كومپيۋتەر نۇسقاسى Компйутер нұсқасы

قولايلى بەت | بۇگىنگى | كەشەگى | جالپى مالىمەت

ەل-ارناعا تىزىمدەلىڭىزدەر ...
قازاقتىڭ 1001 ەرتەگىسى
СанақКелген (IP)Көрілген (PWs)КомпйутерҚолфон
2019-09-171646515737 %63 %
2019-09-181453485241 %59 %
2019-09-1918849844 %56 %

«SAMGAU» حالىقارالىق فەستيۆالىنە 15 تەاتر قاتىسادى | قازاق گازەتتەرى


ءتۇرى: قازاق گازەتتەرى

ۋاقىتى: 12:24 - 2019/06/11

: PDF Download - Жұктеұ - Скачать - ءتۇسىرۋ

elarna.net Printed Version.


10-16 ماۋسىم ارالىعىندا نۇر-سۇلتان قالاسىندا VII «SAMGAU» حالىقارالىق تەاتر ونەرى فەستيۆال وتەدى. شارا جىل سايىن نۇر-سۇلتان قالاسى اكىمدىگىنىڭ قولداۋىمەن ۇيىمداستىرىلادى جانە ەلوردا كۇنىنە ارنالعان مەرەكەلىك شارالار لەگىن باستايدى. بۇل تۋرالى نۇر-سۇلتان قالاسىنىڭ مادەنيەت جانە سپورت باسقارماسىنىڭ ءباسپاسوز قىزمەتى حابارلايدى.

«SAMGAU» تەاتر فەستيۆالى ەلوردالىق ونەر سۇيەر قاۋىم تاعاتسىز كۇتەتىن شارالاردىڭ ءبىرى. فەستيۆالدە ەلىمىزدىڭ جانە تاياۋ شەتەلدىڭ ايتۋلى تەاتر ۇجىمدارى باس قوسادى. شارا قوناقتارى وزدەرىنىڭ ۇزدىك تۋىندىلارىن «جاستار» تەاترىنىڭ، قازاق دراما تەاترىنىڭ جانە Nomad City Hall كومەديا تەاترىنىڭ ساحنالارىندا قويادى.

بيىل تەاتر ونەرى اپتالىعىندا 15 ۇجىم ءوز ونەرلەرىن ورتاعا سالماق، ونىڭ ىشىندە بەسەۋى ەلوردالىق: «جاستار» تەاترى، م.گوركي اتىنداعى مەملەكەتتىك اكادەميالىق ورىس دراما تەاترى، ق.قۋانىشباەۆ اتىنداعى مەملەكەتتىك اكادەميالىق مۋزىكالىق دراما تەاترى، «Nomad City Hall» كومەديا تەاترى مەن قر ەڭبەك سىڭىرگەن قايراتكەرى نۇركەن وتەۋىلوۆتىڭ تەاترى «SAMGAU» فەستيۆالىنە العاش رەت ۇلەس قوسپاق. سونىمەن قاتار، حالىقارالىق شارا بارىسىندا قازاقستاننان ن.پوگودين اتىنداعى سولتۇستىك قازاقستان دراما تەاترى (پەتروپاۆل)، «جاڭا عاسىر» تەاترى (الماتى ق.)، ج. ايماۋىتوۆ اتىنداعى پاۆلودار وبلىستىق قازاق مۋزىكالىق دراما تەاترى (پاۆلودار ق.)، س.سەيفۋللين اتىنداعى وبلىستىق قازاق دراما تەاترى (قاراعاندى ق.)، شىعىس قازاقستان وبلىسىنىڭ دراما تەاترى (وسكەمەن) شاقىرىلدى. ال، شەتەلدىك قاتىسۋشىلاردىڭ اراسىندا وزبەكستان مەملەكەتتىك دراما تەاترى (تاشكەنت ق.)، «ۋ موستا» پەرم تەاترى (رەسەي، پەرم ق.)، جاڭا كوركەم تەاترى (رەسەي، چەليابى)، «Pilies» تەاترى (ليتۆا، كلايپەدا ق.)، ب. كىدىكەەۆا اتىنداعى قىرعىز مەملەكەتتىك جاس كورەرمەن تەاترى (قىرعىزستان، بىشكەك ق.) بار.

كورەرمەندەر «ايمان-شولپان»، «وتەتس»، «رومەو ي دجۋلەتتا»، «كاراگوز»، «ۆەنەتسيانسكيە بليزنەتسى»، «ترۋففالدينو – سلۋگا دۆۋح گوسپود»، «لەيلي-مەدجنۋن»، «دجۋت» سپەكتاكلدەرىن، «ريچارد III» رەكۆيەمىن جانە باسقا دا قويىلىمداردى تاماشالايدى. VII «SAMGAU» حالىقارالىق تەاتر ونەرى فەستيۆالى اياسىندا سپەكتاكل كورسەتىلىمدەرىنەن باسقا، ساحنا مايتالماندارى اكتەرلىك شەبەرلىك پەن رەجيسسۋرادان شەبەرلىك دارىستەرىن وتكىزەدى. فەستيۆال بويىنشا تولىق اقپارات نۇر-سۇلتان قالاسىنىڭ مادەنيەت جانە سپورت باسقارماسىنىڭ www.madeniet-sport-astana.kz سايتىندا ۇسىنىلعان.

بيىل فەستيۆالدە قازىلار القاسىنىڭ قۇرامىندا تەاتر ونەرىنىڭ كورنەكتى قايراتكەرلەرى، ونىڭ ىشىندە تەاترتانۋشى، تەاتر سىنشىسى، دراماتۋرگ، ع.مۇسىرەپوۆ اتىنداعى بالالار مەن جاسوسپىرىمدەر قازاق مەملەكەتتىك اكادەميالىق تەاترىنىڭ كوركەمدىك جەتەكشىسى ەركىن جۋاسبەك، ق.قۋانىشباەۆ اتىنداعى مەملەكەتتىك اكادەميالىق قازاق مۋزىكالىق دراما تەاترىنىڭ كوركەمدىك جەتەكشىسى، تەاترا جانە كينو رەجيسسەرى، قازاقستاننىڭ حالىق ءارتيسى تالعات تەمەنوۆ، ونەرتانۋ دوكتورى، تەاتر سىنشىسى، گيتيس – رەسەي تەاتر ونەرى ينستيتۋتىنىڭ پروفەسسورى – نينا شاليموۆا، تەاتر سىنشىسى، ونەرتانۋ كانديداتى،

ت.جۇرگەنوۆ اتىنداعى قازاق ۇلتتىق ونەر اكادەمياسىنىڭ دوتسەنتى انار ەركەباي جانە ركفسر ەڭبەك سىڭىرگەن ءارتيسى، رەسەي حالىق ءارتيسى، «التىن ۆيتياز» حالىقارالىق كينوفورۋمىنىڭ پرەزيدەنتى نيكولاي بۋرلياەۆ تورەلىك ەتەدى.

ايتا كەتەيىك، «SAMGAU» حالىقارالىق تەاتر ونەرى فەستيۆالى قازاقستاننىڭ استاناسىندا 2010 جىلدان بەرى وتكىزىلىپ كەلەدى. وسى كۇنگە دەيىن شاراعا قازاقستاننىڭ ايماقتىق تەاترلارى – پاۆلودار، قاراعاندى، سولتۇستىك قازاقستان، قوستاناي، ماڭعىستاۋ، وڭتۇستىك قازاقستان، جامبىل، شىعىس قازاقستان، باتىس قازاقستان، اقمولا، اقتوبە، سولتۇستىك قازاقستان وبلىستارىنىڭ، سونىمەن قاتار اقتاۋ، اتىراۋ، الماتى، جەزقازعان، تالدىقورعان، تۇركىستان، ورال، وسكەمەن، شىمكەنت، سەمەي قالالارىنىڭ شىعارماشىلىق ۇجىمدارى قاتىسقان. بۇدان باسقا، ورتالىق ازيا، رەسەي، ليتۆا، تۇركيا، داعىستان، گرۋزيا، ۋكراينا جانە سەربيا ەلدەرىنىڭ تەاتر ۇجىمدارى فەستيۆالدە ءوز ونەرلەرىن ورتاعا سالدى.



كەلۋ قاينارى: http://www.elarna.net/koru.php?tur=6&id=1007316

پىكىرلەر:

juz dep sifirmen jazingiz.