كومپيۋتەر نۇسقاسى Компйутер нұсқасы

قولايلى بەت | بۇگىنگى | كەشەگى | جالپى مالىمەت

ەل-ارناعا تىزىمدەلىڭىزدەر ...
قازاقتىڭ 1001 ەرتەگىسى
СанақКелген (IP)Көрілген (PWs)КомпйутерҚолфон
2019-11-111849557649 %51 %
2019-11-121795452839 %61 %
2019-11-133195474366 %34 %

مامين تاجىكستانمەن ساۋدا-ەكونوميكالىق ىنتىماقتاستىقتى ارتتىرۋ بويىنشا كەلىسسوزدەر جۇرگىزدى


ءتۇرى: Ult.kz ۇلىت تورابى

ۋاقىتى: 14:00 - 2019/07/12

: PDF Download - Жұктеұ - Скачать - ءتۇسىرۋ

elarna.net Printed Version.

قازاقستان رەسپۋبليكاسىنىڭ پرەمەر-مينيسترى اسقار مامين رەسمي ساپارمەن تاجىكستان رەسپۋبليكاسىنا باردى، دەپ حابارلايدى "ۇلت اقپارات" primeminister.kz سايتىنا سىلتەمە جاساپ.

دۋشانبەدە قازاقستان پرەمەر-مينيسترى تاجىكستان پرەزيدەنتى ەمومالي راحمونمەن كەزدەسۋ وتكىزدى. كەزدەسۋدە ەكىجاقتى ساۋدا-ەكونوميكالىق ىنتىماقتاستىقتىڭ وزەكتى ماسەلەلەرى تالقىلاندى.

«قازاقستاندا ءسىزدىڭ قۇرمەتتى قوناق رەتىندە جوعارى ەۋرازيالىق ەكونوميكالىق كەڭەستىڭ مەرەيتويلىق وتىرىسقا قاتىسقانىڭىزدى جىلىلىقپەن ەسكە الادى، - دەدى اسقار مامين. - قازاقستان تاجىكستانمەن ءوزارا ءتيىمدى كوپجوسپارلى سەرىكتەستىكتى كەڭەيتۋگە مۇددەلى».

سونىمەن قاتار تر پرەمەر-مينيسترى كوحير راسۋلزودامەن ۇكىمەتارالىق كەلىسسوزدەر ءوتتى. كەلىسوزدەر بارىسىندا قازاقستاندىق-تاجىكستاندىق ىنتىماقتاستىقتى تەرەڭدەۋ كەلەشەگى قارالدى. 2018 جىلى ەلدەردىڭ ەكىجاقتى ساۋدا كولەمى 8،2%-عا ارتتى، ساۋدا اينالىمى $900 ملن قۇرادى. سونىمەن قاتار، قازاقستان مەن تاجىكستان اراسىنداعى اۆتوموبيل كولىگىمەن ەكسپورتتىق-يمپورتتىق تاسىمالداۋ كولەمى 2،9 ەسە ءوسىپ، 16،9 ملن توننانى قۇرادى.

تاجىكستان پرەمەر-مينيسترى كوحير راسۋلزودا قازاقستاننىڭ تاۋار اينالىمى بويىنشا تاجىكستاننىڭ ەكىنشى سەرىكتەسى بولىپ وتىرعانىن ايتتى. سونىمەن قوسا، قازاقستاننىڭ تاجىكستاننىڭ باستى ساۋدا سەرىكتەسىنە اينالۋى بويىنشا زور پەرسپەكتيۆالار بار. وسى ماقساتتا قازاقستان جانە تاجىكستان ۇكىمەتتەرى الداعى 3-4 جىلدا ءوزارا ساۋدا كولەمىن $2 ملرد-قا دەيىن ارتتىرۋ ءۇشىن جۇمىستار جۇرگىزۋدە.

تاراپتار قازاقستاندىق ونىمدەردى جەتكىزۋ كولەمىن ارتتىرۋ جانە نومەنكلاتۋراسىن كەڭەيتۋ بويىنشا قول جەتكىزىلگەن ۋاعدالاستىقتاردى ىسكە اسىرۋدى جالعاستىرۋ نيەتىن راستادى. اۋىل شارۋاشىلىعى، ونەركاسىپتىك كووپەراتسيا، ەنەرگەتيكا، كولىك جانە كوممۋنيكاتسيالار سالالارىنداعى ينۆەستيتسيالىق ءوزارا ءىس-قيمىل تەتىكتەرىن جەتىلدىرۋگە كوڭىل ءبولىندى.

«بىزدىڭ ينۆەستيتسيالىق ىنتىماقتاستىعىمىزدى بىرلەسكەن ينۆەستيتسيالىق جوبالاردى جاساۋ ارقىلى ارتتىرۋعا ءازىرمىز»، - دەدى اسقار مامين.

قر پرەمەر-مينيسترى اسقار ءماميننىڭ تاجىكستانعا رەسمي ساپارى اياسىندا جالپى سوماسى $80 ملن-نان اساتىن، قازاقستاندىق-تاجىك ىنتىماقتاستىعىن نىعايتۋعا باعىتتالعان 11 قۇجاتقا قول قويىلدى:

  • $35 ملن-عا ەۋرازيالىق دامۋ بانكى، «روحي وحاني توچيكيستون» مۋك جانە «ەسك «KazakhExport» اق اراسىنداعى ىنتىماقتاستىق تۋرالى كەلىسىمگە;

  • $20،7 ملن-عا «اگروماشحولدينگ» اق، «تادجيكسەلحوزليزينگ» رمۋك جانە «ەسك «KazakhExport» اق اراسىنداعى ىنتىماقتاستىق تۋرالى كەلىسىمگە;

  • $16 ملن-عا «دۋستي 2017» جشق جانە «ەسك «KazakhExport» اق اراسىنداعى ىنتىماقتاستىق تۋرالى كەلىسىمگە;

  • $6 ملن-عا «ازىق-تۇلىك كەلىسىم كورپوراتسياسى» ۇك» اق جانە تاجىكستان رەسپۋبليكاسىنىڭ ۇكىمەتى جانىنداعى مەملەكەتتىك ماتەريالدىق رەزەرۆتەر اگەنتتىگىنىڭ اراسىنداعى قازاقستاندىق بيدايدى جەتكىزۋگە شەكتى كەلىسىمگە;

  • $1،5 ملن-عا «Hyindai Trans Avto Kazakhstan» جانە «حولدينگ ازيا گرۋپپ تادجيكيستان» جاق اراسىنداعى ەۆاكۋاتورلار، تۋريستىك اۆتوبۋستار جەتكىزۋگە كەلىسىمگە;

  • $1 ملن-عا «PALLANT TRADE» جشس جانە «تادجەرو» جشق ديستريبيۋتورلىق كومپانياسى اراسىنداعى كونسەرۆىلەنگەن ءونىمدى جەتكىزۋ تۋرالى كەلىسىمشارتقا;

  • $655-عا «سارىاركااۆتوپروم» جشس مەن «حولدينگ ازيا گرۋپپ تادجيكيستان» جاق اراسىنداعى Jac ماركالى 50 ماشينانى جەتكىزۋ تۋرالى كەلىسىمشارتقا;

  • «ازىق-تۇلىك كەلىسىم كورپوراتسياسى» ۇك» اق جانە تاجىكستان رەسپۋبليكاسىنىڭ ۇكىمەتى جانىنداعى مەملەكەتتىك ماتەريالدىق رەزەرۆتەر اگەنتتىگىنىڭ اراسىنداعى ىنتىماقتاستىق تۋرالى كەلىسىمگە;

  • «سيتابر اگرو» جشق جانە «Continental Agro Trade» جشس اراسىنداعى اۋىل شارۋاشىلىعى ونىمدەرىمەن ساۋدا سالاسىنداعى ءوزارا تۇسىنىستىك جانە ىنتىماقتاستىق تۋرالى مەموراندۋمعا;

  • «مەتال ينۆەست» جشق جانە «Continental Agro Trade» جشس اراسىنداعى اۋىل شارۋاشىلىعى ونىمدەرىمەن ساۋدا سالاسىنداعى ءوزارا تۇسىنىستىك جانە ىنتىماقتاستىق تۋرالى مەموراندۋمعا;

  • «قازاقستان تەمىر جولى» ۇلتتىق كومپانياسى» اق جانە «روحي وحاني توچيكيستون» مۋك اراسىنداعى كەلىسسوزدەر حاتتاماسى.


كەلۋ قاينارى: http://www.elarna.net/koru.php?tur=53&id=1022280

پىكىرلەر:

juz dep sifirmen jazingiz.