ەل-ارنا قولفون نۇسقاسىنا ەنۋ Еларна қолфон нұсқасына ену


ەل-ارنا قولفون نۇسقاسى | "قولفون نۇسقاسىن ءتۇسىرۋ (Android)

Кірілше
جۇكتەۋ-البومىم-البومدار-جەلى
وسى توردى ساقتايمىن! | وسى توردى باس بەت ەتەمىن!

ءبىزدىڭ بايلانىس: elarna2012@gmail.com



تىركەلىڭىزدەر كىتاپحانا قوجالار تورابى البومدار قازاقتىڭ 1001 ەرتەگىسى

ءتۇرى: ەل-ارنا گازەتى | وسى ارادان ەلارنا گازەتىنىڭ بارلىق ماقالالارىن كورۋگە بولادى..

مەندە ال-ارناعا جازبا-ماقالا جازامىن، وندا وسى ارانى باسىڭىز!

جولدانعان ۋاقىتى: 15:49 - 2020/04/14

ماقالا جولداۋشى: ЗАЙДЫН ОРАЗАҚЫН
ماقالا اپتورى: زايدىن ورازاقىن ۇلى
اپتوردىڭ مەكەن-جايى: الماتى قالاسى ناۋرىزباي اۋدانى
وسى ماقالانىڭ كىرىلشە نۇسقاسى، وسى ارانى باسىڭىز

Осы мақаланың кірілше нұсқасы, осы араны басыңыз


جەلدى كەزەڭ

كۇنەس باسى شەكارا جەلدى كەزەڭ ،
ءدال سول تاۋدان بالقاشقا كەلدىڭ وزەن .
بابالاردىڭ تابانى باسقان تاسقا ،
شىعىپ قاشان شىڭىندا كەردى كەزەم .

قورىمى قولمەن قويعان قالادايىن ،
سول كەزەڭنەن باستايىن دالا ءجايىن
تىڭداردار بۇل مەكەننەن از تاريح ،
قۇلاق سال ۇرپاق ءبىلسىن ال اعايىن .

جەلى - تاستى كەمىرىپ سالعان جولاق ،
اق مىلتىق اتاد قىستا قاردان بوراپ .
ءبىر شىمشىم توپىراعىن جىلاپ تۇردىم ،
شىتىمنىڭ بۇرىشىنا سالعاندا وراپ .

ارشاسىنىڭ اق جاسىل قىلتاندارى ،
وندا جاساپ كەلەدى جۇرت اڭعالى .
شىندىق بۇندا اپامنىڭ ورەسىنەن ،
كەزقۇيرىقتىڭ ، قارعانىڭ قۇرت العانى .

بۇل مەكەندە شىعادى پۇلىس جەردەن ،
قىز تانىسقان جورعامەن كۇمىستەلگەن .
تاۋلارىنان ىلەگە قۇيىپ بۇلاق ،
بالقاشقا بالىق تۇنىپ ىرىس كەلگەن .

و ... قۇدىرەت جۇرسەڭىز سۋ جاعالاپ ،
تاڭداي قاقپاي وتپەيسىز نۋعا قاراپ .
ۇشىپ بارعىم كەلەدى جەلبىرەتىپ ،
كوكتى ، كۇندى قىراندى تۋعا قاداپ .

جازدا تاۋى اق قار مەن مۇز بوكتەرگەن ،
وزەننەن وتە المايسىڭ كۇزگى وتكەلدەن .
وندا ساحتان سالىنعان سانسىز بەلگى ،
ۇيسىننىڭ توبەلەرى تىزبەكتەلەگەن .

ول مەكەن قازاق كوپتى كورگەن مەكەن ،
تاڭجارىق داستان جىرىن ورگەن مەكەن .
ءتورت قىزايعا ساسان مەن بايەكەلەر ،
قونىستى بەس توبەدە بولگەن مەكەن .

ول مەكەن بىزگە قونعان قارتتان توتەم ،
ول مەكەن قازاق كوشىن ارتقان مەكەن ،
اكبار – سەيت وق اتقان قىتايلارعا ،
كۇمبىرلەتىپ ءاشىم كۇي تارتقان مەكەن .

ول مەكەن قازاق سالتىن ۇققان مەكەن ،
قورىمىنا كوپ سىردى بۇققان مەكەن .
اق قار ، كوك مۇز قۇرسانعان شوقىسىنا ،
قابانباي قۋ باس اتپەن شىققان مەكەن .

ول مەكەن ۇيسىن ، ساقتان قالعان مەكەن ،
قاراساي ات ويناتىپ بارعان مەكەن .
شىدە ، قابىل باتىرلار ەرلىك جاساپ ،
دوسبايلار جۇيرىك باپتاپ سالعان مەكەن .

كۇنەس باسى شەكارا جەلدى كەزەڭ ،
ءدال سول تاۋدان بالقاشقا كەلدىڭ وزەن .
بابالاردىڭ تابانى باسقان تاسقا ،
شىعىپ قاشان شىڭىندا كەردى كەزەم .


ناراتتا

ناراتتا تاۋلار بيىك ، تالدار نازىك ،
ىزدەسەڭ ءدال وسىندا التىن قازىق .
تۇرعاندا تاڭقۇرايى ، بۇلدىرگەنى ،
نە قىلام بايلىق ىزدەپ التىن قازىپ .

ناراتتا جۋسان ءدارى ، گۇلدەر كوركەم ،
جاساپ ال قالاۋىڭشا بۇردەن جەلكەن .
اتپەنەن اياڭداتىپ شىقساڭ قىرعا ،
الدىڭنان ويناقتايدى سەرى سەركەڭ .

ناراتتا سىڭعىرلايدى قۇيعان بۇلاق ،
ۇمىتپاستاي سول ءۇندى جيعان قۇلاق .
وزەن ءىشىن ورلەسەڭ تاۋ جاعالاپ ،
سارقىراما جاتادى قۇزدان قۇلاپ .

ناراتتا شىق ءمولدىرەپ تاڭ اتادى ،
قيماي جازدا قيىلىپ كۇن باتادى .
ىرگەڭە كەپ قوناقتاپ ەلىك تۇندە ،
ەرتە تۇرىپ ەركەلەپ قىردى اسادى .

ناراتتا ىركىت تەڭىز ، قىمىز بالداي ،
جەلىدە قۇلىنى توق ، بيە جارداي .
قالادان كەلىپ قايتقان قۇربىم ەمەس ،
مەنىڭدە قۇمارىم ءجۇر ءبىر كۇن قانباي .

ناراتتا اسۋ بيىك ، دالا كيىك ،
شوقىسىنا تۇر انە اسپان ءتيىپ .
تۇنىندە جۇلدىز سامسىپ جىمىڭداسا ،
توسكەيى جاتىر انە جاسىل كيىپ .

ناراتتا اسپان ءمۇلدىر ، سۋلار ءزامزام ،
قۇراعى ، راۋعاشى ، نۋى ماڭگى ءان .
قاراپ تۇرساڭ كوركىنە كوز تويمايدى ،
ناراتتا وتكەن ءومىر – اي شىركىن جالعان .


تۋعان جەر

نەگە جۇرگەن جالىن جىر تۋىنداماي ،
توبە قۇيقام دۋىلداپ شىمىرلاماي ،
قۇمارلانىپ ىشپەگەم سۋىن قالاي ؟
قالايشا بايقاماعام بۇنىم قالاي ؟
وزەگىمدى ءورت قىسىپ بۋىلعانى – اي ،
جانىم سونشا تولقىدى بۇگىن قالاي ؟
ورىن تاپپاي قويارعا مىنا مەنى ،
ساعىنىشى جانىمدى قۋىرعانى – اي .

سيقىر اۋەن الىستان سىبىرلادى – اي ،
بازارداعى بولۋشەد شۋىل قالاي ؟
تاڭعۋراي ، قاراقاتتار شىرىنعا باي ،
جۇلدىز قالاي ، اي قالاي ، تۇنىڭ قالاي ؟
قار جاستانىپ جاتىرما شىڭىم قالاي ؟
عاشىعىمنىڭ تىڭداپ ەم سىرىن تالاي ؟
ۇشىپ بارىپ قۇشۋعا امالىم جوق ،
اڭساعاننان سىزداعان شىبىن جان - اي .

كوبەلەك ، ارا ، قوڭىز ، شىبىندار – اي ،
جىبىرلاپ شىعۋشى ەدى ۇلۋ قالاي ؟
تاڭ اتقاندا ايمالاپ گۇلىڭدى اراي ،
تىرلىك قالاي ، بولۋشەد قىبىر قالاي ؟
كوسىلمەپپىن كەرگە اۋناپ قۇرىمعا باي ،
جەلىدەگى تۇر ەكەن قۇلىن قالاي ؟
كوز جاس بوپ اشىپ بارىپ كەڭسىرىگىم ،
كەڭىردەكتەن قولقامدى سۋىرعانى – اي .

ورسەم دەپ ەم تۋعان جەر جىرىڭ قالاي ؟
تەربەلىپ تۇر جەمىسىڭ بۇرىڭ قالاي ؟
ەركە قىزدار ورەتىن بۇرىمدار – اي ،
كەتىپ ەدىك قورعاشتاپ قىرىنداماي ،
الما باققا تۇسەتىن ۇرىڭ قالاي ؟
قىز قۋارلار تويداعى دۇبىر قالاي ؟
شىتىناپ شىقىر – سىقىر سىزات الىپ ،
باستى اكەتتى – اۋ تۇرماسام قىبىرلاماي .

كەڭ كوسىلگەن كوكتەمگى قۇلىن دالا – اي ،
اڭساماسىن ءوزىڭدى ۇلىڭ قالاي ؟
ءيىسىڭدى ۇمىتسىن مۇرىن قالاي ،
تومەندەسىن سانامنان قۇنىڭ قالاي ؟
كىندىك كەسكەن كيەلى شىرىن دالا – اي .
شىعۋشى ەدى سار قۋراي ۇنىڭ قالاي ؟
ەركىن ويناپ جۇرگەندە ەتەگىڭدە ،
كۇرمەۋ جۇرگەن و ءتاۋبا ءتىلىم قالاي !



كۇنەسىم

كۇنەسىم :
كۇن سۇيىپ سەنى كۇلەسىڭ .
شولپانمەن بىرگە جىميىپ ،
تۇندىگىن ءتۇننىڭ تۇرەسىڭ .

كۇنەسىم :
تامىردا اققان جىر ەسىم .
جابىققان ساتتە جارىق ەتىپ ،
جانىمدى جەبەپ جٷرەسىڭ .

كۇنەسىم :
ساۋلەسىن شاشقان نۇر ەسىم .
پەندەلىك باسقا تۇسكەندە ،
باستىرماي تۇرسىڭ كۇرەسىن .

كۇنەسىم :
سانامدا تۇرعان شىڭ ەسىم .
ەركەلەپ ۇلىڭ سەزبەپتى ،
ساعىنش مەڭدەپ ءجۇر ەسىن .

كۇنەسىم :
كەۋدەمدە تاققان گۇل ەسىم .
ساعىندىم سۇلۋ كوركىڭدى ،
تۇسىمە كۇندە كىرەسىڭ .

كۇنەسىم :
جارىقتىڭ بەرگەن ۇلەسىن .
ساعىندىم سەنى ساعىندىم ،
الىستا ءجۇرمىن بىلەسىڭ !

كۇنەسىم :
جەلىڭدى سۇيەم مىنە شىن .
ناراتتان سوققان اق بوران ،
قوينىما كىرىپ تۇنەسىن .


ناراتىم

ناراتىم ،
كوركەمسىڭ قانداي دارا تىم !
بيىككە مەنى سامعاتقان ،
ۇشىرعان شىڭعا قاناتىم .

ناراتىم ،
دارا بەل سەندە دارا ءتۇن !
الىستا جۇرىپ كۇنىم جوق ،
ساعىنباي سەنى قالاتىن .

ناراتىم ،
اسۋى بيىك اباتىم !
قۋرايىڭ سەنىڭ وركەستىر ،
جەل تۇرسا سىرناي سالاتىن .

ناراتىم ،
سەندە ەكەن شەكسىز دالا تىڭ !
جامىلىپ جاتىر ەكەنسىڭ ،
ءجانناتتىڭ جاسىل ماناتىن .

ناراتىم ،
تاۋىڭنان بۇلاق شاباتىن !
جۋسانىڭ شيپا دەرتىمە ،
ەرىكسىز مۇرىن جاراتىن .

ناراتىم ،
ساۋلەتىڭ قانداي ساناتىڭ ؟
تۇنىپ تۇر سەندە سۇلۋلىق ،
دالاڭدا سىرلى جاراسىم !

ناراتىم ،
بايگەدەن كەلگەن جابى اتىڭ .
قيالعا ءمىنىپ وزىڭە ،
بولدىم مەن كۇندە باراتىن .

ناراتىم ،
باپتاعان ناعىز نار اقىن .
وزىڭنەن العان سياقتى ،
ەسىمىن تۇنىق تاڭ اتىن .


نارات

ساعىنىدىرىپ تۇراتىن ازى كۇرەڭ ،
ويقوي مەنىڭ دالام – اي جازى كىلەم .
ناراتىمدى كەتكەندە جىلى جاققا ،
قيمايدى قارىلعاشى ، قازى بىلەم .

تال ، شەتەن ، قىزىل قايىڭ ، توپ قاراعاي ،
جەر بەتىندە ءبىر توتەن شوق قالاداي .
جابايى الما ، قاراقات ، مويىل اعاش ،
ىرعالىپ تومپاڭدايدى توق بالاداي .

ۇيسىننىڭ باستاۋ العان توبەلەرى ،
ساحتار مەكەن ەتكەن جەر ، شوبەرەلى .
سارى ارقامەن تۇتاسقان بۇل تاريح ،
قازاقيا بوپ قازىر كوگەرەدى .

جەلدى كەزەڭ ، كوك ناۋا ، قارا سايى ،
قورىمىندا اڭ جورتقان دارا ءجايى .
ءۇش اسۋدىڭ قاراساڭ بيىگىنە ،
تۋادى تاۋ جاستانىپ قاراشى ايى .

وڭگىر قورا ، شەت مەركى ، جال قاراعاي ،
ءجايلىسىڭ كوكتەۋ ، جايلاۋ مالعا قالاي ؟
ناراتتىڭ كەرىن باسقان كەر بەستىنىڭ ،
كوركىنە تۇرا المايدى حان قاراماي .

اق وزەن ، سار شوقىسى ، ايدارلىسى ،
تەك قانا ءجاننات دەگەن جايدان كىشى .
كوركىنە تاڭ قالعاندار سابىلادى ،
كەلىپ جاتىر اۋەلى ايدان كىسى .

اراسان ، قويتاس ، قورىم باس ىلگەن تاۋ ،
تاۋسىلماس قوينىڭداعى جاسىلمەن باۋ .
ءبىر تال ءشوبىڭ جۇلىنسا مەن دايىنمىن ،
بولۋعا سونى ىستەگەن عاسىرمەن جاۋ .

جەل تالى ، قىزىل اشا ، كىشى مەركى ،
كەز قۇيرىق ، ۇلار ، قىران قۇسى كوركى .
و قۇدىرەت ويلاساڭ جايلاۋ ءتوسىن ،
ناراتقا سۇيرەلەيدى كىسىنى ەركى .

قايىڭ ساي ، بايانجۇرەك ، بايگە توبە ،
ءجايلى قونىس جاپ – جاسىل باي كەتەمە ؟
ناراتتىڭ ءشوبى شۇيگىن ، سۋى ءزامزام ،
سۇلى داي ءتورت تۇلىككە قاي بەتەگە .

ۇلاستاي ، وزەن ءىشى ، قارا تەرەك ،
ەكى اتتاساڭ اشقان گۇل ، ارا شەلەك .
مالشىلار كۇزگە قاراي پىشەن شاۋىپ ،
ءشوپ تاسيدى وگىزگە شانا شەگىپ .

اق قولتىق ، ءيىنجار ، ارال ، تاي اسۋى ،
وزەنى تارامدالعان جايا سۋى .
تاڭعۋراي ، قاراقاتى ، بۇلدىرگەنى ،
بولمايدى دەرتكە شيپا قاي اسىلى .

قارا سۋ ، قاروي ، يىنتال ، سۋ جىرعان جەر ،
توي جاساپ كوكپار تارتقان دىر دۋماندى ەل .
شالكودە سەندە شىبىق ءمىنىپ ءوستىم ،
قاسيەتىڭنەن اينالدىم جىر قۋعان جەر .


تۋعان جەرىم بەسىگىم

كوركەم ىلە كۇن شىققان جەر ، بەسىگىم ،
كوكەيىمدە التىن ءارىپ ەسىمىڭ .
تاڭىڭ سامال ، تۇسىڭ تۇنىق كۇمىستەي ،
كەشىڭ كەرىم ، جانعا شۋاق بەسىنىڭ .

كوركەم ىلە كۇنى كۇلگەن كۇنەسىم ،
جۇرەگىمدە جىلۋ شاشقان بۇل ەسىم .
شاھارىڭدا جاتقان اناۋ بەس توبە ،
ۇيسىندەردىڭ ايشىقتاپ تۇر ۇلەسىن .

كوركەم ىلە كۇن نۇر شاشقان ناراتىم ،
الىس كەتسەم قولداپ جۇرەر قاناتىم .
جىرلاپ سەنىڭ تاۋسا المايدى كوركىڭدى ،
جاز ، قىسىڭدى ، تاۋ ، سۋىڭدى بار اقىن .

كوركەم ىلە كۇن شاعىلعان شالكودەم ،
مىڭعىرعان مال ءشيىرى بار شار توبەم .
ساۋىر ، جايا ، قۇيرىعىنا ماي جيعان ،
كوشپەن بىرگە ساپىرىلعان مال تومەن .

كوركەم ىلە ، قۇتتى قونىس ، الدى اسپان ،
الىپ تاۋدا اق باس شىڭدار جالعاسقان .
سەنى مەننەن ەشكىم تارتىپ الا الماس ،
بالبالىڭدا باتبيىپ تۇر بار داستان .

زايدىن ورازقىن ۇلى

قوسىمشا جۇكتەلگەن سۋرەتتەرى:

كەلۋ قاينارى: http://www.elarna.net/oku.php?tur=11&id=2324

پىكىرلەر:


جازعان لەبىزىڭىز300 ارىپتەن اسپاسىن!
ادام نەمەسە ۋيروس ەكەندىگىڭىزدى تۇراقتاندىرۋ سۇراعى، كاتەكشەگە 99 دەپ جازىڭىز، راحىمەت!
98 + 1 = ? sozsiz sifermen tolteringiz.

ەڭ جاڭا ماقالالار


«بارسەلونا» «يۋۆەنتۋستا 2 مينوت
بوياۋى قانىق، قوسپاسىز 5 مينوت
چەح تىلىنە اۋدارىلعان ا 8 مينوت
قاراجانباستاعى سۋ تۇششى 8 مينوت
COVÙ‰D-19: قازاقستاندا 8 مينوت
قوستانايلىقتار ەكولوگيا 8 مينوت
كوروناۆيرۋس پەن پنەۆومن 8 مينوت
ءبىر تاۋلىكتە 128 ادام 14 مينوت
پاندەمياداعى پىكىرتالاس 14 مينوت
اسىل اعانى ارداقتايىق 17 مينوت
پرايمەريز-2020: پەتروپا 18 مينوت
ەرالى توعجانوۆ بقو مەن 18 مينوت
كوروناۆيرۋس جۇقتىرعاندا 18 مينوت
30 قازان. تۋعان كۇن يەل 21 مينوت
تۇجىرىمدامانى جۇزەگە اس 21 مينوت
ۆولونتەرلىك قوزعالىستىڭ 23 مينوت
وتكەن تاۋلىكتە 392 ادام 26 مينوت
ەرىكتىلەر ەرتىستىڭ جاعا 26 مينوت
بولگاريادا كوروناۆيرۋسق 28 مينوت
قارقارالىدا قۇنانباي قا 28 مينوت
داۋىس بەرۋ بارشاعا قولج 29 مينوت
كارانتين تالابى كۇشەيە 1 ساعات
باۋىرلاس ەلدىڭ باستى با 1 ساعات
قازاقستاندىق بوكسشىلارد 1 ساعات
مەملەكەت باسشىسى قوجا ا 1 ساعات
اقجايىقتىڭ ابايى 1 ساعات
باتىر قىز باۋىرلارىن ور 1 ساعات
فريلانسەرلەرگە ارنالعان 1 ساعات
Astana Open: كۋكۋشكين ء 1 ساعات
اراب تىلىندەگى "تۇ 1 ساعات