كومپيۋتەر نۇسقاسى Компйутер нұсқасы

قولايلى بەت | بۇگىنگى | كەشەگى | جالپى مالىمەت

ەل-ارناعا تىزىمدەلىڭىزدەر ...
قازاقتىڭ 1001 ەرتەگىسى
СанақКелген (IP)Көрілген (PWs)КомпйутерҚолфон
2019-11-151990658361 %39 %
2019-11-161216428648 %52 %
2019-11-17503165044 %56 %

ەلوردانى دامىتۋ باعدارلاماسىنا وزگەرىستەر ەنگىزىلدى – استانا اقشامى


ءتۇرى: اقجول تور ماقالالارى

ۋاقىتى: 02:30 - 2019/11/02

: PDF Download - Жұктеұ - Скачать - ءتۇسىرۋ

elarna.net Printed Version.ەلوردانى دامىتۋ باعدارلاماسىنا وزگەرىستەر ەنگىزىلدى – استانا اقشامى

پرەزيدەنت اكىمشىلىگىنىڭ تاپسىرماسىمەن ايماقتاردى دامىتۋ باعدارلاماسىن جەتىلدىرۋ ماقساتىندا قىزمەتتى باعالاۋدىڭ ماقساتتى ينديكاتورلارى وڭتايلاندىرىلدى. وسىعان جانە قالا اتاۋىنىڭ وزگەرۋىنە بايلانىستى 2016-2020 جىلدارعا ارنالعان استانا قالاسىن دامىتۋ باعدارلاماسىنا وزگەرىستەر ەنگىزىلدى. نۇر-سۇلتان قالاسى ءماسليحاتىنىڭ كەزەكتى سەسسياسىندا وسىنى مالىمدەگەن ستراتەگيالىق جانە بيۋدجەتتىك جوسپارلاۋ باسقارماسىنىڭ باسشىسى قايسار ماڭقاراەۆ باعدارلاماعا ەنگەن وزگەرىستەرمەن تانىستىردى. سەسسياعا قالا اكىمىنىڭ ورىنباسارى اسقار ءامرين قاتىستى.– قالانى دامىتۋ باعدارلاماسى كەلەسى جىلى اياقتالادى. سوندىقتان بۇل – وبەكتيۆتى سەبەپتەرگە بايلانىستى سوڭعى تۇزەتۋ. ۇلتتىق ەكونوميكا مينيسترلىگى كورسەتكىشتەردىڭ جاڭا بازالىق ءتىزىمىن قابىلدادى. وندا كورسەتكىشتەر 81-دەن 40-قا دەيىن قىسقارتىلدى. وسى ينديكاتورلاردىڭ نەگىزىندە اكىمدىكتەردىڭ قىزمەتى باعالانادى. اۋماقتاردى دامىتۋ باعدارلاماسىنداعى ينديكاتورلار 121-دەن 54-كە ازايتىلدى. بۇل 54 ينديكاتوردىڭ 10-ىنا تۇزەتۋلەر ەنگىزىلدى. ونىڭ 9-ى ستراتەگيالىق كارتانىڭ ينديكاتورلارى، – دەدى ق.ماڭقاراەۆ.
2018 جىلدىڭ قورىتىندىلارى بويىنشا، ەلوردا اكىمدىگى كوزدەگەن ماقساتتارعا جەتۋ كورسەتكىشى جونىنەن ەل وڭىرلەرى اراسىندا ەڭ ۇزدىك ناتيجەلەردى كورسەتىپ، ەكىنشى ورىندى يەلەندى. پرەزيدەنت اكىمشىلىگى باس قالا اكىمدىگىنىڭ قىزمەتىن 85،7 بالعا باعالادى. بۇل 2017 جىلمەن سالىستىرعاندا 12 بالعا جوعارى. وسىنى ايت­قان بايانداماشى ەلباسىنىڭ تاپسىرماسىمەن نۇر-سۇلتان قالاسىن دامىتۋدىڭ جاڭا باعدارلاماسى ازىرلەنىپ جاتقانىن جەتكىزدى. بۇل باعدارلاما 2021-2025 جىلداردى قامتيدى. قازىرگى كەزدە ۇلتتىق ەكونوميكا مينيسترلىگىمەن بىرگە جاڭا باعدارلاما بويىنشا جۇمىستار ءجۇرىپ جاتىر.
سەسسيانىڭ الدىندا ەلوردانى دامىتۋ باعدارلاماسى «Nur Otan» پارتياسىنىڭ قالالىق ءماسليحاتتاعى فراك­تسياسىنىڭ كەڭەيتىلگەن وتىرىسىندا جان-جاقتى تالقىلاندى. دەپۋتاتتار وندا قالا تىرشىلىگىنە قاتىستى ماڭىزدى ماسەلەلەردى كوتەرىپ، ءوز ۇسىنىستارىن جەتكىزدى. ءماسليحات دەپۋتاتى قاراقات ابدەن شاھاردىڭ ەكونوميكالىق ورلەۋى مەن سالىق تۇسىمدەرى ماسەلەسىن قوزعادى. «جالپى وڭىرلىك ءونىمنىڭ ءوسىمىن بايقاپ وتىرمىز. ءبىراق بۇل كورسەتكىشتى جاقسارتۋعا بولادى دەپ ەسەپتەيمىن. سالىقتار ۋاقىتىندا جينالماسا، قالا قازىناسىنا تۇسپەسە، قالانىڭ الەۋمەتتىك ساياساتى اقسايدى. مۇنداي جاعدايدا الەۋمەتتىڭ الەۋەتىن قالاي كوتەرەمىز؟ بۇل تاراپتا Nur Otan پارتياسى مەملەكەتتىك ورگاندار جۇمىسىن باقىلاۋعا الۋى ءتيىس» دەدى دەپۋتات. وتىرىس بارىسىندا بارلىق ۇسىنىستار ەسكەرىلەتىنى ايتىلدى.
وسى كۇندەرى ەلوردادا 87 ورتا مەكتەپ جۇمىس ىستەپ تۇر. ونىڭ 10-ىنا بەلگىلى تۇلعالاردىڭ ەسىمدەرى بەرىلگەن. بيىل قالالىق ونوماستيكالىق كوميسسياعا مەكتەپتەرگە اتاۋ بەرۋ بويىنشا كوپتەگەن وتىنىشتەر كەلىپ تۇسكەن. 3 قازاندا كوميسسيا بۇل وتى­نىشتەردى قاراپ، 12 ۇسىنىس بويىنشا وڭ شەشىم شىعاردى. سەسسيادا بۇل ۇسىنىستارمەن تىلدەردى دامىتۋ جانە ارحيۆ ءىسى باسقارماسىنىڭ باسشىسى تىلەۋعالي قىشقاشباەۆ تا­نىستىردى.
اتاپ ايتقاندا، №10 مەكتەپ-گيمنازياعا – جۇمابەك تاشەنوۆتىڭ، №48 مەكتەپ-ليتسەيگە – احمەت بايتۇرسىنۇلىنىڭ، №52 مەكتەپ-گيمنازياعا – بەيىمبەت ءمايليننىڭ، №56 مەكتەپ-ليتسەيگە – شاكارىم قۇدايبەردىۇلىنىڭ، №57 ورتا مەكتەپكە – ءماشھۇر-جۇسىپ كوپەيۇلىنىڭ، №58 مەكتەپ-گيمنازياعا – ءىلياس جانسۇگىروۆتىڭ، №68 مەكتەپ-گيمنازياعا – ءمىرجاقىپ دۋلاتۇلىنىڭ، №76 مەكتەپ-ليتسەيگە – ءاليحان بوكەيحانۇلىنىڭ، №80 مەكتەپ-گيمنازياعا – ساكەن سەيفۋلليننىڭ، №84 مەكتەپ-ليتسەيگە – شەيح حاليف بەن زايد ءال-ناحاياننىڭ، №85 مەكتەپ-ليتسەيگە – شەيح تاميم بەن حامادا ءال-تانيدىڭ جانە وقۋشىلار سارايىنا – ءابۋ ناسىر ءال-فارابيدىڭ ەسىمدەرىن بەرۋ ۇسىنىلدى. بۇل ۇسىنىس­تاردى دەپۋتاتتار ماقۇلدادى.
– بىرىككەن اراب امىرلىكتەرىندەگى شەيح حاليف بەن زايد ءال-ناحايان اتىنداعى گۋ­مانيتارلىق قور №84 مەكتەپ-­ليتسەيىنىڭ، ال كاتار مەملەكەتىنىڭ دامۋ قورى №85 مەكتەپ قۇرىلىسىن قارجىلاندىردى. ينۆەستورلار ءبىلىم بەرۋ ورىندارىن قاجەتتى بارلىق قۇرالدارمەن جابدىقتادى. مەكتەپتەر قۇرىلىسىنان بولەك، ماتەريالدى-تەحنيكالىق جابدىقتالۋىن دا ءوز مويىندارىنا العان. قاجەت بولعان جاعدايدا ولاردىڭ ەسەبىنەن قۇرىلىس جۇمىستارى جۇرگىزىلىپ، وقۋ قۇرالدارى الىنادى. شەيحتەردىڭ ەسىمدەرىن مەكتەپتەرگە بەرۋ تۋرالى ۇسىنىس وسى مەكتەپتەردىڭ باسشىلارىنان كەلىپ تۇسكەن، – دەيدى ت. قىشقاشباەۆ.
س19 كوشەسىندەگى 600-800 ورىنعا ارنالعان كوپسالالى اۋرۋحانانىڭ قۇرىلىسىنا، بەسىنشى كەزەكتەگى، №10 ۋچاسكەدەگى ەسىل وزەنى ارناسىن قايتا قۇرۋ مەن اباتتاندىرۋعا، ا. يمانوۆ كوشەسىنەن باستاپ بوگەنباي باتىر داڭعىلىنا دەيىنگى اسان قايعى كوشەسىن سالۋعا، س189 جانە س745 كوشەلەرى قيىلىسىنداعى ساياباقتىڭ قۇرىلىسىنا مەملەكەت مۇقتاجدىعىنا جەر تەلىمدەرىن الۋ جوباسىمەن قۇرىلىس جانە تۇرعىن ءۇي ساياساتى باسقارماسى باسشىسىنىڭ مىندەتىن اتقارۋشى جان مىرزاعالي تانىستىردى. بۇل ۇسىنىس تا دەپۋتاتتار تاراپىنان قولداۋ تاپتى.


كەلۋ قاينارى: http://www.elarna.net/koru.php?tur=7&id=1067144

پىكىرلەر:

juz dep sifirmen jazingiz.