كومپيۋتەر نۇسقاسى Компйутер нұсқасы

قولايلى بەت | بۇگىنگى | كەشەگى | جالپى مالىمەت

ەل-ارناعا تىزىمدەلىڭىزدەر ...
قازاقتىڭ 1001 ەرتەگىسى
СанақКелген (IP)Көрілген (PWs)КомпйутерҚолфон
2019-11-171215391738 %62 %
2019-11-181794515640 %60 %
2019-11-19604179751 %49 %

ساكەن اتى اسقاقتادى – استانا اقشامى


ءتۇرى: اقجول تور ماقالالارى

ۋاقىتى: 01:30 - 2019/11/02

: PDF Download - Жұктеұ - Скачать - ءتۇسىرۋ

elarna.net Printed Version.ساكەن اتى اسقاقتادى – استانا اقشامى

ق.قۋانىشباەۆ اتىنداعى قازاق مەملەكەتتىك اكادەميالىق مۋزىكالىق دراما تەاترىندا اسا كورنەكتى مەملەكەت جانە قوعام قايراتكەرى، قازاق كەڭەس ادەبيەتى­نىڭ نەگىزىن قالاۋشىلاردىڭ ءبىرى – ساكەن سەيفۋلليننىڭ 125 جىلدىعىنا ارنالعان «قايراتكەر اقىن» ادەبي-سازدى كەش پەن كورمە ءوتتى. شارا قانات ءجۇنىسوۆتىڭ ­«ساكەن-سۇڭقار» دراماسىمەن تۇيىندەلدى.اتالمىش تەاتر مەن ساكەن سەيفۋللين مۋزەيى بىرلەسىپ ۇيىمداستىرعان شارادا مەملەكەت جانە قوعام قايراتكەرى ورالباي ابدىكارىموۆ تۇلعا مەرەيتويى بيىل ەلىمىزدە كەڭىنەن اتالىپ ءوتىپ كەلە جاتقانىن ايتتى. سونىڭ ىشىندە نۇر-سۇلتان مەن قاراعاندى قالالارىندا كونفەرەن­تسيا­لار، جاڭاارقا اۋدانىندا دۇبىرلەگەن توي ءوتتى. ءتىپتى ەلىمىزدىڭ شەكاراسىنان اسىپ، تۇركيانىڭ انكارا شاھارىندا اتالدى. تۇركسوي ۇيىمى ءىلياس، بەيىمبەت، ساكەندى ءبولىپ-جارماي، باۋىرلاس ەلدە ۇلىقتالۋىنا مۇرىندىق بولدى.
ساكەن سەيفۋللين مۋزەيى دە قاراپ وتىرمادى. مۋزەي ديرەكتورى، اقىن، مەملەكەتتىك سىيلىقتىڭ لاۋرەاتى نەسىپبەك ايتۇلى مادەني وشاق وتكىزگەن شارالارعا توقتالىپ، تۇلعا ەسىمىن ارداقتاۋ الداعى ۋاقىتتا دا جالعاسا بەرەتىندىگىن جەتكىزدى.
نۇر-سۇلتان قالاسى مادەنيەت جانە سپورت باسقارماسىنىڭ باسشىسى ­نۇرلان سىزدىقوۆ ­ساكەندەي ارداقتى تۇلعادان ۇلگى-ونەگە الۋعا شاقىرسا، ق.قۋانىشباەۆ اتىنداعى قازاق مەملەكەتتىك اكادەميالىق مۋزىكالىق دراما تەاترىنىڭ ديرەكتورى اسحات ­ماەميروۆ وسى شارانىڭ ماڭىزدىلىعىن اتاپ ءوتتى.
ساكەندى ۇلگى تۇتىپ، ەرەكشە قۇرمەتتەيتىن اقىن، ءانشى، اكتەر، دراماتۋرگ قانات ءجۇنىسوۆ تۇلعانىڭ ۇلت ءۇشىن اتقارعان ەڭبەگىنە توقتالىپ، وعان ارناعان ولەڭىن وقىدى. بەلگىلى ءانشى، ۇستاز، قازاقستاننىڭ ەڭبەك سىڭىرگەن ءارتىسى قاپاش ­قۇلىشەۆا ساكەننىڭ اندەرىنە سالدى. جاس اكتريسا اقجان قاناتقىزى «اققۋدىڭ ايىرىلۋى» پوەماسىنان ءۇزىندى وقىدى. وسىلايشا ساكەن اتى تاعى ءبىر اسقاقتادى.


كەلۋ قاينارى: http://www.elarna.net/koru.php?tur=7&id=1067134

پىكىرلەر:

juz dep sifirmen jazingiz.