كومپيۋتەر نۇسقاسى Компйутер нұсқасы

قولايلى بەت | بۇگىنگى | كەشەگى | جالپى مالىمەت

ەل-ارناعا تىزىمدەلىڭىزدەر ...

ماقتاارالدىڭ سپورت سالاسىندا جەتكەن جەتىستىكتەرى كوپ | قازاق گازەتتەرى


ءتۇرى: قازاق گازەتتەرى

ۋاقىتى: 12:18 - 2020/01/14

: PDF Download - Жұктеұ - Скачать - ءتۇسىرۋ

elarna.net Printed Version.


ماقتاارال اۋدانىنىڭ سپورتشىلارى 198 التىن، 245 كۇمىس، 329 قولا مەدالدارعا قول جەتكىزگەن. ونىڭ ىشىندە قر-نىڭ، الەم جانە ازيانىڭ چەمپيوندارى دا بار، دەپ حابارلادى ماقتاارال اۋدانى اكىمىنىڭ ءباسپاسوز قىزمەتى.

بۇگىنگى تاڭدا اۋداندا 3 مەملەكەتتىك مەنشىكتەگى سپورت مەكەمەلەرى تىركەلگەن. اتالعان مەكەمەلەردە سپورتتىڭ 12 ءتۇرى دامىتىلىپ، ونداعى 89 توپتاعى 49 جاتتىقتىرۋشى 1467 سپورتشىمەن جۇمىس جۇرگىزۋدە. سپورت مەكەمەسىندە سپورت تۇرلەرىمەن جاتتىعاتىن سپورتشىلار حالقارالىق، رەسپۋبليكالىق، وبلىس چەمپيوناتتارىندا ۇلكەن جەتىستىكتەرگە جەتىپ ءجۇر.

اۋداندا جالپى 245 سپورت نىسانى تىركەلگەن. ونىڭ ىشىندە 54 سپورت زال، 188 سپورت الاڭشا، 6 street-workout، 1 جەكە مەنشىكتەگى باسسەين جانە 2 ستاديون الاڭى. اتالعان سپورتتىق نىساندارعا اۋدان تۇرعىندارىنىڭ سپورتپەن شۇعىلدانۋلارىنا مۇمكىندىكتەر قاراستىرىلعان. اعىمداعى جىلدىڭ 12 ايىنىڭ قورىتىندىسى بويىنشا اۋداندا دەنە شىنىقتىرۋ جانە سپورتپەن تۇراقتى تۇردە شۇعىلدانۋشىلار سانى 39 500 ادامدى قۇراپ، اۋداندا بارلىق جاستاعى حالىقتىڭ قامتىلۋى 30%-عا جەتىپ وتىر.

2019 جىلى دەنە شىنىقتىرۋ جانە سپورت سالاسىندا قابىلدانعان ءىس-شارالار جوسپارىنا سايكەس، سپورتتىق ءىس-شارالاردىڭ بارلىعى دا «سپورت ناشاقورلىق جانە ەسىرتكى بيزنەسىنە قارسى»، «جاستار ناشاقورلىققا قارسى»، ء«بىز سىبايلاس جەمقورلىققا قارسىمىز»، «العا، جەمقورلىقسىز قازاقستان»، «لايىقتى ۇرپاق تاربيەلەيىك» جانە ت.ب. ۇراندارىمەن وتكىزىلدى. جالپى بۇقارالىق سپورتتى دامىتۋ ماقساتىندا 2019 جىلدىڭ 12 ايىندا اۋدان اۋماعىندا 200-دەن اسا بۇقارالىق سپورتتىق ءىس-شارالار وتكىزىلگەن.

اۋداندا وتكەن جىلى سپورت سالاسىندا تاريحي وقيعالار دا كوپ بولدى. سونىڭ نەگىزگىلەرىنە توقتالىپ وتەتىن بولساق، اعىمداعى جىلدىڭ 15-17 ناۋرىز كۇندەرى اتاكەنت كەنتىندەگى №2 ءبجسم-نىڭ سپورت زالىندا وبلىستىق دەنە شىنىقتىرۋ جانە سپورت باسقارماسى ۇيىمداستىرۋىمەن قول دوبىنان ءجاسوسپىرىم ۇلدار جانە قىزدار اراسىندا تۇركىستان وبلىسى چەمپيوناتى ءوتتى. اتالمىش جارىستا اۋداننىڭ قىزدار كومانداسى ءى ورىندى، ۇلدار كومانداسى ءىى ورىندى جەڭىپ الدى.

قىرعىزستان رەسپۋبليكاسىنىڭ استاناسى بىشكەك قالاسىندا دجيۋ-دجيتسۋدان وتكەن ازيا چەمپيوناتىنىڭ چەمپيونى، جەرلەسىمىز تولەگەن اتاقۇلوۆ باقىتۇلى ءساۋىر ايىندا اتاكەنت كەنتىنە كەلىپ، اۋداننىڭ جاستارى مەن جاسوسپىرىمدەرىنە ماستەر-كلاسس جۇرگىزدى. سونىمەن قاتار، ءدال وسى ايدا قر قۇراما كومانداسىنىڭ مۇشەسى، تاعى ءبىر جەرلەسىمىز تولەپ نۇريسلام الماتى قالاسىندا ۇلتتىق ات سپورت تۇرلەرىنەن وتكەن ءى ازيا چەمپيوناتىندا كوكپاردان قازاقستان جاستار ۇلتتىق قۇراماسى ساپىندا چەمپيون اتاندى.

«جاستار جىلى» اياسىندا ماۋسىم ايىندا باستالعان اۋدان اكىمىنىڭ كۋبوگىنا ارنالعان فۋتبولدان ەرەسەكتەر اراسىنداعى اۋداننىڭ اشىق بىرىنشىلىگى 3 ايعا سوزىلىپ، تامىز ايىندا اياقتالدى. اتالعان دوداعا 2 كەنت جانە 9 اۋىلدىق وكرۋگ تۇرعىندارىنان قۇرالعان كوماندالار قاتىسىپ، اۋقىمدى ءىس-شارا سپورتقا قىزىعۋشى تۇرعىنداردىڭ سانىن ارتتىردى.

قازان ايىندا العاش رەت بوكستان قىزدار اراسىندا حالىقارالىق تۋرنير ءوتتى. اتالعان ءتۋرنيردىڭ اشىلۋ سالتاناتىنا 2004 جىلى بوكستان افينا وليمپياداسىنىڭ چەمپيونى، ۆەل باركەر كۋبوگىنىڭ يەگەرى، قرەسش 1-دارەجەلى بارىس وردەنىنىڭ يەگەرى باقتيار ارتاەۆ جانە ازيا چەمپيونى، ازيا ويىندارىنىڭ چەمپيونى، قرەسش نۇرجان سمانوۆ قاتىسىپ، سپورتشىلارعا شابىتتى سوزدەرىن ارناپ، ساتتىلىك تىلەدى.



كەلۋ قاينارى: http://www.elarna.net/koru.php?tur=6&id=1095842

پىكىرلەر:

juz dep sifirmen jazingiz.