كومپيۋتەر نۇسقاسى Компйутер нұсқасы

قولايلى بەت | بۇگىنگى | كەشەگى | جالپى مالىمەت

ەل-ارناعا تىزىمدەلىڭىزدەر ...
قازاقتىڭ 1001 ەرتەگىسى
СанақКелген (IP)Көрілген (PWs)КомпйутерҚолфон
2019-11-171215391738 %62 %
2019-11-181794515640 %60 %
2019-11-19710210049 %51 %

قازاقستان–بەلارۋس: ارنايى ۇزاقمەرزىمدىك جوسپار قابىلداندى – استانا اقشامى


ءتۇرى: اقجول تور ماقالالارى

ۋاقىتى: 03:15 - 2019/10/26

: PDF Download - Жұктеұ - Скачать - ءتۇسىرۋ

elarna.net Printed Version.قازاقستان–بەلارۋس: ارنايى ۇزاقمەرزىمدىك جوسپار قابىلداندى – استانا اقشامى

بەلارۋس رەسپۋبليكاسىنىڭ پرەزيدەنتى الەكساندر لۋكاشەنكو ەلىمىزگە رەسمي ساپارمەن كەلدى. بەيسەنبى كۇنى بەلارۋس باسشىسىن ەلوردا اۋەجايىندا مەملەكەت باسشىسى قاسىم-جومارت توقاەۆ قارسى الدى. قالاعا كەلگەن الەكساندر لۋكاشەنكو الدىمەن «وتان قورعاۋشىلار» مونۋمەنتىنە گۇل شوقتارىن قويدى. كەشە ەكى ەل باسشىلارى شاعىن جانە كەڭەيتىلگەن قۇرامدا مەملەكەتارالىق قارىم-قاتىناستاردى دامىتۋ ماسەلەلەرىن تالقىلادى.

ەلشىلىكتىڭ جاڭا عيماراتى اشىلدى

بەلارۋس باسشىسىنىڭ رەسمي ساپارىنا وراي ەلوردادا بەلارۋس ەلشىلىگىنىڭ جاڭا عيماراتى اشىلدى. سالتاناتتى راسىمگە بەلارۋس ۇكىمەتى جەتەكشىسىنىڭ ءبىرىنشى ورىنباسارى الەكساندر تۋرچين مەن قازاقستان ۇكىمەتى باسشىسىنىڭ ورىنباسارى رومان سكليار قاتىستى. ر.سكليار باس قالادا ەتنيكالىق كولوريتپەن سالىنعان جاڭا زاماناۋي كەشەن شەتەلدىك ديپلوماتيالىق وكىلدىكتەردىڭ قاتارىن تولىقتىرىپ قانا قويماي، ەكىجاقتى ىنتىماقتاستىقتى ودان ءارى جانداندىرۋعا ۇلەس قوساتىنىن مالىمدەدى. ساۋلەت كەشەنىنە اكىمشىلىك، ءۇش قاباتتى قىزمەتكەرلەر ءۇيى، بەلارۋس ەلشىسىنىڭ ەكى قاباتتى رەزيدەنتسياسى كىرەدى. عيماراتتاردىڭ قاسبەتى تراۆەرتينمەن كومكەرىلگەن، عيماراتتىڭ كىرەبەرىسىنە بەلارۋس ۇلتتىق ويۋ-ورنەكتەرى سالىنعان. جاڭا عيمارات ەلشىلىكتەر قالاشىعىندا، تاۋەلسىزدىك سارايىنا جاقىن ورنالاسقان.

كەلىسسوزدەر كوپ ماسەلەنى شەشتى

اقورداداعى شاعىن قۇرامداعى كەلىسسوزدەر بارىسىندا ەل باسشىلارى سىرتقى ساياساتى، ينتەگراتسيالىق بىرلەستىكتەردەگى ءوزارا ۇستانىم، قازاقستان–بەلارۋس ىنتىماقتاستىعىن دامىتۋ ماسەلەلەرى تالقىلاندى. ەڭ باستىسى، قازاقستان مەن بەلارۋس ارنايى ۇزاقمەرزىمدىك جوسپار قابىلداۋعا كەلىستى. قاسىم-جومارت توقاەۆ كەلىسسوزدەر كەزىندە، نەگىزىنەن، ونەركاسىپتىك كووپەراتسيانى كۇشەيتۋگە نازار اۋدارىلعانىن اتاپ ايتتى. اۋىل شارۋاشىلىعى مەن اسكەري-تەحنيكالىق ىنتىماقتاستىق سالاسىندا 2-3 بىرلەس­كەن جوبانى ىسكە اسىرۋعا مامىلە جاسالعانىن جەتكىزدى.
2018 جىلدىڭ قورىتىندىسى بو­يىنشا ءوزارا ساۋدا-ساتتىق كولەمى 800 ملن-نان اسا اقش دوللارىن قۇراعان. «ەۋرازيالىق ەكونوميكالىق وداقتىڭ زور مۇمكىندىكتەرىن پايدالانا وتىرىپ، ءبىز ەكى ەل اراسىنداعى ساۋدا كولەمىن ۇلعايتۋعا، گۋمانيتارلىق سالاداعى ءوزارا قاتىناستاردى شيراتۋعا مۇددەلىمىز. بۇگىن قول قويىلعان كەلىسىم، بىرلەس­كەن مالىمدەمە ىنتىماقتاستىقتى ودان ءارى نىعايتۋعا دەگەن ناقتى قادام بولىپ تابىلادى» دەدى قازاقستان پرەزيدەنتى. تاراپتار سونداي-اق كەلەشەگى زور كومپانيالار مەن ستارتاپتاردى دامىتاتىن بىرلەسكەن ۆەنچۋرلىق قوردى بەلارۋس ەلىنەن اشۋعا ۋاعدالاستى.

لۋكاشەنكونى قازاقستاندا نە قىزىقتىرادى؟

الەكساندر لۋكاشەنكو بەلارۋس­تاردى قازاقستاندا وندىرىلەتىن مەتالدار، استىق، ماقتا تالشىعى، مۇناي ونىمدەرى جانە ت. ب. قىزىقتىراتىنىن اشىق ايتتى. «بەلارۋس مۇناي تاسىمالداۋدى ءارتاراپتاندىرۋعا ەرەكشە كوڭىل بولەدى. سول سەبەپتەن ءبىز وسى ەلدەن مۇناي شيكىزاتىن يمپورتتاۋعا مۇددەلىمىز. ەگەر مۇمكىندىك بولسا، رەسەيمەن كەلىسىپ، قازاق مۇنايىن رەسەي اۋماعى ارقىلى تاسىمالدايمىز» دەدى ا.لۋكاشەنكو اقورداداعى بىرلەسكەن مالىمدەمەدە. بەلارۋس باسشىسى ءۇش جىلدا ەكى ەل اراسىنداعى تاۋار اينالىمىنىڭ كولەمى ەكى ەسەگە دەيىن ۇلعايعانىن ايتتى. «ياعني ءبىز قازاقستان مەن بەلارۋس اراسىنداعى تاۋار اينالىمىن 1 ملرد دوللارعا دەيىن جەتكىزە الامىز» دەدى ول.

بىرلەسكەن جوبالار ىسكە اسىرىلادى

ەكى مەملەكەت بۇعان دەيىن بىرلەسىپ قوستانايدا تراكتور شىعارۋعا ۋاعدالاسقانى ءمالىم. سونىمەن قاتار، بەلارۋس الماتى وبلىسىندا ءسۇت-تاۋار فەرماسىن اشادى. ەكى ەلدىڭ اۋىل شارۋاشىلىعى مينيسترلەرى ۆەتەرينارلىق پرەپاراتتار شىعاراتىن زاۋىت سالۋ جونىندەگى مەموراندۋمعا قول قويدى. بۇعان قوسا، ءليفتى جابدىقتارىن شىعارۋعا دا مامىلە جاسادى. بەلارۋس ۇكىمەتى باسشىسىنىڭ ورىنباسارى ا.تۋرچين: ء«قازىر قازاقستاندا بەلارۋس تەحنيكاسى مەن جابدىقتارىن قۇراستىراتىن 7 ءوندىرىس بار. ءبىز «موگيليوۆليفتماش» ءليفتى قۇراس­تىرۋ جانە جابدىقتارىن شىعارۋ جونىندەگى بىرلەسكەن كاسىپورىن قۇرۋعا مۇددەلىمىز» دەپ مالىمدەدى. سونداي-اق ەكى ەل پرەزيدەنتتەرى جوعارى وقۋ ورىندارىندا وقيتىن ستۋ­دەنتتەرگە مەملەكەتتىك گرانت ءبو­لۋدى ۇلعايتۋ تۋرالى كەلىسىم جاسادى.


كەلۋ قاينارى: http://www.elarna.net/koru.php?tur=7&id=1064515

پىكىرلەر:

juz dep sifirmen jazingiz.