كومپيۋتەر نۇسقاسى Компйутер нұсқасы

قولايلى بەت | بۇگىنگى | كەشەگى | جالپى مالىمەت

ەل-ارناعا تىزىمدەلىڭىزدەر ...
قازاقتىڭ 1001 ەرتەگىسى
СанақКелген (IP)Көрілген (PWs)КомпйутерҚолфон
2019-11-171215391738 %62 %
2019-11-181794515640 %60 %
2019-11-19604179751 %49 %

مارافونشى ارداگەر – استانا اقشامى


ءتۇرى: اقجول تور ماقالالارى

ۋاقىتى: 01:15 - 2019/10/26

: PDF Download - Жұктеұ - Скачать - ءتۇسىرۋ

elarna.net Printed Version.مارافونشى ارداگەر – استانا اقشامى

سالتانات تۇيتەباەۆ – قارتتىق جاسقا جەتىپ قالعانىنا قاراماستان سپورتتى جانىنا سەرىك ەتىپ جۇرگەن جان. ول جاقىندا عانا نيدەرلاندى استاناسى امستەردامدا حالىقارالىق مارافونعا قاتىسىپ كەلدى. وسى جارىستا استانالىق مارافونشى نيۋ-يورك مارافونىنا 75 جاستان اسقاندار توبىندا قاتىسۋ ءنورماتيۆىن ورىندادى.

جىل سايىن وتەتىن «التىن لەيبل» مارتەبەسى بار امستەردام مارافونىنا بيىل 13480 سپورتشى قاتىسقان. العاش رەت بۇل مارافون 1928 جىلى 5 تامىز­دا جازعى وليمپيادا اياسىندا ۇيىمداستىرىلعان ەكەن.
سالتانات اعا بۇعان دەيىن 70 جاستاعىلار اراسىندا جۇگىرىپ جۇرگەن ەدى. سوڭعى بەس جىلدىڭ ىشىندە ول تالاي جەتىستىكتەردى باعىندىردى. اۆستراليادا مارافوننان ارداگەرلەر اراسىندا وتكەن الەم چەمپيوناتىندا كۇمىس جۇلدەگەر اتاندى، جاڭا زەلانديا­دا ارداگەرلەر اراسىنداعى وليمپيادا چەمپيونى بولدى. سينگاپۋرداعى حالىقارالىق مارافوننىڭ جەڭىس تۇعىرىنا كوتەرىلدى. دۋباي، انتاليا، دوحادا مارافوندارىندا باس جۇلدەنى قانجىعاسىنا بايلاسا، يسپانيادا وتكەن جارىستىڭ كۇمىس جۇلدەسىن يەلەندى.
قارت سپورتشىنىڭ وسى جەتىستىكتەرىمەن توقتالىپ قالاتىن ءتۇرى جوق. ەندى نيۋ-يورك مارافونىندا 75 جاستان اسقان ارداگەرلەر اراسىندا باعىن سىناپ كورمەكشى. بۇل جارىسقا 52 مىڭ ادام قاتىسادى دەپ كۇتىلىپ وتىر. بۇل دا – اتاعى الىسقا جايىلعان جارىس. نيۋ-يورك مارافونى 1896 جىلى باستالعان. س.تۇيتەباەۆ وسى مارافوندا جاقسى ناتيجە كورسەتىپ، 2021 جىلى جاپونيادا وتەتىن ارداگەرلەر اراسىندا وليمپياداعا قاتىسۋدى قازىردەن-اق جوسپارلاپ ءجۇر.
سالاۋاتتى ءومىر سالتىن ءومىرىنىڭ وزەگىنە اينالدىرعان، حالىقارالىق دارەجەدەگى سپورت شەبەرى مارافون جارىستارىنا قاتىسۋعا ءاردايىم قولداۋ كورسەتىپ جۇرگەن مادەنيەت جانە سپورت باسقارماسى باسشىسىنىڭ ورىنباسارى بەرىك مارجىقپاەۆقا العىس ايتقىم كەلەدى دەيدى جەڭىستەرىنە مارقايىپ.

راسۋل ايتقوجا


كەلۋ قاينارى: http://www.elarna.net/koru.php?tur=7&id=1064495

پىكىرلەر:

juz dep sifirmen jazingiz.