كومپيۋتەر نۇسقاسى Компйутер нұсқасы

قولايلى بەت | بۇگىنگى | كەشەگى | جالپى مالىمەت

ەل-ارناعا تىزىمدەلىڭىزدەر ...
قازاقتىڭ 1001 ەرتەگىسى
СанақКелген (IP)Көрілген (PWs)КомпйутерҚолфон
2019-11-171215391738 %62 %
2019-11-181794515640 %60 %
2019-11-19604179751 %49 %

ەكى ءجۇز ءاننىڭ ءسوزىن جازعان – استانا اقشامى


ءتۇرى: اقجول تور ماقالالارى

ۋاقىتى: 00:30 - 2019/11/09

: PDF Download - Жұктеұ - Скачать - ءتۇسىرۋ

elarna.net Printed Version.ەكى ءجۇز ءاننىڭ ءسوزىن جازعان – استانا اقشامى

الداعى جۇما، ياعني 15 قاراشادا ەلورداداعى «استانا» كونتسەرت زالىندا قازاقستان جازۋشىلار وداعىنىڭ مۇشەسى، اقىن ەرقوجا تىلەپبەرديەۆتىڭ «باقىتىم – بايتاق دالام» اتتى مۋزىكالىق-پوە­تيكالىق كەشى وتەدى. وسى شارا قارساڭىندا اقىنمەن كەزدەسىپ، شاعىن سۇحبات قۇرىپ ەدىك.– ەرقوجا اعا، بۇدان بۇرىن باس قالادا ءدۇيىم ەلدى شاقىر­عان كەشىڭىز ءوتتى مە؟
– ءيا. 2008 جىلى حالىق كوپ جينالعان كەشىم وتكەن ەدى. ۋاقىت قانداي جۇيرىك. ودان بەرى زىرعىپ ون جىل ءوتتى. ونەر جولدا ءبىراز جەتىستىكتەرگە قول جەتكىزدىم. قورجىنىم دا تولىقتى. كوپتەگەن جاڭا دۇنيە­لەر جازىلدى. مەن استاناعا كەلگەلى ەكى ءجۇز انگە ءماتىن جازدىم. ونىڭ سىرتىندا، ءوزىمنىڭ دە جەكە شىعارعان 40-50 ءانىم بار. ءقازىر ونى كوپكە تانىمال انشىلەر ورىنداپ ءجۇر. ءبىراز اندەرىم «ەلىم مەنىڭ»، «تاۋەلسىزدىك تولعاۋى» دەگەن رەسپۋبليكالىق بايقاۋلاردا توپ جاردى.
– كەشتى وتكىزۋگە كىم مۇرىندىق بولىپ وتىر؟
– ءبىراز جىلدان بەرى ۇلتتىق ۇلانمەن شىعارماشىلىق بايلانىستامىن. «ەل قورعانى» دەگەن ءانىم ءقازىر ولاردىڭ گيمنىنە اينالدى دەسە بولادى. اۋە­لى كەش وتكىزۋ تۋرالى ۇسىنىس سولاردان ءتۇستى. بۇعان ەلوردا اكىمدىگى دە قولداۋ كورسەتتى. ءارى 4-5 ايدان كەيىن اسقارالى الپىس جاسقا تولامىن. سونىڭ الدىندا حالىقتىڭ باتاسىن الىپ، جۇزدەسكىم كەلدى.
– كونتسەرتكە كىمدەر قاتىسادى؟
– بۇل كەشتە كەيىنگى جازىلعان ءبىراز جاڭا اندەر شىر­قالادى. ونى رەسپۋبليكالىق كونكۋرستاردىڭ جۇلدەگەرلەرى رامازان ستامعازيەۆ، كلارا تولەنباەۆا، ەلمۇرا جاڭابەرگەنوۆا، ارداق بالاجانوۆا، زاعيپا يمانعازيەۆا سەكىلدى تالانتتى ونەرپازدار ورىندايدى. سونداي-اق ۇلتتىق ۇلان ءان-بي ءانسامبلى، «قورقىت» ەتنو-فولكلورلىق ءانسامبلى مەن قاللەكي تەاترىنىڭ ارتىستەرى ونەر كورسەتەدى. سونىمەن بىرگە ۆەنگريا وپەرا تەاترىنىڭ ءسوليسى، دارىندى ءانشى مالىك ازات دەگەن باۋىرىم ادەيى وسى كەشكە قاتىسۋ ءۇشىن سوناۋ جەردەن ات ارىتىپ كەلە جاتىر. ءوزىم مۇقاعالي ماقاتاەۆتىڭ تۋعان جەرىندە ومىرگە كەلىپ، بالا كۇنىمنەن اقىن ولەڭدەرىن جاتتاپ ءوستىم. اقىنعا ارناپ ءان جازدىم. سوندىقتان كونتسەرتتە اقىننىڭ ۇلى جۇلدىز اعامىز بەن جەڭگەمىز ارنايى قوناق بولادى.


كەلۋ قاينارى: http://www.elarna.net/koru.php?tur=7&id=1069712

پىكىرلەر:

juz dep sifirmen jazingiz.