كومپيۋتەر نۇسقاسى Компйутер нұсқасы

قولايلى بەت | بۇگىنگى | كەشەگى | جالپى مالىمەت

ەل-ارناعا تىزىمدەلىڭىزدەر ...

جاقسى كوڭىل-كۇي جان داۋاسى - 中国哈萨克语广播网


ءتۇرى: جۇڭگو قازاق راديو تورابى

ۋاقىتى: 10:30 - 2020/02/17


Нақты Көзі: http://www.kazakcnr.com/zdgz2019/202002/t20200217_1383764.html

elarna.net Printed Version.
اۋەلگى كەلۋ قاينارى: http://www.kazakcnr.com/zdgz2019/202002/t20200217_1383764.html



1

ءار جىلى كۇن سۋىتىپ قىس كىرە بەرە، اۋىلداعى قايىن ەنەمدى قالاعا الىپ كەلىپ قاسىمىزدا بىرنەشە اي تۇرعىزىپ قايتاراتىنبىز. جۇقپالى اۋرۋ سەبەبىنەن بيلىعى كوكتەم مەرەكەسى دە الاڭ–ەلەڭدە ءبىر ءتۇرلى ءوتتى.

قاريانىڭ جاسى 80 نەن اسقان، جوعارى قان قىسىم، قانتتى نەسپ ناۋقاسى بار. جۇقپالى اۋرۋ تارالعان العاشقى مەزگىلدە توراپتاعى ءار ءتۇرلى ينفورماتسيالار قاڭتاردا قارشا بوراپ قاتتى الاڭدادىم. قاريانىڭ تاماعى جىبىرلاپ جوتەلسە، ساسىپ قالامىن دا، دەرەۋ دەنە تەمپەراتۋراسىن ولشەيمىن؛ ول كىسى ورنىنان جايىراق تۇرار بولسا، مەندە ءتىپتى زارە قالماي، قايتا-قايتا اياعىمنىڭ ۇشىمەن باسىپ جايسىزدانىپ قالدى ما جوق، قۇلاعىمدى سالىپ ساق جۇرەمىن؛ تاماقتى جاقسى جەمەسە دە، كوڭىلىم شار تاراپتى شارلاپ كەتەتىن بولدى....

مۇنداي كوڭىلدىڭ تىنىمىن العان الاڭداۋ تۇرمىسىما اۋىر نۇقسان جەتكىزگەنىن بايقاپ تا جۇرمىن. تاڭمەن تالاسا تۇراتىن ادەتىم وزگەردى، سىزىپ جۇرگەن سۋرەتىم دە جارتىسىنا بارماي جايىندا قالدى، ايتەۋ ءبىر «شايقاسقا» دايىندالىپ جۇرگەن ادامدايمىن. مۇنى كورگەن جۇبايىم، مىناداي كوڭىل كۇيدى ەندىگارى ۇلاستىرۋعا بولمايتىنىن، ۇيتپەگەندە، ءوزىمدى-ءوزىم تىعىرىققا تىرەيتىنىمدى ەسكەرتىپ الەك.


ەنەم مەن كۇيەۋىمنىڭ بۇل مەزگىلدەگى كوڭىل-كۇيى باستان-اياق ايتا قالسىن جاقسى. كۇيەۋىم قاراپ وتىرماي تاماق ىستەۋگە كومەكتەسەتىن، اسپازدىق ونەرىنە اجەپتاۋىر توسەلىپ، شەلپەك پىسرۋ، شوشىرە ءتۇيۋ دەيسىز بە داستارقانداعى استىڭ ءتۇرى مولايىپ،ساپاسى دا جوعارلاعان. ال ەنەمنىڭ ءار كۇنگى كوڭىل-كۇيى ورنىقتى، ۇنەمى بىزگە ويدان -قىردان اڭگىمە ايتىپ، قىزىققا باتىراتىن.

ۇقساس ورتا، ۇقساس قىسىم الدىندا، ءبىزدىڭ قابىلداۋىمىز بەن وعان قاراتا قايتارعان جاۋبىمىز تۇرلىشە بولدى. الداعى تۋىلۋى مۇمكىن داعدارىستاردى ويلاپ قارا تەرگە ءتۇسىپ، كولەڭكەمنەن ۇرەيلەنىپ مەن جۇرمىن، ال ولار ءار تاڭدى كۇلىپ قارسى الىپ، ءبىر شىنى كوجەنىڭ وزىنەن ءماز-مايرام ءلازات الۋدا. وسى مەزەتتە ماعان « قىرسىق شالعانداي» سەزىلگەن قيىن كۇندەر، ولار جونىنەن دانەڭە ەمەستەي، توپان سۋ توبىقتارىنان كەلەر ەمەس، باياعىداي، ءتىپتى بۇرىنعىدان دا باسقاشا جايدارى جايباراقات.

كوڭىل-كۇي تۇرمىسىڭىزدىڭ كەپىلى دەگەندى مويىنداماۋعا شاراسىز سياقتىمىن.

2

بىرنەشە جىلدىڭ الدىندا، قىزمەتتەسىم لي اپاي توسىن كەلگەن شەشەسىنىڭ قازاسى قابىرعاسىن قايىستىرىپ تۇرعاندا،ءوزىنىڭ ومىراۋ راگىنا شالدىققانى تۋرالى دياگنوزعا يە بولدى. سول كەزدە ونىڭ كۇيزەلىپ ءوزىن جوعالتۋىنان قاتتى قورقتىم، ءبىراق ول بۇرىنعىسىنان بەتەر بەيعام كۇي كەشتى.

سول كەزدە شەشەسىنىڭ توسىن قازاسىن كوپكە دەيىن قابىلداي الماي، كوڭىل-كۇيىنىڭ اپتەر-تاپتەرى شىعىپ، دەنساۋلىعىنا اسەر كورسەتكەندەكتەن الگىندەگىدەي ناتيجەگە يە بولۋىنىڭ تاڭعالارلىعى جوعىن ايتتى.

الايدا، ول ەسىن تەز جيىپ، ولگەننىڭ ارتىنان ولمەك جوق،ءتىرى ادام تىرلىگىن جالعاستىرۋعا قاقىلى دەگەن بەكىمگە كەلىپ، كىتاپحاناعا بارىپ اۋرۋ جاعدايىنا قاتىستى كىتاپتار ساتىپ الىپ، ناۋقاس ءجايىن ىشكەرلەي تۇسىنۋگە كىرستى. ەمحانامەن بايلانىس جاساپ بالنيتساعا ورنالاسىپ، وپەراتسيا ۋاقىتىن بەلگىلەپ، ءوزىن قارايتىن ادام جالدادى. وپەراتسيادان كەيىن ءبىر مەزگىل تىنىعىپ جۇمىسقا قايتا شىقتى. ءار كۇنى ءدارىسىن ۋاعىندا ءىشىپ، دەنە–ارەكەتتەرىن ىستەپ، ءوزىنىڭ اۋرۋ جاعدايىن جاسىرىپ–جاپپادى. ادەتتە قولى بوساي قالسا، قولونەر بۇيىمدارىن جاساۋدى ۇيرەنىپ، جاساعان دۇنيەلەرىن بىزگە سيلايتىن. ونىڭ دوستار شەڭبەرىندەگى ءوزى تۇسىرگەن سۋرەتتەر، كوركەم تابيعات كورىنىستەرى وزىنە عانا ەمەس كورگەن كوپكە دە تاماشا كوڭىل-كۇي سيلايتىن.


ول ۇنەمى: كوڭىلىڭنىڭ تەرەزەسىن تۇمشالاعان ساتتە، ءبارى ساعان شەشىلمەيتىن تاس ءتۇيىن، وتە المايتىن قامال سىندى، ۋايىم تۇبى تۇڭعيىق باتاسىڭ دا كەتەسىڭ. كوڭىل-كۇيىڭدى كەڭگە سال، جاعادان باسىڭ قيسايعانىمەن، جانىڭ امان ەمەس پە- دەيتىن.

وپەراتسيدان كەيىن ول قالپىنا بىردەن كەلە باستادى، قازىر دەنى ساۋ ادامداردان ەشقانداي پارقى جوق.

تىرلىكپەن باستالىپ، ولىممەن اقىرلاساتىن ومىردە، ەشكىمنىڭ اسىعى اشىسىنان تۇسە بەرمەيدى، كەزدەسكەن قيىنشىلىقتارعا قارسى قاراي الاتىن مىعىم كۇش –قۋات كەرەك. جاقسى كوڭىل –كۇي، ءدال ءبىز اۋزىمىزدان تاستامايتىن ەڭ تاماشا قارۋ.

3

ساۋدا-ساتتىق كاسىبىندە مىناداي ءبىر ءتامسىل بار: ەكى اياق –كيىم زاۆودى ءبىر شاعىن ارالعا بىردەن ساتۋشى جىبەرىپ، وندىرگەن اياق كيىمدەرىن جارنامالايدى. ساتۋشىلار ارالعا كەلگەندە، ارال تۇرعىدارنىڭ ءبىر جىلدىڭ ءتورت ماۋسىمىندا دا جالاڭاياق جۇرەتىنىن بايقايدى. ساتۋشىنىڭ بىرەۋى زاۆودقا قايتىپ، اياق كيىمنىڭ مىنا ارالدا بازارى جوعىن ايتسا؛ ال ەكىنشىسى قۋانىشى قوينىنا سيماي،سەرىكتىككە: «بۇل جەردە ەشكىم اياق كيىم كيمەگەن، بازاردىڭ كومەسكى كۇشى زور»-دەپ شۇيىنشى سۇرايدى.

كوڭىل كۇي ۇقساماعان دا، ادامنىڭ وي ءورىسى دە ۇقساس بولمايدى، سوسىن كورگەن دۇنيە دە ۇقسامايدى، تالعام مەن باسار جول دا باسقاشا بولادى.

رەال ومىردە مۇنداي جايتتەر از ەمەس. كەيبىرەۋلەر ازىن-اۋلاق قاتەلىك وتكىزسە، سىنعا ۇشىراسا، وزىنەن-ءوزى كۇدىكتەنىپ، سۇلكىنى ءتۇسىپ، تۇڭعىيىقتان ارىلا المايدى؛ كەيبىرەۋلەر وسىدان العا باساتىن بەتالسىن، ومىرلىك قىبىلاناماسىن بەلگىلەپ،قاتەلىكتەردى وتكىزە جۇرىپ ەسەيەدى.

زەرتتەۋلەردىڭ دالەلدەۋىنشە، تورىققىش ادامداردىڭ نازارى قاشان دا وزىنە عانا شوعىرلانىپ، اينالاسىنداعى وزگەرىستەردەن ۇرەيلەنىپ سەكەم الىپ، بەلگىسىز قورقىنىش قورالايدى. ۇمىتكەر ادامدار سىرتقى دۇنيەنىڭ وزگەرىسىن ءتىپتى دە ىرىقتى تۇردە قابىلدايدى، بەلگىسىز قورقىنىشتى تابالدىرىقتىڭ سىرتىندا قالدىرىپ، جاڭا ورايلارعا وڭاي يە بولادى.

كوپتەگەن ىستەرگە ۇقساماعان تۇرعىدان قاراۋعا بولادى، تورىعۋشىلىق ءۇمىتتى تۇنشىقتىرادى،ۇمىتكەرلىك بىزگە شەكسىز مۇمكىندىك اكەلەدى. بۇل دۇنيەدە مۇلدە تالەيى پەندە جوق، ءبىراق ءبىز تاماشا كوڭىل كۇيدى تاڭداۋىمىزعا بولادى. تاماشا كوڭىل –كۇي وراي مەن تالەي سيلايدى.


كەلۋ قاينارى: http://www.elarna.net/koru.php?tur=37&id=1115008

پىكىرلەر:

juz dep sifirmen jazingiz.