كومپيۋتەر نۇسقاسى Компйутер нұсқасы

قولايلى بەت | بۇگىنگى | كەشەگى | جالپى مالىمەت

ەل-ارناعا تىزىمدەلىڭىزدەر ...
قازاقتىڭ 1001 ەرتەگىسى
СанақКелген (IP)Көрілген (PWs)КомпйутерҚолфон
2019-11-151990658361 %39 %
2019-11-161216428648 %52 %
2019-11-1731590653 %47 %

ەۋروپا ليگاسى: «ورداباسى» كلۋبى «تورپەدونى» جەڭدى


ءتۇرى: قازاقپارات جاڭالىقتارى

ۋاقىتى: 22:09 - 2019/07/11

: PDF Download - Жұктеұ - Скачать - ءتۇسىرۋ

elarna.net Printed Version.

نۇر-سۇلتان. قازاقپارات - بۇگىن فۋتبولدان UEFA ەۋروپا ليگاسى ءبىرىنشى ىرىكتەۋ كەزەڭىندە شىمكەنتتىڭ «ورداباسى» كلۋبى ءوز الاڭىنداعى گرۋزيانىڭ «تورپەدو» (كۋتايسي) كومانداسىمەن العاشقى كەزدەسۋى مارەسىنە جەتتى، دەپ حابارلايدى قازاقپارات ءتىلشىسى.

ۇقساس جاڭالىقتار
ەۋروپا ليگاسى: «ورداباسى» گرۋزيالىق «تورپەدونىڭ» وسال تۇسىن تابا الا ما ەۋروپا ليگاسى: «توبىل» ليۋكسەمبۋرگ كومانداسىمەن تەڭ ءتۇستى

«ورداباسى» كومانداسىنىڭ باس باپكەرى كاحابەر تسحادادزە العاشقى مينۋتتان دميتري نەپوگودوۆ، ماردان تولەبەك، پابلو فونتانەللو، تەمىرلان ەرلانوۆ، سەرگەي مالىي، تيمۋر دوسماعامبەتوۆ، ابدۋللاي دياكاتە، ماي ماحلانگۋ، ميرزاد مەحانوۆيچ، جواو پاۋلو مەن توقتار جانعىلىشبايدى شىعاردى،

ال «تورپەدو» ساپىندا روين كۆاسحۆادزە، ۆاجا تاباتادزە، داۆيد حۋرتسيلاۆا، انري چيچينادزە، تسوتنە نادارايا، ماتە تسينتسادزە، پاپۋنا پونياۆا، ۆاحتانگ نەبيەريدزە، تەمۋر چوگادزە، زازا تسيتسكيشۆيلي جانە تورنيكە كاپانادزە ويىن باستالعاننان جاسىل الاڭ تورىنەن كورىندى.

بۇگىنگى كەزدەسۋ «ورداباسىنىڭ» باسىمدىعىمەن ءوتتى. دەگەنمەن ويىن بارىسى باياۋ ءجۇردى. دوپ نەگىزىنەن الاڭ ورتاسىندا كوبىرەك جۇرگەنى راس. العاشقى جيىرما مينۋتقا دەيىن ەكى كوماندا تاراپىنان دا ءقاۋىپتى شابۋىل كوزگە تۇسە قويعان جوق. ال 40-مينۋتتا شىمكەنتتىك شابۋىلشى جوان پاولو قارسىلاستار قاقپاسىنا دوپ باعىتتادى. دەگەنمەن ول دىتتەگەن ماقساتىنا جەتە العان جوق.

ەكىنشى كەزەڭدە الاڭ يەلەرى گول سوعۋ مۇمكىندىگىن كوبىرەك ىزدەدى. سوعان قاراماستان ولار مەرگەندىگىمەن كوزگە تۇسە العان جوق. ويىننىڭ 50-مينۋتىندا شىمكەنتتىكتەر تاراپىنان بەلسەندى قيمىل كوبىرەك كوزگە ءتۇسىپ جاتتى. «ورداباسىنىڭ» باس باپكەرى 55-مينۋتتا شابۋىل شەبىن كۇشەيتە ءتۇستى. قورعاۋشى ماردان تولەبەكتى شابۋىلشى زيكي باديبانگا الماستىردى. بۇدان كەيىن 67-مينۋتتا جارتىلاي قورعاۋشى ميرزاد مەحانوۆيچتىڭ ورنىن شابۋىلشى الەكسەي ششەتكين باستى. سول ساتتە وڭ قاناتتان بەرىلگەن بۇرىشتاما دوبىن «ورداباسى» ويىنشىسى تەمىرلان ەرلانوۆ باسپەن قاقپاعا سوعىپ كەتتى. بۇل گول «ورداباسىعا» جەڭىس الىپ كەلدى. شىمكەنتتىك كلۋب قارسىلاسىنان 1:0 ەسەبىمەن باسىم ءتۇستى.

سونداي-اق، بۇگىن، 11 شىلدەدە الماتىنىڭ «قايراتى» سىرت الاڭدا بوسنيا جانە گەرتسوگوۆينانىڭ «شيروكي بريەگ» كلۋبىمەن شەبەرلىك بايقاسادى. كەزدەسۋ نۇر-سۇلتان ۋاقىتىمەن 01.00-دە باستالادى. ويىن Qazsport تەلەارناسىنان تىكەلەي ەفيردە كورسەتىلەدى.

ايتا كەتەلىك، 10 شىلدەدە قوستانايدىڭ «توبىلى» ەۋروپا ليگاسى ءبىرىنشى ىرىكتەۋ كەزەڭىندە سىرت الاڭدا ليۋكسەمبۋرگتىڭ «جەنەسس ەش» كومانداسىمەن 0:0 ەسەبىمەن تەڭ ءتۇستى.

ەسكە سالساق، كەشە UEFA چەمپيوندار ليگاسى ءبىرىنشى ىرىكتەۋ كەزەڭىندە ەلوردالىق «استانا» رۋمىنيانىڭ چفر كومانداسىنان 1:0 ەسەبىمەن باسىم ءتۇستى.


كەلۋ قاينارى: http://www.elarna.net/koru.php?tur=3&id=1022081

پىكىرلەر:

juz dep sifirmen jazingiz.