كومپيۋتەر نۇسقاسى Компйутер нұсқасы

قولايلى بەت | بۇگىنگى | كەشەگى | جالپى مالىمەت

ەل-ارناعا تىزىمدەلىڭىزدەر ...
قازاقتىڭ 1001 ەرتەگىسى
СанақКелген (IP)Көрілген (PWs)КомпйутерҚолфон
2019-11-151990658361 %39 %
2019-11-161216428648 %52 %
2019-11-17503165044 %56 %

بالالار ادەبيەتىنىڭ باعبانى – استانا اقشامى


ءتۇرى: اقجول تور ماقالالارى

ۋاقىتى: 01:30 - 2019/10/29

: PDF Download - Жұктеұ - Скачать - ءتۇسىرۋ

elarna.net Printed Version.بالالار ادەبيەتىنىڭ باعبانى – استانا اقشامى

ەلورداداعى №3 بالالار كىتاپحاناسىندا قازاق بالالار ادەبيەتىنىڭ كلاسسيگى، كورنەكتى جازۋشى بەردىبەك سوقپاقباەۆتىڭ تۋعانىنا 95 جىل تولۋىنا وراي «ادەبيەت­كە بالالىقتى اكەلگەن» اتتى ادەبي كەش ءوتتى. كەشكە بەلگىلى بالالار جازۋشىسى ­تولىمبەك ءابدىرايىم قاتىس­تى.

قازاق بالالار ادەبيەتىندە بەردىبەك سوقپاقباەۆتىڭ سالعان سوقپاعى بولەك. شىعارماشىلىق جولىن ولەڭمەن باستاعان قالامگەر كەيىن پروزاعا بەت بۇرىپ، جەتكىنشەكتەر ومىرىنەن تاماشا اڭگىمە-حيكاياتتار جازدى. اسىرەسە، سۋرەتكەردىڭ «ون التى جاسار چەمپيون»، «قايداسىڭ، گاۋھار؟»، «مەنىڭ اتىم قوجا» اتتى تاڭعى شىقتاي مولدىرەپ تۇسكەن پوۆەستەرىن ءالى كۇنگە دەيىن بالالار قىزىعىپ وقيدى. «مەنىڭ اتىم قوجا» شىعارماسىنىڭ جەلىسىمەن تۇسىرىلگەن فيلم 1967 جىلى كانن قالاسىنداعى جاستار مەن بالالارعا ارنالعان حالىق­ارالىق فەستيۆالىندە باعالى سىيلىققا يە بولدى. جازۋشى ءوزىنىڭ بالالىق شاعىن وزەك ەتكەن «بالالىق شاققا سايا­حات»، «ولگەندەر قايتىپ كەلمەيدى» دەگەن ەكى رومانى دا شىنشىلدىعىمەن وقىرماندى باۋراپ العان.
كەش بارىسىندا تولىمبەك ءابدىرايىم وقۋشىلارعا قارىمدى قالامگەردىڭ ءومىر جولى مەن شىعارماشىلىعى تۋرالى اڭگىمەلەپ، ءبىر ۇسىنىسىن ءبىلدىردى.
– بەردىبەك اعامىز 15 قازاندا ومىرگە كەلگەن. سوعان وراي باس قالادا جىل سايىن قازان ايىندا سوقپاقباەۆ­تىڭ تۋعان كۇنىنە ارناپ بالالار ادەبيەتىنىڭ اپتالىعىن وتكىزسە دەيمىن. بۇل ءبىر جاعىنان جەتكىنشەكتەردىڭ كىتاپ وقۋعا دەگەن قىزىعۋشىلىعىن وياتادى. سول اپتالىقتا بالالار تاقىرىبىنا قالام تارتىپ جۇرگەن اقىن-جازۋشىلار قاتىسىپ، وقۋشىلارمەن كەزدەسىپ، ءوز شىعارمالارى جايىندا وي تولعاپ، ۇلاعاتتى اڭگىمە وربىتسە، تاعىلىمدى دۇنيە بولار ەدى. بۇل شارا ەلوردادان باستالىپ، رەسپۋبليكالىق دەڭگەيگە ۇلاسسا دەپ ويلايمىن، – دەدى قالامگەر.
سونداي-اق كىتاپحانا مەڭگەرۋشىسى مارال اقتاەۆا جازۋشى تۋرالى ايتقان ايتۋلى تۇلعالاردىڭ ەستەلىگىن وقۋشىلارعا وقىپ بەردى. كەش سوڭىندا بالالار قازاق ادەبيەتى كلاسسيگىنىڭ جارىق كورگەن كىتاپتارىنان ۇيىمداستىرىلعان كورمەنى تاماشالادى.


كەلۋ قاينارى: http://www.elarna.net/koru.php?tur=7&id=1065327

پىكىرلەر:

juz dep sifirmen jazingiz.