كومپيۋتەر نۇسقاسى Компйутер нұсқасы

قولايلى بەت | بۇگىنگى | كەشەگى | جالپى مالىمەت

ەل-ارناعا تىزىمدەلىڭىزدەر ...
قازاقتىڭ 1001 ەرتەگىسى
СанақКелген (IP)Көрілген (PWs)КомпйутерҚолфон
2019-11-171215391738 %62 %
2019-11-181794515640 %60 %
2019-11-19710210049 %51 %

اۋىزسۋدىڭ ساپاسىنا نەگە الاڭدايمىز؟ – استانا اقشامى


ءتۇرى: اقجول تور ماقالالارى

ۋاقىتى: 02:30 - 2019/10/26

: PDF Download - Жұктеұ - Скачать - ءتۇسىرۋ

elarna.net Printed Version.اۋىزسۋدىڭ ساپاسىنا نەگە الاڭدايمىز؟ – استانا اقشامى

نۇر-سۇلتان تۇرعىندارىنىڭ كوبى ۇيدەگى قۇبىر شۇمەگىنەن اعىپ تۇرعان سۋدىڭ ساپاسىنا سەنبەي، دۇكەننەن سۋ ساتىپ الادى نەمەسە ۇيىنە سۋ سۇزگىش قويىپ، اۋرەگە ءتۇسىپ جاتادى. سوندا ەلوردا تۇرعىندارى تۇتىنىپ جۇرگەن اۋىزسۋدىڭ ساپاسى شىنىمەن دە ناشار ما؟ شۇمەكتەن اعىپ تۇرعان سۋدى سۋ سۇزگىشتەن وتكىزبەي-اق تىكە ىشۋگە بولماي ما؟ ءبىز وسى ماسەلەلەردىڭ جاۋابىن ىزدەپ كوردىك.سوڭعى ۋاقىتتا باس قالاداعى قۇبىر سۋىنىڭ ساپاسى قىزۋ پىكىرتالاستاردىڭ تۇيىنىنە اينالعانى بەلگىلى. وسىعان وراي ەلوردا اكىمى التاي كولگىنوۆ تە كەزەكتى جينالىستاردا تۇرعىندار تاراپىنان كەلىپ تۇسكەن شاعىمدارعا بايلانىستى اۋىزسۋدىڭ ساپاسىنا قاتىستى ماسەلەنى كوتەرىپ، قاتىستى مەكەمەلەرگە اۋىزسۋدىڭ ساپاسىن قاتاڭ باقىلاپ وتىرۋدى تاپسىرعان بولاتىن.
قازىرگى تاڭدا ەلوردا تۇرعىندارىنىڭ كۇيى جەتكەنى تازارتىلعان اۋىزسۋلاردى تۇتىنۋدى ادەتكە اينالدىرعان. وسىعان سايكەس، باس قالامىزدا تازارتىلعان سۋ جەتكىزۋمەن اينالىساتىن كومپانيالار دا كوبەيىپ، «تازا»، «كريستال»، «حالال»، «Aura su»، «Altai su» سەكىلدى دايىن سۋدىڭ ءتۇرى دە مولايعان. الايدا ولار سۋدى قايدان الىپ، قالاي تازارتىپ جاتىر، انالار ايتقانداي، تازا مينەرال سۋ ما؟ ونىمەن ساناسىپ جاتقان ەشكىم جوق. ءبارى پلاستيك تورسىقتارعا قۇيىلىپ، اۋزى مىقتاپ جابىلسا، ءقاۋىپسىز، دەنساۋلىققا زالالسىز سۋ دەپ قارايدى. دەي تۇرعانمەن، پلاستيك تورسىقتاردا قۇيىلعان سۋلاردىڭ دا ساپاسى ويداعىداعىداي ەمەستىگىن ايتقان كەيبىر دامىعان ەلدەردىڭ عالىمدارى تورسىقپەن ساتىلاتىن تازا سۋلاردىڭ دا كۇماندى تۇستارى بارلىعىن ايتىپ دابىل قاعۋدا. ولاردىڭ پىكىرىنە جۇگىنسەك، پلاستيك تورسىقتا كوپ تۇرىپ قالعان سۋدان گورى، ۇيدەگى قۇبىر سۋىن قايناتىپ ىشكەن الدەقايدا ءتيىمدى كورىنەدى.
قالا حالقى تۇتىنىپ وتىرعان اۋىزسۋ مەن تەحنيكالىق سۋدىڭ تۇگەلگە جۋىعى قالامىزدىڭ وڭتۇستىك شىعىسىندا ورنالاسقان جوبالىق كولەمى 403 ملن م3 بولاتىن «استانا سۋ قويماسى» ارقىلى قامتاماسىز ەتىلەدى. ال ودان شىققان سۋدى نەشە رەت سۇزگىدەن وتكىزىپ تازارتۋ، زالالسىزداندىرۋ جۇمىستارىنا «استانا سۋ اراناسى» شجق مەكەمەسى جاۋاپتى. اتاپ ايتقاندا، استانا سۋ قويماسىنان كەلىپ جەتكەن سۋ الدىمەن سورعى-سۇزگى ستانساسىنا كەلىپ قۇيىلعاننان كەيىن، ول ارادان تەحنيكالىق قويماعا جونەلتىلەدى. ول جەردەگى سۋ تولىقتاي كۇردەلى زالالسىزداندىرۋ كەزەڭدەرىنەن وتەدى. «سورعى-سۇزگىش ستانتسياسىندا توقتاۋسىز جۇمىس جۇرگىزىلەدى: سۋ حلورلانادى، كواگۋلياتسيالانادى، تۇندىرادى، سۇزىلەدى، قايتادان حلورلانادى. قۇبىر سۋىنىڭ ساپاسى وڭدەۋدىڭ بارلىق كەزەڭدەرىندە ۇنەمى تەكسەرۋلەردەن وتەدى» دەدى «استانا سۋ ارناسى»-نىڭ ماماندارى.
اۋىزسۋ، سۋ كوزدەرى جانە مينەرالدى سۋدىڭ ساپاسىن باقىلاۋ سىناق زەرتحاناسىنىڭ جەتەكشىسى ۋاسيلا اۋەزوۆانىڭ ايتۋىنشا، ميكروبيولوگيالىق كورسەتكىشتەرى تاۋلىگىنە 1 رەت، ورگانولەپتيكالىق كورسەتكىشتەرى ء(يىسى، لايلىعى، ءتۇسى) – تاۋلىگىنە 6-12 رەت، قالدىق حلور ساعات سايىن انىقتالادى. سونىمەن قاتار ءسورعى-سۇزۋ ستانتسياسىندا كۇن سايىن 800 حيميالىق جانە 100 باكتەريولوگيالىق تالداۋ جۇرگىزىلەدى ەكەن. «زەرتحانالىق زەرتتەۋ ناتيجەلەرى قۇبىر سۋى №209 سانيتارلىق ەرەجەلەردىڭ تالاپتارىن شىن مانىندە قاناعاتتاندىراتىنىن كورسەتتى. ءبىزدىڭ سۋلارىمىزدىڭ ساپاسىن ساراپتاعان قر سانيتارلىق قىزمەتى مەن مەملەكەتتىك ستاندارتى ەلوردانىڭ سۋى ءقاۋىپسىز دەگەن شەشىم جاساعان».
قالا تۇرعىندارىنىڭ اۋىزسۋ ساپاسى جونىندە «قۇبىردان كەلەتىن سۋدىڭ ساپاسى ويداعىداي ەمەس، ۇنەمى حلوردىڭ ءيىسى شىعىپ تۇرادى» دەگەن ماسەلەنى كوپ ايتادى. بۇل ماسەلە توڭىرەگىندە دە ارناۋلى توقتالعان مامان قۇبىر سۋىنىڭ ساپاسى تۇرعىندار ويلاعانداي ناشار ەمەس ەكەندىگىن جەتكىزدى. سۋدان حلور ءيىسى شىققانىمەن، بۇل سۋ – باكتەريولوگيالىق لاستانۋدان تازالانعان ستاندارتتارعا ساي سۋ. حلوردىڭ قوسپاسى دەنساۋلىققا زيان كەلتىرمەيدى. ەگەر حلوردىڭ ءيىسى بار سۋدى ىشكىسى كەلمەسە، ونى بەتى اشىق ىدىسقا قۇيىپ، تۇندىرسا بولعانى، ءيىسى از ۋاقىتتا جوعالىپ كەتەدى ەكەن. الايدا ماماندار وسىلاي دەپ، ءىشىپ وتىرعان سۋىمىزدىڭ ساپالى ەكەنىنە سەندىرگەنىمەن، قالا تۇرعىنداردىڭ كوبى ۇيىنە سۋسۇزگىشتى مىندەتتى تۇردە ورناتادى. ەلورداداعى «ساۋران» كوشەسىنىڭ بويىنداعى 5 عيماراتتا 532 پاتەر ورنالاسسا، سول پاتەرلەردىڭ 70 پايىزدان استامى ۇيلەرىنە ارنايى سۋ تازارتۋ جابدىقتارىن ورناتقانى انە سونىڭ ايعاعى.
دەمەك، ماماندار پىكىرىنە جۇگىنسەك، باس قالامىزداعى سۋدى الاڭسىز تۇتىنا بەرۋگە بولادى. قاتتى قاجەت بولماسا ۇيگە قىمبات سۋسۇزگىش (فيلترلەر) ورناتۋدىڭ نەمەسە دۇكەندەگى دايىن سۋدى ساتىپ الىپ قاراجات شىعىنداۋدىڭ قاجەتى جوق. ۇيگە كەلەتىن سۋدى قايناتىپ السا دا جەتكىلىكتى.

جادىرا مۇراتبەكوۆا


كەلۋ قاينارى: http://www.elarna.net/koru.php?tur=7&id=1064510

پىكىرلەر:

juz dep sifirmen jazingiz.