كومپيۋتەر نۇسقاسى Компйутер нұсқасы

قولايلى بەت | بۇگىنگى | كەشەگى | جالپى مالىمەت

ەل-ارناعا تىزىمدەلىڭىزدەر ...
قازاقتىڭ 1001 ەرتەگىسى
СанақКелген (IP)Көрілген (PWs)КомпйутерҚолфон
2019-07-15525205545 %55 %
2019-07-16613359642 %58 %
2019-07-17303105932 %68 %

ۇلىقتاۋ ءراسىمى 12 ماۋسىمدا وتەدى – استانا اقشامى


ءتۇرى: اقجول تور ماقالالارى

ۋاقىتى: 01:30 - 2019/06/11

: PDF Download - Жұктеұ - Скачать - ءتۇسىرۋ

elarna.net Printed Version.ۇلىقتاۋ ءراسىمى 12 ماۋسىمدا وتەدى – استانا اقشامى

قر پرەزيدەنتى كەشە اقوردادا جۋرناليستەرمەن جۇزدەسىپ، سايلاۋدىڭ جوعارى دەڭگەيدە، اشىق جانە ءادىل وتكەنىن مالىمدەدى. ول سايلاۋ قورىتىندىلارى جاريا بولعاندا اسقان سابىرلىق تانىتقانىن جەتكىزدى. «بۇل سايلاۋ­عا 1000-نان اسا حالىقارالىق باقىلاۋشى، 350-گە جۋىق جۋرناليست باقىلاۋ جاسادى. ونىڭ ءادىل بولعانىن بارلىق ۇمىتكەرلەرگە تەڭ دارەجەدە مۇمكىندىك بەرىلگەنىنەن كورەمىز. ءوزىنىڭ داۋىسىن بەرىپ، مەنى قولداعان بارشا قازاقستاندىقتارعا العىس ايتامىن! وزىمە بەرىلگەن حالىقتىڭ سەنىمىن الداعى 5 جىلدا تولىق اقتاۋعا ۋادە ەتەمىن» دەدى ق.توقاەۆ.

مەملەكەت باسشىسى جۋرناليستەردىڭ وزىنە قويعان الۋان ءتۇرلى ساۋالدارىنا سابىرمەن، تولىققاندى جاۋاپ بەردى. سايلاۋ كۇنى ەلوردادا جانە الماتىدا وتكەن قارسىلىق اكتسيا­لارى «كەيبىر ازاماتتاردىڭ ومىرىنە ءقاۋىپ توندىرگەنىن» جەتكىزدى. «الماتى مەن ەلوردادا ءبىرقاتار ازاماتتار ءوزىنىڭ كوزقاراسىن ءبىلدىرۋ ءۇشىن كوشەگە شىقتى. زاڭ تۇرعىسىنان الساق، باس پروكۋراتۋرانىڭ ەسكەرتۋلەرىنە قاراماستان، بۇل ارەكەت زاڭسىز دەپ تابىلۋى مۇمكىن. ەلىمىزدە ءار ادامنىڭ ءوزىنىڭ ويىن، كوزقاراسىن ەرىكتى تۇردە بىلدىرۋگە مۇمكىندىك بەرىلگەن. الايدا كەيبىر ازاماتتار وزدەرىن لايىقسىز جاعىنان كورسەتىپ، پوليتسيا قىز­مەتكەرلەرىن ارانداتتى. وكىنىشكە قاراي، ولار سىرتتان كەلگەن اقپاراتتى پايدالانىپ، زاڭسىز ارەكەتتەرگە باردى. سول ارقىلى وزگە ازاماتتاردىڭ قاۋىپسىزدىگىنە نۇقسان كەلتىردى» دەپ ءتۇسىندىردى. پرەزيدەنت قۇقىق قورعاۋ ورگاندارىنىڭ اسقان سابىرلىلىق تانىتقانىن، الدا دا سولاي بولاتىنىن قاداپ ايتتى.
قاسىم-جومارت كەمەلۇلى قارسىلىق كوڭىل كۇيدەگى ادامدارمەن ديالوگ ورناتۋ ويى بارىن جەتكىزدى. بۇل قادام قوعامدىق سەنىم كوميتەتى اتتى جاڭا قۇرىلىمنىڭ كومەگىمەن جۇزەگە اسىرىلماق. «ارينە، قوعامدا الۋان ءتۇرلى پىكىر بولۋى ءتيىس، ءبىراق ءبىزدىڭ ءبىر عانا ۇلتىمىز بار» دەپ تۇيىندەدى.
سونىمەن قاتار، تىلشىلەر ۇكىمەتتىڭ وتستاۆكاسى، پارلامەنتتىڭ جاڭا سايلاۋى جونىندە دە سۇراقتارىن جاۋدىردى. العاشقى ساۋالعا ق.توقاەۆ: «ەل ۇكىمەتى وتستاۆكاعا كەتپەيدى، ءبىراق ءبىرقاتار اۋىس-تۇيىستەر جاسايمىز. بيلىككە جاڭا ادامداردى، سونىڭ ىشىندە جاستار وكىلدەرىن تارتامىز. بىزگە بىلىكتى ماماندار كەرەك» دەدى. پارلامەنت سايلاۋىنا قاتىستى ساۋالعا: «بۇل سۇراققا جاۋاپ بەرۋگە دايىن ەمەسپىن. ونداي سايلاۋعا ءالى ەرتەرەك» دەپ قىسقا قايىردى.
مەملەكەت باسشىسى پرەزيدەنتتىڭ ۇلىقتاۋ ءراسىمى 2019 جىلدىڭ 12 ماۋسىمىندا وتەتىنىن حابارلادى. «ەگەر وسى كەزگە دەيىن ورتالىق سايلاۋ كوميسسياسى بارلىق زاڭعا سايكەس راسىمدەردى اتقارىپ ۇلگەرەتىن بولسا، 12 ماۋ­سىمدا وتكىزەمىز. 13-14 ماۋسىم كۇندەرى مەن حالىقارالىق سامميتتەرگە بارامىن. سول كەزدە تولىققاندى قازاقستان رەسپۋبليكاسىنىڭ پرەزيدەنتى بولىپ وتىرعانىم دۇرىس شىعار» دەپ ازىلدەدى پرەزيدەنت.
ول سونداي-اق الداعى ۋاقىتتا جۇمىستى نەدەن باستايتىنىن، قانداي نارسەلەرگە ەڭ الدىمەن كوڭىل بولەتىنىن اڭگىمەلەپ بەردى. قازىرگى كەزدە ۇزىن-سونار ءسوزدىڭ ەمەس، ناقتى ىسكە كوشەتىن كەزەڭ ەكەنىن شەگەلەپ ايتتى. «بىزگە ناقتى ىستەرگە، شەشىمدەرگە كىرىسەتىن ۋاقىت كەلدى. حالىق سونى كۇتىپ وتىر. ويتكەنى جۇرت ۇزىن-سونار باياندامالاردان، قۇرعاق ۋادەلەردەن شارشادى. سول سەبەپتەن مەن پرەزيدەنت رەتىندە ەڭ الدىمەن وسى ارەكەتكە كوشەمىن. ەلىمىزدە ءالى كۇنگە دەيىن ءتۇيىنى شەشىلمەگەن قانشاما ماسەلە بار. سىزدەر دە ونى جاقسى بىلەسىزدەر. مەديتسينانىڭ ساپاسى، تومەن جالاقى، ەكولوگيا، اۋىز سۋمەن قامتاماسىز ەتۋ سياقتى اسا ماڭىزدى ماسەلەلەردى شەشۋمەن اينالىسامىن» دەپ ءسوزىن تۇيىندەدى پرەزيدەنت.


كەلۋ قاينارى: http://www.elarna.net/koru.php?tur=7&id=1007162

پىكىرلەر:

juz dep sifirmen jazingiz.