ءتۇرى: ەل-ارنا گازەتى | وسى ارادان ەلارنا گازەتىنىڭ بارلىق ماقالالارىن كورۋگە بولادى..
مەندە ال-ارناعا جازبا-ماقالا جازامىن، وندا وسى ارانى باسىڭىز!
جولدانعان ۋاقىتى: 00:20 - 2020/05/21
ماقالا جولداۋشى: ЗАЙДЫН ОРАЗАҚЫН
ماقالا اپتورى: زايدىن ورازاقىن ۇلى
اپتوردىڭ مەكەن-جايى: الماتى قالاسى ناۋرىزباي اۋدانى
وسى ماقالانىڭ كىرىلشە نۇسقاسى، وسى ارانى باسىڭىزОсы мақаланың кірілше нұсқасы, осы араны басыңыз
تاۋعا باردىق
زايدىن ورازاقىن ۇلى
« تاۋعا باردىق ،
ايعاي سالدىق ، »
ءبىز كەلدىك دەپ ،
بىلىق ەتپەدى ءبىراق تاۋ .
ۇزاق جۇردىك ،
جاتىر مۇلگىپ ،
دەسەدە تاۋ ،
بالالىقتان جىراقتاۋ .
تاۋ تۇر ەكەن ،
بۇرلەپ شەتەن ،
جىلاپ تۇرما ؟
قۇراعى مەن تالى شىق .
جابىرقايدى ،
جاتىرقايدى ،
بۇرىن بۇلاي بولماۋشى ەدى ،
تىسكە ءشايىر جابىسىپ .
قاراعايدىڭ ،
ارالايمىن .
فوتوعا الىپ ،
جاڭا جارعان ۇرىعىن .
مازالايدى ،
جازالايدى ،
قولعا كىرىپ ،
تىكەنەگى بۇرىنىڭ .
قايدا كەتكەن ،
اينا كوكتەن ،
اۋلاندىما ،
بالىعى دا زىم – زيا .
جۇرە المادىم ،
شىعا المادىم ،
قابىرعا جول ،
نە بوپ قالعان تىم قيا .
تايىپ كەتتىم ،
نەگە تەپتىڭ ،
بۇلاعىڭنان اتتاي الماي ،
جالپاق تاسقا جىعىلىپ .
ءدامى كەرمەك ،
كەيىن تەر دەپ ،
راۋعاشى قىلتيادى ،
جاپىراققا بۇعىنىپ .
جاۋراماۋشى ەم ،
تاۋدا جۇرسەم ،
قۇس دەنە عىپ ،
قالشىلداتتى ىڭىرى .
شالىنشى دەپ ،
جالىنشى دەپ ،
كەكتەنىپ تۇر ،
جاس قايىڭنىڭ تۇبىرى .
تاۋدىڭ تاڭى ،
اتام زاڭى ،
ارقالايىن ،
بار قازاققا جىرى جۇك .
كەسىر مەنى ،
كەشىر مەنى ،
بۇلاعىڭا ، جاۋىنىڭا ،
باستاۋىڭا ەسەيىپ ەم جۋىنىپ .
قوسىمشا جۇكتەلگەن سۋرەتتەرى:
كەلۋ قاينارى: http://www.elarna.net/oku.php?tur=11&id=2349
