كومپيۋتەر نۇسقاسى Компйутер нұсқасы

قولايلى بەت | بۇگىنگى | كەشەگى | جالپى مالىمەت

ەل-ارناعا تىزىمدەلىڭىزدەر ...
قازاقتىڭ 1001 ەرتەگىسى
СанақКелген (IP)Көрілген (PWs)КомпйутерҚолфон
2019-11-121795452839 %61 %
2019-11-134580823558 %42 %
2019-11-1432075953 %47 %

عىلىم جولىنداعى بيزنەس – استانا اقشامى


ءتۇرى: اقجول تور ماقالالارى

ۋاقىتى: 00:30 - 2019/10/31

: PDF Download - Жұктеұ - Скачать - ءتۇسىرۋ

elarna.net Printed Version.عىلىم جولىنداعى بيزنەس – استانا اقشامى

باقىتجان نۇرماتوۆ ەلىمىزدەگى ىرگەلى جوعارى وقۋ ورىندارىنىڭ ءبىرى – ق.ساتباەۆ اتىنداعى قازاق ۇلتتىق تەحنيكالىق ۋنيۆەرسيتەتىنىڭ اقپاراتتىق جۇيەلەر فاكۋلتەتىن 2014 جىلى ءتامامداعان. ءقازىر نۇر-سۇلتان قالاسىنداعى TNS-INTEC كومپانياسىندا كومپيۋتەر باعدارلاماشىسى بولىپ ەڭبەك ەتىپ ءجۇر.بىلىمگە قۇشتار جاس جىگىتتىڭ نەگىزگى جۇمىسىنان باسقا حيميا عىلىمىنا دەگەن قىزىعۋشىلىعى ۇشان-تەڭىز. وسى قىزىعۋشىلىق ۋاقىت وتە كەلە ءورشي ءتۇسىپ، ونىڭ ءومىرىنىڭ مانىنە اينالا باستادى. جاستايىنان بەيمالىم نارسەنىڭ سىرىنا قانىعۋعا، ءتۇرلى رەاكتيۆتەرمەن سىناق وتكىزۋگە دەگەن قۇمارلىق باقىتجاندى تىڭ باستاماعا جەتەلەدى.
تالاپتى جاس وسىدان 1 ايداي بۇرىن «بيزنەستىڭ جول كارتاسى-2020» باعدارلاماسى بويىنشا مەملەكەتتەن 3 ملن تەڭگە گرانت الىپ، «فارادەي» جاس حيميكتەر كلۋبىن اشتى. وسى اقشاعا كلۋبتىڭ جۇمىسىنا قاجەتتى قۇرال-جابدىقتار، ۇيىمداستىرۋ تەحنيكالارىن جانە ءتۇرلى شيكىزاتتار ساتىپ الدى. كلۋب «پراگا» بيزنەس ورتالىعىندا ورنالاسقان. مۇندا 6-14 جاس ارالىعىنداعى 48 بالا اپتاسىنا 4 رەت حيميا عىلىمىنىڭ «قۇپيالارىن» اشۋمەن اينالىسىپ ءجۇر. ولار 6 بالادان 8 توپقا ءبولىنىپ وقيدى.
– توپتى شاعىن جاساۋىمىزدىڭ سەبەبى – ءار بالامەن جەكە-جەكە شۇعىلدانۋىمىز كەرەك. بۇل ۇيىرمەگە قاتىسۋشى ءار بالانىڭ وتكىزىلگەن دارىستەردى، جاساعان تاجىريبەنى تولىق يگەرۋىنە جاعداي جاسايدى. ونىڭ ۇستىنە، بالانىڭ اتى – بالا! حيميالىق رەاكتيۆتەرمەن جۇمىس ىستەۋ ءقاۋىپسىز ەمەس، ءبىز ولاردىڭ تاجىريبەلىك جۇمىستار كەزىندە جاراقات الىپ قالماۋىن اسا قاتتى قاداعالايمىز. ول ءۇشىن توپتىڭ شاعىن بولعانى دۇرىس، – دەدى ب.نۇرماتوۆ.
بۇگىندە كلۋبتا بالالارمەن باۋىر­جانمەن بىرگە ەۇۋ 4-كۋرس ستۋدەنتى ناتاليا، اگرارلىق ۋنيۆەرسيتەتتىڭ 4-كۋرس ستۋدەنتى قۋانىش جۇمىس ىستەيدى. ولار دا بولاشاق حيميكتەر. ساباقتا 4-5 تاجىريبەلىك سىناقتار ۇيىمداستىرىلىپ، فيزيكا، حيميا پاندەرى بويىنشا تانىمدىق ويىندار وتكىزىلەدى. تاجىريبەلىك جۇمىستار سۋدىڭ، توپىراقتىڭ، قۇمنىڭ، ت. ب. ماتەريالداردىڭ قاسيەتتەرىن تەكسەرۋگە، سول ارقىلى ولار قانداي ماقساتتاردا قولدانۋعا بولاتىندىعىن انىقتاۋعا باعىتتالعان. سونداي-اق ەلەكتروحيميالىق، بيوحيميالىق تاجىريبەلەر، باسقا دا سىناقتار جۇرگىزىلەدى. بۇل ساباقتار بالالار ءۇشىن اسا قىزعىلىقتى جانە ول ءوسىپ كەلە جاتقان جاس وسكىننىڭ ءوي-ورىسىن دامىتۋعا وتە جاقسى اسەر ەتەدى.
– ازىرگە جۇمىسىمىز جامان ءجۇرىپ جاتقان جوق. ءار ساباقتا قىزىقتى تاقىرىپتار ءوتىپ، قىزىقتى تاجىريبەلەر جاساۋعا تىرىسامىز. سوندىقتان ءبىزدىڭ ۇيىرمەگە قاتىسقىسى كەلەتىندەردىڭ سانى كۇننەن-كۇنگە كوبەيىپ كەلەدى. كەلەسى جىلى استانانىڭ سولتۇستىك جاعالاۋىنان كلۋبتىڭ تاعى ءبىر كەڭسەسىن اشساق دەگەن نيەتتەمىز، – دەدى باقىتجان الداعى جوسپارىمەن ءبولىسىپ.


كەلۋ قاينارى: http://www.elarna.net/koru.php?tur=7&id=1066270

پىكىرلەر:

juz dep sifirmen jazingiz.