ەل-ارنا قولفون نۇسقاسىنا ەنۋ Еларна қолфон нұсқасына ену


ەل-ارنا قولفون نۇسقاسى | "قولفون نۇسقاسىن ءتۇسىرۋ (Android)

Кірілше
جۇكتەۋ-البومىم-البومدار-جەلى
وسى توردى ساقتايمىن! | وسى توردى باس بەت ەتەمىن!

ءبىزدىڭ بايلانىس: elarna2012@gmail.com



تىركەلىڭىزدەر كىتاپحانا قوجالار تورابى البومدار قازاقتىڭ 1001 ەرتەگىسى

ءتۇرى: ەل-ارنا گازەتى | وسى ارادان ەلارنا گازەتىنىڭ بارلىق ماقالالارىن كورۋگە بولادى..

مەندە ال-ارناعا جازبا-ماقالا جازامىن، وندا وسى ارانى باسىڭىز!

جولدانعان ۋاقىتى: 22:29 - 2020/08/13

ماقالا جولداۋشى: Elarna Studio
ماقالا اپتورى: Сенбек Әуесқан ұлы
اپتوردىڭ مەكەن-جايى: Құлжа
وسى ماقالانىڭ كىرىلشە نۇسقاسى، وسى ارانى باسىڭىز

Осы мақаланың кірілше нұсқасы, осы араны басыңыз


ەرەن تابىستىڭ استارىنداعى قاجىرلى ەڭبەك
− 2020 جىلعى جوعارى مەكتەپتەرگە وقۋشى قابىلداۋ ەمتيحانىندا ورتاق تىلدە وقىپ ەمتيحان بەرگەن از ۇلت وقۋشىلارىنىڭ جاراتىلىستىق ساباقتار تۇرىندە ىلە وبلىسى بويىنشا 1 بولىپ، قىتاينىڭ ايگىلى تسينحۋا ۋنيۆەرسيتەتىنە وقۋعا قابىلدانعان قازاق ۇلانىمەن اڭگىمە

اڭگىمەلەسۋشى: سەنبەك اۋەسقان ۇلى

ۇستەگى جىلى شىلدەنىڭ 27 كۇنى كەشتە ىلە گازەتى مەكەمەسى قازاق رەداكتسياسىنىڭ ۋيچات توبىندا قىزمەتتەسىمىز سەرىك سابىر ۇلى كوپپەن بولىسكەن «تسينحۋا ۋنيۆەرسيتەتى ىزدەگەن ەرەننىڭ اناسىمەن سۇحپات» دەگەن تاقىرىپتاعى جولداما نازارىمدى بىردەن اۋداردى، سۇحپاتتاسۋشى ىبىراي جۇماقادىر ۇلى، جاريالاۋشى «وي داۋا» تەكشەسى ەكەن، بىرنەشە قايتالاپ وقىپ شىقتىم. ويدى وي قۋالاپ، «جۇزدەن جۇيرىك، مىڭنان تۇلپار» دەگەندەي، بيىلعى ىندەتپەن كۇرەسىپ وتىرعان ەرەكشە جاعدايدا قات-قابات قيىنشىلىقتى جەڭىپ، اشتى ەڭبەگىنىڭ ءتاتتى جەمىسىن تاتقان، اتا-اناسىنىڭ، ۇستازدارىنىڭ ءۇمىتىن اقتاپ، انا مەكتەبىنىڭ، تۋعان جەرىنىڭ داڭقىن اسىرعان ەرەن ساتاي ۇلىمەن وقۋشىلاردى، اتا-انالاردى قىزىقتىرادى-اۋ دەگەن نەمەسە وقۋشىلاردىڭ ۇيرەنۋىنە تۇرتكى بولادى-اۋ دەگەن تۇيىندەر جايىندا اڭگىمەلەسىپ كورۋ ويىنا كەلدىم. ەندىگى اڭگىمەمىز سۇراۋ-جاۋاپ فورماسىندا جالعاسادى. ء
تىلشى: سالەمەتسىڭ بە؟! بيىلعى مەملەكەتتىك جوعارى مەكتەپكە وقۋشى قابىلداۋ ەمتيحانىندا ورتاق تىلدە وقىپ ەمتيحان بەرگەن از ۇلت وقۋشىلارىنىڭ جاراتىلىستىق ساباقتار تۇرىندە 682 ءنومىر الىپ، ىلە وبلىسى بويىنشا 1 ورىندا تۇردىڭ، اتىڭا زاتىڭنىڭ ساي كەلىپ، ەرەن ناتيجە جاراتۋىڭمەن قىزۋ قۇتتىقتايمىن. بۇگىن ءساتى ءتۇسىپ، وزىڭمەن ۇيرەنۋ جونىندە اڭگىمەلەسىپ وتىرمىن. باستاۋىش، ورتالاۋ مەكتەپ ساتىلارىن قايسى مەكتەپتەردەن وقىدىڭ؟ اڭگىمەنى وسىدان باستاساق.
ەرەن: سالەمەتسىز بە؟! باستاۋىشتى كۇنەس اۋداندىق 2 باستاۋىش مەكتەپتە وقىدىم، ال ورتالاۋدى كۇنەس اۋداندىق 6 ورتا مەكتەپتە وقىدىم. ء
تىلشى: بۇل مەكتەپتەر قوس ءتىلدى مەكتەپتەر مە، الدە ورتاق تىلدەگى (مەملەكەتتە ءبىر تۇتاس قولدانىلاتىن ءتىل دەگەن ءسوز قىسقاشا «ورتاق ءتىل» دەپ الىندى، تومەندە وسىلاي) مەكتەپتەر مە؟
ەرەن: ورتاق تىلدەگى مەكتەپتەر. ء
تىلشى: ولاي بولسا، قازاق ءتىل-جازۋىن سىرتتاي وقىپ-ۇيرەنە الدىڭ با؟
ەرەن: قازاق ءتىل-جازۋىن ۇيرەتۋ ءۇشىن، باستاۋىشتىڭ 5 جىلدىعىن وقىعان كەزىمدە شەشەم كۇلاش داۋلەت قىزى ءوزى قىزمەت ىستەيتىن كۇنەس اۋداندىق 1 ورتا مەكتەپتىڭ تىل-ادەبيەت وقىتۋشىسى ارميا مۇعالىم اشقان قازاق ءتىلىن ۇيرەتۋ كۋرسىنا قاتىناستىردى، سول كىسىدەن ۇيرەندىم، ۇيدە قازاق تىلىندە سويلەسەمىز، كىشكەنە كەزىمدە قىسقى، جازعى دەمالىستاردا اۋىلداعى ناعاشى اتامنىڭ ۇيىنە كوپ باراتىنمىن، اۋىلداعى بالالارمەن كوپ وينايتىنمىن، سوندىقتان قازاق تىلىندەگى تۇرمىستىق سوزدەردى نەگىزىنەن تۇسىنەمىن، كەيىن كۋرسقا قاتىناسۋ ارقىلى اباي اتانىڭ ولەڭدەرىن جاتقا ايتا الاتىن، جەتى اتامدى ايتاتىن، سونداي-اق قازاقشا كىتاپتى وقيتىن، جازۋىن جازا الاتىن بولدىم. ورتا مەكتەپتە ساباعىم اۋىرلاپ كەتكەن كەزدە مويىن بۇرا الماي، كەيبىر ءارىپتىڭ وقىلۋىن ۇمىتىپ قالىپپىن، ءقازىر ۇيدە شەشەم الىپپەنى ءبىر ساعاتتان ۇيرەتۋدە، ۇيرەنۋگە پايداسى تىيەر دەپ جاڭىلتپاشتاردى دا وقيمىن. ء
تىلشى: باستاۋىش، ورتالاۋ، ورتا مەكتەپتىڭ بارلىق ساتىسىندا ۇزدىك وقىدىڭ با؟ الدە باستاۋىشتا نەمەسە ورتالاۋدا ادەتتەگىدەي وقىپ، كەيىن ۇزدىكتەر قاتارىنا قوسىلدىڭ با؟
ەرەن: باستان-اياق ۇزدىك وقىدىم. ء
تىلشى: ەڭ العاش مەكتەپ قۇشاعىنا تۇسكەن كەزىڭدەگى اسەرلى ءساتتى نەمەسە ەڭ العاش ۇزدىك ناتيجە جاراتىپ اتا-اناڭدى قۋاندىرعان ءساتىڭدى ەسىڭە الىپ كور ءشى.
ەرەن: باستاۋىشتى ۇزدىك ناتيجەمەن ءبىتىرىپ، شەشەمنىڭ ۇزدىك بىتىرگەن وقۋشىلاردىڭ اتا-انالارىنىڭ قاتارىندا ءسوز سويلەگەنى ەسىمنەن كەتپەيدى. سول كەزدە ول: «ۇلىم، دىبىستاۋىم دۇرىس بولماي قالماسىن، ساعان وقىپ بەرەيىن، الدىمەن سەن تىڭدا، قاتە جەرىن تۇزەت» دەپ ابىرجىپ دايىندالىپ، قاعازعا جازىپ العان ءسوزىن قايتا-قايتا وقىپ جاتتىعىپ ەدى. تاعى بىردە ورتاق ءتىل كلاسىندا وقىسام دا، قوس ءتىل كلاسىنداعى بالالارمەن بىرگە وتكىزىلگەن قوس تىلدەگى دەكلاماتسيا جارىسىنا قاتىناستىم، شەشەم ۇلتتىق ۇلگىدە كيىندىرىپ، بىرگە باردى. 1 دارەجەلى سىيلىق الدىم، ورتاق تىلدە وقىپ، ارتىنان قازاقشا اۋدارىپ ايتىپ شىقتىم، شەشەم قۇشاقتاپ: «جارايسىڭ، ۇلىم، تىنباي قۇلشىنا بەر! » دەدى. ودان كەيىن تۇڭعىش رەت موينىما قىزىل گالستۋك تاعىپ، پيونەرلەر وتريادىنا كىرگەنىم ەسىمنەن كەتپەيدى، سول جولى موينىمداعى گالستۋگىمدى قايتا-قايتا قولىممەن سيپاپ، ۇيگە كورسەتۋگە اسىقتىم. ء
تىلشى: قۇلجا قالالىق 3 ورتا مەكتەپكە قالاي ءتۇستىڭ؟
ەرەن: ورتالاۋدى كۇنەس اۋدانىنداعى ءتۇيىندى 6 ورتا مەكتەپتەن وقىدىم، بىتىرەتىن جىلى ىشكى ولكەلەردەگى شىڭجاڭ ورتا مەكتەبىنە تىزىمدەلىپ، ەمتيحاننان 670 ءنومىر الدىم، شيامىن ۋنيۆەرسيتەتىنىڭ قاراماعىنداعى 2 ورتا مەكتەپتەن شاقىرتۋ كەلدى، ءبىراق اكە-شەشەم الىسقا جىبەرۋگە قيمادى ما، «كەيىن جوعارى مەكتەپتى ىشكى ولكەدەن وقيسىڭ، ورتا مەكتەپتى شىڭجاڭدا وقي بەرگەنىڭ ءجون سياقتى» دەپ جىبەرمەدى. شەشەم ءۇرىمجى قالالىق 8 ورتا مەكتەپتەن وقىساڭ قايتەدى دەپ، سول مەكتەپتىڭ ەمتيحانىنا قاتىناستىردى، ءوتتىم، ءبىراق جاڭا وقۋ رايونىندا وقيدى ەكەنسىڭ، قالانىڭ سىرتى، تاماق شارت-جاعدايى قالاي بولار، نە دە بولسا، اۋىلعا جاقىن، بارىپ-كەلۋىڭە، ءوزىمنىڭ بارىپ-كەلۋىمە دە قولايلى قۇلجا قالالىق 3 ورتا مەكتەپتەن وقىساڭ، ونىڭ ۇستىنە بۇل مەكتەپ وبلىسىمىزداعى ماڭداي الدى بەتكە باسار مىقتى مەكتەپ دەپ وسى مەكتەپتى كورسەتتى، تاڭداۋىمىز دۇرىس بولىپتى، 3 جىلدىق قۇلشىنىسىمنىڭ ناتيجەسىن كوردىم، ەلىمىزدەگى ماڭداي الدى ايگىلى جوعارى مەكتەپكە ءتۇسۋ الدىندا تۇرمىن. ء
تىلشى: عىلىمنىڭ اتاسى-ماتەماتيكا دەگەن ءسوز بار، ماتەماتيكا ادامنىڭ ويلاۋ جۇيەسىن جەتىلدىرۋدە ەرەكشە رول اتقارادى، ءبىر ماسەلە ەسەپتى شەشۋدىڭ ەكى نەمەسە ونان دا كوپ جولى بولادى، ماتەماتيكاعا مىقتى وقۋشىلار ادەتتە باسقا ساباقتاردان قينالىپ كەتپەيدى، ءوزىڭنىڭ ماتەماتيكاعا قۇشتارلىعىڭ قالاي پايدا بولدى؟ ماتەماتيكانى قالاي ۇيرەندىڭ؟
ەرەن: العاش رەت شەشەم قولىمنان جەتەلەپ كۇنەس اۋداندىق 2 باستاۋىش مەكتەپتىڭ قاقپاسىنان كىرگىزدى، بۇل اۋدانداعى ءتۇيىندى مەكتەپ ەكەن، ول كەزدە قوس تىلدەگى كلاستاردىڭ وقىتۋ ساپاسى دا جاقسى بولىپ تۇرعان سياقتى، ءبىراق شەشەم مەنى ورتاق تىلدە وقيتىن كلاسقا بەردى، مەن قارشادايىمنان بىلىمگە، وقۋعا قۇمار، زەرەك بولىپ ءوستىم، اسىرەسە، ماتەماتيكاعا قۇشتار بولدىم، ءار رەت الىنعان ماتەماتيكا ەمتيحاندارىندا تولىق ءنومىر الاتىنمىن، باستاۋىشتاعى كلاس جەتەكشىمىز ماتەماتيكا مۇعالىمى ەدى، سول كىسىنىڭ ىقپالى دا بولدى. شەشەم وقۋشىلارىنىڭ كۇندىز تەكسەرىپ بىتىرە الماعان تاپسىرمالارىن ۇنەمى ۇيگە اكەلىپ تەكسەرەتىن، شەشەممەن جاعالاسىپ، قولىما قارىنداشىمدى ۇستاپ، ساتىپ اكەپ بەرگەن تاياقشالاردى ساناپ، ەسەپ ىستەيتىنمىن، شەشەمنىڭ دە ىقپالى بولدى. ءار رەتكى اتا-انالار جيىنىندا كلاس جەتەكشىمىز مەنى ماقتاپ، وقۋشىلاردىڭ ۇيرەنۋ ۇلگىسى دەپ كورسەتەتىن، ورتا مەكتەپتە ءار رەتكى ماتەماتيكا ناتيجەم جوعارى بولاتىن، بۇل رەتكى جوعارى مەكتەپكە وقۋشى قابىلداۋ ەمتيحانىندا ادەتتەگى ناتيجەمنەن تومەنىرەك الدىم، 131 ءنومىر. ء
تىلشى: ساباقتان سىرت كىتاپ وقۋعا قۇشتارلىعىڭ قاشان باستالدى؟ قازىرگە دەيىن باستى-باستى قانداي كىتاپتاردى وقىدىڭ؟ گازەت-جۋرنالعا قىزىعۋىڭ قالاي؟ ءوزىڭ وقىعان ورتا مەكتەپتىڭ كىتاپحاناسىندا كىتاپ، گازەت-جۋرنال قورى مول ما؟
ەرەن: ساباقتان سىرت كىتاپ وقۋ − مەنىڭ باستى اۋەستەرىمنىڭ بىرەۋى، ساباقتان سىرتقى كىتاپتاردى كوبىنەسە جازعى، قىسقى دەمالىستاردا وقيمىن، ادەتتە ۋاقىتىم شىعا قالعان ساتتەردە وقيمىن، وقىعان مەكتەبىمنىڭ كىتاپحاناسىندا كىتاپ كوپ، جازدىرىپ الىپ وقيمىن، ودان سىرت مەكتەپ ماڭىندا سينحۋا كىتاپ دۇكەنى بار، سودان جانە توردان الىپ وقيمىن، ورتا مەكتەپ بىتىرگەن كەزدە كىتابىمنىڭ ءوزى بىرنەشە جاشىك بولدى، ۇيىمىزدە دە ارناۋلى كىتاپ سورەم بار، نەگىزىنەن شەشەم كىتاپ دۇكەندەرىنەن كىتاپتى كوپتەپ اكەلىپ بەرەدى، شەشەم شاڭحايداعى شىعىس قىتاي پەداگوگيكا ۋنيۆەرسيتەتىندە ءبىلىم تولىقتاپ وقىعان كەزىندە قىسقى دەمالىستا ءبىر شابادان تولعان كىتاپ الىپ كەلىپتى، شەشەم كىتاپ قۇمار، ارا-تۇرا جازىپ-سىزادى، ۇيىمىزدە كىتاپ بايلىعى جەتەرلىك، كىتاپقا قىزىعۋ جاعىندا شەشەمنىڭ ىقپالىنا ۇشىرادىم. كىتاپتى كوپ وقۋ ادەبيەت ساباعىندا ماقالا جازۋعا كوپ كومەگىن تىيگىزەدى، ءتىل قابىلەتىن جەتىلدىرەدى، اسىرەسە، ورتاق تىلدە وقىعان قازاق بالالارى ءۇشىن العاندا ادەبيەتتەن جوعارى ءنومىر الۋ ءۇشىن، ءسوزسىز، ساباقتان سىرت كىتاپ وقۋ ادەتى بولۋ قاجەت دەپ ويلايمىن. ءوز باسىم تاريحي، ادەبي كىتاپتاردى جانە اقىل-وي جەتىلدىرۋ، اشۋ جاقتارىنداعى كىتاپتاردى كوپ وقىدىم، اسىرەسە، شەتەلدىكتەردىڭ بالالاردىڭ جاسامپازدىق قابىلەتىن قالاي جەتىلدىرۋى جونىندەگى كىتاپتاردى كوبىرەك وقىدىم. ء
تىلشى: قازىرگى كۇندە مەيلى اتا-انالار اراسىندا بولسىن، الدە وقۋشىلار اراسىندا بولسىن، ساباق ءتۇرى كوپ، ساباق سالماعى اۋىر، تاپسىرما كوپ دەگەن پىكىرلەر بار، بۇل جونىندە قاتارداعى وقۋشى رەتىندە نە ايتار ەدىڭ؟
ەرەن: ەندى تاپسىرما مولشەرىنىڭ كوپتىگى راس، ءبىراق قاجىرلىلىقپەن ۇيرەنەم دەگەن كىسىگە كوپتىك قىلماي ما دەيمىن، مەنىڭ كوپ ۋاقىتىم تاپسىرما ورىنداۋمەن، جازۋمەن وتەتىن، ءبىراق ء«بىلىم الۋ ينەمەن قۇدىق قازعانداي» ەمەس پە، ۇيرەنگەن سايىن ۇيرەنگىڭ كەلەدى، ازدان كوپكە، تايازدان تەرەڭگە بەت الىپ ۇيرەنە بەرۋ قاجەت دەپ بىلەمىن.
تىلشى: قۇلجا قالاسىنا العاش كەلگەن كەزىڭدە مۇنداعى ورتا مەكتەپ پەن كۇنەس اۋدانىنداعى ءوزىڭ وقىعان مەكتەپ اراسىنداعى پارىقتى قانشالىق دارەجەدە سەزىندىڭ؟ مىسالى، ورتاسى، قۇرىلىستانۋى، وقۋشىلار سانى، وقىتۋشىلاردىڭ ساپاسى دەگەن سياقتى جاقتاردان؟
ەرەن: كۇنەس پەن قۇلجاداعى مەكتەبىمىزدىڭ قۇرىلىستانۋى، وقىتۋ شارت-جاعدايى، وقىتۋشىلاردىڭ ساپاسى جاقتارىندا زور پارىق بولدى، قۇلجا قالالىق 3 ورتا مەكتەپ وبلىسىمىز كولەمىندەگى ءتۇيىندى ورتا مەكتەپ قوي، مەكتەپ ءتارتىپ-تۇزىمى كەمەلدى، باسقارۋى قاتاڭ، وقىتۋ شارت-جاعدايى وتە جاقسى، وقىتۋشىلاردىڭ ساپاسى دا كەرەمەت، مەنىڭ ءوزىم كەلە سالعان جىلى ناتيجەم جاقسى بولعاندىقتان ورتا مەكتەپ 1 جىلدىعىنىڭ 6 كلاسىندا، ياعني تەز كلاسىندا وقىدىم، كلاس جەتەكشىمىزدىڭ قولىندا 2017 جىلى 3 جىلدىقتى ءبىتىرىپ ەمتيحان بەرگەن وقۋشىلاردىڭ ىشىنەن شىڭجاڭداعى الدىڭعى قاتارداعى 5 وقۋشى شىعىپتى، ءوزى اۆتونوميالى رايون دارەجەلى ۇزدىك ماتەماتيكا مۇعالىمى ەكەن. ء
تىلشى: قالاداعى مەكتەپكە العاش كەلگەن كەزىڭدە ۇزدىك وقۋشىلار ارا ۇيرەنۋ باسەكەسىنە قالاي توتەپ بەردىڭ؟
ەرەن: اۋداننان قالاعا كەلىپ وقىدىم، كلاستاعى 59 وقۋشىنىڭ ءبارى ناتيجەسى ۇزدىك، ساراپتالعان وقۋشىلار، باسەكە توتەنشە اۋىر بولدى، كلاستا 4 قازاق وقۋشى وقىدىق، باستاپقىدا جاتاق تۇرمىسىنا ءبىراز كوندىگە المادىم، ۇيرەنۋ دە قيىن سەزىلدى، قانشا ايتقانمەن، باستاۋىش، ورتالاۋدى قۇلجا قالاسىنان وقىعان ساباقتاستارىم ۇيرەنۋ ناتيجەسى جاعىندا مەنەن وزىق تۇردى، بالا ەمەسپىز بە، ازىن-اۋلاق قاقپايلاۋ دا بولدى، ءبىراق جاسىمادىم، قايتا وزىمە جىگەر بەرىپ، ءسوزسىز، ۇزدىك ناتيجەم ارقىلى ءوزىمنىڭ قابىلەت-قارىمىمدى دالەلدەيمىن دەپ سەرت ەتتىم. ء
تىلشى: ءوزىڭ دە بىلەسىڭ، قازىرگى كەزدە ۇيالى تەلەفون ءار جاقتان قولايلىلىق تۋدىرۋمەن بىرگە، ۋاقىتىمىزدى ۇرلايتىن ءبىرىنشى قۇرالعا اينالدى، ۇلكەندەردەن تارتىپ بالالارعا دەيىن ونى ەرمەك ەتەمىز، ءوزىڭ تەلەفوندى قاشاننان باستاپ ۇستادىڭ، ءبىر كۇندە قانشالىق ۋاقىتىڭ تەلەفونعا قاراۋمەن وتەدى نەمەسە ودان قالاي پايدالاناسىڭ؟ مەكتەپتەرىڭدە وقۋشىلاردىڭ تەلەفون ۇستاۋى جونىندە انىق بەلگىلەمە بار ما؟
ەرەن: دۇرىس ايتاسىز، مەن تەلەفوندى اكە-شەشەممەن حابارلاسۋ ءۇشىن عانا ىستەتەمىن، قىمبات ەمەس، حابارلاسۋ ءۇشىن عانا ىستەتىن تەلەفون، كوپ قاراپ كەتپەيمىن، نەگىزىنەن جاتاققا قويىپ قويامىن، ساباقحاناعا اپارىپ كورمەدىم، ساباقتان قايتىپ جاتاققا بارىپ، ۇيمەن حابارلاساتىن ساتتە عانا اشامىن، نەگىزى مەندە تەلەفون كورەتىن ۋاقىت جوق، مەكتەپتە دە بەلگىلەمە بار، ءبىراق ءىشىنارا وقۋشىلاردا ساباق ۋاعىندا تەلەفونعا قاراۋ، ورىندى پايدالانباۋ جايتتەرى از ەمەس، تەلەفوندى ورىندى پايدالانۋ قاجەت، مەن قىمبات تەلەفون الامىن دەپ ۇيدەگىلەرگە سالماق سالىپ كورمەدىم، شەشەم: ەندى جوعارى مەكتەپكە تۇسەسىڭ، جاقسى تەلەفون ال، − دەيدى، ءالى دە المادىم، ەندى الاتىن شىعارمىن. ء
تىلشى: مەكتەپتە وقىپ جۇرگەن شاعىڭدا تۇرمىستا ەسىڭنەن كەتپەستەي قينالعان ساتتەرىڭ بولدى ما؟
ەرەن: وقىپ جۇرگەن شاقتارىمدا تۇرمىستا قاتتى قينالعان ساتتەرىم جوق دەسەم بولماس، ورتا مەكتەپ 1 جىلدىعىن وقىپ جاتقان كەزىمدە شەشەم شاڭحايعا ءبىلىم تولىقتاۋعا كەتتى، اكەم تومەنگە تۇسكەن، قىزمەتى قاربالاس بولاتىن، مەملەكەت مەرەكەسىنىڭ دەمالىسىندا ۇيگە بارسام، ءۇيدىڭ ءىشى سۇپ-سۋىق سەزىلدى، ءوزىم كىر جۋىپ، تاماعىمدى شاماما قاراي جاساپ جەدىم، ورتا مەكتەپتىڭ 1، جىلدىقتارىندا جاتاقتا جاتتىم، جاتاق تۇرمىسىنا دا ارەڭ كوندىكتىم، وقۋشىلىق كيىمدەرىمدى ءوزىم جۋىپ كيدىم، قىستا كەيدە جۋعان كيىمىمنىڭ كەپپەي قالعان ساتتەرى دە بولدى، سونداي كەزدەردە الدىما ىستىق تاماق قويىپ، كىرىمدى جۋىپ بايەك بولاتىن شەشەمنىڭ ەڭبەگىن ەسكە الۋشى ەدىم. . . ء
تىلشى: ۇيرەنۋ نىساناسىن قالاي بەلگىلەيسىڭ؟ ۇيرەنۋ نىساناسىن بەلگىلەۋىڭە اتا-اناڭ، ۇستازدارىڭ كومەكتەستى مە؟ الدە ءوزىڭ دەربەس بەلگىلەپ وتىردىڭ با؟
ەرەن: ادام نىسانا، ماقسات بەلگىلەۋى، سول ماقساتىن ورىنداۋ ءۇشىن قۇلشىنۋى كەرەك، مەن كىشكەنتايىمنان ءوزىمنىڭ ۇيرەنۋ نىسامدى انىق بەلگىلەدىم، ء«سوزسىز، جاقسى وقىپ، انامدى دۇنيەدەگى ەڭ باقىتتى انالاردىڭ ءبىرى بولعانداي ماقتانىش سەزىمىنە بولەيمىن، ايگىلى جوعارى مەكتەپتەن وقىپ، اتا-انامنىڭ ءۇمىتىن اقتاپ، وتانىمىز، حالقىمىز ءۇشىن يگىلىكتى ىستەر ىستەپ، جاڭالىق جاراتامىن» دەپ سەرت ەتكەمىن (ول وسى ارادا تەلەفون ارقىلى 2018 جىلى مامىردىڭ 30 كۇنى ساقتاپ قويعان ەستەلىك ماتەريالىن كورسەتتى، وندا نىسانا، ماقساتىنا بايلانىستى «انامدى دۇنيەدەگى ەڭ باقىتتى انالاردىڭ ءبىرى بولعانداي ماقتانىش سەزىمىنە بولەيمىن» دەگەن ءسوز جازىلعان ەدى) . ء
تىلشى: وقۋشىلاردىڭ جاقسى مىنەز، بيىك مۇرات، جوعارى نىسانا ورناتۋىندا كەيدە وقىتۋشىلاردىڭ ءبىر اۋىز ءسوزى نەمەسە ءبىر رەتكى سىنى، ءبىر رەتكى شابىتتاندىرۋى شەشۋشى رول اتقاراتىن كەزدەر دە بولادى، وزىڭدە وسىنداي جايتتەر بولدى ما، بولسا، اشالاپ ايتىپ بەرسەڭ.
ەرەن: يا، دۇرىس ايتاسىز، كەيدە وقىتۋشىنىڭ شابىتتاندىرۋى، سىنداۋى وقۋشىنىڭ نىسانا، ماقسات بەلگىلەۋىنە ىقپال ەتەتىن كەزدەرى بولادى. باستاۋىش وقىپ جۇرگەن كەزىمدە ماتەماتيكا ساباعىنان ناتيجەم كورنەكتى بولعاندىقتان وقىتۋشىمنىڭ كورسەتۋىمەن توردا تىزىمدەلىپ ماتەماتيكا جارىسىنا قاتىناسىپ، اۋىزشا ەسەپتەۋدە 1 دارەجەلى سىيلىق الدىم، ورتالاۋ وقىپ جۇرگەن كەزىمدە حيميا، فيزيكا ساباقتارىنان جۇلدەلى بولدىم، ال ورتا مەكتەپتىڭ 1 جىلدىعىنا بارعان كەزىمدە تەز كلاستا وقىدىم. مەن دوپقا وتە قىزىعام، ساباقتاستارمەن دوپ ويناپ 2 رەت كەشكى پىسىقتاۋعا 5 مينۋت كەشىگىپ كىرگەندىكتەن كلاس جەتەكشىمىز سىنداپ، ەرتەسى جاي كلاسقا الماستىرىپ جىبەردى، بۇنى ەستىگەن شەشەم قاتتى ابىرجىدى، مەن: «شەشە، ابىرجىماڭىز، مۇعالىم الدىداعى ايلىق ەمتيحاننان ناتيجەڭ الدىدا بولسا، قايتا كەلەسىڭ دەدى» دەىم، ەكى اپتا جاي كلاستا وقىپ، الىنعان ايلىق ەمتيحاننان جىلدىقتار بويىنشا ءبىرىنشى دارەجەلى بولدىم، ەرتەسى الدىڭعى كلاس جەتەكشىمىز كەلىپ: سومكاڭدى جيناپ كلاسقا ءجۇر، − دەدى. مۇعالىمنىڭ سىنىنىڭ دا وقۋشىنىڭ ىلگەرىلەۋىنە قوزعاۋشى كۇش بولاتىنى ءسوزسىز، سودان قايتىپ پىسىقتاۋدان، ساباقتان كەشىكپەدىم، باسقا كلاسقا الماسپادىم. ء
تىلشى: جوعارى مەكتەپتەردىڭ وقۋشى قابىلداۋ ەمتيحانىنا دايىندالۋ كەزىندە مۇعالىمدەرىڭ دايىن جاتتىعۋ ماتەريالدارىنا عانا سۇيەنە مە، الدە وزدەرى جاسامپازدىقپەن سۇراۋ شىعارىپ، جاتتىقتىرا ما؟
ەرەن: ورتا مەكتەپتىڭ 3 جىلدىعى ەڭ جاپالى جىل، وقىتۋشلار دا، وقۋشىلار دا قينالاتىن مەزگىل. ءبىزدىڭ ساباق وقىتۋشىلارىمىزدىڭ كوبى اۆتونوميالى رايون دارەجەلى ۇزدىك وقىتۋشىلار، بۇگىنگى ناتيجەمدى ۇستازدارىمنىڭ ەڭبەگىنەن بولە قارامايمىن، ولار ءار ءتۇرلى جاتتىعۋ، ەلىكتەمە ەمتيحان سۇراۋلارىن پايدالانادى، 1 ايدان باستاپ نەگىزىنەن ۇيرەنگەن ءبىلىمدى بەكەمدەيمىز، اپتا سايىن ءار ءتۇرلى ەلىكتەمە سۇراۋ، جاتتىعۋ سۇراۋلارىن ىستەيمىز، وسى ارقىلى جوعارى مەكتەپكە وقۋشى قابىلداۋ ەمتيحانىندا قالاي جاۋاپ جازۋدى، ۋاقىتتان قالاي ۇتىمدى پايدالانا ءبىلۋدى يگەرەمىز، وقىتۋشىلارىمىز بۇدان سىرت تاياۋ 2-3 جىلدان بەرى الىنعان جوعارى مەكتەپ ەمتيحان سۇراۋلارىنان پايدالانادى ءارى وسى سۇراۋلاردى ءتۇسىندىرۋ بارىسىندا ءار ءتۇرلى فورمامەن، ءار ءتۇرلى ادىسپەن جاۋاپ جازۋ، جاۋاپ بەرۋ ادىستەرىن ۇيرەتەدى. ء
تىلشى: بالانىڭ ۇيرەنۋ ناتيجەسىنىڭ جاقسى بولۋى نەمەسە جاقسى ۇيرەنۋ ادەتىن جەتىلدىرۋى بارىسىندا قايسى فاكتور ەڭ ماڭىزدى دەپ بىلەسىڭ، مىسالى، اتا-انا ما، وقىتۋشى ما، الدە بالانىڭ ءوزى مە دەگەندەي؟
ەرەن: بالانىڭ جاقسى ۇيرەنۋ ادەتىن قالىپتاستىرۋى، جاقسى ناتيجە جاراتۋى ءۇشىن، ەڭ باستىسى بالانىڭ وزىندە قيىنشىلىققا توزەتىن بەرىك جىگەر، ايقىن نىسانا، سول نىسانانى ورىنداۋ جولىنداعى ۇلكەن قۇلشىنسى بولۋى كەرەك دەپ ويلايمىن. سونداي-اق اتا-انا قولداپ، بالاسىنىڭ الاڭسىز وقۋىنا شارت-جاعداي ازىرلەۋى كەرەك، مىسالى، مەن قۇلجا قالاسىندا وقىعان 3 جىلدا سىرتقا شىعاتىن ۋاقىتىم بولماعاندىقتان كيىم-كەشەگىمدى، تۇرمىستىق بۇيىمداردى بازار ارالاپ الىپ كورمەدىم، بارلىعىن شەشەم دايىنداپ اكەپ وتىرادى، ءارقانداي كىتاپ، وقۋ ماتەريالىن ساتىپ الام، پىسىقتاۋ كلاسىنا كىرەم دەسەم، اتا-انام قاراجاتىمدى ۋاعىندا تولەپ وتىرادى، سوندىقتان مەن بار زەيىن-زەردەمدى وقۋعا جۇمسادىم. قىسقى، جازعى دەمالىستاردا ۇيگە بارىپ تاپسىرمالارىمدى جازىپ وتىرسام، شەشەم قىزمەتتەن شارشاپ كەلسە دە، اسىمدى ازىرلەپ الدىما قويادى. ورتا مەكتەپتىڭ 3 جىلدىعىندا جاتاقتاعى بالانىڭ كوپتىگى ساباق قاراۋىما ىقپالىن تىيگىزە مە دەپ الاڭداعان شەشەم تاعى ءبىر ساباقتاسىمنىڭ اكە-شەشەسىمەن اقىلداسىپ مەكتەپ ماڭىنان ەكەۋىمىزگە ءبىر ءۇيدى مايعا الىپ بەردى، مەكتەپكە جاقىن بولعاندىقتان قاراجاتى دا قوماقتى ەدى، سولاي بولسا دا، شەشەم: «بالام، ەمتيحان بەرەتىن جىلىڭ، مونشاسى دايىن، كىرىڭدى جۋعانىڭا، دەم العانىڭا قولايلى، ۋاقىتىم بولسا ءوزىم كەلىپ ءبىر شىنى ىستىق شايىڭدى دايىنداپ بەرەمىن» دەپ، وسى بەكىمگە كەلدى. راسىندا ۋاقىتى بولا قالسا، جۇما كۇنى كەشتە نان، ءسۇت، شۇبات، قىمىزىن الىپ ساعات 11، 12 لەردە سوناۋ كۇنەستەن جەتىپ كەلەتىن. مۇندايدا شەشەمە قاراپ: «شەشە، مۇنىڭىز نە؟ ءوزىڭىز دە قىزمەتتەن شارشاپ ءجۇرسىز، ماشينادان بەرىپ جىبەرسەڭىز دە بولادى عوي، نەگە اۋرە بولدىڭىز، دەمالساڭىز بولماي ما» دەپ، ىشتەي شەشەمدى اياپ كەتەتىنمىن. دەمەك، كوكىرەگى وياۋ، ۇرپاق دەپ جار قۇلاعى جاستىققا تىيمەگەن اتا-انامنىڭ قولداۋى ماعان زور شابىت بەردى. سونىمەن بىرگە، الدىڭعى قاتارداعى مەكتەپتە ۇزدىك وقىتۋشىلاردان ءبىلىم الۋدىڭ دا ماڭىزى زور. اتا-انا، مەكتەپ جانە بالانىڭ ءوزى سايكەسسە، ءسوزسىز، جاقسى ناتيجە شىعادى. ء
تىلشى: اعىلشىن تىلىنەن 141 ءنومىر الدىڭ، وتە جاقسى ناتيجە، اعىلشىن ءتىلىن ۇيرەنۋدەگى ادىستەرىڭ قالاي بولدى؟
ەرەن: اعىلشىن ءتىلى ساباعى دا مەن ءۇشىن وڭاي ساباق سەزىلەدى، اعىلشىن ءتىلى ناتيجەم بايقاۋ ەمتيحاندارىندا 145 تەن ءتۇسىپ كورمەدى، وسى رەت 141 ءنومىر الدىم. مەن باستاۋىشتان تارتىپ اعىلشىن ءتىلىن قىزىعىپ وقىدىم، باستاۋىشتىڭ 3 جىلدىعىنان باستاپ باستاۋىشتى بىتىرگەنگە دەيىن 3 جىل اۋدان ورتالىعىندا اشىلعان بولين اعىلشىن تىلىنە تاربيەلەۋ ورنىنىڭ كۋرسىنا قاتىناستىم، كەيدە سەنبى، جەكسەنبى دەمالىس كۇندەرىمدە دە كۇنىنە 2 ساعاتتان كۋرسقا بارىپ تۇردىم، وسى تاربيەلەۋ ورنىنداعى جارىستارعا قاتىناسىپ جۇلدەلى بولدىم، شەشەم اعىلشىن ءتىلىن ەستىپ جاتتىعۋ قۇرالدارىن الىپ بەردى، كەشتەردە تىڭداپ ءارى ىلەسىپ ايتىپ جاتتىعاتىنمىن، ونان سىرت تەلەۆيزوردان اعىلشىن تىلىندە كينو كورىپ، مۋزىكا، حابار تىڭدايمىن. ء
تىلشى: «وي داۋا» تەكشەسىندە جاريالانعان ىبىراي جۇماقادىر ۇلىنىڭ شەشەڭمەن سۇحپاتىندا سىيلىق ۇستاپ، القا اسىنىپ، شەشەڭمەن بىرگە باسكەتبول الاڭىندا تۇسكەن سۋرەتىڭ وقىرماندى باۋرايدى ەكەن، دەنەتاربيەگە، اسىرەسە، باسكەتبولعا قانشا جاسىڭنان باستاپ اۋەستەندىڭ؟ ۇيرەنۋ مەن شىنىعۋ ۋاقىتىن قالاي ورنالاستىردىڭ؟
ەرەن: مەنىڭ ساباقتان سىرتقى ەڭ قىزىعاتىنىم باسكەتبول ويناۋ، اكە-شەشەم باستاۋىش وقىعان كەزىمدە ءبىر رەتكى جازدىق دەمالىستا: «ۇل بالا ءوزىن قورعاۋدى ۇيرەنۋى كەرەك» دەپ تاەكۆوندو كۋرسىسىنا قاتىناستىرعان، كەيىن كۇنەستە ورتا مەكتەپتىڭ دەنەتاربيە وقىتۋشىلارى بەتاي، تىلەۋجان مۇعالىمدەر اشقان دوپ كۋرستارىنا قاتىناستىم، ورتالاۋ وقىعان كەزىمدە 6 ورتا مەكتەپتىڭ دەنەتاربيە مۇعالىمى وسى جاقتاعى ارتىقشىلىعىمدى بايقاپ، جەتەكتەدى، تالاي رەت ساباقتاستارىممەن بىرگە اۋدان، وبلىس كولەمىندەگى باسكەتبول جارىستارىنا قاتىناستىردى ءارى جۇلدەلى بولىپ وتىردىق. ساباقتان سىرتقى ۋاقىتتارىمدا كوبىنەسە بىرەر ساعات دوپ ويناپ شارشاۋىمدى باسامىن. 3 ورتا مەكتەپكە كەلگەننەن كەيىن دەنەتاربيە ءمۇعالىمىمنىڭ جەتەكشىلىگىندە سان رەت قالا، وبلىس كولەمىندەگى جارىستارعا قاتىناستىم، اۆتونوميالى رايوندا وتكىزىلگەن دوپ جارىستارىنا دا قاتىناستىم، بۇل − مەنىڭ ساباقتان سىرتقى ەڭ جاقسى كورەتىن كاسىبىم. شەشەم: «بيىل ەمتيحان بەرەسىڭ، دوپتى كوپ ويناپ ۋاقىتىڭدى ىسىراپ ەتپە» دەپ الاڭدادى، ءبىراق مەن ساباعىمدى باستى ورىنعا، قىزىعۋىمدى ەكىنشى ورىنعا قويىپ كەلدىم، كلاس جەتەكشىم دە كوپ قولدادى. ء
تىلشى: مەكتەپتەرىمىزگە وقۋشىلاردى احىلاق، اقىل-وي، دەنە، ەستەتيكا، ەڭبەك جاقتارىنان جان-جاقتى جەتىلدىرۋ مىندەتى جۇكتەلگەن، ساباقتى ۇزدىك وقىپ، دەنەتاربيەدەن دە بەلگىلى ناتيجەگە قول جەتكىزىپ كەلەدى ەكەنسىڭ، باسقا جاقتاردان قانداي اۋەستەرىڭ بار؟
ەرەن: اكە-شەشەم: «جىگىت ادام سەگىز قىرلى، ءبىر سىرلى بولۋى كەرەك» دەپ كوپ ايتادى. وتباسى تاربيەسىنىڭ ىقپالى بولار، باستاۋىشتىڭ 4 جىلدىعىندا وقىپ جۇرگەن كەزىمدە دومبىرا، گيتارا كۋرستارىنا قاتىناستىم ءارى قوبىز ۇيرەندىم، اسىرەسە ىرحۋدى (قىتاي ۇلىتىنىڭ قوبىزى) جاقسى تارتاتىنمىن، ساباقحانادا وتكىزىلەتىن مەرەكەلىك قيمىلداردا قاراجورعا، اتنوشكا بيلەيتىنمىن، ودان سىرت سۋرەت سالۋعا قىزىعامىن، باستاۋىش وقىعان كەزىمدە سىزعان تالاي سۋرەتىم ساباقحانا قابىرعاسىنا ىلىنگەن، سۋرەت كۋرستارىنا دا قاتىناساتىنمىن. ء
تىلشى: باستان-اياق ورتاق تىلدەگى كلاستا (مەكتەپ) وقىپسىڭ، وقۋشىلارمەن ىنتىماعىڭ قالاي بولدى؟
ەرەن: كوپتەگەن قىتاي دوستارىم بولدى، قىتاي ساباقتاستارىممەن شىعىسىمدى ءوتتىم، ساباقتاستارىم ايتتاردا ۇيىمىزگە ايتتاپ كەلەتىن. ورتا مەكتەپتە مايعا العان ۇيدە بىرگە جاتقان قىتاي ساباقتاسىم ەكەۋىمىز ءبىر ءۇيلى جانداي تاتۋ بولدىق. ورتا مەكتەپتىڭ 2 جىلدىعىندا «ۇشتە جاقسى وقۋشى»، سونىمەن قوسا «ۇلتتار ىنتىماعىنداعى وزات جەكە» بولىپ سىيلاندىم. جوعارى مەكتەپ ەمتيحانىنا از ۋاقىت قالعان كەزدە كوزىم اۋىردى، اكە-شەشەم قىزمەتىنەن بوساپ كەلە المادى. ءمۇعالىمىم شيپاحاناعا جالعىز بارىپ ەمدەلسەڭ بولمايدى دەپ، ءبىر قىتاي ساباقتاسىمنىڭ اكە-شەشەسى ەمدەلۋىمە 3-4 كۇن قارايلاستى، بىرگە جاتقان ساباقتاسىم ەلىكتەمە ەمتيحان سۇراۋلارىن اكەلىپ كومەكتەستى. ء
تىلشى: قازىرگە دەيىن قاي-قايسى جوعارى مەكتەپتەردەن، قانداي كاسىپتەردەن شاقىرتۋ كەلدى؟ قايسى مەكتەپتى، قاي كاسىپتى تاڭدادىڭ؟
ەرەن: قازىرگە دەيىن بەيجيڭ ۋنيۆەرسيتەتى مەن تسينحۋا ۋنيۆەرسيتەتى حابارلاستى، ولار مەديتسينا، ەلەكترون-كومپيۋتەر، زاڭ، ينجەنەريا، جاراتىلىستىق عىلىمدار تاجىريبەسى كاسىپتەرىن تاڭداۋعا كورسەتىپتى، ەكەۋى دە ەلىمىزدەگى ەڭ ايگىلى ۋنيۆەرسيتەتتەر. ءوزىم تسينحۋا ۋنيۆەرسيتەتىنىڭ قۇرىلىس كاسىبىن تاڭدادىم، شەشەم دە تالعامىما قۇرمەت ەتتى. ء
تىلشى: وي، بارەكەلدى، اڭگىمەمىز ۇزاقتاۋ بولىپ كەتسە دە، جاقسى سايكەستىڭ، ءسوز سوڭىندا اتا-انا، ۇستازدارىڭا، ارتتان ەرگەن ءىنى-قارىنداستارىڭا قانداي لەبىز بىلدىرەسىڭ؟
ەرەن: ءسوزىمنىڭ سوڭىندا ارتتان ەرگەن ءىنى، قارىنداستارىما ايتارىم، ء«بىلىم الۋ ينەمەن قۇدىق قازعانداي»، بۇل جولدا قاجىرلىلىقپەن ۇيرەنۋ، جالقاۋ بولماۋ، كەزدەسكەن قيىنشىلىققا مويىماۋ كەرەك، ءبىلىم ءتۇپسىز تەڭىز سياقتى، شىن بەرىلسەڭ، باۋراپ الادى. وسىنداي جاقسى ناتيجەگە قول جەتكىزۋىمە دەم بەرگەن قۇلجا قالالىق 3 ورتا مەكتەپتەگى ساباق مۇعالىمدەرىمە، 3 جىل بويى تاربيەلەگەن كلاس جەتەكشىمە، الاڭسىز وقۋىما شارت-جاعداي جاراتىپ بەرگەن اتا-اناما كوپتەن-كوپ راقىمەت ايتامىن.

اۆتوردىڭ ەلەكتروندى حات ساندىعى:
251060115@qq.com

قوسىمشا جۇكتەلگەن سۋرەتتەرى:

كەلۋ قاينارى: http://www.elarna.net/oku.php?tur=11&id=2354

پىكىرلەر:


قوناق: #3724، ۋاقىتى: 16:30 - 2020/08/13

аман болсын, бауырымыз ...


جازعان لەبىزىڭىز300 ارىپتەن اسپاسىن!
ادام نەمەسە ۋيروس ەكەندىگىڭىزدى تۇراقتاندىرۋ سۇراعى، كاتەكشەگە 99 دەپ جازىڭىز، راحىمەت!
98 + 1 = ? sozsiz sifermen tolteringiz.

ەڭ جاڭا ماقالالار


ورنىقتىلىق، دامۋ قىزمەت 4 مينوت
« پارتيا ياچەيكاسى + » 5 مينوت
پاراسات مايدانى. ورتاق 5 مينوت
عالىمدار كارىلىكتىڭ الد 5 مينوت
ج ك پ ورتالىق كوميتەتىن 5 مينوت
ءۇش كۇن ىزدەۋدە بولعان 7 مينوت
اۋىلدا امبۋلاتوريا اشىل 7 مينوت
ەلىمىزدە سپورتپەن جۇيەل 13 مينوت
ادولف اداننىڭ "كور 13 مينوت
قازاقستاننىڭ بەس وبلىسى 15 مينوت
ءابليازوۆتىڭ سىبايلاسى 15 مينوت
مەملەكەت باسشىسى: انا ء 15 مينوت
مۇحتار ءابىليازوۆتىڭ سى 16 مينوت
الماتىعا كەلگەن جولاۋشى 16 مينوت
جاسارعان جاڭا بۋىن: Nur 22 مينوت
ادولف اداننىڭ "كور 22 مينوت
اۆتونوميالى رايوندىق 13 25 مينوت
قازاقستانداعى يسلامتانۋ 25 مينوت
شىعىس قازاقستاندا پۋلمو 25 مينوت
اۋىل مەكتەپتەرىنىڭ دامۋ 25 مينوت
شۇعىل جاعدايدا بۇقارانى 25 مينوت
قاباەۆا ءقايتىپ مەديا م 25 مينوت
رەسمي. فەرگيۋسون مەن ول 25 مينوت
پارتيا ورتالىق كوميتەتى 25 مينوت
قازاقستان چەمپيوناتىندا 1 ساعات
جۇرگىزۋشى كۋالىگىن قاشا 1 ساعات
نازارباەۆ ۋنيۆەرسيتەتى 1 ساعات
قىزىلوردادا زاڭسىز قارۋ 1 ساعات
ۇوك Kundelik.kz-پەن وقۋ 1 ساعات
حالىقارالىق كونفەرەنتسي 1 ساعات