كومپيۋتەر نۇسقاسى Компйутер нұсқасы

قولايلى بەت | بۇگىنگى | كەشەگى | جالپى مالىمەت

ەل-ارناعا تىزىمدەلىڭىزدەر ...
قازاقتىڭ 1001 ەرتەگىسى
СанақКелген (IP)Көрілген (PWs)КомпйутерҚолфон
2019-11-151990658361 %39 %
2019-11-161216428648 %52 %
2019-11-17451146944 %56 %

ەلوردا اكىمدىگى – تسيفرلاندىرۋدىڭ ۇزدىك كەڭسەسى – استانا اقشامى


ءتۇرى: اقجول تور ماقالالارى

ۋاقىتى: 03:15 - 2019/10/29

: PDF Download - Жұктеұ - Скачать - ءتۇسىرۋ

elarna.net Printed Version.ەلوردا اكىمدىگى – تسيفرلاندىرۋدىڭ ۇزدىك كەڭسەسى – استانا اقشامى

ەلوردادا Digital Bridge ءىى حالىقارالىق تەحنولوگيالىق فورۋم ءوتتى. القالى جيىندا جەتەكشى IT-ماماندار مەن كاسىپكەرلەر تسيفر­لىق دامۋ سالاسىنداعى تاجىريبەلەرىمەن جانە يننوۆاتسيا­لىق شەشىمدەرىمەن الماستى. شارا قورىتىندىسىندا نۇر-سۇلتان قالاسىنىڭ اكىمدىگى تسيفرلاندىرۋدىڭ ۇزدىك كەڭسەسى اتانىپ، Digital Bridge Awards سىيلىعىن يەلەندى.

فورۋمعا قاتىسقان نۇر-سۇلتان قالاسى اكىمىنىڭ ورىنباسارى ماليكا بەكتۇروۆا باس قالادا تسيفرلاندىرۋ باعىتىندا اتقارىلىپ جاتقان جۇمىستارمەن تانىستىردى. قازىرگى كەزدە ەلوردادا بەلگىلى ءبىر ماسەلەلەردى شەشۋگە ارنالعان ءبىرقاتار smart جوبالار جۇزەگە اسىرىلۋدا. Smart Astana قولدانباسى – مەملەكەتتىك جانە كوممەرتسيالىق 70-تەن استام سەرۆيستەر مەن قىزمەتتەردى كورسەتۋگە باعىتتالعان. سونىڭ ىشىندە دارىگەردىڭ قابىلداۋىنا جازىلۋ، ونى ۇيگە شاقىرتۋ، ايىپپۇلدار مەن اكىمشىلىك بۇزۋشىلىقتاردى تەكسەرۋ، دارىگەردىڭ رەيتينگىن قاراۋ، ەڭبەككە جارامسىزدىق پاراعىن جانە كەڭ تارالعان انىقتامالاردى «شىنايلىعىن» تەكسەرۋ، «بەلسەندى تۇرعىن» قىزمەتتەرى بار. تسيفرلاندىرۋدىڭ ارقاسىندا ەلوردا تۇرعىندارى قالا ماسەلەلەرىن شەشۋگە قاتىسىپ، ۇسىنىستارىن جولداي الادى. ساۋال­نامالاردى تولتىرا وتىرىپ، سىيلىققا الماستىرىپ الۋعا بولاتىن ۇپايلار جينايدى. مۇنداي سىيلىقتاردىڭ ءبىرى – Smart Astana موبيلدىك قولدانباسىنداعى «اتامەكەن» ۇكپ دايىنداعان ساۋالناما-سكرينينگ. سونى تولتىرىپ، «استانا» – «مانچەستەر يۋنايتەد» ماتچىنا بيلەتتەر ۇتىپ الۋعا بولادى.
بيىلعى قاڭتار ايىندا سارىارقا اۋدانى اكىمدىگىندە «بيۋدجەتكە قاتىسۋ» جوباسى ىسكە قوسىلعان بولاتىن. مۇندا تۇرعىندار قالالىق ورتانى جاقسارتۋ بويىنشا ءوز جوبالارىن ۇسىنىپ، ونى جۇزەگە اسىرۋعا 500 ملن تەڭگەگە دەيىن ۇتىپ الۋ مۇمكىندىگىنە يە بولدى.
ءقازىر قالادا اشىق دەرەكتەر پورتالى (Open Data) دامىتىلىپ وتىر. بۇل 8 سالا ء(بىلىم بەرۋ، دەنساۋلىق ساقتاۋ، كولىك، تكش، قالا قىزمەتتەرى، ەكولوگيا، جاڭالىقتار مەن ءىس-شارالار) بويىنشا 20 دەرەك جيىنتىعىن ۇسىنادى. حالىقتىڭ سۇرانىسىنا يە ۇزدىك 5-تىككە مەكتەپتەر مەن بالاباقشالار تۋرالى اقپارات، اۋرۋحانالار مەن ەمحانالار جايلى مالىمەتتەر، 109 قىزمەتىنە جۇگىنۋ، اۆتوبۋستاردىڭ ونلاين قوزعالىسى تۋرالى دەرەكتەر، سونداي-اق پيك ءتىزىمى كىرەدى.
سونىمەن قاتار، «Big Data» جوباسى دا بەلسەندى جۇزەگە اسىرىلىپ كەلەدى. بۇل – جاساندى ينتەللەكت نەگىزىندە بولاشاق جاعدايلاردى بولجاۋ جانە ۇلگىلەۋ ءۇشىن ۇلكەن كولەمدى دەرەكتەردى باسقاراتىن جانە تالدايتىن اقپاراتتىق جۇيە. ەلوردادا 100% قازاقستاندىق ءونىم ەنگىزىلگەن. بۇگىنگى كۇنى جۇيە 307 باقىلاۋ نىساندارى بويىنشا 104 دەرەككوزىن بىرىكتىرەدى.
نۇر-سۇلتان قالاسىنىڭ تۇرعىندارى بالاباقشاعا، مەكتەپكە نەمەسە كوللەدجگە ونلاين جازىلا الادى. پەداگوگتاردىڭ اتتەستاتتاۋدان ءوتۋ پروتسەسى اۆتوماتتاندىرىلعان. بارلىق ءبىلىم بەرۋ ۇيىمدارى ينتەرنەت جەلىسىنە قوسىلعان. مەكتەپتەردە بىرەگەي تولەم جۇيەسى ەنگىزىلىپ جاتىر: ءبىر كارتا – ءۇش شەشىم. بۇل اسحانادا اقشاسىز ەسەپ ايىرىسۋدى، جولاقىسىن تولەۋ جانە بالانىڭ ساباققا كەلۋىن قاداعالاۋدى بىرىكتىرەدى. بارلىق مەكتەپتەر روبوتوتەحنيكا بولمەلەرىمەن جابدىقتالعان. 36 مەكتەپتە STEM زەرتحانالارى اشىلىپ، بالاباقشالار بازاسىندا روبوتوتەحنيكا نەگىزدەرىن زەرتتەۋ جونىندەگى 20 الاڭ ىسكە قوسىلدى.
ەلوردادا العاش رەت جەكە بالاباقشالاردا ينكليۋزيۆتى مەكتەپكە دەيىنگى ءبىلىم بەرۋگە مەملەكەتتىك تاپسىرىس ورنالاستىرىلدى. بيىلعى 1 قاڭتاردان باستاپ جەكە بالاباقشالارداعى مەملەكەتتىك تاپسىرىستى جۇزەگە اسىرۋ اۋدان اكىمدىكتەرىنەن نۇر-سۇلتان قالاسىنىڭ ءبىلىم باسقارماسىنا بەرىلدى. ەلەكتروندى تابەلدەر ەنگىزىلدى.


كەلۋ قاينارى: http://www.elarna.net/koru.php?tur=7&id=1065341

پىكىرلەر:

juz dep sifirmen jazingiz.