ءتۇرى: ەل-ارنا گازەتى | وسى ارادان ەلارنا گازەتىنىڭ بارلىق ماقالالارىن كورۋگە بولادى..
مەندە ال-ارناعا جازبا-ماقالا جازامىن، وندا وسى ارانى باسىڭىز!
جولدانعان ۋاقىتى: 16:10 - 2020/04/14
ماقالا جولداۋشى: ЗАЙДЫН ОРАЗАҚЫН
ماقالا اپتورى: زايدىن ورازاقىن ۇلى
اپتوردىڭ مەكەن-جايى: الماتى قالاسى ناۋرىزباي اۋدانى
وسى ماقالانىڭ كىرىلشە نۇسقاسى، وسى ارانى باسىڭىزОсы мақаланың кірілше нұсқасы, осы араны басыңыз
قىزايداي ءپىر – انا
زايدىن ورازاقىن ۇلى
انانىڭ – پەيىلى ، حيكىمەت ەرتەگى ،
انانىڭ – رۋحى ، ىرگەلى ەل شەبى .
انانىڭ – ءتالىمى ، ۇرپاقتىڭ ەرتەڭى ،
قىزايداي ءپىر انا ، قىزايدىڭ جەلكەنى .
انانىڭ – مەيىرى ، تاڭىردىڭ ارىنى ،
انانىڭ – ءبىلىمى ، حالقىنىڭ دارىنى .
انانىڭ – اسپانى ، الەمنىڭ جارىمى ،
قىزايداي ءپىر انا ، قىزايدىڭ جارىعى .
انانىڭ – ارقاسى ، بابانىڭ دالاسى ،
انانىڭ – كيەسى ، انا وزەن ساعاسى .
انانىڭ – اق تۋى ، ەلدىكتىڭ جاعاسى ،
قىزايداي ءپىر انا ، قىزايدىڭ پاناسى .
انانىڭ – كۇلگەنى ، ەرتەڭنىڭ شۋاعى ،
انانىڭ – جۇرەگى ، بار ءتۇننىڭ شىراعى .
انانىڭ – ارمانى ، ىنتىماق بۇلاعى .
قىزايداي ءپىر انا ، قىزايدىڭ شىنارى .
انانىڭ – سىرلارى ، اقىلدىڭ اعاسى ،
انانىڭ – اق توسى ، تىرلىكتىڭ اۋاسى .
انانىڭ – تۇمارى ، بار دەرتتىڭ داۋاسى .
قىزايداي ءپىر انا ، قىزايدىڭ اناسى .
انانىڭ – مۇراسى ، اسىلدىڭ سىنىعى ،
انانىڭ – ساۋساعى ، اق ءۇيدىڭ سىرىعى .
انانىڭ – اق ءسۇتى ، ءزامزامنىڭ قۇدىعى ،
قىزايداي ءپىر انا ، قىزايدىڭ تۇنىعى .
انانىڭ – ءاجىمى ، ەڭبەكتىڭ ىزدەرى ،
انانىڭ – اشۋى ، تەرەڭگە جۇزگەنى .
انانىڭ – اساسى ، بالبال تاس تۇزدەگى ،
قىزايداي ءپىر انا ، قىزايدىڭ ءدۇر بەگى .
انانىڭ – جاۋلىعى ، داستۇردىڭ ساۋلىعى ،
انانىڭ – كەستەسى ، ەڭ اسەم تاۋ گۇلى .
انانىڭ – ساندىعى ، اقىننىڭ ءنان جىرى ،
قىزايداي ءپىر انا ، قىزايدىڭ ماڭگى ءۇنى .
انانىڭ – ۇرشىعى ، جاھاننىڭ جالپاعى ،
انانىڭ – باۋىرى ، بەرەكە قالقانى .
انانىڭ – تىلەگى ، اق تۇبىت قالپاعى ،
قىزايداي ءپىر انا ، قىزايدىڭ ءار تاڭى .
انانىڭ – اق شاشى ، وردانىڭ تۇندىگى ،
انانىڭ – ءالديى ، مۋزىكا سىڭعىرى .
انانىڭ – ءاز داۋسى ، دومبىرا كۇمبىرى ،
قىزايداي ءپىر انا ، قىزايدىڭ شىندىعى .
انانىڭ – قولتىعى ، تۋعان جەر ەتەگى ،
انانىڭ – تاڭدايى ، انا ءتىل جەتەگى .
انانىڭ – قۇرساعى ، ءجاننات باق مەكەنى ،
قىزايداي ءپىر انا ، قىزايدىڭ شەكەرى .
انانىڭ – ماڭدايى ، التىن تاۋ سىلەمى .
انانىڭ – يىعى ، كەر جايلاۋ شۇلەنى .
انانىڭ – اسقارى ، ەلىنىڭ بىلەگى ،
قىزايداي ءپىر انا ، قىزايدىڭ تىرەگى .
انانىڭ – كىرپىگى ، پەريزات ايداعى ،
انانىڭ – قاباعى ، باتىردىڭ ايبارى .
انانىڭ – جانارى ، جىلۋدىڭ قاينارى ،
قىزايداي ءپىر انا ، قىزايدىڭ قايماعى .
انانىڭ – مىنەزى ، مەيىردىڭ مايداسى ،
انانىڭ – ناقىلى ، ەڭ اۋىر ساي تاسى .
انانىڭ – دۇعاسى ، الاشتىڭ مايلى اسى ،
قىزايداي ءپىر انا ، قىزايدىڭ ايناسى .
انانىڭ – تىلەگى ، پەرىشتە بەسىگى ،
انانىڭ – تابانى ، بەيىشتىڭ ەسىگى .
انانىڭ – الىبى ، تاريحتىڭ ەسىلى .
قىزايداي ءپىر انا ، قىزايدىڭ ەسىمى .
13:38
读取
قوسىمشا جۇكتەلگەن سۋرەتتەرى:
كەلۋ قاينارى: http://www.elarna.net/oku.php?tur=11&id=2327
