كومپيۋتەر نۇسقاسى Компйутер нұсқасы

قولايلى بەت | بۇگىنگى | كەشەگى | جالپى مالىمەت

ەل-ارناعا تىزىمدەلىڭىزدەر ...
قازاقتىڭ 1001 ەرتەگىسى
СанақКелген (IP)Көрілген (PWs)КомпйутерҚолфон
2019-10-20937296235 %65 %
2019-10-211409463247 %53 %
2019-10-22888308231 %69 %

اقش-تاعى پرەزيدەنتتىك سايلاۋ...


ءتۇرى: ەل-ارنا گازەتى

ەل-ارناعا ماقالا جازىڭىز!


جولدانعان ۋاقىتى: 19:29 - 2016/11/07

ماقالا جولداۋشى: Жұмаш Кенебай
ماقالا اپتورى: жұмаш кенебай
اپتوردىڭ مەكەن-جايى: алматы

ماقالانىڭ كىرىلشە نۇسقاسى

мақаланың кірілше нұсқасы


اقش-تاعى پرەزيدەنتتىك سايلاۋ...


: PDF Download - Жұктеұ - Скачать - ءتۇسىرۋ


جۇماش كەنەباي (كوكبورى)




اقش-تاعى پرەزيدەنتتىك سايلاۋ تۋراسىندا

شاعىن عانا

ساياسي شولۋ




بۇگىن اقش-تا پرەزيدەنت سايلاۋى!

قازاقستان مەن ول ەل ۋاقىتىندا 11-12 ساعاتتىق ايىرما تاعى بار. بىزدە تاڭ، ولاردا كەش دەگەن سياقتى. وندا تۇرعان بالەندەي ەشتەمە دە جوق.

بۇل پرەزيدەنتتىك سايلاۋدىڭ بۇرىنعىدان ەرەكشەلىگى ەركەك پەن ايەلدىڭ سايلاۋعا ءتۇسىپ وتىرۋىندا ەمەس، ەكى ءتۇرلى كوزقاراستاعى جانداردىڭ باق تالاسى مەن تاقتالاسى بولۋىندا.

حيللاري كلينتون – قانشا دەگەنمەن اقش بيلىگىنىڭ ماڭىندا بولعان، ساياساتتان حابارى بار جان بولسا، دونالت ترامپ – ميللياردەر، كاسىپكەر، بۇرىن بيلىكتە بولماعان، ۇر دا جىق جانعا ۇقسايدى. سويلەگەن سوزدەرىندە رەسەي پرەزيدەنتى ۆ. ءپۋتيندى جاقتاپ، ب. وبامانى جامانداپ دەگەندەي، قىزىق، قىزىق مىنەزدەر كورسەتتى. تۋرا رەسەيلىك ەكىنشى جيرينوۆسكي، ءتىپتى، ودان دا اسىپ كەتەتىن تۇستارى بارشىلىق.

قالاي دەگەنمەن دە الەمدەگى اسكەري قۋاتىمەن مىقتى ەكونوميكاسىمەن كوپ مەملەكەتتەردى وزىنە تاۋەلدى ەتىپ وتىرعان، انىعىن ايتقان نەبىر تەنتەك مەملەكەتتەردى تاۋبەسىنە تۇسىرۋگە دايىن اقش سياقتى الىپ دەرجاۆانىڭ امان تۇرعانى كەرەك سياقتى. اقش بولماسا، مىنا ءبىزدىڭ اعامىز پۋتيندىك رەسەي قازاقستانمەن دە، باسقا مەملەكەتتەرمەن ويىنا كەلگەنىن ىستەر ەدى. بۇل – اششى دا بولسا اقيقات!

قازىر الەم ساياساتكەرلەرى، اقش زەرتتەۋشىلەرى، تاياۋ ۋاقىتتاردا ورىستار قازاقستانعا اشىق تۇردە اسكەري كۇشپەن باسىپ كىرەدى دەيدى. ءبىزدىڭ ورىسشىل پرەزيدەنتىمىز پۋتينگە قانشاما جاعىمپازدانسا دا، ونىڭ ءبىر تىرناعى ىشىندە ەكەنى وتىرىك ەمەس. ەكونوميكالىق سانكتسيالاردىڭ استىندا قالعان، حالقى قايىرشىلىق كۇيگە تۇسكەن، بىزدىكى سياقتى تەك مۇنايمەن كۇن كەشكەن، ەشتەمە دە وندىرمەيتىن، قارۋدان باسقا، رەسەي تاعدىرى ءقازىر قىل ۇۇستىندە تۇر. ونىڭ ۇستىنە پۋتين ناعىز سوعىسقۇمار جان بولدى، قىرىمدى كۇشپەن باسىپ الدى، ۋكراينا شىعىسىندا قولدان سوعىس جۇرگىزىپ جاتىر، سيرياعا باسىپ كىرىپ، بەيبىت حالقىن قىناداي قىرىپ تاستادى.

جالپى، رەسەي قۇدايى وسى قولدان جاساعان سوعىستارى ارقىلى رەسەي حالقىنىڭ نازارىن باسقا جاققا اۋدارىپ، وزىنشە ولاردىڭ سوعىسقۇمارلىق پاتريوتتىق سەزىمدەرىن وياتقانسۋدا. ەجەلدەن قان توگۋگە دايار بۇل حالىققا، سوعىس بولسا بولدى، قىرا بەرەتىنى تاعى جالعان ەمەس.

ال، جاپپاي ۇرلىق پەن جەمقورلىق بيلىك باسىداعىلاردى تۇتاس شارپىعان ءدىنسىز، ءتىلسىز، تەكسىز قازاقستاندىق بيلىك وزدەرىنىڭ ورىسشىلدىعىمەن ەرەكشە كوزگە ءتۇسىپ، سولارى ارقىلى وزدەرىنە پانا تاۋىپ كەلگەن ەدى. ەندى ودان ايرىلدى. قانشا اقشا، باسقا دا بايلىقتارىن تەگىنگە تىقپالاسا دا بەزبۇيرەك ورەكەڭدەر ەندى ەشكىمدى دە ايامايدى. نازارباەۆ الا-شاپقىن بولىپ، اراب ەلدەرىنە باردى، بىردەڭەلەر جاساعان بولدى وزدەرىنىڭ كۇندەرىن ءىلدالدالاۋ ءۇشىن. تاعى ءبىر ماقساتى - تىعىرىققا تىرەلگەن رەسەيگە قازاقستان ارقىلى جاسىرىن كومەكتەر جاساۋعا كۇش سالۋ، سول ارقىلى ماڭگڭلڭك بيلىگىن ۇزارتا تۇسۋگە ۇمىتتەندى. قانشا جالپاقتاسا دا، سۋ تەگىنگە جەرىن بەرە سالسا دا قىتايدىڭ وعان ءىشى ەندى جىلىمايدى. ولار اقش-تى قولدايدى.

قازاقستان ۇرىلارى بۇگىنگە دەيىن ۇرلاعان 350 ميلليارد اقش دوللارىن (بۇل دەرەكتى قازاقستاننىڭ بۇرىنعى باس بانكيرى مارچەنكو ايتقان) ولار قايدا تىعارىن بىلمەي دال. وفشوردىڭ كۇنى ءوتىپ بارادى. بۇلار سول ۇرلىق بايلىقتارىن ساقتاپ قالۋعا بار كۇشتەرىن سالۋدا. و دۇنيەگە وزدەرىمەن بىرگە اپارا المايتىنىنا ەندى عانا كوزدەرى جەتكەن سياقتى...

...سوندا كىم ءۇشىن؟ قازاقتار ءۇشىن ەمەس تەك قانا.

مىنە، بۇگىنگى اقش-تاعى پرەزيدەنت سايلاۋى وتكەننەن كەيىن الەمدە ۇلكەن وزگەرىستەر باستالادى. مۇمكىن، رەسەيدە اشىنعان حالىق كوشەگە شىعىپ، انالاردى توڭكەرىپ تاستاپ، «ازات ەلدەر پارادى» باستالار، جەمقورلار جاپپاي جازالانا باستاسا، بىزدىكىلەر سولارمەن بىرگە كەتەر. ويتكەنى، بۇلار ورىسقۇلدار عوي. بولماسا، سوعىستىڭ دا باستالۋى عاجاپ ەمەس. كەشەدەن باستاپ اقش قارۋلى كۇشتەرى سوعىس جاعدايىنا كوشتى دەپ جاتىر. پۋتين قانشا جانتالاسقانمەن سىرتقى كۇشتەرگە ەندى توتەپ بەرە المايدى. ونىڭ قان اڭساعان سوعىسقۇمارلىعىنىڭ سوڭى ءوز باسىنا ءقاۋىپ توندىرۋمەن اياقتالدى. پۋتينمەن بىرگە ونىڭ قۇلدارى بولعان رەسپۋبليكالار باسشىلارىنىڭ باسىنا دا قارا تۇنەك ورنايدى. ورىسقۇلدار جەرگە قارايدى.

بىزدەگى بۇرىنعى قىزىل بولششەۆيكتەردىڭ بۇگىنگى ۇرپاقتارى، بۇرىنعى كوممۋنيستەر، كومسومولدار، ورىسشىلدار ءۇمىتى كەلمەسكە كەتەدى. ءبىر سوزبەن ايتقاندا قۇلدار قۇرىپ، تازا ۇلتتىق مەملەكەتتەر قايتا قۇرىلادى.

ايتپاقشى، كەشە قازاقستان پرەزيدەنتى جاپونيادا بولدى. بيلىكتىك اقپارات جاپوندار نازارباەۆتىڭ ەسىمىمەن اتالاتىن گۇل وسىرگەن دەي مە، بىردەڭە دەدى. مەن الەمدىك باسقا اقپارات كوزدەرىنەن ونداي دەرەكتەر تابا المادىم. بىرىنشىدەن، ونىڭ اتىن گۇلگە قوياتىنداي، ەلباسىمىز ايەل ەمەس ەدى عوي. ماقتانعاننىڭ ءجونى وسى ەكەن دەپ، اۋىزعا كەلگەندى ايتا بەرمەۋ كەرەك قوي، بيلىكتىك جاعىمپاز باق وكىلدەرى...

مىنە، ءقازىر الماتىدا تاڭعا جۋىق، اقش-تاعى پرەزيدەنت سايلاۋى باستالدى!
قانشا دەگەنمەن دە مۇنداي الىپ ەل ساياساتىنىڭ ءبىر ۇشى، سالقىنى، ءبارى ءبىر ءبىزدى دە ويعا قالدىرارى داۋسىز. ول ەلدە بىزدەگىدەي ەمەس سايلاۋ ءادىل وتەدى. ارينە، دۇرىس ادامنىڭ وتكەنى دۇرىس.
ىسكە ءسات اقش!


جۇماش كەنەباي(كوكبورى)،
08.11.2016 جىل تاڭعى ساعان 03.00

كەلۋ قاينارى: http://www.elarna.net/oku.php?tur=11&id=1640


پىكىرلەر:


قانشا بولادى؟
98 + 1 = ?