كومپيۋتەر نۇسقاسى Компйутер нұсқасы

قولايلى بەت | بۇگىنگى | كەشەگى | جالپى مالىمەت

ەل-ارناعا تىزىمدەلىڭىزدەر ...
قازاقتىڭ 1001 ەرتەگىسى
СанақКелген (IP)Көрілген (PWs)КомпйутерҚолфон
2019-11-171215391738 %62 %
2019-11-181794515640 %60 %
2019-11-19604179751 %49 %

جيىرما جىلدىق بي عۇمىر – استانا اقشامى


ءتۇرى: اقجول تور ماقالالارى

ۋاقىتى: 00:45 - 2019/11/07

: PDF Download - Жұктеұ - Скачать - ءتۇسىرۋ

elarna.net Printed Version.جيىرما جىلدىق بي عۇمىر – استانا اقشامى

«ناز» مەملەكەتتىك بي تەاترىنىڭ «جيىرما جىلدىق بي عۇمىر» اتتى مەرەيتوي كونتسەرتى ءوتتى.ارقاعا استانا كوشىپ كەلگەندە ىرگەسى قالانعان ونەر ورداسىنىڭ بۇگىندە جەتكەن جەتىستىگىن اۋىز تولتىرىپ ايتۋعا بولادى. ءقازىر ول – ەلىمىزدەگى العاشقى كاسىبي بي تەاترى. «ناز» دەگەن ءسوزدىڭ ءوزى نازىك­تىكتى، سۇلۋلىقتى بىلدىرەدى.
تەاتردىڭ قالىپتاسۋىنا مادەنيەت قايراتكەرى ەركەبۇلان ­اعىمباەۆ پەن ۇجىمنىڭ كوركەمدىك جەتەكشىسى – قازاقستاننىڭ ەڭبەك سىڭىرگەن قايراتكەرى حاديشا اعىمباەۆا كوپ ەڭبەك ءسىڭىردى. «نازبەن» بىرگە حالقىمىزدىڭ بي ونەرى دە جاڭا بەلەسكە كوتەرىلدى. ونەرپازدار ۇلتتىق بوياۋى مول شىعارمالاردى عانا ەمەس، وزگە حالىقتاردىڭ ءداستۇرلى بيلە­رىن دە كەرەمەت ورىندايدى. ونەر ورداسى العاشقى كۇننەن باستاپ، قازىرگە دەيىن رەپەرتۋارداعى ءاربىر بيگە ۇلتتىق ورنەك، حالقىمىزعا ءتان ءسالت-داستۇردى ەنگىزۋگە ءمان بەرگەن. ايتالىق، «سەرپىن»، «كوڭىلاشار»، «جەلدىرمە»، «ساربازدار» بيلەرىنەن وسىنى كورەسىز.
2005 جىلى «ناز» ەلىمىزدە العاش­قى بولىپ حورەوگرافيا تىلى­مەن «تۇيعىندار» اتتى بي سپەكتاكلىن قويدى. جۇرتشىلىق ونى جىلى قابىلدادى. ودان كەيىن حالقىمىز­دىڭ ارداقتى پەرزەنتى، داۋلەسكەر كۇيشى نۇرعيسا تىلەنديەۆ تۋرالى «نۇرعيسا» بي قويىلىمىن ساحنالادى. سونداي-اق شىعىس ەرتەگىلەر جەلىسىمەن «1001 ءتۇن» قويىلىمى جانە «ۋ-سانا» حورەوگرافيالىق سپەكتاكلى كورەرمەنگە جول تارتتى. بيىل تاريحتا ءوز ورنى بار قولباسشى «شىڭعىسحان» قويىلىمىنىڭ پرەمەراسى ءوتتى.
مەرەيتوي كونتسەرتىنىڭ اشى­لۋىندا مادەنيەت جانە سپورت ۆيتسە-­مينيسترى نۇرعيسا داۋەشوۆ تەاتر ۇجىمىن جيىرما جىلدى­عىمەن قۇتتىقتاپ، ونەرپازدارعا ىزگى لەبىزىن ءبىلدىردى. ودان كەيىن كەش بي قويىلىمدارىنا ۇلاس­تى. جوعارىدا ايتىپ وتكەن سپەكتاكلدەردەن ۇزىندىلەر كورسەتىلدى. وزگە حالىقتاردىڭ دا بيلەرى ورىندالدى. دومبىرا كۇمبىرلەپ، اۋەزدى ءان ايتىلدى. سونىمەن بىرگە تەاتر مەرەيتويىنا وراي «بي – سەزىمنىڭ پاديشاسى» اتتى رەسپۋبليكالىق جىر ءمۇشايراسى جاريالانعان ەدى. كەش اياسىندا سونىڭ جەڭىمپازدارى ماراپاتتالدى. بۇل جىر بايگەسىنىڭ باس جۇلدەسىن اقىن ازامات ءمالجانباي يەلەندى.
قورىتا كەلگەندە، قازاق ونەرىنىڭ شاڭىراعىنا ءبىر ۋىق بولىپ قادالعان «ناز» تەاترىنىڭ جيىرما جىلدىق اسۋى ەل كوڭىلىنەن شىقتى دەپ نىق ايتامىز.


كەلۋ قاينارى: http://www.elarna.net/koru.php?tur=7&id=1068815

پىكىرلەر:

juz dep sifirmen jazingiz.