كومپيۋتەر نۇسقاسى Компйутер нұсқасы

قولايلى بەت | بۇگىنگى | كەشەگى | جالپى مالىمەت

ەل-ارناعا تىزىمدەلىڭىزدەر ...
قازاقتىڭ 1001 ەرتەگىسى
СанақКелген (IP)Көрілген (PWs)КомпйутерҚолфон
2019-11-171215391738 %62 %
2019-11-181794515640 %60 %
2019-11-19604179751 %49 %

مانەرى بولەك ءمۇسىنشى – استانا اقشامى


ءتۇرى: اقجول تور ماقالالارى

ۋاقىتى: 04:15 - 2019/10/29

: PDF Download - Жұктеұ - Скачать - ءتۇسىرۋ

elarna.net Printed Version.مانەرى بولەك ءمۇسىنشى – استانا اقشامى

ۇلتتىق مۋزەيدە قازاقستان سۋرەتشىلەر وداعىنىڭ مۇشەسى، بەلگىلى ءمۇسىنشى شوقان تولەشتىڭ «التىن باعىت» اتتى كورمەسى اشىلدى.

جۇرتشىلىق شوقان اعانىڭ ەڭبەكتەرىن جاقسى بىلەدى. ونىڭ ەسىمى ەلىمىزگە عانا ەمەس، شەتەلگە دە جاقسى تانىس. مىسالى، شەبەردىڭ قولىنان شىققان تۋىندىلاردى اقش، فرانتسيا، يتاليا، شۆەيتساريا، ۇلىبريتانيا، اۆستريا، ەگيپەت، تۇركيا، سينگاپۋر، رەسەي جانە تاتارستانداعى جەكە كوللەكتسيالار مەن گالەرەيالاردان كەزدەس­تىرە الاسىز. ءمۇسىنشىنىڭ ءاربىر جۇمىسىنان ۇلتتىق ەرەكشەلىكتى جازباي تانيسىز. سونداي-اق شوقان تولەش جاساعان ەسكەرتكىشتەر مەن مونۋمەنتتەر رەسپۋبليكانىڭ ءار وڭىرىندە قويىلعان. ونىڭ ىشىندەگى تانىمالدارى دەپ «ارمانداۋشى»، «توميريس»، «ويشىل» جانە الماتىداعى «قازاقستان» مونۋمەنتالدى-مۇسىندىك كومپوزيتسياسىنداعى نۇرسۇلتان نازارباەۆتىڭ ەسكەرتكىشىن ايتۋعا بولادى.
كورمەنىڭ اشىلۋىندا ۇلتتىق مۋزەي ديرەكتورىنىڭ ورىنباسارى الماز نۇرازحان ءمۇسىنشىنىڭ ۋاقىتپەن ساناسپاي جۇمىس ىستەيتىن ەڭبەكقورلىعىن جوعارى باعالاپ، وعان ىزگى لەبىزىن ءبىلدىردى. ومىردە جاقىن سىيلاسىپ جۇرگەن دوسى، قالامگەر سۇلەيمەن مامەت تە ونىڭ تۋىندىلارىنىڭ كوركەمدىگى جا­يىندا سالماقتى ءسوز قوزعادى.
– ءقازىر ەلىمىز «رۋحاني جاڭعىرۋ» دەگەن الەمگە بەت بۇرىپ جاتىر. رۋحاني جاڭعىرۋ ۇلتتىڭ ءتىلىن، ۇلتتىڭ قۇندىلىعىن، ۇلتتىڭ سۋرەتىن، ۇلتتىڭ بولمىسىن جاڭعىرتىپ جاتقان ازاماتتاردىڭ ەڭبەگىنەن باستاۋ السا كەرەك. سۋرەتشىلەردىڭ قۇندىلىعى سول، ولار كەيىنگى ۇرپاق ۇلگى الاتىن رۋحاني مۇرا قالدىرادى. شوقاننىڭ ونەرىنىڭ ءتورت قۇبىلاسى تۇگەل دەۋگە بولادى. ونىڭ بالالارى دا اكەسىنىڭ ءىزىن قۋىپ، ونەرىن جالعاستىرۋدا. ياعني ۇلتىمىزدىڭ ونەرى وسىلاي جالعاسىپ، جاڭعىرا بەرەدى، – دەدى.
سونىمەن بىرگە نۇر-سۇلتان قالالىق سۋرەتشىلەر وداعىنىڭ ءتوراعاسى ءومىرالى يسمايىل كورمە يەسىن وداق اتىنان قۇتتىقتاپ، ەلىمىزدىڭ ءمۇسىن ونەرىنىڭ دامۋىنا قوسقان ۇلەسى ءۇشىن العىس حاتپەن ماراپاتتادى.


كەلۋ قاينارى: http://www.elarna.net/koru.php?tur=7&id=1065348

پىكىرلەر:

juz dep sifirmen jazingiz.