كومپيۋتەر نۇسقاسى Компйутер нұсқасы

قولايلى بەت | بۇگىنگى | كەشەگى | جالپى مالىمەت

ەل-ارناعا تىزىمدەلىڭىزدەر ...
قازاقتىڭ 1001 ەرتەگىسى
СанақКелген (IP)Көрілген (PWs)КомпйутерҚолфон
2019-11-151990658361 %39 %
2019-11-161216428648 %52 %
2019-11-1731590653 %47 %

بالا تاربيەسىندە ەسكەرىلۋى ءتيىس 4 قاعيدا | muslim.kz


ءتۇرى: Muslim.kz ماقالالارى

ۋاقىتى: 14:30 - 2019/07/12

: PDF Download - Жұктеұ - Скачать - ءتۇسىرۋ

elarna.net Printed Version.


بالا – اللا تاعالانىڭ بەرگەن راقىمى ءارى سىناعى. اللا ەلشىسى (س.ع.س.): «سەندەردىڭ ءارقايسىڭ باقتاشىسىڭدار جانە سەندەردىڭ ءارقايسىلارىڭ باققاندارىڭا جاۋاپ بەرەسىڭدەر: ءامىرشى ءوزىنىڭ قول استىنداعىلارعا باقتاشى سانالادى، ەركەك ءوزىنىڭ جانۇياسىنىڭ باقتاشىسى، ايەل دە كۇيەۋىنىڭ ۇيىندە باقتاشى، ءارى ءوزىنىڭ باقتاشىلىعىنا جانە ونىڭ بالالارىنا جاۋاپتى. سونىمەن، ءارقايسىڭ باقتاشىسىڭدار جانە ءارقايسىڭ باققاندارىڭا جاۋاپكەرشىلىك كوتەرەسىڭدەر»،[1] – دەگەن.

كەز كەلگەن اتا-انانىڭ جانە ساليقالى ۇرپاق ءسۇيۋدى مۇرات ەتكەن جانداردىڭ كوكەيىندە «قايتسەم اللا رازى بولاتىن ۇرپاق تاربيەلەيمىن؟ بالامنىڭ باقىتى ءۇشىن، ونىڭ بويىنا ادامي قاسيەتتەردى ءسىڭىرۋ ءۇشىن نە ىستەۋگە بولادى؟» دەگەن سەكىلدى سانسىز سۇراقتار بولارى انىق.

1. ۇلگى بولۋ

بالا – اتا-انانىڭ ايناسى.«قيسىق اعاشتىڭ كولەڭكەسى دە قيسىق» دەيدى قازاق. ەڭ الدىمەن، اتا-انا وزدەرى ۇلگى بولۋى ءتيىس. بالاڭىزعا بەرگەن اقىل-كەڭەسىڭىز ءوز بويىڭىزدان تابىلماسا، وعان قۇلاق اسا قويۋى ەكىتالاي. سول ءۇشىن دە ءوزىمىزدى تاربيەلەپ، جەتىلدىرۋگە كوڭىل بولگەنىمىز دۇرىس. اسىل ءدىنىمىز يسلامنىڭ كوركەمدىگى ءوز بويىمىزدان تابىلعاندا عانا بالامىزدىڭ مىنەزىنە سىڭىرە الامىز.

2. ءوزارا سىيلاستىق

جانۇياداعى اتا-انانىڭ بىر-بىرىنە دەگەن قارىم-قاتىناسى وتە ماڭىزدى. «ۇيادا نە كورسەڭ، ۇشقاندا سونى ىلەسىڭ» دەگەندەي،بالامىزدىڭ كەلەشەكتەگى وتباسىلىق تۇسىنىگى، قارىم-قاتىناسى بالالىق شاقتا كورگەنىنە بايلانىستى بولماق. ايەلى ەرىن سىيلايتىن، ەرى ايەلىن قۇرمەتتەيتىن تەكتى وتباسىدان تەكتى بالا شىعادى.

3.بوس ۋاقىتىن باقىلاۋ

زامان سولاي دەگەن جەلەۋمەن بالامىزدىڭ كومپيۋتەر، پلانشەت، ۇيالى تەلەفون جانە تەلەديدار سەكىلدى ساندىق تەحنيكالارمەن بار ۋاقىتىن سارپ ەتۋىنە مۇمكىندىك بەرىپ جاتاتىنىمىز جاسىرىن ەمەس. جارتى كۇنىن ەكران مەن سۋپەرزاماناۋي گادجەتتەردىڭ الدىندا وتكىزەتىن بۇگىنگى بالانىڭ ەرتەڭىنە ەرتەرەك الاڭداساق، ۇتىلماسىمىز انىق. ول ءۇشىن بالامىزدىڭ ءتۇرلى گادجەتتەردى قولدانۋ ۋاقىتىن شەكتەپ قانا قويماي، كورىپ وتىرعان دۇنيەسىنىڭ مازمۇنى ءدىنىمىز بەن ءدىلىمىزدىڭ قۇندىلىقتارىنا قايشى كەلمەۋىن دە قاداعالاپ وتىرعان ابزال.

تاربيەسىندە كەم-كەتىك بولماۋى ءۇشىن ءتۇرلى تىيىمداردىڭ ورنىنا بالاما زات، ارەكەت ۇسىنىپ، سوعان قىزىقتىرعان وتىمدىرەك. ايتا كەتەرلىك جايت، ولاردىڭ بالا دەنساۋلىعىنا تيگىزەر زيانى جەتەرلىك.

4. مەيىرىمدى بولۋ

ارداقتى پايعامبارىمىز مۇحاممەد (س.ع.س.) بالالارعا وتە مەيىرىمدى ەدى. ءال-اقرا يبن حابيس ءاز پايعامباردىڭ (س.ع.س.) جيەنى حاساندى ءسۇيىپ جاتقانىن كورىپ: «مەنىڭ ون بالام بار، ءبىراق مەن ولاردى سۇيمەيمىن»، – دەگەن ەكەن. سوندا اللا ەلشىسى (س.ع.س.): ء«وزى مەيىرىمدى بولماعان جان، مەيىرىمگە كەنەلمەيدى»،[2] – دەپ جاۋاپ بەرگەن.

بالاڭىزبەن قارىم-قاتىناس كەزىندە بارىنشا جۇمساقتىق تانىتىپ، باسىنان ءجيى سيپاپ، جاقسى ءىس جاساسا، ماقتاي ءتۇسۋ – قۇپتارلىق ءىس. ماقتان سۇيەتىن بالا ءتىلالعىش كەلەدى. مەيىرىمدىلىك تانىتار بولساق، بولاشاقتا بايسالدى، جاناشىر، مىنەزى جۇمساق ازاماتتى تاربيەلەپ شىعارىمىز انىق. بالا تاربيەسى باسىنان وسىلاي قولعا الىنسا، جۇعىمدى بولادى. بەرگەن تاربيە تاسقا قاشاپ جازۋ جازعانداي جۇرەگىنە اسەر ەتىپ، جەمىس بەرەدى.


[1] بۇحاري، ءمۇسليم.
[2] ءمۇسليم.

دەرەككوز: muslim.kz



كەلۋ قاينارى: http://www.elarna.net/koru.php?tur=43&id=1022296

پىكىرلەر:

juz dep sifirmen jazingiz.