نۇرالەم Facebook -كە جازىل ءتاڭىرتاۋ YouTube -كە جازىل قازاقتىڭ 1001 ەرتەگىسى


ەل-ارنا قولفون نۇسقاسى | "قولفون نۇسقاسىن ءتۇسىرۋ (Android)

Кірілше
جۇكتەۋ-البومىم-البومدار-جەلى
وسى توردى ساقتايمىن! | وسى توردى باس بەت ەتەمىن!

ءبىزدىڭ بايلانىس: elarna2012@gmail.com



نۇرالەم Facebook -كە جازىل ءتاڭىرتاۋ YouTube -كە جازىل قازاقتىڭ 1001 ەرتەگىسى

ءتۇرى: ەل-ارنا گازەتى | وسى ارادان ەلارنا گازەتىنىڭ بارلىق ماقالالارىن كورۋگە بولادى..

مەندە ال-ارناعا جازبا-ماقالا جازامىن، وندا وسى ارانى باسىڭىز!

جولدانعان ۋاقىتى: 23:17 - 2021/01/16

ماقالا جولداۋشى: nurhalyk
ماقالا اپتورى: Нұрхалық Абдырақын
اپتوردىڭ مەكەن-جايى: Бейжің қаласы
وسى ماقالانىڭ كىرىلشە نۇسقاسى، وسى ارانى باسىڭىز

Осы мақаланың кірілше нұсқасы, осы араны басыңыз


شالقالاپ جاتقان ەسقاتتىڭ قولفونى بەزەكتەدى.
-اسسالاۋماعالەيكۇم، حال جاعىدايىڭىز قالاي؟ ءسىزدى مازالاپ تۇرعان، اسقاربەك دەگەن قازاق.
-ۋاعالەيكۋماسسالام، جاقسى اعا، اللاعا شۇكىر امانبىز! تىڭداپ تۇرعان ەسقات ءباۋىرىڭىز.
-بىز پەداگوگيكا اكادەمياسى 6 ءتىلدى «ەتنو سوزدىك» قۇراستىرۋدامىز، سونىڭ قىتاي تىلىنە اۋدارۋدى سىزگە بەرسەك، قالاي قارايسىز؟
-سىزدەر قالاساڭىزدار، ارينە.
-وندا ەرتەڭ تۇستەن كەيىن 3-تە تولە بي مەن بايزاقوۆ قيىلىسىنداعى ءبىزدىڭ كەڭسەگە كەلسەڭىز.
-جاقسى، كەلىستىك.
كوكتەمنىڭ كوك وزەك شاعى. اسپاندا الا شۇبار بۇلت باياۋ جىلىستايدى. قىستىڭ بەتى قايتىپ، جەر بەتى ءولى مەن ءتىرىنىڭ اراسىندا. Cارىشۇناق لەزدە شاينەكتەي توپىراقتى ءۇيىپ، باسىن ەكى جاعىنا كەزەك-كەزەك قوزعاپ، جان-جاعىنا ماقتانا قارادى، قايتا ىنىنە ء«سۇمپ» ەتىپ كىردى دە، ارتىنشا توپىراقتى بۇرقىلداتا بەردى. قارا تورعايلار ءۇي دودەگەسىندە الىس ولكەدەن كورگەن بىلگەندەرىن ءبىر- بىرىنە ايتىسا، ءوز تىلدەرىندە تىنباي سويلەسەدى.
بارلىعى كونەرگەن سوزدەر. ۇلكەن اكە- اكەنىڭ اعاسى. كىشى اكە-اكەنىڭ ءىنىسى. كىندىك اكە-سابيدىڭ كىندىگىن كەسكەن ەر ادام. وگەي اكە- اكەسى قايتىس بولىپ كەتكەن سوڭ، شەشەسى كۇيەۋگە تيگەن ەر ادام. وكىل اكە-تۋىستاس، دوس-جاران ادامداردىڭ جەتىم قالعان بالالارىنا وكىلدىك جاساپ، قامقورلىعىنا العان ادام. جيەن-بالانىڭ ناعاشىسىمەن تۋىستىعىن بىلدىرەتىن اتاۋ. ججيەنشار-جيەننىڭ ۇرپاعى. تۋاشار- جيەنشاردان تۋعان ۇل مەن قىز. توعىشار-جيەنشار ۇعىمى. دەگەنشار- جيەنشاردان تۋعان بالا. كوگەنشار-دەگەنشاردان تۋعان بالا. وسىنداي ۇزىن سانى بەس مىڭداي ءسوز.
قىتاي، ورىس، اعىلشىن، تۇرىك، اراب، قازاق تىلىندە شىعاتىن ەتنو سوزدىكتىڭ جۇمىسى بويىنشا اسقاربەك اعا باس قوسۋ جاسادى. ماڭدايى جارقىراعان، وزىنە جاراسىمدى قيمىلمەن دومالانا تومپاق قاققان ول ۇزىن ستولدىڭ باسىنا جايعاستى، ەكى قاپتالدا اۋدارماشىلار، جاس بولسادا شاشى تۇسكەن تاز جىگىت، جۇمىق كوز، قىرما ساقالدى جىگىت اعاسى، ورتا جاستان اسسادا قىزىل سارى شاشى شۋلاعان، جالاڭ باس ايەل، وعان تاقاۋ كوپ سويلەپ ەرىندەرى شارشاعان كوزىلدىرىك كيگەن ارىق ايەل وتىر، وعان قاراما-قارسى تايقى ماڭداي، سىعىر كوز ارىق كارى قىز قازديادى. ون بەس كۇندە اۋدارىپ بەرسەڭىزدەر. سىزدەر بىتىرگەن سوڭ ءبىزدىڭ قىزدار ءبىر جەتىدە سوزدىكتى شىعارادى دەپ، سونداي ءبىر جەڭىل دە جىلى سوزىمەن اۋدارماشىلارعى بارلاي قاراپ شىقتى اسقاربەك اعا. بارلىعى ءۇنسىز كەلىستى. ەسقات بۇلاردىڭ مەنەن باسقاسى توماعاسىن الماي تۇرعان سايىپقىران ەكەن-اۋ، ەش ۇندەمەي باس يزەگەنىنە قاراعاندا دەپ ويلادى، ءوزىن ءالسىز كورسەتىپ الامىن با دەدى، قۇددى «پاتشانىڭ جاڭا كيمىندەگى» ۋازىرلەر سياقتى ءۇنسىز ولدا ەسىكتەن شىعار بەردى. ون بەس كۇندە وسىنشاما ەسكى سوزدەردى قالاي اۋدارىپ بىتەمىن دەگەن سۇراق ءىشىن تىرناپ بارا جاتتى. ءوز جۇمىسىمىز تاعى بار، ساباق ءوتۋ، تاپسىرما تەكسەرۋ...
اسقاربەك اعاننىڭ قىزدارى ون كۇن وتكەندە قوڭىراۋلاتىپ، بول-بولدىڭ استىنا الدى، اۋدارماشىلار بارىنشا تەزدەتىپ ءبىر ايعا از جەتكىزبەي زورعا اۋدارىپ بەتىردى. اۋدارىپ بەرگەلى ايدان استى، سوزدىكتى ءبىر جەتىدە بىتىرەمىز دەگەن ولار ءالى شىعارمادى. اسقاربەك اعا اۋدارماشىلاردى ەكىنشى مارتە شاقىرىپ، جىلى سويلەپ، كۇلىمدەي قارسى الدى، شايىن قۇيىپ قىزدارى بايەك بولدى.
يا، ءبىز سىزدەردى قاتتى اسىقتىرىپ ەدىك، مىنە ەندى ءبىزدىڭ قول جۇرمەي جاتىر. قىزدار بارىن سالىپ، مەندە قاسىندا تۇرامىن، قانشا جوندەسەك تە سوزدەر قۇددى، قايىرۋ بەرمەي بىتىراي قاشقان جىلقىداي ەش باسى بىركپەيدى. قويعان جەردەن سوزدەر سىرعىپ كەتەدى، قايتا جوندەيمىز، تاعى سولاي جىلجىپ كەتەدى. كومپيۋتەردىڭ جىلىگىن شاعىپ، مايىن ىشكەن ءبىر ورىستى اكەلىپ تە كوردىك ءبارى ءبىر سولاي شارۋمىز ونبەدى. ء
***
شايدى جاقسىلىپ قۇيعان قىزدارعا دا وتىرىڭدار دەپ اسقاربەك اعا اڭگىمەسىن ساباقتادى. قۇراندى حاليفا التاي اتامىز العاش قازاقشا سويلەتكەن كەزدە، ەلباسى نۇرسۇلتان قول استىنداعى جىگىتتەردىڭ بىرىنە تاپسىرما بەرىپ، تەز ارادا وسى قۇراندى باستىرىپ، مىنا تىزىمدەگى كوزى اشىق 500 جىگىتكە تاراتىڭدار دەپتى. ەلباسىنىڭ تاپسىرماسىن العان جىگىت الماتىداعى ەڭ ۇلەن مەملەكەتتىك باسپاعا كەلىپ، ون كۇندە 500 قۇراندى دايىنداڭدار دەپ، جەدەل تاپسىرما بەرەدى. باسپا باسشىسى ورىس جىگىت تەك باس يزەۋمەن بولادى. باسپادا كىلەڭ ورىس جۇمىس ىستەيدى. قۇراندى باسۋعا باستاعانى سول، باسپانىڭ تسەحى سىنادى. تسەحتى جاسايدى، قۇراندى باسۋعا باستايدى، تاعى سىنادى، ءتىپتى، بارلىق ءوندىرىس بازاسىنداعى تەحنيكا قاتىپ قالادى. اراققا تويىپ ءجۇرىپ جۇمىس ىستەيتىن ورىستار قانشا جانىن سالسادا، ەش ناتيجە بولماي ون كۇن وتەدى، باسپا باسشىسى بولعان جاعىدايدى حابارلايدى. شەنەۆنيك جىگىت كەلەدى. ونىڭ كوزىنشە قۇراندى باسۋعا باستايدى، تەحنيكا ەش جۇرمەيدى، باسقا كىتاپ باسۋعا باستاسا جۇمىس ىستەپ تۇر. ءىستىڭ بايىبىن سەزگەن ول قازاستان ءدىني باسقارماسىنا بارىپ، بولعان جاعىدايدى باياندايدى. قۇران اللانىڭ ءسوزى، ونى دارەتسىز ۇستاۋعا مۇلدە بولمايدى. تاز ەمەس لات مەكەندە، حارام سۋ ىشىلگەن جەردە قۇران باسۋعا بولمايدى دەپ تۇسىندىرەدى. ەندى قايتەمىز، ەلىمىزدەگى بارلىق باسپانىڭ جاعىدايى وسىنداي. ەلباسىنا ۋادە بەرگەن كۇندە تاقاۋ تۇر، نە دەيمىن دەگەن شەنەۆنيىك مۇفتياتتاعى جىگىتتەرگە بىزگە كومەكتەس دەپ وتىنەدى.
وندا ءبىز ءۇش جىگىت جىبەرەمىز، ولار وسى جۇمادان باستاپ كەلەسى جۇماعا دەيىن سول باسپا ۇيىندە قۇران حاتىم جاسايدى، ال وعان دەيىن باسپا ءۇيىن تازالاپ، اراق-شاراپتىڭ ءبىر شيشاسىن دا قالدىرماي الىپ كەتسىن، اراق ءىشىپ ول ماڭعا كەلمەسىن دەپ ەسكەرتەدى. باسپا باستىعى ورىس تەزدەن ىسكە كىرىسىپ جۇماعا تازارتىپ باسپا ءۇيىن ءۇش جىگىتكە وتكىزەدى، ولار تىنباي قۇران وقىپ، حاتىم تۇسىرەدى. ءبىر جۇمادان كەيىن جۋىنىپ-شايىنىپ، تازا كيىم كيىپ، اراق-شاراپتان تازارعان باسپاگەرلەر كەلەدى. ءۇش جىگىت باسىندا تاكبىر ايتىپ تۇرادى، سولاي بەس كۇندە بەس ءجۇز قۇران دايىن بولىپتى. سول قۇراننىڭ ءبىرى مەنىڭ قولىما ەلباسىنىڭ حاتىمەن ءتيدى. مىنە ءبىزدىڭ سوزدىكتىڭ جۇمىسى جۇرمەگەندە سول ۋاقيعا ەسىمە ءتۇستى. بۇل دا سول سياقتى بولىپ تۇر. مۇندا مۇسىلمانشا اراپشا، تۇركشە جازۋلار بار. ءبىز سىزدەردى قاتتى اسىقتىرىپ، رەنجىتىپ الدىق. سول ءۇشىن سىزدەردى شايعا شىقىرىپ، كەشىرىم سۇراپ وتىرمىز. سىزدەر ريزالىقتارىڭىزدى بەرسەڭىزدەر دەپ، اسقاربەك اعا شىن ءسوزىن ايتىپ ءوتىندى. اراب تىلىنە اۋدارعان قىرما ساقال قالدىبايعا قۇران وقىتىپ، ۇزاق باتا جاساتتى.
***
شىنمەن ءبىر جەتدەن سوڭ كىتاپ جارقىرىپ شىقتى. Expo 2017 جارمەڭكەسىندە قازاق ەتنو مادەنيەتى التى تىلدە سويلەدى. قازاقتى تانىعىسى كەلگەندەر تالاسا ساتىپ الىپ جاتتى. اسقاربەك اعا بالاشا قۋانىپ ەلدىڭ قامى، جۇرتتىڭ ءىسى دەپ تابانى جەرگە تيمەي جەڭىل باسىپ، شاپقىلاپ ءجۇر.

قوسىمشا جۇكتەلگەن سۋرەتتەرى:

كەلۋ قاينارى: http://www.elarna.net/oku.php?tur=11&id=2414

پىكىرلەر:


جازعان لەبىزىڭىز300 ارىپتەن اسپاسىن!
ادام نەمەسە ۋيروس ەكەندىگىڭىزدى تۇراقتاندىرۋ سۇراعى، كاتەكشەگە 99 دەپ جازىڭىز، راحىمەت!
98 + 1 = ? sozsiz sifermen tolteringiz.

ەل-ارنا ءوز گازەتى

ەڭ جاڭا ماقالالار


قازاقستان حالقى اسسامبل 5 مينوت
مەملەكەتتىك حاتشى: توتا 5 مينوت
پسيحولوگيالىق تەست: قاي 8 مينوت
ەلوردا مەشىتتەرىنىڭ جام 8 مينوت
اللانىڭ قۇلدارىن تومەن 8 مينوت
دۇعانىڭ قابىل بولۋىنا ك 8 مينوت
الماتىدا ومىربەك جولداس 8 مينوت
ساعىنتاەۆ قالا تۇرعىنىن 8 مينوت
شقو-دا وتكەن تۇندە جولد 8 مينوت
قازاقستان حالقىنىڭ وتكە 11 مينوت
قازاقتار قازىدان سۋشي ج 11 مينوت
اتىراۋدىڭ دارىگەرلەرى « 11 مينوت
قازاقستاندا مەرزىمدى اس 17 مينوت
الماتىدا جۇك ماشيناسى ج 17 مينوت
جالپى حالىقتى قامتىعان 18 مينوت
وقيعالار حرونيكاسى. 1 ن 18 مينوت
ءار دارەجەلى ورگانداردى 18 مينوت
وسەك-اياڭ اقيقاتتى بۇرك 18 مينوت
سپورتشىلار، ەتنومادەني 18 مينوت
قازاقستاندا مەرزىمدى اس 18 مينوت
مامين "روسكوسموس" باسشى 20 مينوت
قىرىمبەك كوشەرباەۆ: توت 20 مينوت
وتكەن ومىرگە ەسەپ بەرىپ 23 مينوت
قحا «تۇڭعىش پرەزيدەنت ج 26 مينوت
اتىراۋدىڭ دارىگەرلەرى « 26 مينوت
تالدىقورعانعا جاڭا اكىم 28 مينوت
مەشىتتە ارلەۋ جۇمىستارى 28 مينوت
ەلىمىزدە مەرزىمدى اسكەر 28 مينوت
قازاقستان حالقىنىڭ وتكە 29 مينوت
ەلورداداعى تابىسى از وت 1 ساعات