كومپيۋتەر نۇسقاسى Компйутер нұсқасы

قولايلى بەت | بۇگىنگى | كەشەگى | جالپى مالىمەت

ەل-ارناعا تىزىمدەلىڭىزدەر ...
قازاقتىڭ 1001 ەرتەگىسى
СанақКелген (IP)Көрілген (PWs)КомпйутерҚолфон
2019-11-121795452839 %61 %
2019-11-134580823558 %42 %
2019-11-1432075953 %47 %

جىگەرلى جاستار جوباسى – استانا اقشامى


ءتۇرى: اقجول تور ماقالالارى

ۋاقىتى: 01:45 - 2019/10/31

: PDF Download - Жұктеұ - Скачать - ءتۇسىرۋ

elarna.net Printed Version.جىگەرلى جاستار جوباسى – استانا اقشامى

قازاقستان رەسپۋبليكاسى قورعانىس مينيسترلىگىنىڭ ۇلتتىق اسكەري-پاتريوتتىق ورتالىعىندا «Jas sarbaz – Jastar jylynda» جوباسىنىڭ سالتاناتتى جابىلۋى ءوتتى. ءىس-شارا اياسىندا كۇزگى اسكەري-قولدانبالى سپورت تۇرلەرى مەن اسكەري-پاتريوتتىق اندەر كونكۋرسىنىڭ جەڭىمپازدارى جانە قوزعالىس بەلسەندىلەرى ماراپاتتالدى.جاستار جىلىنا وراي ۇيىمداس­تىرىلعان ءىس-شارا نۇر-سۇلتان قالاسى اكىمدىگى، «استانا جاستارى» رەسۋرستىق ورتالىعى جانە نۇر-سۇلتان قالاسى قورعانىس ىستەرى دەپارتامەنتىنىڭ قولداۋىمەن وتكىزىلدى.
جالپى، جىل باسىنان بەرى «Jas sarbaz – Jastar jylynda» كەشەندى جوباسى اياسىندا №68665 اسكەري بولىمشەسىندە 3 كۇندىك كۇزگى اسكەري-پاتريوتتىق ويىندارى، مەكتەپتەر مەن ليتسەيلەردە جەڭىل اتلەتيكادان مارافون جارىسى، فۋتبول جانە ۆولەيبول سايىستارى وتكىزىلدى. ۇلى وتان سوعىسى جانە تىل ارداگەرلەرىمەن، جاۋىنگەر-ينتەرناتسيوناليستەرمەن كەزدەسۋلەر ۇيىمداستىرىلىپ، وندا وقۋشىلار ەلىمىزدىڭ بۇرىنعى جانە قازىرگى زامانعى تاريحىنىڭ ماڭىزدى مالىمەتتەرىنە قانىعىپ، ۇلگى-ونەگەگە بولەندى.
اتالعان ءىس-شاراعا قورعانىس مينيسترلىگىنىڭ وكىلدەرى، نۇر-سۇلتان قالاسى قورعانىس ىستەرى دەپارتامەنتى باسشىلىعى، نۇر-سۇلتان قالاسى قوعامدىق دامۋ ىستەرى باسقارماسى مەملەكەتتىك مەكەمەسىنىڭ باسشىسى تالعات ­راحمانبەردى، ءماجىلىس دەپۋتاتى گەننادي ­شيپوۆسكيح، «استانا جاستارى» رەسۋرستىق ورتالىعىنىڭ باسشىسى شىڭعىس تىلەۋلين، «جاس سارباز» جاسوسپىرىمدەر اسكەري-پاتريوتتىق قوزعالىسى نۇر-سۇلتان قالالىق فيليالىنىڭ ءتوراعاسى اسحات ­نالشىبەك قاتىسىپ، جاس ساربازداردىڭ ونەرىن باعالاپ، ماقساتتارىنا جەتۋگە ساتتىلىك تىلەدى.
– ەلوردامىزدىڭ دامۋىندا تەك بيلىك وكىلدەرى عانا ەمەس، جاستاردىڭ دا اتقاراتىن ءرولى زور. وسى جىلى استانالىق جاستارعا ارنالعان جانە جالپى جاستار جىلىنا ارنالعان 600-دەن استام شارا وتكىزۋ جوسپارلانعان. باس قالادا 6 مىڭعا جۋىق جاس سارباز بار، ولاردىڭ ءبارى – ەلىمىزدىڭ بولاشاعى ءۇشىن قىزمەت ەتەتىن ورەندەر. جۇمىسىمىزدىڭ ءبىر باعىتى جاستاردى قولداۋ بولعاندىقتان سىزدەرمەن تىكەلەي جۇمىس ىستەۋگە جانە جاستاردىڭ باستاماسىن قولداۋعا دايىنبىز، – دەدى قالالىق قوعامدىق دامۋ ىستەرى باسقارماسىنىڭ باسشىسى تالعات راحمانبەردى.
نۇر-سۇلتان قالاسى قورعانىس ىستەرى جونىندەگى دەپارتامەنتى باس­تىعىنىڭ ورىنباسارى – تاربيە، يدەولوگيالىق جانە اسكەري-پاتريوتتىق جۇمىستار باسقارماسىنىڭ باستىعى، كاپيتان ەربولات ءجۇسىپوۆ جىل بويى ءتۇرلى جارىس­تار مەن بايقاۋلارعا قاتىسقان جاس ساربازدارعا، ولاردىڭ تاربيە­شىلەرىنە العىسىن ءبىلدىرىپ، «جاس ساربازدار» دايىندىق پەن ءپاتريوتيزم­نىڭ، جەڭىسكە دەگەن جىگەردىڭ جوعارى دارەجەسىن كورسەتتى. كۇزگى اسكەري-پاتريوتتىق جارىستارداعى تاربيەلەنۋشىلەردىڭ كورسەتكەن ۇزدىك ناتيجەلەرىن ايتا كەتۋىمىز قاجەت. بۇگىن ءبىز جاس پاتريوتتارىمىزدى ماراپاتتاي وتىرىپ، ولار ەلىمىزدىڭ بولاشاعىن كوركەيتۋگە ءوز ۇلەستەرىن قوسادى دەپ سەنەمىز» دەپ جاستاردىڭ جىگەرىنە جىگەر قوستى.
«Jas sarbaz – Jastar jylynda» جوباسىنىڭ جابىلۋ سالتاناتى اسكەري-پاتريوتتىق اندەر كونكۋرسىمەن اياقتالدى. جارىس جەڭىمپازدارىمەن قاتار قازىلار القاسىنىڭ ۇيعارىمىمەن بىرنەشە ۇزدىك تاربيەلەنۋشىلەر مەن تالىمگەرلەر دە ماراپاتتالدى. ەڭ باستىسى، جاسوسپىرىمدەر ەلدىڭ كەلەشەگى وزدەرىنىڭ قولدارىندا ەكەنىن، وتاندى قورعاۋ، مەملەكەتتىڭ مەرەيىن كوتەرۋ ءۇشىن ءبىلىمدى ءارى كۇشتى بولۋ كەرەكتىگىن ءتۇيسىندى.


كەلۋ قاينارى: http://www.elarna.net/koru.php?tur=7&id=1066283

پىكىرلەر:

juz dep sifirmen jazingiz.