كومپيۋتەر نۇسقاسى Компйутер нұсқасы

قولايلى بەت | بۇگىنگى | كەشەگى | جالپى مالىمەت

ەل-ارناعا تىزىمدەلىڭىزدەر ...
قازاقتىڭ 1001 ەرتەگىسى
СанақКелген (IP)Көрілген (PWs)КомпйутерҚолфон
2019-11-151990658361 %39 %
2019-11-161216428648 %52 %
2019-11-1731590653 %47 %

پرەزيدەنت: ءابىش كەكىلبايۇلى - تاۋەلسىزدىگىمىزدى نىعايتۋعا اتسالىسقان اسا كورنەكتى قايراتكەر


ءتۇرى: قازاقپارات جاڭالىقتارى

ۋاقىتى: 18:03 - 2019/10/10

: PDF Download - Жұктеұ - Скачать - ءتۇسىرۋ

elarna.net Printed Version.
پرەزيدەنت: ءابىش كەكىلبايۇلى - تاۋەلسىزدىگىمىزدى نىعايتۋعا اتسالىسقان اسا كورنەكتى قايراتكەر

اقتاۋ. قازاقپارات – قازاقستان پرەزيدەنتى قاسىم-جومارت توقاەۆ ەل تاۋەلسىزدىگىن نىعايتۋ جولىندا حالىق جازۋشىسى، ادەبيەت الىبى ءابىش كەكىلبايۇلىنىڭ ەڭبەگىن ەرەكشە اتاپ ءوتتى، دەپ حابارلايدى قازاقپارات ءتىلشىسى.

ۇقساس جاڭالىقتار
پرەزيدەنت اقتاۋدا ءابىش كەكىلبايۇلىنا قويىلعان ەسكەرتكىشتى اشتى ەلوردادا كاسىپوداقتار كۇنىنە وراي پرەزيدەنتتىڭ «العىس حاتى» تابىستالدى مەملەكەت باسشىسى «استانا باس جوسپارى» عىلىمي-زەرتتەۋ ينستيتۋتىنا باردى
ء

«ابىش كەكىلبايۇلى – عۇلاما جازۋشى عانا ەمەس، اسا كورنەكتى مەملەكەت جانە قوعام قايراتكەرى. ەلباسىنىڭ سەنىمدى سەرىگى رەتىندە تاۋەلسىز قازاقستاننىڭ نەگىزىن قالاۋعا قوسقان ۇلەسى وراسان زور. ەلىمىزدەگى جوعارى لاۋازىمداردا قىزمەت ىستەپ، حالىقتىڭ ىقىلاسىنا بولەندى. جوعارى كەڭەس ءتوراعاسى، مەملەكەتتىك حاتشى، سەناتور قىزمەتتەرىن ابىرويمەن اتقاردى. زاڭعار جازۋشىنى ەلباسىمىز الاشتىڭ الەم الدىنداعى بەتكەۇستار ءىرى تۇلعالارىنىڭ ءبىرى دەپ باعالاعان. ءابىش اعامەن پارلامەنتتە ارىپتەس رەتىندە ەتەنە ارالاسىپ، ەرەكشە سىيلاستىم. ءابىش كەكىلبايۇلى - تاۋەلسىزدىگىمىزدى قورعاۋعا جانە نىعايتۋعا اتسالىسقان اسا كورنەكتى قايراتكەر»، - دەدى پرەزيدەنت ءابىش كەكىلبايۇلىنا قويىلعان ەسكەرتكىشتىڭ اشىلۋىندا.

مەملەكەت باسشىسىنىڭ ايتۋىنشا، ءابىش كەكىلباەۆتىڭ شىعارمالارى – عاسىردان عاسىرعا سوزىلاتىن رۋحاني قۇندىلىق بولىپ قالارى ءسوزسىز.

ەسكە سالا كەتەيىك، بۇعان دەيىن مەملەكەت باسشىسى قاسىم-جومارت توقاەۆتىڭ جۇمىس ساپارىمەن ماڭعىستاۋ وبلىسىنا كەلگەنىن حابارلاعان بولاتىنبىز. سونداي-اق، پرەزيدەنت جازۋشى ەسكەرتكىشىنىڭ اشىلۋ سالتاناتىنا قاتىستى.

سالتاناتتى راسىمدە سويلەگەن سوزىندە مەملەكەت باسشىسى ماڭعىستاۋ ءوڭىرىنىڭ قادىر-قاسيەتىن ەرەكشە ايتىپ ءوتتى.

«ماڭعىستاۋ – جەتى جۇرت كەلىپ، جەتى جۇرت كەتكەن جەر اتانعانى بارشاعا ءمالىم. ەرتەدە وسى وڭىردەن ەۋروپا مەن تاياۋ شىعىسقا ۇلى جىبەك جولى جالعاسقانىن بىلەمىز. بۇل ولكە كاسپي تەڭىزى ارقىلى ەلىمىزدى 4 مەملەكەتپەن بايلانىستىرىپ تۇر. توعىز جولدىڭ تورابىنداعى وبلىس قاي جاعىنان الساق تا ماڭىزى زور ايماق. مادەني جادىگەرلەرى مول، وسى ءوڭىردى اسپان استىنداعى مۇراجاي دەۋگە بولادى. بۇل - ءپىر بەكەت، شاقپاق اتا، شوپان اتا بابالارىمىز ءومىر سۇرگەن جەر. ماڭعىستاۋ - 362 اۋليەنىڭ مەكەنى «، - دەدى قاسىم-جومارت توقاەۆ.

اقتاۋ قالاسىنداعى 19ا شاعىناۋداندا بوي كوتەرگەن ەسكەرتكىشتىڭ اۆتورى - ءمۇسىنشى، سۋرەتشى كوشەر بايعازيەۆ. ەسكەرتكىش قولادان تۇرعىزىلعان. بيىكتىگى – 3،5 مەتر. سالماعى - 3،5 توننا. ءمۇسىن تۇعىرىنىڭ بيىكتى – 2،4 مەتر. قۇرىلىس جۇمىستارى 2019 جىلى مامىردا باستالعان. قۇنى 48 ملن تەڭگە بولاتىن جوبانىڭ دەمەۋشىسى - NCOC كومپانياسى.

ايتا كەتەيىك، بيىل ادەبيەتىمىزدىڭ الىپ بايتەرەگى ءابىش كەكىلبايۇلىنىڭ تۋعانىنا 80 جىل تولدى. وسىعان وراي، ابىزدىڭ تۋىپ-وسكەن جەرى ماڭعىستاۋدا مەرەيتوي حالىقارالىق دەڭگەيدە تويلانباق. رەسپۋبليكانىڭ تۇكپىر-تۇكپىرىنەن قالامگەردىڭ زامانداستارى، اقىن-جازۋشىلار، قوعام قايراتكەرلەرى - بارلىعى 100-گە جۋىق ادام ارنايى قاتىسادى دەپ كۇتىلۋدە.


كەلۋ قاينارى: http://www.elarna.net/koru.php?tur=3&id=1058336

پىكىرلەر:

juz dep sifirmen jazingiz.