كومپيۋتەر نۇسقاسى Компйутер нұсқасы

قولايلى بەت | بۇگىنگى | كەشەگى | جالپى مالىمەت

ەل-ارناعا تىزىمدەلىڭىزدەر ...
قازاقتىڭ 1001 ەرتەگىسى
СанақКелген (IP)Көрілген (PWs)КомпйутерҚолфон
2019-11-171215391738 %62 %
2019-11-181794515640 %60 %
2019-11-19604179751 %49 %

ساق پاتشايىمنىڭ بەينەسى ساحنالاندى – استانا اقشامى


ءتۇرى: اقجول تور ماقالالارى

ۋاقىتى: 01:00 - 2019/11/02

: PDF Download - Жұктеұ - Скачать - ءتۇسىرۋ

elarna.net Printed Version.ساق پاتشايىمنىڭ بەينەسى ساحنالاندى – استانا اقشامى

«استانا» كونتسەرت زالىندا «رۋحاني جاڭعىرۋ» باعدارلاماسى اياسىندا «ساق پاتشايىمى زارينا» اتتى تەاترلاندىرىلعان كونتسەرت ءوتتى. ەلوردانىڭ مەملەكەتتىك اكادەميالىق فيلارمونياسىنا قاراستى «سارىارقا» حالىق مۋزىكا ءانسامبلى ­ۇيىمداستىرعان كونتسەرتتىڭ مۋزىكاسىن اتالمىش ءانسامبلدىڭ كوركەمدىك جەتەكشىسى توعجان جاحين جازىپ، اسحات قوشاي ساحنالادى. ارتىستەردىڭ ءبيىن لاۋرا مۇقاەۆا مەن انەل يسلاموۆا قويدى.زارينا جاستايىنان اتقا ءمىنىپ، سوعىس ونەرىنە ماشىقتانعان دالا سۇلۋى، پاتشا قىزى ەدى. ءبىر كۇندەرى زارينا سوڭىنا نوكەر قىز-كەلىنشەكتەرىن ەرتىپ، كەڭ دالاعا اڭ اۋلاپ، كوڭىل كوتەرىپ قايتۋعا شىعادى. الدىنان قۇلاننىڭ ءۇيىرى قاشىپ، ونى قۋىپ، قىزىقتاپ، بايقاۋسىزدا الىستاپ كەتىپ قالادى. ءبىر توبەدەن ءبىر توبەگە اسىپ، قۇلان قۋىپ جۇرگەندە، الدىنان قاز-قاتار تىزىلگەن جاۋ اسكەرى كورىنەدى. ولار زارينانىڭ ايەل ەكەنىن بىلمەي، دۋلىعا كيگەن جاس جاۋىنگەردى قولعا ءتۇسىرۋ ءۇشىن قورشاي باستايدى. ­زارينا وجەتتىكپەن قورشاۋدى بۇزىپ وتەدى. سوڭىنان جاۋ اسكەرىنىڭ باتىرى ­قۋادى.
ءبىر ۋاقىتتا زارينانىڭ سانىنا وق ءتيىپ، جارالانىپ، اتتان قۇلايدى. اقساڭداپ ورنىنان قايتا ۇمتىلا بەرگەندە، باسىنداعى دۋلىعاسى ۇشىپ كەتىپ، توبەسىنە تۇيگەن قولاڭ شاشى جىبەكتەي سۋسىپ بەلىنە تۇسەدى. قۋعىنشى زارينانىڭ ايەل ەكەنىن بىلگەن سوڭ اتتان سەكىرىپ ءتۇسىپ، كومەكتەسىپ، كوتەرىپ الادى. اي مەن كۇندەي سۇلۋ كەلىنشەكتى ۇناتىپ قالادى. ول ميديا پاتشاسىنىڭ بالاسى، حانزادا ەدى.
جەلىسى وسىلاي تارقاتىلاتىن قو­يىلىمدا جاۋىنگەرلىك ونەر، قىز نامىسى كورىنىس تابادى. تاربيەلىك ءمانى مەن اسەرى مول كونتسەرتتەن كورەرمەندەر رۋحتانىپ شىقتى.


كەلۋ قاينارى: http://www.elarna.net/koru.php?tur=7&id=1067129

پىكىرلەر:

juz dep sifirmen jazingiz.