ەل-ارنا قولفون نۇسقاسىنا ەنۋ Еларна қолфон нұсқасына ену


ەل-ارنا قولفون نۇسقاسى | "قولفون نۇسقاسىن ءتۇسىرۋ (Android)

Кірілше
جۇكتەۋ-البومىم-البومدار-جەلى
وسى توردى ساقتايمىن! | وسى توردى باس بەت ەتەمىن!

ءبىزدىڭ بايلانىس: elarna2012@gmail.com



تىركەلىڭىزدەر كىتاپحانا قوجالار تورابى البومدار قازاقتىڭ 1001 ەرتەگىسى

ءتۇرى: ەل-ارنا گازەتى | وسى ارادان ەلارنا گازەتىنىڭ بارلىق ماقالالارىن كورۋگە بولادى..

مەندە ال-ارناعا جازبا-ماقالا جازامىن، وندا وسى ارانى باسىڭىز!

جولدانعان ۋاقىتى: 17:06 - 2020/09/12

ماقالا جولداۋشى: ЗАЙДЫН ОРАЗАҚЫН
ماقالا اپتورى: زايدىن ورازاقىن ۇلى
اپتوردىڭ مەكەن-جايى: الماتى قالاسى ناۋىرزباي اۋدانى
وسى ماقالانىڭ كىرىلشە نۇسقاسى، وسى ارانى باسىڭىز

Осы мақаланың кірілше нұсқасы, осы араны басыңыз


قايتەدى ەكەن

كوكتەم كەلدى ولكەمە قۇس اعىلدى ،
سەن جوق مىنا ساعىنش قۇسا قىلدى .
اڭسادىم الاقاندى ، ساۋساعىڭدى ،
ساعىندىم جايعان ىستىق قۇشاعىڭدى .

كوكتەم كەلىپ اق جاڭبىر سىركىرەپ تۇر ،
جۇرەگىم ماحابباتتان نۇر تىلەپ تۇر .
مەنىڭدە مازام كەتىپ اسپانىما ،
ءمولدىر مونشاق قۇياتىن بۇلتى كەپ تۇر .

كوكتەم كەلسە قۇلپىرىپ اشادى ەكەن ،
مۇزداپ جاتىپ قالايشا جاسادى ەكەن .
كۇننىڭ نۇرىن كوكتەمگە اڭساپ جەتكەن ،
ساعىنىشىن گۇل قالاي باسادى ەكەن !؟

كوكپەن بىرگە ءتاتتى ءبىر ساعىنىشتىڭ ،
ساعىنىشتىڭ قيالمەن اعىن ءىشتىم .
قانات تالىپ قاتتى اڭساپ ءۇشىپ جەتكەن ،
قايتەدى ەكەن ساعىنسا جانى قۇستىڭ !؟


جىلا مەيلى جىلاپ – ال

جىلا ، جىلا كەتسىن ىشتەن بار قايعىڭ ،
شىعىپ كەتسىن كوكىرەكتە قالماي مۇڭ .
كەشە شاتتىق قۋانتقانى ەسىڭدە ،
ەرتەڭ تاعى قۇشاق جايار بالداي كۇن .

جىلا تاعى وكسى مەيلى جىلاي بەر ،
شەرىڭ كەتسە اعاتتىقتان شۇراي كور .
قۋانىشتان قارىس ايىرلعان جۇرەگىم ،
دەپ تىلە ايتەۋ « جىلاۋعا دا شىداي گور . »

جىلا ، جىلا ءبىر توقتاما جىلاي تۇس ،
جىلاپ الدا كەلگەن مۇڭمەن شىن ايتىس .
وپىرىلما ، سىنبا ءبىراق از ىسكە ،
جىلاپ تۇرىپ تىم قايسار بول شىداي تۇس .

جىلا جانىم شىن ەگىلىپ سولقىلدا ،
ال ەشقاشان تەك وزىڭدى قورسىنبا .
سەن ەركەسىڭ ، سەن سۇلۋسىڭ ، سەن قۇسسىڭ ،
جىلاپ الىپ ۇشتا بارىپ قون شىڭعا .

شەرىڭ كەتسىن جىلا ءبىراق سۋالما ،
باسىڭدى يمە ءجونسىز ، توپاس ، جۋانعا .
كەلىستىرىپ جىلاپ الدا تاستاي قات ،
جاۋ الدىندا سىر بەرمە دە قۋانبا .

جىلا مەيلى اعىل – تەگىل جىلاپ ال ،
جىلاي العان پەندە عانا شىن ادال .
جىلاعاندى بىلمەيتىندەر جۇرەكسىز ،
كىمنەن مەيلى سونى ايتادى سۇرا بار .


جۇرشى بىرگە

قىر مۇرىن ، قىزىل ەرىن ، قيىلعان قاس ،
كۇيدىرگەندەي مەڭ زەڭمىن ميىمدى الماس .
ءتىل قاتۋعا دارمەنىم جەتپەي ساعان ،
كوردىم بۇگىن تىرلىكتەن قيىندى العاش .

دوڭگەلەنگەن قارا كوز ، اي قاباعىڭ ،
قۇمارلانىپ قيالمەن ايمالادىم .
بار سۇلۋلىق بويىڭنان تابىلىپ تۇر ،
قارىنداس كوركىسىڭ سەن قاي قالانىڭ .

اق تاماق ، القىزىل بەت ، ۇلپا ماڭداي ،
ءبىر جىميشى ءجۇزىڭدى تۇمشاپ الماي .
قايتەمىن امالىم نە ەركىم كونبەي ،
مۇسىنىڭە جانارىم تۇرسا قانباي .

اق بىلەك ، سۇيرىك ساۋساق ، قىناي بەلىڭ ،
بۇرىن حالىم بولماپ ەد بۇلاي مەنىڭ .
جۇرگىم اتقالاقتاپ ، كەۋدەنى ۇرىپ ،
تىلىڭنەن ءتىلسىم ءتاتتى سۇرايدى ەرىن .

تولعان اي ، تومپاق كەۋدە ، تولىق مۇسىن ،
سەن سۇلۋسىڭ ، تەڭدەسسىز سونى ۇق قۇسىم .
كول بەتىندە ءبىر جۇزىپ قوس اققۋداي ،
قانشا جىگىت ءجۇر ەكەن جورىپ تۇسىن .

سىر تۇنعان سيقىرىڭ بار كىرپىگىڭدە ،
ەڭ ءتاتتىسى سەندە ەكەن كۇلكىنىڭدە .
اق قايىڭدى ارالاپ سەرۋەندەيىك ،
قىرعا بارىپ كەلەيىك جۇرشى بىرگە .


نە دەگەن سۇلۋسىڭ

نە دەگەن كوركەمسىڭ ،
شابىتقا جەلكەنسىڭ!
جىرىما بۇيدا تاق ،
جۇرەگىم ورتەنسىن .

تىم ەركە نازىكسىڭ ،
سودان جان ناز ۇقسىن !
جىميعان جۇزىڭە ،
بار سىردى جازىپسىڭ .

نە دەگەن ءمىنسىزسىڭ ،
كوڭىلىڭ مۇڭسىز تىم .
ال مەندە ساعىنش ،
اڭساۋ ھام ءۇنسىز ءتۇن .

نە دەگەن تۇنىقسىڭ ،
ەرىكسىز قۇنىقتىم .
بوسقا وتكەن ءومىر – اي ،
كەزدەسپەي جۇرىپپىن .

نە دەگەن سۇلۋسىڭ ،
سۇيكىمدى قۇلىنسىڭ .
وزىڭنەن ءنار الىپ ،
جۇرەگىم جىلىنسىن …!
ايىپقا بۇيىرما ،
اپپاق جىر تۋىلسىن .....!


سۇيەينشى

نە دەگەن كوركەم ەدىڭ ،
تىم نازىك ەركە لەبىڭ .
شىداتپاي كۇيدىرىپ تۇر ،
جۇرەكتى ورتەگەنىڭ .

سيپاتشى بىلەگىڭدى ،
تڭداتشى جۇرەگىڭدى .
حاتىڭا سالشى جانىم ،
دەرتىمە ءبىر ەمىڭدى .

ماس قىلىپ اق تاماعىڭ ،
ولۋگە شاق قالامىن .
ايمالاپ تۇس كورىپ اپ ،
وزىمشە شاتتانامىن .

كوركىڭنەن البىراپ نۇر ،
تاڭ اتىپ بالبىراپ تۇر .
قانعانشا سۇيەيىنشى ،
ۇزدىگىپ قالجىراپ ءبىر .


ساعىنىپ كەتتىم تاپشى امال

سەن جاقتان ماعان ءبىر سيقىر ،
سوعادى مايدا اق سامال .
قۇلپىرىپ كەتەد قۇس سايراپ ،
سەنى ويلاپ كەتسەم باقشالار .

ولەڭمەن جازىپ تۇمارعا ،
تۇمارعا تۇنىق تاقسام ار .
اينالام اپپاق تۇسىمدە ،
قالقيدى مامىق اقشا قار .

ناسىباي سالىپ تىلىمە ،
تاپقانداي ءمازبىن جاقسى امال .
وتىرمىن ويدى قۋىرىپ ،
قولىمدا مۇيىز شاقشا بار .

تەرەڭدە جاتقان ويىمدى ،
دەپ ەدىم ايتىپ ناق سانار .
سۇراۋ ، لەپ ، ءۇتىر ، نۇكتەلەر ،
تىرناقشا ، سىزىق ، جاقشالار .

ەشتەمە كومەك قىلمادى ،
ءاميان تولى اقشا بار .
جەتە الماي جانىم جابىقتىم ،
ساعىنىپ كەتتىم تاپشى امال .


سەكەمشىلدەردەن زەرىككەم

جاياۋلاپ تارتقان بويجەتكەن ،
كوركەم قىز قانە توقتاڭىز .
شارشاسا سۇلۋ بولاما ؟
تىم اۋىر ەكەن بوقشاڭىز .

اسەمسىز نەتكەن اي مۇسىن ،
تاڭعالماي بەرى قاراڭىز .
ارۋدى ماڭگى اقىندار ،
جىرلاۋمەن كەتىپ بارامىز .

توقتادىم سىزگە ادەيى ،
شىعىڭىز مىنە كولىككە .
بەرىلىپ تۇرعان جوقپىن مەن ،
جاستىقپەن ءسىرا جەلىككە .

سەزەمىن ايتەۋ مەن ءسىزدى ،
جولىڭىز بالكىم الىستا .
بايقادىم وتتاي جاناردان ،
بارارسىز مۇمكىن مارىسقا .

تۇياعى قىزعان تۇلپار بۇل ،
قاراڭىز مىنا دۇلدۇلگە .
الۋعا كەتىپ بارامىز ،
ومىردەن ەنشى تىڭ جۇلدە .

كوپ سۇراق قويىپ مازالاپ ،
دەمەڭىز ايتەۋ نەلىكتەن .
سەبەبى ەرگە سەنبەيتىن ،
سەكەمشىلدەردەن زەرىككەم .


قاسىمدا ءجۇرسىڭ

الىستا دەمە ؟
الدىمدا ءجۇرسىڭ ،
فوتوڭدى سۇيىپ وتىرمىن .
سونداي ادەمى .....
جىميىپ تۇرسىڭ ،
جالىنى كەلىپ وتىڭنىڭ .

تەربەتىپ مەنى ،
ساعىنىش ءدايىم ،
ءتاپ – ءتاتتى تۇسكە بوياندىم .
تاڭەرتەڭ تاعى ....
ۇيقتاعان سايىن ،
ەرنىڭدى سۇيىپ وياندىم .

تۇرساڭدا مەننەن ،
قانشاما قاشىق ،
« قالاۋىن تاپتىم قار جاندى .»
قيالمەن قۇشىپ ،
كەۋدەمە باسىپ ،
ايمالاپ ءجۇرمىن ارماندى .

الىستامادىڭ ،
ءسال ساتتە مەننەن ،
قاسىمدا ءجۇرسىڭ قاسىمدا .
كەزىگىپ جانىم ،
سول ءساتتە جەردەن ،
بالاعام سەنى اسىلعا .

ۇجىماق ماعان ،
ءجايدارى ءجۇزىڭ ،
سيلاعان تاۋداي سەنىمىڭ .
تابيعات ماعان ،
ايداعى قىزىن ،
دەپ بەرگەن مىنە سەرىگىڭ .

قاسىمدا ءجۇرسىڭ ،
مەندە بىرگەمىن ،
ەركەلە قانە ەلىگىم .
ساعىنىپ سونشا ،
شىداپ جۇرگەنىم ،
باسپاسىن دەدىم سەنى مۇڭ .


پەشەحود دا

پەشەحود دان ءبىر قىز كەتتى قاراماي ،
وتكەنىمەن كۇيدىردى – عوي قاراداي .
بۇ نەسى ەكەن وڭىمبە الدە تۇسىمبە ؟
كورىنبەيتىن كۇن دە جۇلدىز قالادا اي .

نەتكەن سۇلۋ مۇڭسىز ءسابي بالاداي ،
جەر انانى اياپ باسقان تابانى – اي .
ءبىر قاراشى ، باياۋ ءوتشى ، توقتاشى ،
جانارڭدى قارسى بەتكە قاداماي .

تەپسە تەمىر ۇزۋشى ەدىم قاراعاي ،
قالدى اياعىم گاز باسۋعا جاراماي .
ساپ – ساۋ كوزىم ءوز - وزىنەن بۇلدىراپ ،
ساعىم قۋدى اشىق تۇرىپ شاراداي .

سولاي كوزىم كەتتى جولدى جاعالاي ،
تىپىرلادىم ينەسى جوق اراداي .
سەلقوستىقتا ، قاس – قاعىمدا دىز ەتكەن ،
پەشەحود دا ۇرعان توكتىڭ جامانى -اي .

نەگە جۇردىم پەشەحود پەن تالاق – اي ،
عايىپ بولدى بۇلتقا كىرىپ ماناعى اي .
ماشينامدا قارا تەرگە مالشىندىم ،
جۇرەگىمنەن دەنەمە قان تاراماي .

اياق قالدى جۇرۋدى دە قالاماي ،
( و جەر شارى دوڭگەلەشى پانام – اي . )
دەپ وتقاندا سەلىك ەتكىزدى سيگنال ،
ۇھ راحىمەت تىرلىك قۋعان زامان – اي .


ناعىز ارۋ

ارى بيىك ،
جانى كيىك ،
ناعىز ارۋ – ءبىر جۇلدىز .
بورىك كيىپ ،
شاشىن تۇيىپ ،
ەركەلەيدى كىم ؟ بۇل قىز .

ءۇنى بۇلبۇل ،
جىرى دۇلدۇل ،
ناعىز ارۋ – ول اققۋ .
قايسى ماڭنان ،
قانداي تاڭنان ،
ەستلىپ تۇر بۇل گاككۋ .

شاشى تولقىن ،
نۇرى جويقىن ،
ناعىز ارۋ – ۇجىماق .
ءان سالدىرعان ،
تامساندىرعان ،
قانداي سەزىم قىزىپ – اپ .

ساعىمسىڭبا ؟
ساعىنسىنبا ؟
ناعىز ارۋ – ول ارمان .
ءومىر كوركەم ،
جىرىڭ جەلكەن ،
كەزىككەن دە ول الدان .


سۇيۋدىڭ قۇدىرەتى

مەن مىرزامىن ، مەن جومارت شۇلەن ۇلمىن ،
ءدامىن كوردىم عۇمىردىڭ ، شىن ءومىردىڭ ،
جاراسى دا جاماۋلى جۇرەگىمنىڭ .
سىرىن جاتتاپ العانمىن گۇل ەگۋدىڭ ،
قۋانىشتان ، شاتتىقتان سىر ەمۋدىڭ ،
سودان بولار ءسابيدەي كۇلە ءبىلدىم ،
ال بۇل عاجاپ كۇش – قۋات بويىمداعى ،
كەرەمەتى مەن سۇيگەن ءبىر ەرىننىڭ .

كۇشى بار جىگەرىمدە نار اتاننىڭ ،
مىنەزىمدە مەيىرى الا تاڭنىڭ ،
كەيدە اۋەلى نازىكپىن بالاپانمىن ،
ەركەلەيمىن اۋەلى بالا اتاندىم ،
جۋىمايدى ماڭىما نالا اتاۋلىڭ ،
سەبەبى قادىرلەۋدەن قانات الدىم .
بۇنىڭ ءبارى قۇرمەتى ماعان بەرگەن ،
ساۋساقتارىن سۇيدىرگەن الاقاننىڭ .

ەرىتەمىن توڭداردى ۇستىرتتەگى ،
مۇزداتپايدى كوك اياز كۇش قىپ مەنى ،
كۇپىر ويدىڭ توناماس كۇشكىرتكەنى ،
سەبەبى كوكتەم ماعان ۇشتىق دەدى ،
جىبەرگەن سوندا سەزىم قۇس قىپ تەگى ،
كورسىن ءومىر قاراسىن قۇشتىق نەنى ،
تەڭدەسى جوق ماحاببات ، بۇل كەرەمەت ،
مەنى سۇيگەن ءتىلسىمنىڭ ىستىق لەبى .


جۇرەكتەسىڭ

جەر شارىما ؟!
جوق جانىم !
جۇلدىزدانسىڭ .
ەنشى ارىما ،
جىرلارىم ،
قۇندىزدانسىن .

جۇلدىزداما ؟!
جوق كوكەم !
سەن ايداسىڭ .
ءبىر قىز عانا ،
جۇرەككە ،
سەن ايناسىڭ .

ايداسىڭبا ؟!
جوق قالقام !
مارىستاسىڭ .
اي قاسىڭدا ،
سەبەبى ،
عارىشتاسىڭ .

مارىستاما ؟!
جوق جانىم !
جەر ۇيىقسىڭ .
الىستاما ،
مويىنىم ،
سەن يىقسىڭ ،

جەر ۇيىقپا ؟!
جوق كوكەم !
جۇرەكتەسىڭ .
سەن ارىڭمەن ،
جانىما ،
نۇر ەككەسىڭ .


اينالايىن

« مىڭ جۇرەكتەن دارا تۇرعان ،
عاشىقتىققا جاراتىلعان ، »
قۇدىرەت – اي قانداي سيقىر ،
« تابيعاتىڭ تىم نازىك .... »
ءتاتتى سەزىم جەتەك ەكەن ،
سونى كورىپ كەتەدى ەكەن ،
ەركى كونبەي ەركسىزدەن ،
سۇيگەن جۇرەك جىر جازىپ ....

اينالايىن قاناتىڭنان ،
اقىلىڭا دالا تۇنعان ،
سۇلۋلىعىڭ ءان ايتىپ تۇر ،
كوركىڭ تۇر عوي ءبۇر جارىپ ....
سىرىن ايتىپ جۇرەك باتىر ،
سۋرەتىڭە قاراپ جاتىر ،
اق تاماققا اسىلىپ تۇر ،
قيال قۇرعىر ۇرلانىپ ....

سۇلۋىم – اي ارمان قۋعان ،
جۇزىڭ تۇنىق ءمولدىر سۋدان ،
تابيعاتتىڭ تالاسى جوق ،
الىپ انا تۋدى انىق ....
ساعىنىشىم جالىن شاشىپ ،
ادامدىعىم ارىن قاسىپ ،
تپىرلادى – اۋ تىنش كەتىپ ،
كەۋدەم وت بوپ تۇر جانىپ ....

بار قالاۋىن التىن تاپقان ،
سىڭعىرلاتىپ كۇمىس تاققان ،
ۇلپاداي بوپ ەسىمدى الدى ،
سەندەگى ءسان سىرعالىق ....
ماحابباتقا مونشاق ەتىپ ،
« ساعىم بولساڭ جەل بوپ جەتىپ ، »
قالايىنشى سۇلۋلىققا ،
سۇلۋلىققا ءبىر قانىپ ....

شولدەمەگەن تاۋى سۋدان ،
اينالايىن داۋىسىڭنان ،
كول بويىندا تولقىپ تاسىپ ،
تۇرساق شىركىن ىرعالىپ ....
ەش جالىقپاي ارالايتىن ،
الەم اسىل باعالايتىن ،
الايىنبا اسەم قالا ،
قۇتتى مەكەن قۇلجا عىپ ....

ەركەلەگەن قىلىعىڭا ،
ءسابي كوڭىل تۇنىعىڭا ،
سىر جاسىرىپ قيق قاسىڭ ،
كىرپىگىڭ تۇر سۋلانىپ ....
قۇنداقتالىپ قۇرىعىڭا ،
كەۋدەڭدەگى شىرىنىڭا ،
قيال قۇرعىر سۇلۋلىققا ،
پاك سەزىمىن تۇر مالىپ ....

ساۋساعىڭنان بال جالايىن ،
ەرىنىڭدى ايمالايىن ،
بۇرىمىڭدى يىسكەپ تۇرىپ ،
قالايىنشى شىرمالىپ ....
جىميعانىڭ تاڭنان كۇلىپ ،
سەن دەپ جۇرەك ارمان قۋىپ ،
ارۋ جانىڭ عاشىق ەتتى ،
جۇرەگىمدى ءتىلدى انىق .

اينالايىن اسىل ايىم ،
جاقىنداشى باس ۇرايىن ،
اق قايىڭنىڭ اراسىنا ،
كەلەيىكشى ءبىز بارىپ ....
يسكەپ قانا ماڭدايڭدى ،
شىرىن ەتىپ تاڭدايىڭدى ،
سودان اققان سەل سەزىمدى ،
جازام جانىم جىردان ۇق .


جىر تۇمار

ءتىلسىم ەكەن سۇلۋلىق ،
جازادى ەكەن جارانى .
لەبىزىڭنەن جىلۋلىق ،
بويعا تاراپ بارادى .

شىن سەزىمگە تاڭىلۋ ،
بالداي ەكەن ، ءتاتتى ەكەن .
ەركە قىزدى ساعىنۋ ،
تاماشا ەكەن ، جاقسى ەكەن .

جىميعانى ءدارى ەكەن ،
جادىراتتى جانىمدى .
قادىرلەيمىن ءنار ەتەم ،
ويناقتاتتى قانىمدى .

باۋراپ كەتتى جامالىڭ ،
قانار ەمەس قۇمارىم .
سىرعا تولى جانارىڭ ،
جىر مونشاعىم تۇمارىم .


زايدىن ورازاقىن ۇلى

قوسىمشا جۇكتەلگەن سۋرەتتەرى:

كەلۋ قاينارى: http://www.elarna.net/oku.php?tur=11&id=2356

پىكىرلەر:


جازعان لەبىزىڭىز300 ارىپتەن اسپاسىن!
ادام نەمەسە ۋيروس ەكەندىگىڭىزدى تۇراقتاندىرۋ سۇراعى، كاتەكشەگە 99 دەپ جازىڭىز، راحىمەت!
98 + 1 = ? sozsiz sifermen tolteringiz.

ەڭ جاڭا ماقالالار


قازاقستاندىق قوعامنىڭ و 2 مينوت
سوتتالعانداردى ءتىنتۋ ب 2 مينوت
عىلىم جالپىلاستىرۋ: جاڭ 4 مينوت
پەتروپاۆلدا ەپيداحۋال ن 4 مينوت
قازاقستان مەن تۇركيا ار 4 مينوت
توقاەۆ: كاسىپكەرلەر ءۇش 4 مينوت
كۆي-مەن اۋىرعان ادامدا 4 مينوت
باعدات مۋسين: قازاقستان 4 مينوت
قىزىلوردا وبلىسىندا شىل 5 مينوت
ۇكىمەت جىل سوڭىنا دەيىن 8 مينوت
باتىس قازاقستاندا وتاند 14 مينوت
قازاقستانداعى ەكى جاڭا 14 مينوت
حۋليو سەزار چاۆەس: «كان 14 مينوت
Google 2025 جىلعا قاراي 14 مينوت
قازاقستان ەكونوميكاسى ج 17 مينوت
باس سانيتاردىڭ جاڭا قاۋ 19 مينوت
ۇكىمەت جىل سوڭىنا دەيىن 20 مينوت
الماتىدا ءبىر كۇندە تەك 20 مينوت
پرەزيدەنت قۇقىق قورعاۋ 23 مينوت
كورىكتى ساز قوڭىرالا قا 24 مينوت
قازاقستان مەن رەسەي ترا 24 مينوت
قازاقستاندا 2021 جىلى ا 24 مينوت
باقتيار ماكەن: جاستاردى 24 مينوت
مەملەكەت بويىنشا جوعارى 24 مينوت
پروكۋرور ورالدا بۇرىنعى 24 مينوت
ساياسات نۇربەك: پاندەمي 26 مينوت
ۆيرۋس يممۋندىق جۇيەنى ق 29 مينوت
فرانتسۋز ينۆەستورلارىنا 29 مينوت
ەكولوگيالىق ەتيكانى قال 1 ساعات
بالا سپورت ءتۇرىن اۋىست 1 ساعات