مينوت
قازاقستانداعى ءتۋريزمدى 23 مينوت
بالۋان قىزىمىز وليمپياد 23 مينوت
اتا-اناعا قىزمەت – مۇسى 23 مينوت
تيانشان تورى 23 مينوت
«التىن ادام» تابىلعان 23 مينوت
الماتىلىق جوو بەردىبەك 23 مينوت
ديرەكتورلار پەداگوگتارع 26 مينوت
«اقمولا — ادالدىق 29 مينوت
نۇرلان ەسپانوۆ، ينديرا 29 مينوت
جەمقورلىق داۋىنا قالعان 1 ساعات
قازنەتكە – 25 جىل - قاز 1 ساعات
ەركىن كۇرەس شەبەرلەرى ە 1 ساعات
مۇعالىمدەردى ارتىق جۇمى 1 ساعات