كومپيۋتەر نۇسقاسى Компйутер нұсқасы

قولايلى بەت | بۇگىنگى | كەشەگى | جالپى مالىمەت

ەل-ارناعا تىزىمدەلىڭىزدەر ...
قازاقتىڭ 1001 ەرتەگىسى
СанақКелген (IP)Көрілген (PWs)КомпйутерҚолфон
2019-11-121795452839 %61 %
2019-11-134580823558 %42 %
2019-11-1432075953 %47 %

بالاباقشالار قۇرىلىسىن تالقىلادى – استانا اقشامى


ءتۇرى: اقجول تور ماقالالارى

ۋاقىتى: 03:00 - 2019/11/02

: PDF Download - Жұктеұ - Скачать - ءتۇسىرۋ

elarna.net Printed Version.بالاباقشالار قۇرىلىسىن تالقىلادى – استانا اقشامى

ەلوردادا مەملەكەتتىك-­جەكەمەنشىك ارىپتەس­تىك اياسىندا جالپى سىيىمدىلىعى 1680 ورىن­دىق التى بالاباقشانىڭ قۇرى­لىسى جوسپارلانعان. مەملەكەت تاراپىنان بۇل جۇمىستى ات­قا­رۋعا ينجەنەرلىك جەلىلەرى بار جەر تەلىمدەرى بەرىلىپ، مەملەكەتتىك ساراپتاما قورىتىندىسى شى­عارىلعان جوبالىق-سمەتالىق قۇجاتتاما ۇسىنىلدى. نۇر-سۇلتان قالاسى ءماسليحاتىنىڭ كوپشىلىك تىڭداۋلارىندا وسىنى مالىمدەگەن قالالىق ءبىلىم بەرۋ باسقارماسى باسشىسىنىڭ مىندەتىن اتقارۋشى باعلان سماتاەۆا بۇل باعىتتاعى تۇيتكىلدەردى جاسىرمادى.جوبانىڭ جالپى قۇنى 7 ملرد تەڭگەدەن اسادى. جوبانى جۇزەگە اسىرۋ مەرزىمى – 20 جىل. ياعني، بالاباقشا سالىنعاننان كەيىن جەكە ارىپتەس ءتيىستى زاڭناما مەن كەلىسىمشارتقا سايكەس 19 جىل بويى مەكتەپالدى تاربيەلەۋ مەن وقىتۋ قىزمەتىن كورسەتەدى. جەكە كاسىپكەر مەملەكەتتىك ءبىلىم بەرۋ تاپسىرىسى شەڭبەرىندە بالاباقشا قۋاتتىلىعىنا ساي قىزمەت كورسەتۋى ءتيىس.
جەكە ارىپتەستى تاڭداۋ بويىنشا كونكۋرس وتكىزىلىپ، كەلىسىمشارتتار جاسالعان. سوعان سايكەس ەلورداداعى ء«بۇلدىرشىن-2012» جشس حۋسەين بەن تالال كوشەسىندە 240 ورىندىق بالاباقشا سالۋى كەرەك. سونداي-اق شىعىس- قازاقستاندىق «ۋسپەح Gold-8» جشس ءبىر، پولشا مەملەكەتىنىڭ «تەرمو-كليما مك» جشس ءتورت بالاباقشا قۇرىلىسىنا مىندەتتەمەلەردى العان.
«قازىرگى كەزدە مەملەكەتتىك-جەكەمەنشىك ارىپتەستىك كوميسسياسى كەلىسىمشارتقا قوسىمشا كەلىسىم شىعارۋ بويىنشا ء«بۇلدىرشىن-2012» جشس-مەن جۇمىس جۇرگىزىپ جاتىر. جەكە ارىپتەس بالاباقشانى وسى جىلدىڭ اياعىندا پايدالانۋعا بەرۋدى جوسپارلاپ وتىر. ال «ۋسپەح Gold-8» جشس مەن «تەرمو-­كليما مك» جشس قۇرىلىستى باستاماعاندىقتان، ولارعا كەلىسىمشارتتى بۇزۋ تۋرالى حات جىبەرىلدى. ­«تەرمو-كليما مك» مۇنىمەن كەلىسپەي، موينىنا العان مىندەتتى ورىندايمىن دەپ وتىر. مەملەكەتتىك ساراپتاما قورىتىندىسى شىعارىلعان جوبالىق-سمەتالىق قۇجاتتامانىڭ مەرزىمى ءوتىپ كەتكەننەن كەيىن جوبا قىمباتتاۋى مۇمكىن. جەكە ارىپتەستىڭ كىناسىنەن كەلىسىمشارت ورىندالماسا، مەملەكەتتىك ارىپتەس ايىپپۇل ءوندىرىپ الۋعا ءوتىنىش بەرۋگە قۇقىلى. قازىرگى كەزدە كەلىسسوزدەر ءجۇرىپ جاتىر. ەگەر تاراپتار كەلىسىمگە كەلمەسە، مەملەكەتتىك ارىپتەس كەلىسىمشارتتى بۇزۋ ءۇشىن سوتقا شاعىم تۇسىرەدى» دەيدى ب.سماتاەۆا.


كەلۋ قاينارى: http://www.elarna.net/koru.php?tur=7&id=1067151

پىكىرلەر:

juz dep sifirmen jazingiz.