كومپيۋتەر نۇسقاسى Компйутер нұсқасы

قولايلى بەت | بۇگىنگى | كەشەگى | جالپى مالىمەت

ەل-ارناعا تىزىمدەلىڭىزدەر ...
قازاقتىڭ 1001 ەرتەگىسى
СанақКелген (IP)Көрілген (PWs)КомпйутерҚолфон
2019-10-181098330835 %65 %
2019-10-19729232138 %62 %
2019-10-20325106836 %64 %

ەۋروپا ليگاسى: «قايرات» سىرت الاڭدا جەڭىسكە جەتتى


ءتۇرى: قازاقپارات جاڭالىقتارى

ۋاقىتى: 03:06 - 2019/07/12

: PDF Download - Жұктеұ - Скачать - ءتۇسىرۋ

elarna.net Printed Version.
ەۋروپا ليگاسى: «قايرات» سىرت الاڭدا جەڭىسكە جەتتى

نۇر-سۇلتان. قازاقپارات - بۇگىن فۋتبولدان UEFA ەۋروپا ليگاسى ءبىرىنشى ىرىكتەۋ كەزەڭىندە الماتىنىڭ «قايراتى» سىرت الاڭدا بوسنيا جانە گەرتسوگوۆينانىڭ «شيروكي بريەگ» كومانداسىمەن العاشقى كەزدەسۋىن وتكىزدى، دەپ حابارلايدى قازاقپارات ءتىلشىسى.

ۇقساس جاڭالىقتار
ەۋروپا ليگاسى: «ورداباسى» العاشقى كەزەڭدە تەڭ ويناۋدا ەۋروپا ليگاسى: «ورداباسى» گرۋزيالىق «تورپەدونىڭ» وسال تۇسىن تابا الا ما

«قايراتتىڭ» باس باپكەرى الەكسەي شپيلەۆسكي العاشقى مينۋتتان ستاس پوكاتيلوۆ، عافۋرجان سۇيىمباەۆ، رادە دۋگاليچ، ەلدوس احمەتوۆ، دينو ميكانوۆيچ، ايبول ابىكەن، رامازان ورازوۆ، گەورگي جۋكوۆ، كونراد ۆرجەششينسكي، باۋىرجان يسلامحان، ادەرينسولا ەسەولا سىندى جىگىتتەردى شىعاردى.

ال «شيروكي بريەگ» قۇرامىندا مارتين زلوميسليچ، يوسيپ كۆەسيچ، بەرناردو ماتيچ، دومينيك كوۆاچيچ، دينو چوريچ، ماتەو ماريچ، يۆان ەنين، ماتو ستانيچ، ماريو بابيچ، توني يوۆيچ جانە دراجەن باگاريچ بولدى.

العاشقى كەزەڭدە «قايرات» باسىم وينادى. سىرت الاڭدا دوپ تەپكەنىنە قاراماستان تىزگىندى ءوز قولىنا الۋعا تىرىستى. ءبىرىنشى كەزەڭدە الاڭ يەلەرى نەگىزىنەن قورعانىستا جۇرۋگە ءماجبۇر بولدى.. ويىننىڭ 29-مينۋتىندا الماتىلىق شابۋىلشى ادەرينسولا ەسەولا قاقپاشىمەن بەتپە-بەت شىقتى. مۇنداي مۇمكىندىكتى تاجىريبەلى فۋتبولشى ءمۇلت جىبەرگەن جوق. دوپ قارسىلاستار قاقپاسىندا تۋلاپ جاتتى.

بۇدان كەيىن الاڭ يەلەرى ەس جيعانداي بولدى. ولار شابۋىل شەبىندە ءجيى بوي كورسەتىپ تۇردى. كوپ ۇزاماي تارازى باسىن تەڭەستىرىپ كەتتى. ونى يۆان ەنين شەبەر ورىندادى. تارازى باسى تەڭەسكەننەن كەيىن ەكى كوماندا دا ويىن قارقىنىن باسەڭدەتىپ الدى. ءبىرىنشى كەزەڭ 1:1 ەسەبىمەن تەڭ اياقتالدى.

ويىننىڭ ەكىنشى جارتىسى ەكى كوماندانىڭ الما-كەزەك شابۋىلىمەن ءوربىدى. اسىرەسە، «قايراتتىڭ» بەلسەندىلىگى ايقىن اڭعارىلىپ تۇردى. ماتچتىڭ 56-مينۋتىندا جاس ويىنشى ايبول ابىكەندى تاجىريبەلى فۋتبولشى يسلامبەك قۋات الماستىردى. كوپ ۇزاماي الاڭ يەلەرى قاقپاسىنا ايىپ دوبى بەلگىلەنگەن ەدى. سول ساتتە بوسنيالىق قاقپاشى قاتەلىك جىبەرىپ، ونى الماتىلىق شابۋىلشى ادەرينسولا ەسەولا ءوز پايداسىنا جاراتىپ كەتتى. ويىندا «قايرات» 2:1 ەسەبىمەن جەڭىسكە جەتتى.

بۇگىن ەۋروپا ليگاسى ءبىرىنشى ىرىكتەۋ كەزەڭىندە شىمكەنتتىڭ «ورداباسى» كومانداسى ءوز الاڭىندا گرۋزيانىڭ «تورپەدو» (كۋتايسي) كومانداسىن 1:0 ەسەبىمەن تىزە بۇكتىردى.

ال 10 شىلدەدە قوستانايدىڭ «توبىلى» ەۋروپا ليگاسى ءبىرىنشى ىرىكتەۋ كەزەڭىندە سىرت الاڭدا ليۋكسەمبۋرگتىڭ «جەنەسس ەش» كومانداسىمەن 0:0 ەسەبىمەن تەڭ ءتۇستى.

ەستەرىڭىزگە سالا كەتەلىك، كەشە UEFA چەمپيوندار ليگاسى ءبىرىنشى ىرىكتەۋ كەزەڭىندە ەلوردالىق «استانا» رۋمىنيانىڭ چفر كومانداسىنان 1:0 ەسەبىمەن باسىم ءتۇستى.


كەلۋ قاينارى: http://www.elarna.net/koru.php?tur=3&id=1022123

پىكىرلەر:

juz dep sifirmen jazingiz.