كومپيۋتەر نۇسقاسى Компйутер нұсқасы

قولايلى بەت | بۇگىنگى | كەشەگى | جالپى مالىمەت

ەل-ارناعا تىزىمدەلىڭىزدەر ...
قازاقتىڭ 1001 ەرتەگىسى
СанақКелген (IP)Көрілген (PWs)КомпйутерҚолфон
2019-11-151990658361 %39 %
2019-11-161216428648 %52 %
2019-11-17451146944 %56 %

قۇرمانعاليەۆ تۋرالى كىتاپ-البوم – استانا اقشامى


ءتۇرى: اقجول تور ماقالالارى

ۋاقىتى: 01:30 - 2019/11/07

: PDF Download - Жұктеұ - Скачать - ءتۇسىرۋ

elarna.net Printed Version.قۇرمانعاليەۆ تۋرالى كىتاپ-البوم – استانا اقشامى

قر ۇلتتىق اكادەميالىق كىتاپحاناسىندا اقىن، اۋدارماشى، فيلولوگيا عىلىمدارىنىڭ كانديداتى مارجان ەرشۋدىڭ «فەنومەن ەرىك قۇرمانعاليەۆ» اتتى كىتاپ-البومىنىڭ تۇساۋ­كەسەرى ءوتتى.وپەرا ءانشىسى ەرىك ­قۇرمانعاليەۆتىڭ 60 جىلدىعىنا وراي شىعارىلعان كىتاپتىڭ تۇساۋكەسەرىندە قازاقستاننىڭ ەڭبەك سىڭىرگەن ءارتىسى، قر مەملەكەتتىك سىيلىقتىڭ لاۋرەاتى شاحيماردان ءابىلوۆ وتە سيرەك كەزدەسەتىن كونتراتەنور داۋىستى وپەرا ءانشىسىنىڭ جاس­تىق شاعى تۋرالى ەستەلىك ايتىپ، مۋزىكاتانۋ الەمىندەگى اتاقتى
ن.ل.دورلياك، الەكساندر ­لاەرتسكي، دميتري بەرتمان، تاعى باسقا اتاعى الەمگە ءماشھۇر ونەر قايراتكەرلەرىنىڭ ەرىك ­قۇرمانعاليەۆتىڭ ەرەكشە دارىنىن وتە جوعارى باعالاعانىن اسەرلى جەتكىزدى. بۋداپەشتەگى قازاق-ماجار قوعامى ءتوراعاسىنىڭ ورىنباسارى وڭايشا ماندوكي الەمدىك مۋزىكا تاريحىندا ورنى بار قازاق ءانشىسىنىڭ ءومىرى مەن شىعارماشىلىعى تۋرالى باياندالعان «فەنومەن ەرىك قۇرمانعاليەۆ» كىتاپ-البومنىڭ تۇلعا تانۋدا، ەرىك قۇرمانعاليەۆ ەسىمىن ناسيحاتتاۋدا ەرەكشە ۇلەس قوسىپ، وپەرا ءانشىسى جايلى كەلەشەكتە جازىلار ەڭبەكتەردىڭ باستاۋى بولارىنا سەنىم ءبىلدىردى.
كەش بارىسىندا اۆتور مارجان ەرشۋ: «موسكوۆسكي كومسومولەتس» گازەتىندە رەسەيدەگى جوقتاۋشىسىز قالعان بەلگىلى ونەر تۇلعالارىنىڭ زيراتتارى تۋرالى ماقالا جاريا­لاندى. قاراۋسىز قالعان سونداي زيراتتىڭ ءبىرى ەرىك قۇرمانعاليەۆ­تىڭ زيراتى دەگەن پىكىر ايتادى. بۇل ءبىزدىڭ جۇرەگىمىزدى قوزعايدى. اتاقتى انشىگە دەگەن قۇرمەتىمىزدى ءالى دە بىلدىرە الماي كەلەمىز دەگەن كوپتىڭ كوكەيىندە جۇرگەن ويىمەن ۇندەسەتىن شىعار دەيمىن» دەپ، كىتاپتىڭ قالاي جازىلعانى تۋرالى تەبىرەنە جەتكىزدى.

جادىرا شامۇراتوۆا


كەلۋ قاينارى: http://www.elarna.net/koru.php?tur=7&id=1068825

پىكىرلەر:

juz dep sifirmen jazingiz.