كومپيۋتەر نۇسقاسى Компйутер нұсқасы

قولايلى بەت | بۇگىنگى | كەشەگى | جالپى مالىمەت

ەل-ارناعا تىزىمدەلىڭىزدەر ...
قازاقتىڭ 1001 ەرتەگىسى
СанақКелген (IP)Көрілген (PWs)КомпйутерҚолфон
2019-11-171215391738 %62 %
2019-11-181794515640 %60 %
2019-11-191300427841 %59 %

2020 جىلى مۇمكىندىگى شەكتەۋلى ازاماتتاردى قولدايتىن پورتال ىسكە قوسىلادى


ءتۇرى: قازاقپارات جاڭالىقتارى

ۋاقىتى: 02:36 - 2019/11/09

: PDF Download - Жұктеұ - Скачать - ءتۇسىرۋ

elarna.net Printed Version.
2020 جىلى مۇمكىندىگى شەكتەۋلى ازاماتتاردى قولدايتىن پورتال ىسكە قوسىلادى

تۇركىستان. قازاقپارات - تۇركىستان وبلىسىندا مۇمكىندىگى شەكتەۋلى ازاماتتاردى قولداۋ وڭتايلاندىرىلادى. بۇل تۋرالى وڭىرلىك كوممۋنيكاتسيالار قىزمەتىندە وتكەن بريفينگتە وبلىستىق جۇمىسپەن قامتۋدى ۇيلەستىرۋ جانە الەۋمەتتىك باعدارلامالار باسقارماسىنىڭ باسشىسى ءاسيا تەمىرباەۆا ايتتى، دەپ حابارلايدى قازاقپارات ءتىلشىسى.

ۇقساس جاڭالىقتار
قازاقستاننىڭ ۇزدىك الەۋمەتتىك قىزمەتكەرلەرى ماراپاتتالدى اقمولادا حالىقتى الەۋمەتتىك قورعاۋ سالاسىنىڭ قىزمەتكەرلەرى ماراپاتتالدى قازاقستاندا بيىلعى ۇزدىك الەۋمەتتىك جوبالار انىقتالدى

ءاسيا تەمىرباەۆانىڭ سوزىنشە، بۇگىندە وبلىستا 93 مىڭ مۇمكىندىگى شەكتەۋلى ازامات ەسەپتە تۇر. كەلەسى 2020 جىلدان باستاپ مۇگەدەكتىگى بار ازاماتتاردى قولداۋ شارالارى الەۋمەتتىك قىزمەتتەر پورتالىن ەنگىزۋ ارقىلى جۇرگىزىلەتىن بولادى.

ء«بىزدىڭ نەگىزگى ماقساتىمىز – ولاردى بەلسەندى قوعام ومىرىنە تارتۋ. وسى ماقساتتا مۇگەدەكتىگى بار ازاماتتارعا الەۋمەتتىك قورعاۋدىڭ جانە قولداۋدىڭ كەشەندى شارالارى قاراستىرىلىپ وتىر. ونىڭ ىشىندە جاردەماقىلاردىڭ 4 ءتۇرى، قىزمەتتەر مەن وڭالتۋ قۇرالدارىن، ساناتوري-كۋرورتتىق ەمدەۋدى، جەكە كومەكشى مەن ىمداۋ ءتىلى مامانىنىڭ قىزمەتتەرىن ۇسىنۋ»، - دەدى ءاسيا قۇرالقىزى.

باسقارما باسشىسىنىڭ ايتۋىنشا، اتالعان ماسەلەلەر الداعى ۋاقىتتا الەۋمەتتىك قىزمەتتەر پورتالىن ەنگىزۋ ارقىلى شەشىلەتىن بولادى. پورتال وڭالتۋ قۇرالدارى مەن قىزمەتتەردى مەملەكەتتىك ساتىپ الۋ مەرزىمدەرىن قىسقارتۋعا جانە ولاردىڭ ساپاسىن ارتتىرۋعا باعىتتالعان. پورتالدى ەنگىزۋ ناتيجەسىندە تاۋارلارعا ۇلكەن تاڭداۋ، وڭالتۋ قۇرالدارى مەن قىزمەتتەر نارىعىنا تەڭدەي قولجەتىمدىك قامتاماسىز ەتىلمەك. مەملەكەتتىك قىزمەتتەردىڭ ساپاسى وسەدى جانە سىبايلاس جەمقورلىق تاۋەكەلدەرىن تۋدىرمايدى.

«2020 جىلدان باستاپ 5 بيزنەس-پروتسەستىڭ 2 ءتۇرىن پورتالعا اۋىستىرۋ جوسپارلانىپ وتىر. ولار: ارناۋلى الەۋمەتتىك قىزمەتتەر جانە 55 تەحنيكالىق وڭالتۋ قۇرالدارىنىڭ ىشىنەن 24 تۇرىمەن قامتاماسىز ەتۋ. 2020 جىلدىڭ كوكتەمىنەن باستاپ قىزمەتتەردىڭ قالعان 3 بيزنەس-پروتسەسسىن پورتال ارقىلى الۋ مۇمكىندىكتەرى قاراستىرىلۋدا»، - دەدى ءاسيا تەمىرباەۆا.


كەلۋ قاينارى: http://www.elarna.net/koru.php?tur=3&id=1069739

پىكىرلەر:

juz dep sifirmen jazingiz.