كومپيۋتەر نۇسقاسى Компйутер нұсқасы

قولايلى بەت | بۇگىنگى | كەشەگى | جالپى مالىمەت

ەل-ارناعا تىزىمدەلىڭىزدەر ...
قازاقتىڭ 1001 ەرتەگىسى
СанақКелген (IP)Көрілген (PWs)КомпйутерҚолфон
2019-11-151990658361 %39 %
2019-11-161216428648 %52 %
2019-11-1731590653 %47 %

داۋرەن اباەۆ: مەملەكەت ەندىگى كەزەكتە ەڭبەككە مۇقتاج ادامدارعا كومەكتەسەدى


ءتۇرى: قازاقپارات جاڭالىقتارى

ۋاقىتى: 21:30 - 2019/10/10

: PDF Download - Жұктеұ - Скачать - ءتۇسىرۋ

elarna.net Printed Version.
داۋرەن اباەۆ: مەملەكەت ەندىگى كەزەكتە ەڭبەككە مۇقتاج ادامدارعا كومەكتەسەدى

نۇر-سۇلتان. قازاقپارات – اقپارات جانە قوعامدىق دامۋ ءمينيسترى داۋرەن اباەۆ اتاۋلى الەۋمەتتىك كومەك بەرۋ ەرەجەسىنە ەنگىزىلىپ جاتقان وزگەرىستەرگە قاتىستى پىكىر ءبىلدىردى، دەپ حابارلايدى قازاقپارات ءتىلشىسى.

ۇقساس جاڭالىقتار
ەندى ااك قالاي تاعايىندالادى اقمولادا 2 مىڭنان استام وتباسى ااك الۋى ءۇشىن تابىسىن جاسىرعان اتاۋلى الەۋمەتتىك كومەكتىڭ جاڭا تەتىكتەرى ازىرلەنىپ جاتىر

«قازاقستان پرەزيدەنتى حالىققا جولداۋىندا اتاۋلى الەۋمەتتىك كومەك بەرۋ مەحانيزمىن تۇزەۋدى تاپسىرعان بولاتىن. مەملەكەتتىڭ باستى مىندەتى – بۇل كومەكتى اشىق ءارى ادىلەتتى ەتۋ، ەڭ باستىسى جاردەماقىنى ەڭبەككە جىگەرلەندىرۋشى فاكتورعا اينالدىرۋ. ياعني، اتاۋلى الەۋمەتتىك كومەك – ايلىقتىڭ بالاماسىنا اينالىپ كەتپەۋى كەرەك. مۇنداي كوزقاراس بىرىنشىدەن، مەملەكەتتىڭ بيۋدجەتىنە سالماق سالادى، ەكىنشىدەن ادامداردىڭ مەملەكەتكە دەگەن ورىنسىز تالاپتارىن كوبەيتەدى. ويلانىپ قاراڭىزدار، سوڭعى 2 جىلدا كومەك الۋشىلاردىڭ سانى 20 ەسە كوبەيگەن. بۇل باعىتتا 140 ملرد تەڭگە جۇمسالعان»، - دەدى داۋرەن اباەۆ «اشىق ديالوگ» ءباعدارلاماسىندا.

مينيستردىڭ ايتۋىنشا، قاراجات ءبولىنىپ، كومەك بەرۋ كوبەيگەنىنە قاراماستان، وكىنىشكە قاراي ايلا-شارعىنىڭ سانى ارتىپ كەتكەن.

«ناقتىراق ايتساق، 75 مىڭعا تارتا زاڭ بۇزۋ فاكتىسى انىقتالعان. وسىنىڭ بارىنە تالداۋ جۇرگىزىلدى دە، اقىرى ەڭبەك جانە حالىقتى الەۋمەتتىك قورعاۋ مينيسترلىگى جاڭا ەرەجە شىعاردى. مەملەكەت ەندىگى كەزەكتە ەڭبەككە مۇقتاج ادامدارعا كومەكتەسەدى. ەگەر وتباسىنىڭ ەڭبەككە جارامدى مۇشەسى ۇسىنىلعان جۇمىستان باس تارتسا، البەتتە، جاردەماقى ول وتباسىعا بەرىلمەيدى. سونىمەن بىرگە، از قامتىلعان وتباسى بالالارىنا ارنالعان كەپىلدەندىرىلگەن الەۋمەتتىك پاكەت قاراستىرىلعان. ماسەلەن، وقۋشىلار ءۇشىن مەكتەپتە ىستىق تاماق بەرىلەدى، مەكتەپ كيىمى تاپسىرىلادى. جول اقىسى تولەنەدى. ياعني، مەملەكەت از قامتىلعان كومەك بەرۋ ماسەلەسىنە باسىمدىق بەرىپ وتىر»، - دەدى ول.

داۋرەن اباەۆ مەملەكەت ەڭ الدىمەن بالالارعا كومەك بەرۋ ماسەلەسىنە نازار اۋدارىپ وتىرعانىن ايتادى.

«بۇل – وتە دۇرىس قادام. بالالار ءوز جاعدايىنىڭ قانداي بولعانىنا جاۋاپتى ەمەس. ال ەرەسەكتەردە جاۋاپكەرشىلىك بار. سونداي-اق، بۇنىڭ تەك زاڭ جوباسى ەكەنىن ۇمىتپاۋ كەرەك. ول كوپتەگەن تالقىدان وتەدى. ءسوزسىز پارلامەنتتە قارالادى. دەسە دە، ءقازىردىڭ وزىندە اتاۋلى الەۋمەتتىك كومەك بەرۋ ىسىندەگى امال-ادىسكە وزگەرىس ەنگىزۋ قاجەتتىگى سەزىلەدى»، - دەدى مينيستر.

ەسكە سالا كەتسەك، وسى اپتانىڭ دۇيسەنبىسىندە وتكەن ۇكىمەت وتىرىسىندا قر ەڭبەك جانە حالىقتى الەۋمەتتىك قورعاۋ ءمينيسترى ءبىرجان نۇرىمبەتوۆ كوپبالالى وتباسى بالالارىنا تابىسىنا قاراماستان مەملەكەتتىك جاردەماقى بەرىلەتىنىن مالىم ەتكەن بولاتىن.


كەلۋ قاينارى: http://www.elarna.net/koru.php?tur=3&id=1058427

پىكىرلەر:

juz dep sifirmen jazingiz.