كومپيۋتەر نۇسقاسى Компйутер нұсқасы

قولايلى بەت | بۇگىنگى | كەشەگى | جالپى مالىمەت

ەل-ارناعا تىزىمدەلىڭىزدەر ...
قازاقتىڭ 1001 ەرتەگىسى
СанақКелген (IP)Көрілген (PWs)КомпйутерҚолфон
2019-11-171215391738 %62 %
2019-11-181794515640 %60 %
2019-11-19604179751 %49 %

استانادا قانشا مەكتەپ پەن بالاباقشا سالىنادى؟ – استانا اقشامى


ءتۇرى: اقجول تور ماقالالارى

ۋاقىتى: 00:45 - 2019/11/02

: PDF Download - Жұктеұ - Скачать - ءتۇسىرۋ

elarna.net Printed Version.استانادا قانشا مەكتەپ پەن بالاباقشا سالىنادى؟ – استانا اقشامى

جۋىردا وتكەن ەلوردانى دامىتۋ ماسەلەلەرى جونىندەگى جينالىستا اكىم التاي كولگىنوۆ قالا مەكتەپتەرىندە شامامەن 25 مىڭداي ورىننىڭ جەتىسپەيتىنىن مالىمدەگەن ەدى. سونداي-اق 14 مىڭعا جۋىق بالانىڭ بالاباقشا كەزەگىندە تۇرعانى دا بەلگىلى. وسى پروبلەمالاردىڭ قالاي شەشىلەتىنى جايلى ءبىز ءبىلىم باسقارماسىنىڭ وكىلدەرىنەن سۇرادىق.14 مەكتەپتە وقۋشى سانى شەكتەن اسادى

ۆەدومستۆو ۇسىنعان رەسمي دەرەككە سۇيەنسەك، بۇگىندە شاھارداعى 14 مەكتەپتە وقۋشى سانى نورمادان ارتىق. ونىڭ ىشىندەگى ء8-ى، ناقتىراق ايتساق، №13، 14، 27، 31، 40، 53، 59، 85 مەكتەپتەر ءۇش اۋىسىمدى رەجيمدە وقىتۋعا ءماجبۇر (بىلتىر بۇل كورسەتكىش 5-ەۋ بولعان-دى).
– نۇر-سۇلتان قالاسىن دامىتۋدىڭ بەسجىلدىق كەشەندى جوسپارىندا 37 جاڭا مەكتەپ پەن 10 جاناما قۇرىلىس سالۋ قاراستىرىلعان. قازىرگى تاڭدا 5 وبەكت سالىنىپ، پايدالانۋعا بەرىلدى، – دەيدى ءبىلىم باسقارماسىنىڭ ستراتەگيا، تالداۋ جانە تسيفرلىق تەحنولوگيالار ءبولىمى باسشىسى جازيرا اسانوۆا.
ماماننىڭ ايتۋىنشا، وسى جىلدىڭ سوڭىنا دەيىن 2 مىڭ ورىنعا ارنالعان 3 وبەكتىنى پايدالانۋعا بەرۋ جوسپارلانعان. ونىڭ ء2-ۋى قولدانىستاعى مەكتەپتەردىڭ اۋماعىنا سالىناتىن جاناما قۇرىلىس بولماق (№64 مەكتەپكە – 425 ورىندىق، №28 مەكتەپكە 300 ورىندىق جاناما قۇرىلىس). ال №31 كوشەنىڭ وڭتۇستىگىنە جانە نۇرا-ەسىل كانالىنىڭ شىعىسىنا قارايعى اۋماقتا 1200 ورىندىق سۋ جاڭا مەكتەپ اشىلادى.
سونداي-اق 2020 جىلى 9400 ورىندىق 12 وبەكتىنىڭ قۇرىلىسى اياقتالادى، ونىڭ 5-ەۋى – جاناما عيماراتتار.

قالادا 377 مەكتەپكە دەيىنگى ۇيىم جۇمىس ىستەيدى، ونىڭ ء94-ى – مەملەكەتتىك بالاباقشا، 3-ەۋى – ۆەدومستۆولىق بالاباقشا، ء43-ى – شاعىن ورتالىق، ء237-سى – جەكەمەنشىك بالاباقشا.

14 مىڭعا جۋىق بالا بالاباقشا كەزەگىندە تۇر

ال بالاباقشا جايىنا كەلسەك، ءبىلىم باسقارماسى قىزمەتكەرلەرى ەلوردا بويىنشا بالاباقشا جاسىنداعى بالالاردىڭ 96 پا­يىزى مەكتەپكە دەيىنگى مەكەمەمەن قامتىلعانىن العا تارتادى. ولاردىڭ 40 پايىزى مەملەكەتتىك تاپسىرىسپەن جۇمىس ىستەيتىن جەكەمەنشىك بالاباقشالارعا بارادى. شامامەن 14 مىڭعا جۋىق بالا كەزەكتە تۇر.ەلوردادا جالپى ءبىلىم بەرەتىن 88 مەكتەپ، 1 رەسپۋبليكالىق مەكتەپ (رەسپۋبليكالىق فيزيكا-ماتەماتيكا مەكتەبى)، 3 نازارباەۆ زياتكەرلىك مەكتەبى، 17 جەكەمەنشىك مەكتەپ بار.

2019-2021 جىلدار ارالىعىندا استانادا 4 مەكتەپكە دەيىنگى ۇيىم پايدالانۋعا بەرىلەدى. ونىڭ 1-ەۋى مەملەكەتتىك-جەكەمەنشىك ارىپتەس­تىك شەڭبەرىندەگى 360 ورىندىق بالاباقشا بولسا، ء2-ۋى – ۇلتتىق كومپانيالارمەن جاسالعان مەموراندۋمعا سايكەس بوي كوتەرەتىن 480 ورىندىق 2 بالاباقشا. ال قالعان 1-ەۋى – كورۋ قابىلەتى بۇزىلعان بالالارعا ارنالعان 90 ورىندىق بالاباقشا. ەستەرىڭىزگە سالا كەتەيىك، قازىرگى تاڭدا ەرەكشە قاجەتتىلىگى بار بالالار ءۇشىن 2 ارنايى بالاباقشا (تىرەك-قيمىل اپپاراتىنىڭ بۇزىلىستارى بار بالالارعا ارنالعان №64 «اسىل بوبەك» ارنايى بالاباقشاسى، كورۋ قابىلەتى بۇزىلعان بالالارعا ارنالعان №23 «التىن بەسىك» بالاباقشاسى) جۇمىس ىستەيدى.


كەلۋ قاينارى: http://www.elarna.net/koru.php?tur=7&id=1067126

پىكىرلەر:

juz dep sifirmen jazingiz.